02/08/2024
د حماس ډلې د سياسي مشر اسماعيل هنيه له ترور وروسته، طالبانو د نورو ژبو تر څنګ په اردو هم خپله اعلاميه صادره کړه.
تر دې وړاندې يې هم د ګڼو نورو مواردو په اړه په اردو ژبه اعلاميې خپرې کړې دي.
د طالبانو تر دې اقدام وروسته د ټولنيزو شبکو فعالانو له لوري دا ثبوت راوړل شوی، چې (طالبانو اردو د ارګ رسمي ژبه ګرځولې ده).
د محمد ظفر په نوم يو تن ليکلي، پوښتنه دا ده، چې په افغانستان کې څو سلنه خلک په اردو ژبه خبرې او ليک کولی شي، چې طالبان هڅه کوي د هغوی د پوهولو لپاره مسلسل اردو خپله رسمي ژبه وګرځوي؟
نوموړي زیاته کړې: «دې ته فرهنګي يرغل ويل کېږي. دا له مولانا فضل الرحمان سره د هغه قرارداد برخه ده، چې د افغانستان نصاب به د پاکستان د علايقو په اساس جوړېږي. د پاکستان رسمي ژبه هېڅکله هم د افغانستان رسمي او اداري ژبه نشي کېدلای!»
Copy
