𝐒𝐚𝐢𝐟𝐮𝐥𝐥𝐚𝐡 𝐒𝐮𝐥𝐭𝐚𝐧𝐳𝐚𝐢

24/05/2025

24/05/2025

د ۲۰۲۵ کال د مونسون بارانونو لپاره عمومي اټکل

مونسون یو فصلي اقلیمي سیستم دی چې د دوبي په موسم کې د هند له سمندر او عربي بحیرې څخه د رطوبت‌لرونکو بادونو په واسطه د وچې خوا ته حرکت کوي. دا بادونه له ځان سره رطوبت راوړي او په هغو سیمو ته چې دا هوا رسي، درانه بارانونه رامنځته کوي. د ۲۰۲۵ کال لپاره نړیوال اقلیمي مرکزونه د یو پیاوړي مونسون اټکل کوي، چې له امله به یې په افغانستان کې هم بارانونه زیات او پراخ اغېز ولري.

دا بارانونه که څه هم مخکې او وروسته کېدلای شي خو د سږکال لپاره يې د ورېدو وختونه په جون، جولای دي چې شاید اګسټ میاشتې ته هم وځنډېږي، زموږ او ستاسې سرطان، اسد او شاید تر سنبلې پورې وځنډېږي یا رامخته شي.

یعنې په عمومي ډول که ووایو نو په سخته ګرمۍ کې به لاندې ولایتونه د مونسون بارانونه ولري چې متاسفانه سېلابونه به ورسره حتمي وي او د زیان اړولو احتمال يې هم لوړ دی چې باید ددغه بارانونو په رارسېدو سره چې موږ به په هغه وخت کې هم معلومات درکړو خپل بشپړ چمتوالی ولري.

هغه ولایتونه چې سږکال د مونسون بارانونه لري:

1. کونړ
2. نورستان
3. لغمان
4. ننګرهار
5. خوست
6. پکتیا
7. پکتیکا
8. کابل
9. لوګر
10. غزنی
11. زابل
12. کندهار (جنوبي سيمې )
13. بدخشان
14. تخار
15. بغلان

ددې ترڅنګ د پورته ولایتونو ګاونډي ولایتونه هم په ډېر لږ احتمال سره د مونسوني بارانونو چانس پیداکولای شي، اما اټکلونه يې د اوس لپاره قوي نه دي.

والله اعلم

معلومات درسره خپاره کړئ.
د افغانستان د هوا حالاتو اټکلیز معلومات

23/05/2025

✅: بریالــي خلک هغه دي چې پـنـځـه وخـته لـمونځ کوي !

☆: خـواږې خـبـرې :☆

21/05/2025

د نن په شمول تر راتلونکو لسو 10 ورځو پورې د افغانستان اکثريت ولايتونه ګرمه هوا تجربه کوي.دې څپې ډېري اغېزې پر جنوبي ولايتونو دي. په دې ورځو کې مخامخ لمر څخه ځان وساتئ.
اوبه ډېري څښئ او ماشومان مو د ورځې له يولس 11 بجو دمازديکر تر 4 بجو پورې لمر ته مه پرېږدئ.
خو دا څپه دومره خطرناکه او سخته ګرمه هم نه ده لکه ځينې جعلي پاڼو چې تشويش جوړ کړی دی.
والله اعلم
معلومات درسره خپاره کړئ.
د افغانستان د هوا حالاتو اټکلیز معلومات