16/08/2025
میکسویل یو ځل بیا اسټرالیاوي لوبډله بریا ته ورسوله.
د کوربه اسټرالیا او سوت افریقا کرکټ لوبډلو ترمنځ د شل اوریزو لوبو سیریز دوه، یو اسټرالیا خپل.
په دې لوبه کې لومړی توپ وهنه سوت افریقا وکړه او د ۱۷۳ منډو هدف یې اسټرالیاوۍ لوبډلې ته کېښود
په ځوابي توپ وهنه کې اسټرالیا یاد هدف په وروستي اور کې پوره کړ او په دوه ویکټو او یو توپ یې بریا خپله کړه.
د اسټرالیا لپاره په سخت وخت کې ګلین میکسویل ښه توپ وهنه وکړه، په ۳۶ توپونو یې ۶۲ ناسوځېدلې منډې جوړې کړې او؛ د لوبې د غوره لوبغاړي جایزه یې خپله کړه.
له دې وروسته د دواړو لوبډلو ترمنځ د درې پنځوس اوریزو لوبو سیریز هم ترسره کېږي.
