28/08/2025
سبع إشارات بتقول إنو هالشخص محروق نفسياً، بس عم يتظاهر إنو بخير:
1. ما عاد بده شي لنفسه...
مو لأنو مرتاح أو معه كل شي،
بس لأنو جواته في شي انكسر، وانطفت رغبته.
2. بيقول "تمام" لكل شي الناس بدها ياه،
لأنو هو نسي شو بده، نسي شو بيحس،
كأنو دفن احتياجاته وسكّر عليها.
3. حاسس حاله شخصين:
واحد بيضحك ويمزح قدام العالم،
وواحد ساكت، منطفي، ما فيه روح، لما يكون لحاله.
4. مو "مود متقلب"،
هالشي مو مزاج...
ها الحالة النفسية عم تنعدّ لتطلع بأي لحظة.
5. بيرمي حاله بالشغل، مو لأنه طموح،
بس لأنه عم يهرب من حاله، من وجعه، من فراغه.
6. بيصرف كل طاقته على المهام،
بس ما بيضل فيه شي يعترف فيه، يواجه فيه، أو حتى يقرب من حدا.
7. بتسأله: "كيفك؟" بيجاوب: "منيح"،
بس الحقيقة؟ جواته أرق، قلق،
وغرقان بشعور محدا شايفه، ومش قادر يطلب مساعدة،
لأنو براسه "الضعف = فشل".
---
بيتحول لبطل صامت، ما بيشتكي، ما بيطلب،
حتى لو جسمه عم يصرخ من التعب... بيكمل،
لأنه تربّى إنو " لازم يشيل لحاله".
الأشياء اللي كان يحبها؟
ما عاد إلها طعم...
الطلعات، الموسيقى...
مو كسل، بس النفس وقفت، والروح طفت.
كل شي صار يعصّبه،
أي كلمة بتستفزه،
بينفجر من أقل شي،
مو لأنه عصبي، بس لأنه احترق من جواته،
وما عاد فيه تحكم.
---
الخلاصة؟
إذا حسّيت إنو هالكلام بيشبهك،
فأنت مو ضعيف...
أنت عم تمرّ بـ احتراق نفسي.
---
