Dost Media

Dost Media Dost Media

د پاکستاني رسنیو د راپور له مخې، د پېښور په چارسده سیمه کې ناپېژانده موټرسایکل سپرو د مولانا محمد ادریس ترنګزي پر موټر ډ...
05/05/2026

د پاکستاني رسنیو د راپور له مخې، د پېښور په چارسده سیمه کې ناپېژانده موټرسایکل سپرو د مولانا محمد ادریس ترنګزي پر موټر ډزې کړې، چې له امله یې نوموړي روغتون ته پر لاره ساه ورکړې ده.
د راپورونو له مخې، په دې برید کې د هغه دوه ساتونکي هم سخت ژوبل شوي دي.
مولانا محمد ادریس ترنګزی د جمعیت علمای اسلام ګوند غړی او د حقانیه مدرسې مدرس و.
ویل کېږي، نوموړي په دې وروستیو کې د پاکستان د حکومت او د پوځ د مشر عاصم منیر په ملاتړ څرګندونې کولې.

د پاکستان د اپوزیسیون ګوند مشر محمودخان اڅکزی وایي، د دغه هېواد حکومت په لوی لاس پاکستان د خطرناکې کورنۍ جګړې پر لور بیا...
02/05/2026

د پاکستان د اپوزیسیون ګوند مشر محمودخان اڅکزی وایي، د دغه هېواد حکومت په لوی لاس پاکستان د خطرناکې کورنۍ جګړې پر لور بیايي.
نوموړي په یوه خبري غونډه کې ټینګار کړی چې حکومت پر ملي شتمنیو ولکه لري او سیاسي او ټولنیزو راټولېدنو ته اجازه نه ورکوي.
اڅکزي زیاته کړې چې د پښتنو او بلوڅو هغه اقتصادي فعالیتونه چې له افغانستان سره د سوداګرۍ له لارې روان وو، اوس له‌منځه تللي دي.
هغه همداراز پر حکومت نیوکه کړې چې له هند سره یې څو ځله جګړه کړې، خو د سوداګرۍ لارې یې هیڅکله نه دي تړلي.

د نارنج ګل دوديزې مشاعرې خبرتیاد ننګرهار اطلاعاتو او کلتور رياست په پام کې لري، چې د نارنج ګل دودیزه مېله او مشاعره په ه...
02/05/2026

د نارنج ګل دوديزې مشاعرې خبرتیا

د ننګرهار اطلاعاتو او کلتور رياست په پام کې لري، چې د نارنج ګل دودیزه مېله او مشاعره په همدې روانه اونۍ(دوشنبه د ثور په ۱۴مه) د تېر په څېر د هېواد د نوموتو شاعرانو او لیکوالانو په ګډون ترسره کړي؛ د شعر او ادب مينوال دې خبر وي.

ااا د عدلیې وزارت ویاند برکت‌الله رسولي ویلي، د مبلغینو قانون د ااا د رهبر له توشېح وروسته په ۱۴۸۳ ګڼه رسمي جریده کې خپو...
01/05/2026

ااا د عدلیې وزارت ویاند برکت‌الله رسولي ویلي، د مبلغینو قانون د ااا د رهبر له توشېح وروسته په ۱۴۸۳ ګڼه رسمي جریده کې خپور شوی دی.
نوموړي پر اېکس لیکلي، دغه قانون یوه مقدمه، درې بابونه، دوه فصلونه او ۱۷ مادې لري.

د ننګرهار پخواني والي ضیالحق امرخېل وایي، د افغانستان لپاره د بریتانیا له ځانګړي استازي ریچارډ لینډزي سره په لیدنه کې یې...
01/05/2026

د ننګرهار پخواني والي ضیالحق امرخېل وایي، د افغانستان لپاره د بریتانیا له ځانګړي استازي ریچارډ لینډزي سره په لیدنه کې یې د پاکستان له لوري پر افغان خاوره د بریدونو په اړه د خلکو اندېښنې شریکې کړې دي.
نوموړي ټینګار کړی چې بریتانیا، د پاکستان سره د خپلو تاریخي اړیکو له امله، کولای شي پر دغه هېواد اغېز وکړي او د ورته بریدونو د تکرار مخه ونیسي.
امرخېل زیاته کړې چې د دغو بریدونو دوام د خلکو لپاره جدي اندېښنې رامنځته کړې او باید نړیواله ټولنه ورته پام وکړي.
هغه دا څرګندونې په داسې حال کې کړي چې په وروستیو کې د سرحدي سیمو د امنیتي وضعیت په اړه اندېښنې زیاتې شوې دي.

د سرحدونو، قومونو او قبایلو وزارت وایي، د بادغیس ولایت د ابکمري ولسوالۍ کې د ځمکې د ملکیت پر سر د شاوخوا پنځوس کلنې دښمن...
16/04/2026

د سرحدونو، قومونو او قبایلو وزارت وایي، د بادغیس ولایت د ابکمري ولسوالۍ کې د ځمکې د ملکیت پر سر د شاوخوا پنځوس کلنې دښمنۍ پای ته رسېدلې ده.
د معلوماتو له مخې، دغه شخړه د ځايي مسؤلینو، قومي مشرانو او دیني عالمانو په منځګړیتوب حل شوې ده.

احمدالله وثیق وایي، د جوجېتسو او پهلوانۍ څلور افغان لوبغاړي د اسیایي او ساحلي غېږ نیونې سیالیو کې د ګډون لپاره چین ته تل...
16/04/2026

احمدالله وثیق وایي، د جوجېتسو او پهلوانۍ څلور افغان لوبغاړي د اسیایي او ساحلي غېږ نیونې سیالیو کې د ګډون لپاره چین ته تللي دي.
نوموړي هیله څرګنده کړې چې دغه لوبغاړي به هېواد ته ویاړلي مډالونه راوړي او ډاډ یې ورکړی چې د سپورټ ادارې به د ورزشکارانو ملاتړ ته دوام ورکړي.

د افغانستان د سټراټیژیکو مطالعاتو مرکز وایي، د دغه مرکز استازو د اوزبېکستان په پلازمېنه تاشکند کې د منځنۍ اسیا د نړیوال ...
15/04/2026

د افغانستان د سټراټیژیکو مطالعاتو مرکز وایي، د دغه مرکز استازو د اوزبېکستان په پلازمېنه تاشکند کې د منځنۍ اسیا د نړیوال انسټیټیوټ سره په ګډه غونډه کې ګډون کړی دی.
د معلوماتو له مخې، په دې غونډه کې د افغانستان او منځنۍ اسیا هېوادونو ترمنځ د دوه اړخیزې او څو اړخیزې همکارۍ د پراختیا په اړه خبرې شوې دي.
ګډونوالو همداراز د سیمه‌ییز ثبات، نښلون او د کارپوهانو ترمنځ د همکارۍ پر پیاوړتیا ټینګار کړی دی.

د امریکا متحده ایالاتو ولسمشر ډونالډ ټرمپ د اسلام‌اباد له مذاکراتو وروسته، چې له ایراني پلاوي سره بې‌پایلې پای ته ورسېدل...
12/04/2026

د امریکا متحده ایالاتو ولسمشر ډونالډ ټرمپ د اسلام‌اباد له مذاکراتو وروسته، چې له ایراني پلاوي سره بې‌پایلې پای ته ورسېدل، د هرمز تنګي د محاصرې امر کړی دی.
نوموړي په خپلې ټولنیزې پاڼې «ټروت سوشل» لیکلي، چې امریکايي ځواکونه به ژر د هرمز تنګی محاصره کړي او هره هغه بېړۍ به ودرول شي چې په نړیوالو اوبو کې ایران ته مالیه ورکوي.

د عامې روغتیا وزارت وایي، د «صحت طفل» روغتون ډاکټرانو د کلثوم په نوم د یوې ماشومې له تنفسي سیستم څخه یو بهرنی جسم ایستلی...
12/04/2026

د عامې روغتیا وزارت وایي، د «صحت طفل» روغتون ډاکټرانو د کلثوم په نوم د یوې ماشومې له تنفسي سیستم څخه یو بهرنی جسم ایستلی او ژوند یې ژغورلی دی.
د معلوماتو له مخې، یادې ماشومې ته په کندهار کې ناڅاپي تنفسي ستونزه پېښه شوې وه او درملنه یې هلته ستونزمنه وه.
نوموړې د ۲۰۵ البدر قول‌اردو له لوري د چورلکې په وسیله کابل ته د بېړنۍ درملنې لپاره لېږدول شوې وه.

Address

Nangarhar, Beside To Al-Falah University
Jalalabad
2601

Telephone

+93781111645

Website

Alerts

Be the first to know and let us send you an email when Dost Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dost Media:

Shortcuts

Share

Category