05/05/2026
(Typhoid) – یوه خطرناکه انتاني ناروغي
نن سبا داسې ښکاري چې د ټایفایډ ناروغي یو څه زیاته شوې ده، نو ښه ده چې لږ معلومات پرې ولرو.
ټایفایډ یوه انتاني ناروغي ده چې زیاتره د ناپاکو اوبو او ککړو خوړو له لارې انسان ته انتقالېږي. په ځانګړي ډول هغه ځایونو کې ډېر لیدل کېږي چې د حفظ الصحې وضعیت ښه نه وي.
نښې یې معمولا دا وي:
لوړه او دوامداره تبه، د سر درد، ستړیا، د اشتها کموالی، د نس ناستی یا قبض، او کله کله د نس درد.
که دا علایم په چا کې موجود وي، غوره ده چې بېپروايي ونه شي او ژر تر ژره ډاکټر ته مراجعه وشي، ځکه چې په وخت درملنه یې ډېر مهمه ده.
د مخنیوي لپاره څو ساده خو مهم ټکي:
• یوازې پاکې اوبه وکاروئ
• خواړه ښه پاخه کړئ او له ککړو خوړو ځان وساتئ
• د خوړو نه مخکې او وروسته لاسونه په صابون ومینځئ
• مشکوکو خوړو له خوړلو ډډه وکړئ
همدا کوچني احتیاطي کارونه کولی شي له لویو ستونزو څخه مخنیوی وکړي او ستاسو روغتیا وساتي.
پوسټ درسره شیر کړی 👈
