12/05/2025
واحد اسمو حسون رسل لعمتو رساله قاليها جمعه بخيته وسعيده عليك
ولدها الشفقان بقرا ليها في الرساله قاليها محمد بقول ليك عم جمعه ومعاهو بخيته وسعيده جاين عليك
انتي يا امي ديل منو وجايين لشنو 🤔
قالت ليهو بري والله م بعرفهم..
البت الاشفق من اخوها اتكشمت وخجلت
وقالت لامها ياامي ديل اهل حسون جايين يتكلمو فيني
ايووووووي الام زغردت وجروا صحو ابوهم كلموهو وقام عمك حلف طلاق قال انا م عندي خطوبه وكلام فارغ يوم في الحدايق ويوم في المنتزه اول م يجو نعقد طوالي
ورسل لاخوانه واخواتو واصحابو وناس الفريق والحله
اخوها الشفقان قام حجز الساوند وبتاع الاورغن والفنان ورسل رسايل لزملاهو في الجامعه قال ليهم العقد بتاع اختي الليله بعد صلاة العصر في البيت والكتمه جاييب ليها 6 فنانين
والبت ست الشفقه كلمت صاحباتها
وساقوها بيت جيرانهم ولمو ليك فيها حكحيك وصنفره بقت ترقش
وجابو الكيك والعصائر والحلويات
وترانا منتظرين م عارفين عم جمعه وبخيته وسعيده اتأخرو مالهم ويشيلو ويضربو للسيد حسون وحسون تلفونو مقفول 😆
بالله عليكم العندو رقم تاني لحسون يرسلو لينا🐸🐸😂😂
#المسـتشــار
