قریشي بدلون Qoraishi Badlloon

19/05/2022

ننگرهار ته د اوبو او برښنا وزیر په خپل سفر کې له یو شمیر سربندونو او برښنا بندونو لیدنه وکړه.

ننگرهار باختـــــر خبري اژانس۱۴۰۱/۲/۲۹ثور

د اوبو او برښنا وزیر مولوي عبدالطیف (منصور) ننگرهار ته په خپل سفر کې له یو شمیر سربندونو لیدنه وکړه، پدې لیدنو کې کونړ پر سین جوړشوی ناکامورا(مروارید )سربند، میرانو سربند، میرانو ټریلنگ سنټر او له یو شمیر نورو سربندو او برښنا بندونو څخه لیدنې ترڅنگ له مسوولینو مننه وکړه او زیاته یې کړه چې په خپل ټول توان به د اوبو مدیرت ته جدي پاملرنه کوو او همدارنگه به په ننگرهار کې یو شمیر نوي سربندونه چې سروې یې مخکې ترسره شوې وه عملي چارې ډیر ژر پیل کړو،
کانال رئيس مولوي غلام الرحمن کظيم، د سينديزې حوزې رئيس حاجي فضل احد پاچا، او د يو شمېر نورو ادارو مسئولينو چې د لیدنو پر مهال یې وزیر سره ملتیا کوله د اوبو او برښنا چارو په اړه غوښتنې، نظرونه او وړانديزونه شريک کړل. چې ورته د همکارۍ ډاډ ورکړل شو،
د یادونې وړ ده چې د کونړ پر سین (۱۱)سربندونه جوړ شوي چې شاوخوا (۲۲۰۰۰) هیکټاره ځمکه خړوبوي،

20/03/2022

ننگرهار ولایت سخرود ولسوالۍ کې له (۳۴۸) بې وزلو کورنیو سره د خوراکي توکو مرسته وشو.

د (WHH) جرمني موسسې لخوا دیادې ولسوالۍ سیاسنگ، کوز شیخ مصری سیمو کې هرې کورنۍ ته (۱۵۰)کلو اوړه.(۱۰) لیتره غوړ،(۵۰) کلو وریجې، (۱۰) کلو بوره،(۲)کلو مالگه،(۲۸)کلو لوبیا ورکړل شو.

16/03/2022

اطلاعاتو او فرهنگ رییس او مرستیال یې والي او معاون سره وکتل.

دننگرهار ولایت اطلاعاتو او فرهنگ رییس قاري نور محمد حنیف او مرستیال یې مولوي امان الله عادل د یاد ولایت والي حاجي مولا نعیم، او مرستیال مولوي رباني ناصح، سره د نارنج گل دودیزې مشاعرې په سر مقدماتي ناسته ترسره کړه.
په یاده ناسته کې د اطلاعاتو او فرهنگ رییس د یادې مشاعرې اړوند پروزل له والي سره د اجرٲتو په خاطر شریک کړل. او د مشاعرې په ترتیباتو کورنیو او بهرنیو شاعرانو په حضور د اسانتیاو په برابرولو د ولایت مقام څخه د همکارۍ غوښتنه وکړه . چې والي او مرستیال یې په خپله برخه کې د پوره همکارۍ ډاډ ورکړل.

ننگرهار باختر خبري اژانس

16/03/2022

د اطلاعاتو او فرهنگ رییس ملي راډیو تلویزون څخه لیدنه وکړه.

د ننگرهار ولایت اطلاعاتو او فرهنگ رییس قاري نور محمد حنیف او مرستیال یې مولوي امان الله عادل دیاد ولایت له ملي راډیو تلویزون څخه د لیدنې پر مهال له اړونده کارکونکو څخه د مننې ترڅنگ دهغوې غوښتنې د حل په موخه واریدې او د حل کولو ژمنه یې وکړه.

10/03/2022

د کډوالو چارو وزارت مرستيال په تورخم کې د مسافرينو د وضعيت پوښتنه وکړه
د ننګرهار ولايت تورخم ښارګوټي ته د کډوالو او بېرته را ستنيدونکو چارو وزارت مرستيال ارسلا خروټي د سفر په ترڅ کې د مسافرينو د وضعيت پوښتنه وکړه او ډاډ يې څرګند کړ، چې پاکستاني لوري سره به د ناروغانو او نورو مسافرينو د تګ راتګ ستونزې حل کړي.
نوموړي د ياد سفر پر مهال د مسافرينو په ځانګړي ډول پښتونخوا ته د درملنې په موخه د تلونکو ناروغانو ستونزې او غوښتنې واوريدې او په حل کې يې د اجراتو ډاډ څرګند کړ.
هغه په تورخم کې دولتي مسئولينو او همکارو ادارو ته لارښوونه وکړه، ترڅو مسافرينو سره ښه چلند تر سره او د امکاناتو له مخې ورته د لازمو سهولتونو زمينه برابره کړي.
دی زياتوي، چې د تېرو شاوخوا شپږو مياشتو په جريان کې له ګاونډيو او نورو هېوادونو څخه شاوخوا ۵۵۰ زره افغان کډوال بېرته هېواد ته ستانه شوي دي او پر نورو افغانو يې هم غږ وکړ، چې خپل هېواد ته راستانه شي.
د کډوالو چارو مرستيال له ځوانانو وغوښتل، چې ګاونډيو او نورو هېوادوالو ته له قاچاقي تګ ډډه وکړي او د خپل هېواد په ابادۍ کې ونډه واخلي.
د کډوالو چارو مرستيال ارسلا خروټی وايي، چې تورخم ته يې د رئيس الوزرا د حکم له مخې سفر کړی و او ژر به نورې ادارې هم د سفر په ترڅ کې په خپلو برخو کې شته ستونزې حل کړي.

09/03/2022

د برېښنا رئيس تر څارنې لاندې د برېښنا ۱۰۰۰ پوروړو لينونه پرې شول.
د ننګرهار برېښنا رئيس مولوي جان محمد انقلابي د خپلو عملياتي او سوداګريزو چارو مرستيالانو په ملتيا د تخنيکي ټيم پرمټ د برېښنا له درکه د زر پوروړو د ميترونو لينونه پرې کړل.
دا کمپاين چې له تېرې ورځې پيل شوی په ترڅ کې يې ترو لينونه هم پرې او تر شک لاندې ميترونه څېړنې په موخه ټول شول.
د برېښنا رئيس د خپل ټيم د کار ستاينه وکړه، دا کمپاين يې مهم وباله او له پيرودونکو يې وغوښتل چې ژر تر ژره خپله باقي داري خلاصه کړي.

09/03/2022

09/03/2022

09/03/2022

09/03/2022