24/11/2025
پشاور کے علاقے صدر میں فیڈرل کانسٹیبلری ہیڈکوارٹرز کے گیٹ پر خودکش دھماکا ہوا، 3 اہلکار شہید اور 2 زخمی ہوگئے، فائرنگ کے تبادلے میں 2 دہشت گرد مارے گئے۔
پولیس کے مطابق پشاور میں خودکش حملہ آور نے ایف سی ہیڈکوارٹرز کے گیٹ پر خود کو دھماکے سے اڑا دیا، خودکش حملے میں ایف سی کے 3 اہلکار شہید اور 2 زخمی ہوئے۔
سی سی پی او کے مطابق فائرنگ کے تبادلے میں 2 دہشت گرد بھی مارے گئے۔
آئی جی خیبرپختونخوا کا کہنا ہے کہ ایف سی کے جوانوں نے حملہ ناکام بنادیا، دہشتگردوں کو اندر داخل نہیں ہونے دیا گیا۔
سی سی پی او میاں سعید نے کہا کہ دہشتگردوں کو گیٹ پر ہی ہلاک کردیا گیا، علاقہ کلیئر کردیا گیا، 8 بج کر 11 منٹ پر ایک خودکش حملہ آور نے دھماکا کیا، 2 خودکش حملہ آوروں نے اندر گھسنے کی کوشش کی، ایف سی کے جوانوں نے بہادری سے دہشتگردوں کو روکا۔
آئی جی خیبرپختونخوا کا کہنا ہے کہ سیکیورٹی فورسز نے علاقے کو گھیرے میں لے رکھا ہے، علاقے میں سرچ آپریشن جاری ہے، دہشتگرد اندر داخل نہیں ہوسکے۔