12/01/2026
له جوی شیر څخه تر پُل آرتل پورې د سړک جوړولو او پراختیا چارې روانې دي!
د ښاري زیربناوو د پراختیا او د ګڼه ګوڼې د کمښت په موخه، له جوی شیر څخه تر پُل آرتل پورې د سړک جوړولو او پراختیا چارې روانې دي او ټاکل شوې ده یاد سړک د راتلونکي کال په پسرلي کې قیر کولو ته چمتو شي.
دغه سړک چې، ۸۶۰ متره اوږدوالی او ۴۵ متره سور لري، د ۲۷۳ مترو په اوږدوالي یوه کانال، د ۹۵ مترو په اوږدوالي استنادي دېوال، لښتیو، پلیو لارو، څراغونو او په سړک دکرښو اچولو په ګډون ډیزاین شوی دی او د کار له کیفیت څخه یې د برنامو او پروژو د تنظیم ریاست انجنیران په دوامداره توګه فني او تخنیکي څارنې ترسره کوي.
د دې پروژې په بشپړېدو سره به له یوې خوا د ښار په مرکزي برخو کې ترافیکي ګڼه ګوڼه کمښت ومومي او بله خوا به ښاریانو ته د تګ راتګ په برخه کې ګڼې آسانتیاوې رامنځته شي.
________