Swabi Media

Swabi Media صوابی گروپ آف سوشل میڈیا
صوابی کا سب سے بڑا نیوز نیٹ ورک

‎‎(افسوس ناک خبر/5افراد دریائے سندھ میں ڈوب گئے)‎صوابی:آج دریائے سندھ ہنڈ کے مقام پر ایک باپ اور اس کے دو بیٹوں سمیت پان...
14/08/2026

‎
‎(افسوس ناک خبر/5افراد دریائے سندھ میں ڈوب گئے)
‎صوابی:آج دریائے سندھ ہنڈ کے مقام پر ایک باپ اور اس کے دو بیٹوں سمیت پانچ افراد ڈوب گئے۔ ریسکیو1122صوابی کے مطابق ڈوبنے والوں میں ایک نوجوان کا تعلق چارسدہ جبکہ باپ اور اس کے دونوں بیٹوں کا تعلق مردان اور ایک نوجوان کا تعلق یارحسین سے بتایا گیا ہے۔ڈوبنے والے افراد کی تفصیلات
اویس — عمر 26 سال — چارسدہ
‎شکیل — عمر 45 سال — مردان — والد
‎شرجیل — عمر 20 سال — مردان — بیٹا
‎خضر — عمر 16 سال — مردان — بیٹا
‎مشال — عمر 14 سال — یارحسین
‎واقعے کی اطلاع ملتے ہی ریسکیو 1122 صوابی کی غوطہ خور ٹیم موقع پر پہنچ گئی اور ڈوبنے والے افراد کی تلاش کے لیے سرچ اینڈ ریسکیو آپریشن شروع کر دیا۔ریسکیو 1122 صوابی کی غوطہ خور ٹیم دریائے سندھ میں لاپتہ افراد کی تلاش میں مصروف ہے۔(ریسکیو1122 صوابی).

12/08/2026

(تربیلہ ڈیم میں پانی کی آمد میں مسلسل اضافہ)
صوابی:حالیہ مون سون کی بارشوں اور بالائی اضلاع سے انے والے سیلابی ریلوں کی امد کے باعث تربیلہ ڈیم میں پانی کی امد میں مسلسل اضافہ ہواہے۔تربیلہ ڈیم انتظامیہ کے مطابق تربیلہ ڈیم میں اج پانی کی سطع 1550 فٹ ہے۔اورتربیلہ ڈیم میں پانی ذخیرہ کرنے کی صلاحیت ختم ڈیم فل ہو گیا۔تربیلہ ڈیم کا ڈیڈ لیول 1402 فٹ اور فل لیول 1550 فٹ ہے۔تربیلہ ڈیم میں آج پانی کی امد 225500 کیوسک جبکہ اخراج 224700 کیوسک ہے تربیلہ ڈیم میں بجلی کے تمام 17سترہ پیدواری یونٹ کام کر رہے ہیں۔(ڈاکٹر امجدعلی صوابی میڈیا).

(((پنج پیر گاؤں میں گھر کے اندر آگ بھڑک اٹھی)))صوابی:پنج پیر گاؤں میں ایک گھر کے اندر اچانک آگ بھڑک اٹھی، جس کی اطلاع ری...
10/08/2026

(((پنج پیر گاؤں میں گھر کے اندر آگ بھڑک اٹھی)))
صوابی:پنج پیر گاؤں میں ایک گھر کے اندر اچانک آگ بھڑک اٹھی، جس کی اطلاع ریسکیو 1122 کنٹرول روم کو موصول ہوئی۔اطلاع موصول ہوتے ہی ریسکیو 1122 صوابی کی فائر فائٹر ٹیم فوری طور پر جائے وقوعہ کی جانب روانہ کر دی گئی۔پنج پیر گاؤں کی تنگ گلیوں میں فائر ٹرک جائے وقوعہ تک نہ پہنچنے کے باعث ریسکیو 1122 کے فائر فائٹرز نے بروقت کارروائی کو یقینی بنانے کے لیے پرائیویٹ موٹر سائیکل پر سفر کرتے ہوئے جائے وقوعہ کا رخ کیا۔فائر فائٹرز نے موقع پر پہنچ کر فوری طور پر آگ بجھانے کی کارروائی شروع کی اور مسلسل کوششوں کے بعد آگ پر مکمل طور پر قابو پا لیا۔ریسکیو 1122 کی بروقت کارروائی کے باعث آگ کو مزید پھیلنے سے روک دیا گیا اور ممکنہ بڑے نقصان سے بچاؤ ممکن ہوا۔یاد رہےریسکیو 1122 صوابی ہر قسم کی ہنگامی صورتحال سے نمٹنے کے لیے 24 گھنٹے تیار اور عوام کی خدمت کے لیے حاضر ہے۔(ریسکیو 1122 صوابی)۔

(((صوابی میں پیٹرولیم مصنوعات کی بڑھتی ہوئی قیمتوں کیخلاف خواتین کا احتجاج)))صوابی:حلقہ خواتین ضلع صوابی کے زیرِ اہتمام ...
06/08/2026

(((صوابی میں پیٹرولیم مصنوعات کی بڑھتی ہوئی قیمتوں کیخلاف خواتین کا احتجاج)))
صوابی:حلقہ خواتین ضلع صوابی کے زیرِ اہتمام پٹرولیم مصنوعات کی بڑھتی ہوئی قیمتوں کے خلاف بھرپور احتجاجی مظاہرہ کیا گیا۔مظاہرین نے حکومت سے مطالبہ کیا کہ عوام پر مہنگائی کا بوجھ کم کرتے ہوئے پٹرول کی قیمتوں میں فوری کمی کی جائے۔احتجاجی مظاہرے سے صوبائی ناظمہ محترمہ عظمیٰ خاتون اور ضلع ناظمہ طیبہ باجی نے خطاب کرتے ہوئے کہا کہ عوام مزید مہنگائی برداشت نہیں کر سکتے۔ عوام کے حق میں آواز بلند کرنا ہمارا فرض ہے، اور یہ جدوجہد جاری رہے گی۔(ڈاکٹر امجدعلی صوابی میڈیا).

‎(صوابی نامہ نیوز کے رپورٹر ارشد علی خان مرحوم کی چودھویں برسی عقیدت و احترام کے ساتھ منائی گئی)‎صوابی:آج صوابی نامہ نیو...
04/08/2026

‎(صوابی نامہ نیوز کے رپورٹر ارشد علی خان مرحوم کی چودھویں برسی عقیدت و احترام کے ساتھ منائی گئی)
‎صوابی:آج صوابی نامہ نیوز کے مرحوم رپورٹر ارشد علی خان کی چودھویں برسی شاہ منصور میں نہایت عقیدت،احترام اور دعائیہ ماحول میں منائی گئی۔ اس موقع پر صوابی نامہ نیوز کی ٹیم نے مرحوم کی صحافتی خدمات کو خراجِ عقیدت پیش کرتے ہوئے ان کے ایصالِ ثواب کے لیے خصوصی دعا کی۔برسی کےموقع پر صوابی نامہ نیوز کے چیف ایگزیکٹو علی خان یوسفزئی،وائس چیف ایگزیکٹو روح الامین، منیجر محمد شہزاد آزاد یوسفزئی، مارکیٹنگ ایڈوائزر عبدالہادی،اسٹاف رپورٹر محمد ذکریا خان اور اعزازی ممبران حامد رحمان،فقیر رحمان لالا اور سدیس خان نے مرحوم کی قبر پر حاضری دی۔اس موقع پر ٹیم کے اراکین نے قبر کی صفائی کی۔ اردگرد اُگی ہوئی گھاس کی کٹائی کی۔قبر کو درست کیا۔پھولوں کی چادر چڑھائی اور اجتماعی فاتحہ خوانی کرتے ہوئے مرحوم کی مغفرت، درجات کی بلندی اور جنت الفردوس میں اعلیٰ مقام کے لیے خصوصی دعائیں کیں۔شرکاء نے کہا کہ مرحوم ارشد علی خان ایک بااخلاق، فرض شناس اور مخلص صحافی تھے جنہوں نے صحافت کے میدان میں اپنی خدمات سے ایک اچھا نام چھوڑا۔ ان کی یادیں آج بھی صوابی نامہ نیوز کی ٹیم اور صحافتی حلقوں کے دلوں میں زندہ ہیں اور ان کی پیشہ ورانہ خدمات کو ہمیشہ قدر کی نگاہ سے دیکھا جائے گا۔برسی کے موقع پر ایک خوبصورت انسانی جذبے کا بھی مظاہرہ دیکھنے میں آیا۔ شدید گرمی کے باوجود قبرستان کے قریب رہائش پذیر رحمت اللہ نامی ایک شخص نے صوابی نامہ نیوز کی ٹیم کے لیے ٹھنڈے پانی اور چائے کا پرتکلف انتظام کیا۔ ٹیم کے اراکین نے ان کے اس جذبۂ مہمان نوازی،اخلاص اور انسان دوستی کو سراہتے ہوئے کہا کہ ایسے لوگ معاشرے کے لیے ایک روشن مثال ہیں۔جو بغیر کسی غرض کے دوسروں کی خدمت کو اپنی خوش نصیبی سمجھتے ہیں۔آخرمیں مرحوم ارشد علی خان کے لیے اجتماعی دعا کی گئی کہ اللہ تعالیٰ انہیں جنت الفردوس میں اعلیٰ مقام عطا فرمائے، ان کی قبر کو نور سے بھر دے اور تمام لواحقین کو صبرِ جمیل عطا فرمائے۔آمین۔(صوابی میڈیا)
‎

‎‎(پی ٹی آئی کے زیراہتمام لوڈشیڈنگ کیخلاف احتجاج)‎صوابی:ٹوپی میں پاکستان تحریک انصاف کی جانب سے بجلی کی غیر اعلانیہ لوڈش...
03/08/2026

‎
‎(پی ٹی آئی کے زیراہتمام لوڈشیڈنگ کیخلاف احتجاج)
‎صوابی:ٹوپی میں پاکستان تحریک انصاف کی جانب سے بجلی کی غیر اعلانیہ لوڈشیڈنگ اور مبینہ زائد بلنگ کے خلاف احتجاجی دھرنا جاری ہے۔دھرنے کی قیادت صوبائی وزیر عاقب اللہ خان، ایم پی اے حاجی رنگیز خان، ضلعی صدر سہیل یوسفزئی، تحصیل ٹوپی صدر ندیم خان، تحصیل صوابی صدر جہانزیب خان اور سمیع اللہ جدون کر رہے ہیں۔ مظاہرین کا کہنا ہے کہ طویل لوڈشیڈنگ اور زائد بلوں نے عوام کا جینا محال کر دیا ہے۔ انہوں نے مطالبہ کیا ہےکہ حکومت فوری طور پر لوڈشیڈنگ کا شیڈول جاری کرے اور بلنگ میں بے ضابطگیوں کا نوٹس لے۔(ڈاکٹر امجدعلی صوابی میڈیا).

‎‎(((یارحسین میں فائرنگ/28سالہ لڑکی جاں بحق)))‎صوابی:یار حسین کے علاقے سنوبانڈہ میں فائرنگ سے 28 سالہ لڑکی موقع پر جاں ب...
03/08/2026

‎
‎(((یارحسین میں فائرنگ/28سالہ لڑکی جاں بحق)))
‎صوابی:یار حسین کے علاقے سنوبانڈہ میں فائرنگ سے 28 سالہ لڑکی موقع پر جاں بحق ہوگئی۔واقعے کی اطلاع موصول ہوتے ہی ریسکیو 1122 صوابی کی میڈیکل ٹیم فوری طور پر جائے وقوعہ پر پہنچی۔ضروری کارروائی کے بعد جاں بحق لڑکی کی لاش کو یار حسین ہسپتال منتقل کر دیا گیا۔(ریسکیو 1122 صوابی).

‎‎(انبارمیں فائرنگ سےایک بھائی جاں بحق جبکہ ایک زخمی)‎صوابی:انبار کے مقام پرملزمان کی فائرنگ کے نتیجے میں ایک بھائی جاں ...
02/08/2026

‎‎(انبارمیں فائرنگ سےایک بھائی جاں بحق جبکہ ایک زخمی)
‎صوابی:انبار کے مقام پرملزمان کی فائرنگ کے نتیجے میں ایک بھائی جاں بحق جبکہ ایک شدیدزخمی ہوا۔اطلاع ملتے ہی ریسکیو 1122 صوابی کی میڈیکل ٹیم فوری طور پر جائے وقوعہ پر پہنچ گئی اور زخمی شخص کو ابتدائی طبی امداد فراہم کرنے کے بعد جاں بحق ہونے والے شخص کی میت کے ساتھ دونوں کو باچا خان ہسپتال منتقل کردیا۔ریسکیو1122صوابی کے مطابق فائرنگ سے محمد صفدرعمر 50 سال شدید زخمی جبکہ محمد ارشدعمر 52 سال جاں بحق ہواہے۔(ریسکیو 1122 صوابی).
‎

‎‎(((کوئلہ کان حادثےمیں صوابی کا نوجوان جاں بحق)))‎صوابی:بلوچستان میں پیش آنے والے افسوسناک کوئلہ کان حادثے میں صوابی کے...
01/08/2026

‎
‎(((کوئلہ کان حادثےمیں صوابی کا نوجوان جاں بحق)))
‎صوابی:بلوچستان میں پیش آنے والے افسوسناک کوئلہ کان حادثے میں صوابی کے علاقہ گدون کے گاؤں قدرہ سے تعلق رکھنے والے نوجوان بحرالامین ولد شفیع اللہ جاں بحق ہو گئے۔ اس دلخراش حادثے کی خبر سے علاقے میں غم کی لہر دوڑ گئی جبکہ اہلِ خانہ پر قیامت ٹوٹ پڑی۔مرحوم کی نمازِ جنازہ گزشتہ شب جھنڈا اسلام پورہ میں ادا کی گئی۔ جس میں علاقے کے معززین، علماء کرام، سیاسی و سماجی شخصیات اور شہریوں کی بڑی تعداد نے شرکت کی۔ نمازِ جنازہ کے بعد مرحوم کو آہوں اور سسکیوں کے درمیان سپردِ خاک کر دیا گیا۔ذرائع کے مطابق مرحوم بحرالامین ایک محنت کش نوجوان تھے، جو اپنے خاندان کا سہارا بننے اور روزگار کی تلاش میں بلوچستان کی کوئلہ کان میں مزدوری کر رہے تھے، تاہم دورانِ ڈیوٹی پیش آنے والے حادثے نے ان کی زندگی کا چراغ گل کر دیا۔اہلِ علاقہ نے بتایا کہ مرحوم کا تعلق ایک غریب اور مستحق گھرانے سے تھا اور ان کی وفات کے بعد خاندان شدید مالی مشکلات سے دوچار ہو گیا ہے۔ عوامی و سماجی حلقوں نے وفاقی اور صوبائی حکومت سے مطالبہ کیا ہے کہ متاثرہ خاندان کو فوری مالی امداد فراہم کی جائے، تاکہ وہ اس کٹھن وقت میں کچھ سہارا حاصل کر سکیں اہلِ علاقہ نے متعلقہ حکام سے یہ بھی مطالبہ کیا کہ کوئلہ کانوں میں مزدوروں کی جانوں کے تحفظ کے لیے مؤثر حفاظتی اقدامات یقینی بنائے جائیں، تاکہ مستقبل میں ایسے المناک حادثات سے بچا جا سکے۔اللہ تعالیٰ مرحوم روح الامین کو اپنی جوارِ رحمت میں اعلیٰ مقام، جنت الفردوس میں جگہ عطا فرمائے اور پسماندگان کو یہ عظیم صدمہ صبر و استقامت کے ساتھ برداشت کرنے کی توفیق دے۔ آمین۔(یاسر سعید صوابی نامہ نیوز)

(((سپین کانی میں 10سالہ بچے کی لاش برآمد)))‎صوابی:تحصیل رزڑ کے گاؤں سپین کانی میں 10 سالہ بچے عباس ولد شیر ولی کی پھانسی...
30/07/2026

(((سپین کانی میں 10سالہ بچے کی لاش برآمد)))
‎صوابی:تحصیل رزڑ کے گاؤں سپین کانی میں 10 سالہ بچے عباس ولد شیر ولی کی پھانسی شدہ لاش گھر کے قریب ایک ویران کھنڈر سے برآمد ہوئی۔اطلاع ملتے ہی پولیس موقع پر پہنچ گئی، لاش کو تحویل میں لے کر ضروری کارروائی شروع کر دی گئی۔ پولیس کے مطابق واقعے کی ہر پہلو سے تحقیقات جاری ہیں تاکہ معلوم کیا جا سکے کہ یہ خودکشی ہے یا اس کے پیچھے کوئی مجرمانہ عنصر موجود ہے۔متوفی کے والد شیر ولی روزگار کے سلسلے میں ٹیکسلا میں مزدوری کرتے ہیں، جبکہ بچے کا تعلق ایک غریب خاندان سے بتایا جاتا ہے۔ پولیس کا کہنا ہے کہ تحقیقات مکمل ہونے کے بعد مزید حقائق سامنے لائے جائیں گے۔(ڈاکٹر امجدعلی صوابی میڈیا).

Address

8 Al Seef Street, Umm Hurair 1
Dubai
35449

Telephone

+923159306688

Website

Alerts

Be the first to know and let us send you an email when Swabi Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Swabi Media:

Shortcuts

Share

Category