25/07/2025
جلال آباد کې څلور تنه د جعلي سرو زرو د خرڅلاو په تور نیول شوي
د ننګرهار امنيې قوماندانۍ رسنیو ته په رالېږلې خبرپاڼه کې ويلي؛ د جلال آباد ښار دوهمې امنیتي حوزې منسوبينو څلور تنه د جعلي سرو زرو د خرڅلاو په تور نیولي، چې دغه کسانو په فریب او دوکې د جعلي سرو زرو زېورات د اصلي سرو زرو په نوم په لوړ قیمت خرڅول.
د معلوماتو له مخې، یاد کسان هغه مهال نیول شوي، چې په یو تن یې شپږ جعلي د سرو زرو بنګړي او یو آیفون اېکس ماکس موبایل، چې يو بنګړی يې د نږدې ۷ زره افغانيو په بدل کې خرڅ کړی و.
نیول شویو کسانو په خپلو جرمونو اعتراف کړی او اوس مهال تر پوښتنو او ګروېږنو لاندې دي، چې وروسته به رسماً عدلي او قضایي ارګانونو ته وروپېژندل شي.
خبرپاڼه زیاتوي؛ که په ښار کې نور کسان هم د دې ډول دوکې ښکار شوې وي، نو کولای شي تر شنبې ورځې پورې دوهمې امنیتي حوزې ته مراجعه وکړي.
