26/10/2025
ترکیه کې د مذکراتو تازه جزیات!
د افغانستان مذاکراتي ټيم وروسته له پنځلس ساعته مسلسل بحثونو تيره شپه دوه بجې پکستاني لورې ته د خپل طرفه نهايي شوې مسوده ورکړه چې پکې تمرکز په دې شوی وو چې دوی د افغانستان ځمکنی او هوايي حريم نقض نه کړي او د افغانستان په ضد هيڅ ګروپ يا مخالف ته اجازه ورنکړي چې ددوی هيواد زموږ په ضد وکاروي. همداراز امادګي ښکاره شوه چې د اور۔ بند د هوکړې د تعقیب په موخه يو څلور اړخيز چينل ايجاد شي چې د سرغړونو د ارزونه او معلومات پکې تبادله کړل شي.
دوی ته دا مسوده د منځګړو له خوا وسپارل شوه او اوس سهار شپږ بجې ددوی له لورې دويمه مسوده سپارل شوي ده.
نن دولس بجې به يو وار بيا دواړه ټیمونه د منځګړو په حضور کې سره يو ځای کيږي او کوښښ به کوي چې يوې نهايي نتيجې ته ورسيږي.
