ژورنالـــيسـت/Jurnalist, Afghanistan kabul, Kabul (2025)

21/10/2024

د اردغان سرسخته مخالف فتح الله ګولن د امریکا پنسلوانیا کې ومړ.
پر هغه تور و چې د اردغان په ضد یې د ۲۰۱۶ کال کودتا پلان کړې وه.
فتح الله ګولن په افغانستان کې د افغان ـ ترک ښوونځیو موسسه لرله او نورو هېوادونو کې یې هم دغسې ښوونځي جوړ کړي وو.

21/10/2024

پاکستاني تحريک طا لبان:
د پښتنو د قامي جرګې غوښتنه چې موږ دې دوو مياشتو کې له پښتونخوا څخه ووځو، موږ ته د منلو نده.

21/10/2024

رجب طیب اردغان:
د لبنان ترکانو ته مو د اسلامي ورورولۍ له مخې غېږ او دروازې خلاصې دي.
وایي، جګړې نه د سرپناه لپاره دې ترکیې ته راواوړي.

10/10/2024

نن به د خیبر لویې جرګې ته لسګونه زره میلمانه، قومي مشران، د ګوندونو پلاوي او ځوانان ورسېږي.
دوی به نن د پرونیو دریو شهیدانو جنازه کې هم برخه واخلي چې د جرګې په میدان کې به ماسپښین ادا شي.
د پي ټي ایم د معلوماتو له مخې د میلمنو پالنې ته درې نیم زره حجرې او کورونه خالي کړای شوي دي.
انځور د بیګا ماښام دی.

09/10/2024

خيبر✌️🦅

06/10/2024

چیګوارا به ویل:
د خپل قام لپاره وجنګېږه! که نشې جنګیدلی، قلم دې پورته کړه، که قلم هم نشې پورته کولې، غږ پورته کړه، که غږ هم نشې پورته کولی، نو د نورو مبارزینو ملاتړ وکړه، که دا هم نشې کولی؛ نو د هغو خلکو چې د قام لپاره جنګېږي، لیکل کوي او غږ پورته کوي، د هغوې سره مرسته وکړه. که دا هم نشې کولی نو آرام کېنه او د هغو خلکو حوصلې مه ماتوه چې ستا برخه جنګ يې هم په خپله غاړه اخیستی دی
د پښتنو جرګه به کيږي
11 اکتوبر انشاالله

27/08/2024

بلوچستان کې د وسله والو بریدونو له امله تېره ورځ ۵۰ پاکستاني ځواکونه او پنجابیان هلاک شوي.
د پاکستان حکومت په ناڅاپي ډول اعلان کړیو عزم استحکام پاکستان عملیاتو ته ۲۰ ملیارده نوره بودیجه ورکړې.

31/07/2024

ټاکل شوې چې د حماس د سياسي دفتر د مشر اسماعيل هنيه د جنازې مراسم سبا د پنجشنبې په ورځ د ايران په پلازمېنه تهران کې تر سره شي او وروسته په قطر کې خاورو ته وسپارل شي.
اسماعيل هنيه چې نن سهار تهران کې په خپل مېلمستون کې د اسراييلي استخباراتو (الموساد) لخوا ترور شو، نړيوال او سيمه ايز غبرګونونه يې راپارولي دي.
په ورته وخت کې د اسراييلو د دفاع وزير يوفګالينټ خبر ورکړی چې هېواد يې جګړه نه غواړي خو د احتمالي جګړې پر وړاندې يې بشپړه تياری نيولی.

31/07/2024

ایراني رسنیو د سپاه پاسداران له قوله خبر ورکړی چې د حماس غورځنګ د سیاسي دفتر مشر، اسعمیل هنیه وژل شوی دی.

ایراني رسنیو زیاته کړې چې اسمعیل هنیه او یو ساتونکی یې په تهران کې په نښه شوي او وژل شوي دي.

تر دې دمه د دغه خبر په اړه نور جزییات نه دي ورکړي.

28/07/2024

د ملي برم، ملي بیرغ ورځ مو مبارک شه
دا داسې مقدسه ټوټه ده چې نه له تاریخ حذف شو، نه د پښتون وطن له غرونو چا ورک کړای شو، نه هم چا د چا له زړونو وویستلی شو.
وقفې به راځي خو د دې بیرغ د رپېدلو هسکې څوکې معلومې دي.

27/07/2024

د جرمني رسنيو د راپورونو له مخې، د افغانانو په نوم جرمني کې د يوې پاکستانۍ اوه کسيزې کورنۍ قبلېدو د افغان پناه غوښتونکو پروګرام په تړاو شکونه راپورته کړي دي.

دغه پاکستانۍ کورنۍ د افغان پناه غوښتونکو د منلو پروګرام کې ځانونه افغانان معرفي کړي او د هويت اسناد يې هم د افغانانو جوړ کړي او پرې قبول شوي هم دي.

د جرمني سیسرو مجلې د بهرنيو چارو وزارت د محرمو اسنادو پر اساس دغه قضيه کشف کړې او اندېښنه يې ښودلې چې ښايي د پاکستان استخباراتي ادارو له دې فرصت څخه په استفادې خپل استخباراتي غړي جرمني ته داخل کړي وي.

سیسرو مجلې ليکلي، د دې اووه کسيزې کورنۍ پلار، چې ویل کېږي پنځه تنه یې جرمني ته لېږدول شوي، ادعا کړې چې پخوا یې په افغانستان کې د اسټرالیا پوځ سره کار کاوه: «دا کورنۍ کېدای شي داسې مامورین وو چې د پاکستان د استخباراتي ادارې لخوا جرمني ته د فدرالي حکومت لخوا په یوې پلان شوې چارټر الوتنه کې راوړل شوي وي.»

جرمني ته د افغانانو په نوم د پاکستاني اتباعو د داخلېدو دغه خبر داسې مهال خپرېږي، چې په دې وروستیو کې په جرمني کې د افغانانو هر مناسبت د مبهمو کسانو له لوري ګډوډېږي او ټوله هڅه دا ده چې بهر کې افغانان افراطي معرفي شي.

اوس څرګنده شوه چې ښايي دغه ګډوډۍ رامنځته کوونکي او فرانکفورټ کې د پاکستان سفارت څخه د دوی د بيرغ ښکته کوونکي هم همدغه ډول اېستل شوي او له وړاندې ځای پر ځای شوي پاکستانيان وي.

26/07/2024

محمود خان اڅکزي ولي اوس خپل څيره بربنډه کړه

د پاکستان په تاریخ کې اوسنی وضعیت د دې هېواد لپاره په ډېر بد حالت کې روان دی. په ځانګړې توګه، بلوچستان، پښتونخوا، او کراچۍ سیمې د ناامنۍ او بې ثباتۍ له جدي ستونزو سره مخ دي. په دې نازکو حالاتو کې، ځینې سیاستوال د خپلو اصلي موخو او دریځونو د افشا کولو هڅه کوي، چې محمود خان اڅکزی هم یو له دغو څېرو څخه دی. د پښتنو په منځ کې د راتلونکو سیاسي بدلونونو په اړه د اڅکزي ناڅاپي څرګندونې او دریځ د پام وړ دی، دغه حالت مې په څو برخو کې تاسو ته څیړلی او په لاندي ټکو کې لنډوم.

1. د امریکایانو او انګریزانو رول:

په حقیقت کې، امریکایان اوس په پاکستان باندې هغه پخوانی اعتماد نلري چې پخوا یې درلود. د دې ښه بیلګه دا ده چې امریکایان اوس له قطر سره خپلې اړیکې پالي، ترڅو په سیمه کې د خپلو موخو لپاره ښه بدیل ولري. له بلې خوا، انګریزان نه غواړي په سیمه کې خپل پخواني لاسپوڅي د لاسه ورکړي.

2. بلوچستان:

بلوچستان چې د پاکستان ۴۵ سلنه خاوره جوړوي، اوس د پاکستان د پوځ له کنټرول څخه وتلی دی. په دې سیمه کې پاکستاني پوځیان هیڅ ځای کې حاکمیت نلري او هر ځای چې غواړي لاړ شي، د کاروان په ډول باندي ځي. دا وضعیت د بلوچستان د خلکو د آزادۍ غوښتنې او د پاکستان د پوځ پر وړاندې د انقلاب ښکارندویي کوي.

3. پښتونخوا:

پښتانه چې په پاکستان کې د پنجابیانو وروسته لوی قوم دی، اوس د پاکستان حکومت او پوځ ته په شکمن نظر ګوري. زیات شمېر پښتانه پاکستان خپل کور نه بولي او دا هېواد د پښتنو لپاره یو قاتل هېواد بولي. د پښتون ژغورنې غورځنګ (PTM) په راتلونکې میاشت کې د پښتنو د سرنوشت لپاره د جرګې جوړول پلان لري، چې دا د پاکستان پوځ او حکومت ته یو لوی ګواښ دی.

4. کراچۍ:

کراچۍ، چې د پاکستان د سوداګرۍ مرکز دی، نن صبا په ډېر بد حالت کې دی. ۷۰ سلنه بهرنۍ کمپنیو خپل کار بند کړی او پاکستان څخه یې خپلې شتمنۍ ایستلي دي. هره ورځ بې امني خلک ځوروي او هیڅوک ځان خوندي نه احساسوي. دا وضعیت د پاکستان د اقتصادي ستونزو او د حکومت بې کفایتۍ ښکارندویي کوي.

5. جعلي رهبران:

د پاکستان د پیدایښت څخه انګریزانو د دې هېواد د بقا لپاره هر قوم ته جعلي رهبران جوړ کړي وو، چې خپل قومونه کنټرول کړي. دا جعلي رهبران د انګریزانو په مرسته لندن کې کورونه او د ژوند آسانتیاوي لري. پښتنو کې هم دوه رهبران لندن کې خپل کورونه لري.

6. محمود خان اڅکزی او د پاکستان پوځ:

محمود خان اڅکزی اوس خپل اصلي څیره برڅیره کړه او خپل ورکړل سوي وظیفه یې شروع کړه کوم چې دا ۷۰ کاله یې د دوی کورنۍ ته سپارلي وه. اڅکزی غواړي د پاکستان د پوځ په مرسته د پښتنو د راتلونکې میاشتې جرګه بابیزه کړي. دا هڅه یې د دې لپاره ده چې د پاکستان پوځ او حکومت روان حالت وساتي او د پښتنو د حقونو او سرنوشت لپاره د هر ډول جدي هڅو مخه ونیسي.

7. د شهید عثمان کاکړ وژنه او خوشحال خان کاکړ څرګندونې:

د محمود خان اڅکزي په ګوند کې ډېر پښتانه په دې عقیده دي چې د شهید عثمان کاکړ وژنه د پاکستان پوځ د محمود خان اڅکزي په همکارۍ ترسره کړې وه. خوشحال خان کاکړ هم دا خبره کړي وه او په همدې موضوع باندې یې د پښتونخوا ملي عوامي ګوند څخه ووتلو او ځان ته یې بل ګوند جوړ کړ. خوشحال خان کاکړ په خپلو څرګندونو کې ویلي و چې محمود خان اڅکزی د پښتنو لپاره مخلص رهبر نه دی. دا څرګندونې د اڅکزي د کردار او د هغه د اصلي موخو په اړه لوی شکونه راپورته کوي.

پایله:

د پورته معلوماتو په اساس، دا څرګندیږي چې محمود خان اڅکزی اوس په ښکاره توګه د خپلو اصلي موخو او د پاکستان د پوځ له ملاتړ سره یو ځای د پښتنو د حقونو او سرنوشت لپاره د هر ډول جدي هڅو مخه نیسي. په دې توګه، اڅکزی او نور جعلي رهبران هڅه کوي چې د پاکستان حکومت او پوځ روان حالت وساتي او د پښتنو د حقونو لپاره د هر ډول جدي هڅو مخه ونیسي. د شهید عثمان کاکړ وژنه او د هغه سره ډېر انقلابي پښتنو مشرانو او ځوانانو وژنه ښه بیلګې کیدی سې د بل خوا د خوشحال خان کاکړ څرګندونې دا لا نور هم روښانه کوي چې محمود خان اڅکزی د پښتنو لپاره مخلص رهبر نه دی. دا حالت د پاکستان د حکومت او پوځ لپاره لوی ګواښ دی او د پښتنو د حقونو لپاره یو لوی فرصت دی.

ژورنالـــيسـت/Jurnalist

21/10/2024

21/10/2024

21/10/2024

10/10/2024

09/10/2024

06/10/2024

27/08/2024

31/07/2024

31/07/2024

28/07/2024

27/07/2024

26/07/2024

Address

Telephone

Website

Alerts

Contact The Business

Shortcuts

Share

Category