01/12/2021
شریف شرافت صیب له پانی د شهید د ورور څو کرښی
زما د شهيد ورور انجنير نوید جان د شهادت په اړه وضاحت:
زما ورور انجنير نوید څو ورځي مخکې پر خپل فیسبوک پاڼه پوسټ وکړ چې معلمانو تاسي له طالبانو معاش غواړﺉ هغوي خپله زېره ټولوی تاسو ددوي څخه معاش غواړﺉ.
تیره پنجشنه د قوس د میاشتي پر څلورم تاریخ څو تنه طالبان په موټر کی راغلي و لمړی یی تلفن ځيني اخیستی او بیا یی په زور موټر ته ور پورته کړی د هلمند ولایت د امنیت ملي لمړﺉ حوزې ته په وهلو ټکولو بیولی ؤ چي وروسته زما بل ورور او څو تنه دوستان د امنیت ملي اولي حوزې ته دپوښتني لپاره ورغلي و چي په کوم جرم مو زما ورور حوزې ته راوستلی دی او هغو په جواب کي ورته ویلی چي ستاسي ورور په موږ طالبانو پسي پوسټونه کړی دی د تحقيق لپاره مو راوستلی دی سهار یې برته درایله کوو سهار سو رایله یې نه کړی سپين ږیري,پلار او وروڼه ورغله چې زموږ هلک که دا کار کړی وی یو غلطی يي کړی ده کشر دی رایله یی کې خیر دی. د اولې حوزې طالبانو په جواب کې ورته وویل چې نن جمعه ده سبا شنبه ده د ریاست څخه څوک راځي تحقيق به ځيني وکړی نور مشکل نسته حاجی صاحب زوی دی درایله کوو.
د شنبی ورځ سو رایله یې نه کړی سپین ږیري پلار او وروڼه مې بیا ورغلل چې زموږ هلک مو ولی رایله نه کړ تاسو وویل چې د شنبی په ورځ یې در ایله کوو.
دوي په جواب کې ورته وویل چې ستاسو هلک زموږ سره نه سته هغه زموږ څخه وتښتېدی پلار مې ورته وویل چې ستاسو سره بندې وه څنګ وتښتېدی دوی په جواب کې وویل چې هغه یوه پله پرون ماپښين وتښتېدی بیا موږ طالبانو ګېر کړی په حوزه کې په اطاق کې مو وتړی نو برایی ماښام د شپي پر 2 بجې زموږ څخه بیا وتښتېدی موږ ټولو حوزو ته خبر ورکړی چې پیدامو کړی بیا خبر درکوم موږ پسی ګرځو تاسو هم پسی ګرځي.
د یکشنبی ورځ دېرش څلویښت سپين ږیري مو ټول کړی وه نیت مو وو چې د امنیت ملی ریس ته ورسو. دا و چې د شفاخانې څخه زما یو ملګری زنګ راته ووهه په مات اواز یې راته وویل شرافته! شفاخانې ته راسه د انجنير نوید پښه ماته ده. ته لږ ژر راسه. شفاخانې ته چې ورځم یخچال ته یې بوتلم خپل نازک ورور ته یې وردولم توبه خدای ج دی داسی ورځی په مسلمان نه وینی.
چې ورور مې ګورم ښایسته پوزه يې ورماته کړی, یوه سترګه یې ورچولی, پر مخ یې د توپکو وارونه د ورایه معلومیدل, زیګر یې ټول زخمونه زخمونه وو, سر یې دوه دري ځای مات وو,
