Swabi Media

Swabi Media صوابی گروپ آف سوشل میڈیا
صوابی کا سب سے بڑا نیوز نیٹ ورک

(((صوابی کے ہونہار طالبعلم شہریار خان کا اعزاز)))صوابی کے گاؤں کالا محلہ شمشہ خیل سے تعلق رکھنے والے باصلاحیت نوجوان شہ...
22/11/2025

(((صوابی کے ہونہار طالبعلم شہریار خان کا اعزاز)))
صوابی کے گاؤں کالا محلہ شمشہ خیل سے تعلق رکھنے والے باصلاحیت نوجوان شہریار خان ولد محمد اسرار نے اعلیٰ تعلیم کے میدان میں ایک اور قابلِ فخر سنگِ میل عبور کرلیا۔ شہریار خان نے یونیورسٹی آف اسٹیَرلنگ، اسکاٹ لینڈ سے ماسٹر آف سائنس (Environmental Management) کی ڈگری بااعزاز مکمل کرلی، جس پر علاقے بھر میں خوشی اور فخر کا اظہار کیا جا رہا ہے۔اعلیٰ تعلیم کے اس اہم مرحلے کی تکمیل پر شہریار خان نے اپنی کامیابی کو والد محترم اور بڑے بھائی کی مسلسل سپورٹ، رہنمائی اور دعاؤں کا نتیجہ قرار دیا۔ ان کا کہنا ہے کہ خاندان کی حوصلہ افزائی نے انہیں ہمیشہ آگے بڑھنے کا حوصلہ دیا اور مشکل مراحل میں مضبوط رکھا۔شہریار خان نے اپنے جذبات کا اظہار کرتے ہوئے کہا:
"میری کامیابی میرے والد اور بھائی کی محنت، دعاؤں اور اعتماد کا ثمر ہے۔ میں وطن واپس آکر اپنے علم کو ماحولیات کے شعبے میں بہتری اور خدمت کے لیے استعمال کرنا چاہتا ہوں۔گاؤں کے عمائدین، اساتذہ، دوستوں اور رشتہ داروں نے شہریار خان کو اعلیٰ تعلیم مکمل کرنے پر مبارکباد دی اور امید ظاہر کی کہ وہ مستقبل میں ملک و قوم کا نام روشن کرتے رہیں گے۔یہ کامیابی نہ صرف شہریار خان کے لیے اعزاز ہے بلکہ پورے علاقے کے نوجوانوں کے لیے بھی ایک روشن مثال ہے کہ محنت، لگن اور خاندانی رہنمائی کے ساتھ بڑے خواب حقیقت میں بدلے جاسکتے ہیں۔(شہزادآزاد یوسفزئی صوابی میڈیا).

(صوابی میں فیملی کیئر ہسپتال کا باقاعدہ افتتاح ہوگیا)صوابی:آج صوابی میں کالا پل کے قریب ایک منفرد اور تمام جدید سہولیات ...
22/11/2025

(صوابی میں فیملی کیئر ہسپتال کا باقاعدہ افتتاح ہوگیا)
صوابی:آج صوابی میں کالا پل کے قریب ایک منفرد اور تمام جدید سہولیات سے آراستہ بہترین ہسپتال"فیملی کیئر"کا افتتاح ایم ایس ڈسٹرکٹ ہسپتال صوابی آصف احمد کے دست مبارک پر ہوا۔افتتاحی تقریب میں ڈاکٹرزحضرات سمیت مختلف مکاتب فکرسے تعلق رکھنے والے افراد نے کثیر تعداد میں شرکت کی۔اس پروقار تقریب کا باقاعدہ آغاز تلاوت کلام پاک سے کیاگیاجبکہ بعد میں ہسپتال کے ایچ آر منیجر ارسلان فاروق نے ہسپتال کے اعراض ومقاصد سمیت مریضوں کیلئے ہسپتال میں موجود سہولیات کے حوالے سے شرکاء کو آگاہ کیا۔اس موقع پر فیملی کیئر ہسپتال کے چیف ایگزیکٹیو آفیسر عابدندہم اور منیجنگ ڈائریکٹر ہارون خان نے صوابی میڈیاسے گفتگوکرتے ہوئے کہاکہ ضلع صوابی میں صحت کے شعبے میں فیملی کیر ہسپتال ایک منفرد کردار ادا کرنے کا عزم رکھتا ہے۔ جہاں پرماہر میڈیکل و سرجیکل اسپیشلسٹس،جدید ترین آپریشن تھیٹر،صاف ستھری اور آرام دہ وارڈز،فارمیسی،تجربہ کار ہیلتھ ٹیکنالوجسٹس کے زیر سایہ اور سخت حفظانِ صحت اور سکیورٹی پروٹوکولز کے مطابق کام کرنے کی صلاحیت رکھتے ہیں۔تقریب کے اختتام پرمفتی شاھد صاحب نے خصوصی دعا کی۔اس خوبصورت اور پروقار تقریب میں تمام مہمانوں کیلئے پرتکلف کھانے کا اہتمام کیا گیا تھا۔(صوابی میڈیا).

(((صوابی کے ہونہار طالبعلم محمد صدیق کا اعزاز)))صوابی:ضلع صوابی کے گاؤں قدرہ سے تعلق رکھنے والے جامعۃ الحرمین اہلِ حدیث ...
21/11/2025

(((صوابی کے ہونہار طالبعلم محمد صدیق کا اعزاز)))
صوابی:ضلع صوابی کے گاؤں قدرہ سے تعلق رکھنے والے جامعۃ الحرمین اہلِ حدیث راولپنڈی کے ہونہار طالبِ علم محمد صدیق ولد شیر علی خان نے مسابقۂ قرآنِ کریم میں نمایاں کامیابی حاصل کرکے علاقے کا نام روشن کر دیا ہے۔اسلام آباد میں المملکہ العربیہ السعودیہ کے زیرِ انتظام جامعہ سلفیہ میں منعقدہ اس عظیم الشان مقابلے میں محمد صدیق نے پورے قرآنِ مجید کی تلاوت کے شعبے میں چوتھی پوزیشن اپنے نام کی، جو اُن کی محنت، لگن اور اعلیٰ قرآنی استعداد کا منہ بولتا ثبوت ہے۔اہلِ علاقہ، اساتذہ کرام اور ادارے کے ذمہ داران نے اس کامیابی پر خوشی اور فخر کا اظہار کرتے ہوئے کہا ہے کہ محمد صدیق جیسے محنتی طلباء قوم کا سرمایہ اور روشن مستقبل ہیں۔(صوابی میڈیا).

20/11/2025

صوابی:گوہاٹی نہر میں ایک رکشہ ایکسل ٹوٹنے کے سبب بے قابو ہو کر نہر میں گر گیا۔ خوش قسمتی سے رکشہ ڈرائیور محفوظ رہا اور کسی قسم کا جانی نقصان پیش نہیں آیا۔واقعے کی اطلاع ملتے ہی ریسکیو 1122 صوابی کی ٹیم فوری طور پر جائے حادثہ پر پہنچ گئی۔ ریسکیو اہلکاروں نے موقع کا جائزہ لینے کے بعد ریکوری گاڑی کی مدد سے رکشہ کو نہر سے بحفاظت ریکور کر لیا۔
آپریشن پیشہ ورانہ، محفوظ اور مؤثر انداز میں مکمل کیا گیا۔)یسکیو 1122 صوابی).

20/11/2025

(ٹوپی جنرل بس اسٹینڈ کا تعمیراتی کام تکمیل کے قریب)
(ٹرمینل میں مسجد کی عدم موجودگی تشویش کا باعث)
صوابی:ٹوپی میں جدید طرز کے نئے جنرل بس اسٹینڈ کا تعمیراتی کام تیزی سے تکمیل کے قریب ہےاور بہت جلد اس منصوبے کی افتتاحی تقریب منعقد کیے جانے کا امکان ہے۔یہ اہم منصوبہ پاکستان تحریک انصاف کی سابقہ حکومت کی جانب سے ٹوپی اور گدون کے عوام کو بہتر سفری سہولیات، جدید انتظار گاہیں اور آرام دہ ٹرانسپورٹ سروس فراہم کرنے کی کوششوں کا حصہ ہے۔تاہم اس بڑے اور اہم ٹرمینل میں مسجد کی عدم موجودگی عوام کے لیے تشویش کا باعث بن گئی ہے۔ مقامی شہریوں کا مطالبہ ہے کہ مسافروں اور عملے کی سہولت کے لیے جامعہ مسجد کی تعمیر کو بھی منصوبے کا حصہ بنایا جائے۔(ڈاکٹر امجدعلی صوابی میڈیا)۔

16/11/2025

(ڈی سی صوابی کے دفترسےچند قدم فاصلے پر گندگی)
صوابی:ڈپٹی کمشنر صوابی کے آفس سے محض چند قدم کے فاصلے پر کچرے کا ایک بڑا ڈھیر موجود ہے، جو نہ صرف پبلک لائبریری صوابی کی دیوار کے ساتھ لگا ہوا ہے بلکہ صوابی جیل کے قریب اور گورنمنٹ گرلز پرائمری سکول کے مرکزی دروازے کے عین سامنے ہے۔ اس کے ساتھ ہی ڈی ایچ کیو اسپتال اور حیوانات کا اسپتال بھی واقع ہیں۔یعنی ایک طرف علم و ادب کے مراکز اور معصوم بچوں کے تعلیمی ادارے ہیں، دوسری جانب صحت کے بڑے مراکز، لیکن بیچ میں گندگی کا یہ بدبودار ڈھیر ہے جو سب کچھ داغدار کر رہا ہے۔ یہ کچرا کئی کئی دنوں تک اپنی جگہ پڑا رہتا ہے اور پھر ٹی ایم اے صوابی کے اہلکار اسے اٹھاتے ہیں۔اس ڈھیر سے نہ صرف مختلف بیماریاں جنم لے رہی ہیں بلکہ یہاں سے گزرنے والے شہری شدید بدبو اور اذیت سے دوچار ہیں۔ یہ منظر صوابی جیسے خوبصورت شہر کے حسن کو بگاڑنے کے ساتھ ساتھ ہمارے اجتماعی رویوں پر بھی سوالیہ نشان ہے۔ہم ڈپٹی کمشنر صوابی اور ٹی ایم او صوابی سے پرزور اپیل کرتے ہیں کہ اس گندگی کے ڈھیر کو فوری طور پر ختم کرایا جائے اور مستقل بنیادوں پر صفائی کا ایسا نظام وضع کیا جائے جس سے نہ صرف عوام کو سکون ملے بلکہ صوابی کی شناخت بھی صاف، شفاف اور خوشبودار بن سکے۔(علی خان یوسفزئی صوابی میڈیا).

15/11/2025

(((جھنڈہ روڈ پر ٹریفک حادثہ/دوافرادجاں بحق ہوگئے)))
صوابی:جھنڈہ روڈ پر ایک ٹریکٹر ٹرالی اچانک الٹنے کے نتیجے میں دو افراد موقع پر جاں بحق اور چار افرادشدید زخمی ہو گئے۔ابتدائی معلومات کے مطابق تمام متاثرہ افراد ادینہ گاؤں سے تعلق رکھتے ہیں۔حادثے کی اطلاع ملتے ہی ریسکیو 1122 صوابی کے کنٹرول روم نے فوری طور پر تین ایمبولینسز اور میڈیکل ٹیمیں موقع پر روانہ کیں۔ ریسکیو اہلکاروں نے زخمیوں کو فوری ابتدائی طبی امداد فراہم کی اور جاں بحق افراد و زخمیوں کو قریبی ہسپتال منتقل کیا۔ریکسیو1122صوابی کے مطابق حادثے میں27سالہ احد اور 20سالہ ابوبکر جاں بحق جبکہ عباس،عمراور شایان سمیت ایک نامعلوم شخص زخمی بتایاجارہاہے۔(ریسکیو 1122صوابی).

صوابی:ہیلر انسٹیٹیوشن صوابی کی پہلی سالگرہ کے موقع پر مقامی ہال میں معروف سماجی شخصیت حاجی جان بہادر خان، پروفیسر اظہار ...
14/11/2025

صوابی:ہیلر انسٹیٹیوشن صوابی کی پہلی سالگرہ کے موقع پر مقامی ہال میں معروف سماجی شخصیت حاجی جان بہادر خان، پروفیسر اظہار الحق، ڈاکٹر آصف کمال، حاجی تمریز خان، ڈاکٹر عشرت خان اور دیگر ہیلر انسٹیٹیوشن کے اسٹاف ممبران کو شاندار کارکردگی پر شیلڈز اور توصیفی سرٹیفکیٹس دے رہے ہیں۔(صوابی میڈیا).

(ہیلرانسٹیٹیوشن صوابی کی پہلی سالگرہ پر شاندار تقریب)صوابی:آج ہیلر انسٹیٹیوشن صوابی کی پہلی سالگرہ کے موقع پر مقامی ہال ...
14/11/2025

(ہیلرانسٹیٹیوشن صوابی کی پہلی سالگرہ پر شاندار تقریب)
صوابی:آج ہیلر انسٹیٹیوشن صوابی کی پہلی سالگرہ کے موقع پر مقامی ہال میں ایک پروقار اور خوبصورت تقریب کا انعقاد کیا گیا۔جس میں مختلف مکاتبِ فکر سے تعلق رکھنے والے خواتین و حضرات نے بڑی تعداد میں شرکت کی۔تقریب کا باقاعدہ آغاز تلاوتِ کلامِ پاک سے ہوا، جس کے بعد ہیلر انسٹیٹیوشن صوابی کے بچوں نے منفرد انداز میں مہمانوں کو خوش آمدید کہا۔تقریب سے معروف سماجی شخصیت حاجی جان بہادر خان، پروفیسر اظہار الحق، ڈاکٹر آصف کمال، حاجی تمریز خان، ڈاکٹر عشرت خان اور دیگر مقررین نے خطاب کیا۔ مقررین نے ہیلر انسٹیٹیوشن صوابی کی پہلی سالگرہ پر مبارکباد پیش کرتے ہوئے اسے صوابی کے عوام کے لیے ایک قابلِ تحسین اور احسن قدم قرار دیا۔مقررین نے چیف ایگزیکٹیو آفیسر ڈاکٹر عشرت خان کی بہترین خدمات، محنت اور کاوشوں کو زبردست الفاظ میں سراہا اور ادارے کے ساتھ ہر ممکن تعاون کی یقین دہانی کرائی۔تقریب کے دوران معزز مہمانوں نے ہیلر انسٹیٹیوشن کے اسٹاف ممبران کو شاندار کارکردگی پر شیلڈز اور توصیفی اسناد سے نوازا۔ آخر میں ہیلر انسٹیٹیوشن صوابی کی پہلی سالگرہ کا کیک بھی کاٹا گیا۔واضح رہے کہ ہیلر انسٹیٹیوشن صوابی، آٹزم، اے ڈی ایچ ڈی، اسپیچ ڈیلے اور لرننگ ڈس ایبیلٹی کے شکار بچوں کے لیے مخصوص تعلیمی اور تھیراپی خدمات فراہم کرنے والا صوابی کا پہلا ادارہ ہے۔ اس ادارے کی بنیاد ڈاکٹر عشرت خان نے رکھی، جو ایک ریکورڈ آٹسٹک بچے کی ماں اور سرٹیفائیڈ آٹزم اسپیشلسٹ ہیں۔(علی خان یوسفزئی+روح الامین صوابی میڈیا).

صوابی:ٹوپی تربیلہ کیمپ میں ناگہانی صورتحال سےنمٹنے کے لیے مؤک ایکسرسائز کا انعقاد،موک ایکسرسائز کا مقصد افسران اور جوانو...
13/11/2025

صوابی:ٹوپی تربیلہ کیمپ میں ناگہانی صورتحال سےنمٹنے کے لیے مؤک ایکسرسائز کا انعقاد،موک ایکسرسائز کا مقصد افسران اور جوانوں کی کارکردگی و استعدادِ کار کو جانچنا ہے ڈی پی او صوابی ضیاء الدین احمد۔تفصیلات کے مطابق، ڈی ایس پی سرکل ٹوپی شکیل خان کی نگرانی میں صوابی پولیس نے سرکل ٹوپی کے علاقے دیہہ تربیلہ کیمپ میں ایک مؤک ایکسرسائز کا انعقاد کیا۔ اس مشق میں ایلیٹ فورس، آر آر ایف سکواڈ , ایف سی اور ریسکیو 1122 کے جوانوں نے حصہ لیا۔اس موقع پر ایس ایچ او تھانہ ٹوپی محمد نعیم خان، بیٹ افسران اور تربیلہ چائنیز کیمپ کے سیکیورٹی اہلکار بھی موجود تھے۔ ایکسرسائز کے دوران آر آر ایف اور ایلیٹ فورس کے جوانوں نے عملی مظاہرے پیش کیے۔اس مؤک ایکسرسائز کا بنیادی مقصد اداروں کی کارکردگی کا جائزہ لینا، افسران و اہلکاران کی استعدادِ کار بڑھانا اور کسی بھی ناگہانی صورتحال میں فوری و مؤثر ردِعمل (Response Time) کو یقینی بنانا تھا ڈی پی او صوابی ضیاء الدین احمد نے کہا کہ ہے ضل پولیس عوام کے جان و مال کے تحفظ کے لیے ہمہ وقت تیار ہے۔ ایسی مشقوں سے نہ صرف جوانوں کی پیشہ ورانہ صلاحیتوں میں اضافہ ہوتا ہے بلکہ ہنگامی حالات میں فوری اور مربوط کارروائی کی صلاحیت بھی مزید بہتر ہوتی ہے۔ عوام کے اطمینان اور امن و امان کے قیام کے لیے پولیس کے تمام یونٹس ہمہ وقت چوکس و متحرک ہیں۔(ترجمان ضلعی پولیس صوابی)

13/11/2025

(((صوابی میں عبادت بیف شاپ کا افتتاح ہوگیا)))
صوابی جہانگیرہ روڈ پر کھنڈہ موڑ میں ہدف کالج کے ساتھ عبادت بیف شاپ کا افتتاح ہوگیا۔جسمیں تازہ گوشت ،مغز،قیمہ،پائےاورکلیجی مناسب نرخ پر دستیاب ہونگے۔جبکہ شادی بیاہ اور دیگر تقریبات کیلئے آرڈر پر گوشت بھی تیار کیاجاتاہے۔رابطہ نمبرز(03159527871/03189886187).

(((لنک روڈ صوابی میں چلتی ہوئی دکان برائے فروخت))) صوابی مین بازار لنک روڈ میں یونیفارمز اور گارمنٹس کی دکان ایک کامیاب ...
13/11/2025

(((لنک روڈ صوابی میں چلتی ہوئی دکان برائے فروخت)))
صوابی مین بازار لنک روڈ میں یونیفارمز اور گارمنٹس کی دکان ایک کامیاب اور منافع بخش کاروبار ہے، جو اب ذاتی وجوہات بیرون ملک روانگی کی بنا پر یہ دکان فروخت کے لیے دستیاب ہے۔سکول و کالج یونیفارمز، ریڈی میڈ گارمنٹس،کمرشل آرڈرز
کاروبار کی حالت روزانہ اچھی سیل، مستحکم گاہک
سیٹ اپ مکمل ،اسٹاک سامان ریڈی ٹو ورک
رابطہ نمبر:03439773274
وزٹ کا وقت صبح 10 بجے تا شام 5 بجے
صرف سنجیده خریدار رابطہ کریں - برائے مہربانی غیر ضروری کالز سے گریز کریں۔

Address

8 Al Seef Street, Umm Hurair 1
Dubai
35449

Telephone

+923159306688

Website

Alerts

Be the first to know and let us send you an email when Swabi Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Swabi Media:

Share