باختر اطلاعاتي اژانس

باختر اطلاعاتي اژانس Contact information, map and directions, contact form, opening hours, services, ratings, photos, videos and announcements from باختر اطلاعاتي اژانس, News & Media Website, Kabul.

یمن؛ د اسراﺉیلي رژیم او ځینو نورو هېوادونو ۱۷ جاسوسان اعدامېږيد یمن د سبا خبري اژانس د راپور له مخې؛ د صنعا ځانګړې جنايي...
23/11/2025

یمن؛ د اسراﺉیلي رژیم او ځینو نورو هېوادونو ۱۷ جاسوسان اعدامېږي
د یمن د سبا خبري اژانس د راپور له مخې؛ د صنعا ځانګړې جنايي محکمې هغه ۱۷ کسان چې د امریکا، سعودي عربستان، برتانیې او اسراﺉیلي رژیم لپاره په جاسوسۍ تورن و، په علني ډول د اعدام په سزا محکوم شوي دي.
محکمې ویلي، چې یادو کسانو د دولت مهم پوځي، امنیتي او استخباراتي معلومات بهرنیو استخباراتو ته سپارلي او د پلټنو له مخې د ګڼو مرګ‌ ژوبلې اړونکو او ویجاړونکو بریدونو لامل شوي دي.

د هرات ـ کندهار په لویه لاره د ترافيکي پېښې له امله ۲۰ کسانو ته مرګ ژوبله اوښتېد هرات د امنیې قوماندانۍ ویاند غلام نبي ن...
23/11/2025

د هرات ـ کندهار په لویه لاره د ترافيکي پېښې له امله ۲۰ کسانو ته مرګ ژوبله اوښتې

د هرات د امنیې قوماندانۍ ویاند غلام نبي نبي‌زاده وايي، نن سهار د هرات ـ کندهار پر لویه لاره د یو ۴۰۲ ډوله مسافر وړونکي موټر او فلان‌کوچ ترمنځ ټکر رامنځته شوی، چې وروسته مسافر وړونکی موټر له سړک څخه اوښتی او چپه شوی دی.
ښاغلي نبي‌زاده باختر اطلاعاتي آژانس ته وویل، چې په دې پېښه کې ۱۰ تنه هېوادوال شهیدان شوي او ۱۰ تنه نور ټپیان دي.
د هغه په خبره، د پېښې ټپیان د امنیتي ځواکونو له لوري په چټک اقدام درملنې مرکزونو ته لېږدول شوي دي.

د مادورو پر وړاندې د ټرمپ نوی پلان؛ وینزویلا ته الوتنې درېدلې ديد امریکا له امنیتي خبرداري وروسته، شپږ اروپايي او ونزويل...
23/11/2025

د مادورو پر وړاندې د ټرمپ نوی پلان؛ وینزویلا ته الوتنې درېدلې دي

د امریکا له امنیتي خبرداري وروسته، شپږ اروپايي او ونزويلایي هوایي شرکتونو وینزویلا ته خپلې الوتنې درولي.
هم‌مهاله رویټرز راپور ورکړی، چې د ټرمپ ادارې د وینزویلا د ولسمشر نیکولاس مادورو پر ضد د فشارونو نوې او پټه مرحله پیل کړې.

هلمند کې د څه باندې یو میلیارد افغانیو په لګښت د یوه سړک د جوړولو چارې پیل شوېد هلمند ولایت د ګرشک او موسی قلعه ولسوالیو...
23/11/2025

هلمند کې د څه باندې یو میلیارد افغانیو په لګښت د یوه سړک د جوړولو چارې پیل شوې

د هلمند ولایت د ګرشک او موسی قلعه ولسوالیو ترمنځ د ۴۶.۵ کیلو متره سړک د رغولو چارې د ټولګټو چارو وزارت له لوري د یو ملیارد او ۳۲ میلیونه افغانیو په لګښت سره پیل شوې.
چارواکي وایي، چې د دغه سړک په جوړېدو سره به د یاد ولایت ناومېش، بغني، باغران، نوزاد، موسی قلعه او ګرشک ولسوالۍ سره ونښلول شي او چارې به یې په دوو کالونو کې بشپړې شي.

22/11/2025

زهران ممداني ټرمپ ته: ته فاشیست یې

د نیویورک منتخب مسلمان ښاروال زهران ممداني له ولسمشر ډونالد ټرمپ سره د خپلې لومړۍ لیدنې پر مهال ویلي، چې اسرائیلو په غزه کې نسل وژنه کړې او امریکايي ولس نور د بهرنیو جګړو د مالي لګښتونو له امله ستړی شوی دی.
ممداني ټرمپ ته مخامخ د یوه خبریال پوښتنې ته په ځواب کې تایید کړه، چې ټرمپ فاشیست بولي.
ټرمپ دغه لیدنه فوق‌العاده یاده کړې او ویلي یې دي، چې د اقتصادي مسایلو په ډېرو برخو کې له ممداني سره هم نظره دی.

د پوهنې وزارت: وروستیو میاشتو کې ۱۷۹ ښوونځي او ۶ دیني مدرسې جوړې شويد پوهنې وزارت وايي، چې د زده‌کوونکو لپاره د معیاري، ...
22/11/2025

د پوهنې وزارت: وروستیو میاشتو کې ۱۷۹ ښوونځي او ۶ دیني مدرسې جوړې شوي
د پوهنې وزارت وايي، چې د زده‌کوونکو لپاره د معیاري، سالم او خوندي چاپېریال برابرولو په هدف یې په وروستیو میاشتو کې په ۲۱ ولایتونو کې د ۲.۱۷۷ میلیارده افغانیو په لګښت ۱۷۹ ښوونځي او ۶ دیني مدرسې جوړې کړې دي.
یاد وزارت زیاتوي، چې په تېرو څلورو کلونو کې د نویو ښوونځیو او مدرسو د ودانیو شمېر ۱۳۱۵ ته رسېدلی، چې دا د پوهنې د بنسټونو د پراختیا او ثبات لپاره مهم پرمختګ ګڼل کېږي.

د آريانا افغان هوايي شرکت، د صادراتو د چټک لېږد په موخه، درې چارټر الوتکې پېري د امارتي شرکتونو لوی ریاست اړوند د آریانا...
22/11/2025

د آريانا افغان هوايي شرکت، د صادراتو د چټک لېږد په موخه، درې چارټر الوتکې پېري

د امارتي شرکتونو لوی ریاست اړوند د آریانا افغان هوايي شرکت مسؤولین وایي، چې ډېر ژر به د توکو د ټرانزیټ لپاره ځانګړې درې چارټر الوتکې وپېري.
د آريانا افغان هوايي شرکت، رئیس بخت‌الرحمن شرافت وایي، چې دغه الوتکې به د بوینګ یا ایربس ډوله وي، چې بیې یې له ۲۵ تر ۳۵ میلیونه امریکايي ډالرو پورې اټکل شوي.

د صنعت او سوداګرۍ وزیر هند کې خصوصي سکتور له استازو سره د پانګونې پر فرصتونو غږېدلید صنعت او سوداګرۍ وزیر نورالدین عزیزي...
22/11/2025

د صنعت او سوداګرۍ وزیر هند کې خصوصي سکتور له استازو سره د پانګونې پر فرصتونو غږېدلی

د صنعت او سوداګرۍ وزیر نورالدین عزیزي هند ته د سفر پر مهال د هندي او افغان خصوصي سکتور له غړو سره کتلي.
د کتنې پر مهال ښاغلي عزیزي د افغانستان د پانګونې شته فرصتونه معرفي کړي او له هندي پانګوالو یې غوښتي، افغانستان څخه په وارداتو او صادراتو کې خپل حضور پراخ کړي.
دواړو لوریو د دوه اړخیزې اقتصادي همکارۍ پر پراخېدو هوکړه کړې ده.

په بامیانو کې د څښاک پاکو اوبو رسولو ۱۲ شبکو د جوړولو چارې پیل شوېد کليو د بيارغونې او پراختيا د وزیر ملا محمد یونس اخند...
22/11/2025

په بامیانو کې د څښاک پاکو اوبو رسولو ۱۲ شبکو د جوړولو چارې پیل شوې

د کليو د بيارغونې او پراختيا د وزیر ملا محمد یونس اخندزاده له لوري د بامیانو ولایت په مرکز او يک اولنک ولسوالۍ کې د شاوخوا ۳۷ میلیونه افغانیو په لګښت د څښاک پاکو اوبو رسولو ۱۲ شبکو د جوړولو چارې پيل شوې.
د يادو شبکو د کار په بهير کې به سلګونه کساتو ته د کار زمينه برابره او په بشپړېدو سره به یې شاوخوا ۵ زره ۱۱۸ کسان د څښاک پاکو اوبو ته لاسرسی پيدا کړي.

د کرېملېن سخت خبرداری؛ زلنسکي د ټرمپ د سولې طرحه رد کړهد اوکراین ولسمشر ولودیمیر زلنسکي د جمعې په ورځ ناوخته په یوه تلوی...
22/11/2025

د کرېملېن سخت خبرداری؛ زلنسکي د ټرمپ د سولې طرحه رد کړه

د اوکراین ولسمشر ولودیمیر زلنسکي د جمعې په ورځ ناوخته په یوه تلویزیوني وینا کې د ډونالد ټرمپ له لوري وړاندې شوې ۲۸ ماده‌یزه د سولې طرحه په کلکه رد کړه او هغه یې د اوکراین د ملي کرامت له منځه وړل بللې. نوموړي ویلي، که څه هم واشنګټن پرې بې‌ساری فشار راوړی، خو دی دغه طرحه نه مني.
بلخوا د کرملین ویاند دیمیتري پسکوف د زلنسکي د دریځ په غبرګون کې ویلي، چې که اوکراین ژر تر ژره خبرو ته حاضر نه شي، نو روسیه به هره ورځ نورې خاورې تر خپل کنټرول لاندې راولي.

د امام ابو حنیفه (رح) څلورم ملي او نړیوال نندارتون په کابل کې پرانیستل شوپه کابل کې د افغانستان د سوداګرۍ او پانګونې خون...
17/11/2025

د امام ابو حنیفه (رح) څلورم ملي او نړیوال نندارتون په کابل کې پرانیستل شو

په کابل کې د افغانستان د سوداګرۍ او پانګونې خونې په نوښت د امام ابو حنیفه (رح) څلورم ملي او نړیوال نندارتون پرانیستل شو.
په مراسمو کې د اسلامي امارت چارواکو، سفارتي استازو، نړیوالو بنسټونو، سوداګرو او پانګه‌والو ګډون کړی و.
دغه یو اوونیز نندارتون کې د تولیدي، سوداګریزو او خدماتي سکټورونو بېلابېل محصولات نندارې ته وړاندې شوي دي.

کابل ته د تاجکستاني پلاوي سفر؛ د سیاسي او اقتصادي همکاریو د پراخېدو نوې ژمنې شوې دي د تاجکستان د ځانګړي استازي په مشرۍ ی...
17/11/2025

کابل ته د تاجکستاني پلاوي سفر؛ د سیاسي او اقتصادي همکاریو د پراخېدو نوې ژمنې شوې دي

د تاجکستان د ځانګړي استازي په مشرۍ یو لوړپوړی دولتي پلاوی کابل ته راغلی او د بهرنیو چارو له وزیر مولوي امیرخان متقي سره یې د دوه‌اړخیزو همکاریو پر پراختیا بحث کړی دی.
په دې کتنه کې دواړو خواوو د سیاسي اړیکو د پیاوړتیا، اقتصادي همکاریو، سیمه‌ییزو پروژو او متقابلو ګټو په برخو کې خپل نظرونه تبادله کړي.
ښاغلي متقي ویلي، چې افغانستان له تاجکستان سره د ښو اړیکو د پراخېدو ملاتړ کوي او دغه تعامل د اعتماد، تفاهم او ورورولۍ پر بنسټ روان دی.
ورته مهال تاجکستاني پلاوي استازو هم ویلي، چې دوی د افغانستان سره د عملي همکاریو د پراخېدو لپاره چمتو دي.
دواړو لورو ټینګار کړی، چې ورته ناستې او دوه‌اړخیز سفرونه باید دوام ومومي تر څو اړیکې لا پراخې او ژورې شي.

Address

Kabul

Website

Alerts

Be the first to know and let us send you an email when باختر اطلاعاتي اژانس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category