24/02/2026
لاری اڈہ مانسہرہ کے قریب واقع گرین پیلس ہوٹل میں ایک خواجہ سرا کی لاش کمرے سے برآمد ہوئی ہے۔
تفصیلات کے مطابق خواجہ سرا نے گرین پیلس ہوٹل میں کمرہ کرایہ پر لے رکھا تھا جہاں وہ مردہ حالت میں پایا گیا۔ واقعے کی اطلاع ملتے ہی لاری اڈہ پولیس نفری کے ہمراہ موقع پر پہنچ گئی اور جائے وقوعہ سے شواہد اکٹھے کرلیے
پولیس کے مطابق ابتدائی طور پر موت کی وجوہات کا تعین نہیں ہو سکا، تاہم لاش کو قانونی کارروائی اور پوسٹ مارٹم کے لیے اسپتال منتقل کر دیا گیا ہے۔ ہوٹل انتظامیہ اور دیگر افراد سے پوچھ گچھ بھی کی جا رہی ہے۔
۔ پولیس کا کہنا ہے کہ واقعے کی ہر پہلو سے تحقیقات کی جا رہی ہیں۔
