28/06/2026
*پریس ریلیز*
*آزاد کشمیر میں معمولات زندگی کی بحالی پر وزیراعظم فیصل راٹھور کی کاوشیں کامیاب*
*وزیراعظم آزاد کشمیر فیصل راٹھور کے کوآرڈینیٹر برائے سندھ حاجی محمد علی نے آزاد کشمیر میں تاجروں اور ٹرانسپورٹرز کی جانب سے ہڑتال کے خاتمے اور کاروبار کے دوبارہ آغاز کے فیصلے کا خیرمقدم کیا ہے۔*
ان خیالات کا اظہار انہوں نے اپنے جاری پریس ریلیز میں کیا. انکا مزید کہنا تھا کہ آزاد کشمیر میں معمولات زندگی کی بحالی کاروباری مراکز کا کھلنا اور ٹرانسپورٹ کی روانی وزیراعظم آزاد کشمیر فیصل راٹھور کی دانشمندانہ پالیسیوں اور بروقت اقدامات کا ثمر ہے۔
عوام اور تاجر برادری نے جس اعتماد کا اظہار کیا ہے وہ وزیراعظم فیصل راٹھور کی عوامی خدمت اور امن و امان کے قیام کے لیے جاری کوششوں پر مہرِ تصدیق ہے۔موجودہ انتظامیہ نے چئیرمین پاکستان پیپلزپارٹی بلاول بھٹو زرداری کی خصوصی ہدایت پر تمام تر چیلنجز کے باوجود بات چیت کے ذریعے مسائل کو حل کرنے کی پالیسی اپنائی. جس کے نتیجے میں آج ریاست بھر میں معمولات زندگی بحال ہو رہے ہیں۔حکومتِ آزاد کشمیر عوام کی مشکلات سے بخوبی آگاہ ہے اور پٹرول سمیت دیگر ضروری اشیاء کی ترسیل کو جلد از جلد مکمل طور پر بحال کرنے کے لیے پرعزم ہے۔حاجی محمد علی نے مزید کہا کہ وزیراعظم فیصل راٹھور کی قیادت میں حکومت آزاد کشمیر عوام کے حقوق کے تحفظ اور ریاست میں خوشحالی کے سفر کو جاری رکھنے کے لیے پرعزم ہے اور کسی کو بھی ریاست کا امن خراب کرنے کی اجازت نہیں دی جائے گی۔.
جاری کردہ
حاجی محمد علی
