Sub

Sub سب سے آگے!

ٹیکسلا: تھانہ ٹیکسلا کی حدود میں مشہور ٹک ٹاکر شمسو بی بی عرف عائشہ کو فائرنگ کرکے قتل کردیا گیا، جبکہ واقعے میں ان کی 1...
15/08/2026

ٹیکسلا: تھانہ ٹیکسلا کی حدود میں مشہور ٹک ٹاکر شمسو بی بی عرف عائشہ کو فائرنگ کرکے قتل کردیا گیا، جبکہ واقعے میں ان کی 15 سالہ بہن بھی زخمی ہوگئی۔

پولیس کے مطابق شمسو بی بی کو گردن میں گولی لگی۔ ایف آئی آر کے مطابق انہیں فون کرکے گھر سے بلایا گیا تھا، جس کے بعد وہ بھائی کے ہمراہ گاڑی میں روانہ ہوئیں۔ نجی پیٹرول پمپ کے قریب موٹرسائیکل سوار ملزمان نے گاڑی پر فائرنگ کردی، جس سے گاڑی بے قابو ہوکر ڈمپر سے جا ٹکرائی اور مقتولہ کی بہن اسمیہ زخمی ہوگئی۔

مقتولہ گزشتہ 4 سال سے ٹک ٹاک پر سرگرم تھیں اور ان کے فالوورز کی تعداد 13 لاکھ سے زائد تھی۔ والد کی درخواست پر مقدمہ درج کرلیا گیا ہے، جبکہ ایف آئی آر میں مبینہ لین دین کے تنازع اور دھمکیوں کا ذکر کیا گیا ہے۔ پولیس نے ملزمان کی گرفتاری اور قتل کی وجوہات جاننے کے لیے تفتیش شروع کردی ہے۔

شہباز شریف سے کہوں گا کہ آزاد کشمیر کی حکومت کو ضرور ہیلی کاپٹر دیں تاکہ وزیراعظم آزاد کشمیر لوگوں میں گھل مل سکے اور لو...
15/08/2026

شہباز شریف سے کہوں گا کہ آزاد کشمیر کی حکومت کو ضرور ہیلی کاپٹر دیں تاکہ وزیراعظم آزاد کشمیر لوگوں میں گھل مل سکے اور لوگ بھی چوکنے ہوں گے کہ ہمارا وزیراعظم ہمیں کسی بھی وقت چیک کر سکتا ہے، نواز شریف

مجھے ایک بڑے بندے نے کہا کہ عمران خان نشہ کرتا ہے۔ میں نے اس سے کہا کہ خدا کا خوف کرو، جو بندہ اس عمر میں ویٹ پہن کر نتھ...
15/08/2026

مجھے ایک بڑے بندے نے کہا کہ عمران خان نشہ کرتا ہے۔ میں نے اس سے کہا کہ خدا کا خوف کرو، جو بندہ اس عمر میں ویٹ پہن کر نتھیا گلی کے پہاڑ چڑھ جاتا ہے، آپ کے بیچارے SSG کے کمانڈو پیچھے رہ جاتے تھے، کیا وہ نشہ
کرتا ہوگا! فواد چودھری

خیبر پختونخواحکومت نے وفاق کی ہدایت پر وفاقی مالیاتی منتقلی میں ⁦6.4⁩ ارب روپے کی کٹوتی سے انکار کر دیا۔ وزیر اعلی سہیل ...
15/08/2026

خیبر پختونخواحکومت نے وفاق کی ہدایت پر وفاقی مالیاتی منتقلی میں ⁦6.4⁩ ارب روپے کی کٹوتی سے انکار کر دیا۔ وزیر اعلی سہیل آفریدی کے مطابق وفاق نے بجٹ سے قبل خیبر پختو نخوا سے اضافی رقم کا تقاضہ کیا تھا، ایف بی آرکا 15,260 ارب روپے کا ہدف حاصل ہونے پر خیبر پختو نخوا کا حصہ 175 ارب روپے بنتا تھا ، اضافی رقم کی فراہمی کو بانی پی ٹی آئی سے ملاقات اور ان کی اجازت سے مشروط کیا تھا۔ تفصیل کمنت میں ۔۔۔

ڈیرہ غازی خان: ضلع کونسل ڈیرہ غازی خان کی جانب سے پاکستان چوک پر ایک قومی پرچم اور پول کی تنصیب کے لیے 19 لاکھ 10 ہزار 8...
15/08/2026

ڈیرہ غازی خان: ضلع کونسل ڈیرہ غازی خان کی جانب سے پاکستان چوک پر ایک قومی پرچم اور پول کی تنصیب کے لیے 19 لاکھ 10 ہزار 800 روپے جبکہ تونسہ شریف کے جہاز چوک پر الیکٹرک ڈسپلے سائن بورڈ کی تنصیب کے لیے 16 لاکھ 87 ہزار 500 روپے کی تخمینی لاگت مقرر کی گئی ہے۔

دونوں منصوبوں پر مجموعی طور پر 35 لاکھ 98 ہزار 300 روپے خرچ کا تخمینہ دیا گیا۔

ایک جانب حکومت کی جانب سے کفایت شعاری اور سرکاری وسائل کے محتاط استعمال کی ہدایات دی جا رہی ہیں، تو دوسری جانب قومی خزانے سے ان منصوبوں پر لاکھوں روپے کے اخراجات نے سوالات اٹھا دیے ہیں۔

شہری حلقوں کا کہنا ہے کہ قومی پرچم اور سائن بورڈ کی تنصیب اپنی جگہ، تاہم سرکاری وسائل کے استعمال میں یہ دیکھنا ضروری ہے کہ آیا اتنی بھاری رقم خرچ کرنا واقعی ناگزیر ہے۔ شہریوں نے مطالبہ کیا ہے کہ سرکاری فنڈز کے استعمال میں غیر ضروری اخراجات سے گریز کرتے ہوئے کفایت شعاری کو عملی طور پر یقینی بنایا جائے۔

15/08/2026

لوگوں کو پتہ ہی نہیں کہ نواز شریف جامعہ نعیمیہ کے پڑھے ہوئے اور نعیمی صاحب کے شاگرد ہیں۔ جمعے کو ان کی والدہ سرمہ لگا کر مسجد بھیجتی تھیں کہ آج اسپیکر پر نعت پڑھو، میں سنوں گی۔ سیاست کے ہتھے چڑھے تو لوگوں نے کیا سے کیا بنا دیا! — کیپٹن صفدر

سینئر صحافی نجم سیٹھی کا کہنا ہے کہ ابھی اسٹیبلشمنٹ کی کوشش ہو گی کہ یہ ترمیم میں تحریک انصاف کا بھی حصہ ہو، پی ٹی آئی ...
15/08/2026

سینئر صحافی نجم سیٹھی کا کہنا ہے کہ ابھی اسٹیبلشمنٹ کی کوشش ہو گی کہ یہ ترمیم میں تحریک انصاف کا بھی حصہ ہو، پی ٹی آئی اور عمران خان آن ریکارڈ ہیں کہ ہم لوگ اس 32 صوبوں کی حمایت کرتے ہیں،لیکن پارٹی عمران خان کی مرضی کے بغیر اس کا اعلان نہیں کر سکتی لیکن ظاہر ہے کہ عمران خان ڈیل کے بغیر اس کی منظوری نہیں دیں گے، میرا خیال ہے کہ یہ چاہیں گے کہ اب عمران خان کے ساتھ کچھ بات آگے بڑھے، اب میں سمجھتاہوں کہ سہیل آفریدی کی عمران خان سے ملاقات ہوجائے گی، سہیل آفریدی نے لانگ مارچ کی تاریخ 27 ستمبر دی ہے اور کافی وقت دیدیا ہے تاکہ پردے کے پیچھے جو معاہدہ ہواہے اس پر عملدرآمد ہو سکے، عدالت میں عمران خان کی پٹیشن سننے کیلئے نیا بنچ بنا ہے، وہ آزاد بینچ ہے اور جب بینچ آزاد ہوتاہے تو وہ میرٹ پر فیصلہ کرتے ہیں

سابق ڈی جی انٹیلیجنس بیورو اختر حسن گورچانی نے سرکاری افسران، وزیروں اور مشیروں میں ایوارڈز کی تقسیم پر سوالات اٹھاتے ہ...
15/08/2026

سابق ڈی جی انٹیلیجنس بیورو اختر حسن گورچانی نے سرکاری افسران، وزیروں اور مشیروں میں ایوارڈز کی تقسیم پر سوالات اٹھاتے ہوئے کہا ہے کہ ان ایوارڈز کی اکثریت محض ذاتی پسند ناپسند پر مبنی ہوتی ہے۔

انہوں نے اپنے ایک بلاگ میں لکھا ہے کہ

"آجکل وزیروں، مشیروں اور سرکاری افسروں میں جس تھوک کے حساب سے ایوارڈ تقسیم کئے جا رہے ہیں تو یہ کوئی نئی بات نہیں۔ ان ایوارڈز کی اکثریت فقط ذاتی پسند ناپسند پر مبنی ہوتی ہے۔ میں سمجھنے سے قاصر ہوں کہ وزیر خزانہ یا دیگر وزیروں مشیروں نے کونسا کارنامہ سرانجام دیا ہے جس کے صلے میں انہیں تمغوں سے نوازا گیا ہے۔

مجھے مئی ۱۹۹۸ کا ہائی جیکنگ والا واقعہ یاد آ رہا ہے جب اتنے بڑے کارنامے کے بعد میرے اور اے ایس پی ڈاکٹر عثمان انور (موجودہ ڈی جی ایف آئی اے) کیلئے قائداعظم پولیس میڈل کی سفارش ہوئی تو میرا نام محض ذاتی ناپسندیدگی کے باعث ڈراپ کر دیا گیا تھا لیکن اللہ بے نیاز ہے، اس وقت حیدرآباد اور سندھ کے عوام نے ہماری بے تحاشا پذیرائی کی، آئے دن ہمارے اعزاز میں تقریبات منعقد ہو رہی تھیں، ہماری تاج پوشیاں کی گئیں تو اب محسوس ہوتا ہے کہ عوام کی طرف سے ملنے والی وہ حقیقی عزت ہمارے لئے ان لوٹ سیل والے ایوارڈز اور تمغوں سے کہیں زیادہ قیمتی اثاثہ ہیں۔"

ترکیہ کے شہر استنبول میں 15 جولائی شہداء پل کو پاکستانی پرچم کے رنگوں سے روشن کر دیا گیا۔ 🇵🇰🇹🇷 اس موقع پر پاکستان کو یوم...
14/08/2026

ترکیہ کے شہر استنبول میں 15 جولائی شہداء پل کو پاکستانی پرچم کے رنگوں سے روشن کر دیا گیا۔ 🇵🇰🇹🇷
اس موقع پر پاکستان کو یومِ آزادی کی گرمجوشی سے مبارکباد بھی پیش کی گئی۔

14/08/2026

مظفرگڑھ کینال سانحہ: 4 دن بعد بھی 3 افراد لاپتہ، اہلِ علاقہ اپنی مدد آپ کے تحت تلاش میں مصروف، جبکہ ریسکیو اہلکار تاش کھیل کر ریلیکس ہوتے رہے، شہریوں کی وزیراعلیٰ سے شکایت

Address

Hor Al Anz
Dubai

Telephone

+923106100915

Website

Alerts

Be the first to know and let us send you an email when Sub posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sub:

Shortcuts

Share

Category