15/03/2026
BAKIT LUBOS NA APEKTADO NG GIYERA SA MIDDLE EAST ANG PILIPINAS? (Dapat mong malaman ‘to)
Kapag may giyera o tensyon sa Middle East, halos agad nating nararamdaman ang epekto sa Pilipinas lalo na sa presyo ng gasolina. Pero bakit nga ba?
1. Umaasa ang Pilipinas sa imported na langis.
Halos 90% ng langis na ginagamit sa bansa ay inaangkat mula sa ibang bansa. Ibig sabihin, kapag tumaas ang presyo ng langis sa world market dahil sa giyera o tensyon, automatic na tataas din ang presyo sa Pilipinas.
2. Kaunti na lang ang refinery sa bansa
Mayroon na lamang isang malaking refinery na nagpo-process ng langis sa Pilipinas. Dahil dito, mas malaki ang pagdepende natin sa imported na refined fuel.
3. Archipelago ang Pilipinas
Dahil hiwa-hiwalay ang mga isla, mas mahal ang transportasyon at distribusyon ng langis ikumpara sa ibang bansa.
4. Deregulated ang oil industry
Sa ilalim ng Oil Deregulation Law, malaya ang oil companies na mag-adjust ng presyo batay sa global market, kaya mabilis din magbago ang presyo ng gasolina.
Ano ang ginagawa ng gobyerno?
May ilang hakbang tulad ng fuel subsidies sa transport sector, monitoring ng supply, at pag-aaral sa strategic fuel reserves. Pero dahil import-dependent ang bansa, limitado rin ang kontrol sa global oil prices.
Ang realidad:
Matindi ang epekto ng tensyon sa bansa dahil ito ay “structural dependency sa imported oil”. Sensitibo tayo sa Global Oil Crisis.
Hangga’t hindi napapalakas ang local energy sources, tulad ng renewable energy o mas malaking strategic fuel reserves, mananatili tayo sa ganitong sitwasyon magpakailanman.
Kaya kapag may giyera sa Middle East, hindi lang iyon balita sa TV, radio, pahayagan o social media, direktang epekto iyon sa BULSA ng bawat Pilipino.
