W News

W News Contact information, map and directions, contact form, opening hours, services, ratings, photos, videos and announcements from W News, Media/News Company, Kabul.

وحدت غږ راډیو د میدان وردګ مرکز میدانښار څخه نشرات کوي.
اوس وحدت غږ راډیو په میدان وردګ، کابل او لوګر ولایت کې په 89,5 او سیدآباد ولسوالۍ کې په 87,5 فریکونسۍ اوریدلی شئ.

پکتیا انټرکلب کرکټ سیالۍ د سرحدي لوبډلې په اتلولۍ پای ته ورسېدېد پکتیا د ۲۰۲۶ کال انټرکلب کرکټ سیالۍ، چې د ۳۶ لوبډلو ترم...
10/09/2026

پکتیا انټرکلب کرکټ سیالۍ د سرحدي لوبډلې په اتلولۍ پای ته ورسېدې
د پکتیا د ۲۰۲۶ کال انټرکلب کرکټ سیالۍ، چې د ۳۶ لوبډلو ترمنځ ترسره شوې، د سرحدي لوبډلې په اتلولۍ پای ته ورسېدې.
په پایلوبه کې سرحدي لوبډلې تېرې «B» لوبډلې ته د ۲۴ منډو په توپیر ماتې ورکړه او حبیب‌الرحمن توتاخېل د لوبې غوره لوبغاړی وپېژندل شو.
د کرکټ مسؤلین وایي، دغه ډول کورنۍ سیالۍ د تکړه لوبغاړو د موندلو او د هغوی د وړتیاوو د لوړولو لپاره مهمې دي.
وحدت غږ

د نورستان ـ کونړ ۱۰۸ کیلومتره سړک د جوړولو چارې چټکې شوېد نورستان ـ کونړ پر ۱۰۸ کیلومتره سړک د جوړولو او قیر اچونې چارې ...
10/09/2026

د نورستان ـ کونړ ۱۰۸ کیلومتره سړک د جوړولو چارې چټکې شوې
د نورستان ـ کونړ پر ۱۰۸ کیلومتره سړک د جوړولو او قیر اچونې چارې په چټکۍ روانې دي، چې د پروژې ۲۳ کیلومتره برخه یې د قیر اچونې په حال کې ده.
د نورستان مرستیال والي وایي، د سړک د لومړي او دویم لاټ د قیر اچونې چارې به تر دوو میاشتو بشپړې او د درېیم لاټ ۸۵ کیلومتره برخه به په شاوخوا یو نیم کال کې د ټاکل شویو معیارونو له مخې جوړه شي.
مسؤلین وایي، د دې لارې بشپړېدل به د خلکو د تګ راتګ، سوداګرۍ او اقتصادي فعالیتونو په پراختیا کې مهم رول ولري.
وحدت غږ

کرزی: د افغان طبي محصلینو زده‌کړې باید له سیاسي اختلافاتو جلا وساتل شيد افغانستان پخواني ولسمشر حامد کرزي په پاکستان کې ...
10/09/2026

کرزی: د افغان طبي محصلینو زده‌کړې باید له سیاسي اختلافاتو جلا وساتل شي

د افغانستان پخواني ولسمشر حامد کرزي په پاکستان کې د افغان طبي محصلینو د زده‌کړو د محدودولو پرېکړه خواشینوونکې بللې او د هغې د لغوه کېدو غوښتنه یې کړې ده.

کرزي ټینګار کړی چې د ځوانانو زده‌کړې، علمي فعالیتونه او د علمي بنسټونو ترمنځ همکاري باید د هېوادونو له سیاسي اختلافاتو څخه جلا وساتل شي.

نوموړي همداراز له هغو پاکستاني سیاسي او ټولنیزو شخصیتونو څخه مننه کړې چې د یادې پرېکړې مخالفت یې کړی او له خپل حکومت څخه یې د پرېکړې د بیاکتنې غوښتنه کړې ده.

سوریه کې د وسلو په زېرمتون کې چاودنه؛ ۱۴ کسان وژل شويد سوریې د ادلب ولایت په شمال کې، سرمدا ښار ته څېرمه، د وسلو او جګړې...
10/09/2026

سوریه کې د وسلو په زېرمتون کې چاودنه؛ ۱۴ کسان وژل شوي

د سوریې د ادلب ولایت په شمال کې، سرمدا ښار ته څېرمه، د وسلو او جګړې د پاتې شونو د موقتي ساتنې په یوه مرکز کې د چاودنې له امله لږ تر لږه ۱۴ کسان وژل شوي او ۱۱ نور ټپیان شوي دي.

د سوریې د دفاع وزارت په وینا، په پېښه کې د دغه وزارت ۱۴ کارکوونکي وژل شوي او د ټپیانو په ډله کې ملکي وګړي هم شامل دي. یاد مرکز د جګړې له پاتې شویو وسلو او مهماتو څخه د راټولولو او د انتقال تر مخه د موقتي ساتنې لپاره کارول کېده.

تر اوسه د چاودنې دقیق لامل نه دی څرګند شوی او د پېښې د څرنګوالي د معلومولو لپاره پلټنې پیل شوې دي.

په هېواد کې د ۱۰۳ روغتیايي مرکزونو او روغتونونو د جوړولو او بیارغونې چارې پیل شوې د اسلامي امارت ویاند وایي، د عامې روغت...
09/09/2026

په هېواد کې د ۱۰۳ روغتیايي مرکزونو او روغتونونو د جوړولو او بیارغونې چارې پیل شوې

د اسلامي امارت ویاند وایي، د عامې روغتیا وزارت په هېواد کې د ۱۰۳ روغتیايي مرکزونو او روغتونونو د جوړولو او بیارغونې چارې پیل کړې دي.

مولوي ذبیح‌الله مجاهد زیاتوي چې د ۴۵ ولسوالیو روغتونونو د جوړولو تدارکاتي بهیر هم د بشپړېدو په حال کې دی.
وحدت غږ

پنجشیر کې ۲۰ بستریز روغتون په ۷ میلیونه افغانیو بیارغول شوید پنجشیر د پریان ولسوالۍ ۲۰ بستریز روغتون د ۷ میلیونه افغانیو...
09/09/2026

پنجشیر کې ۲۰ بستریز روغتون په ۷ میلیونه افغانیو بیارغول شوی

د پنجشیر د پریان ولسوالۍ ۲۰ بستریز روغتون د ۷ میلیونه افغانیو په لګښت بیارغول شوی او په عصري طبي وسایلو سمبال شوی دی.

د عامې روغتیا ریاست په وینا، په روغتون کې ډیجیټل ایکسرې، مجهزه عملیاتي خونه او د زېږون څانګه فعاله شوې او اوس د پریان او حصه اول ولسوالیو اوسېدونکو ته ۲۴ ساعته روغتیايي خدمات وړاندې کېږي.
وحدت غږ

مجاهد: افغان ورزشکارانو په نړیوالو سیالیو کې ۶۲ مډالونه ګټلي دي.د ا.ا ویاند ذبیح‌الله مجاهد وايي، په ۱۴۴۷ هجري قمري کال ...
09/09/2026

مجاهد: افغان ورزشکارانو په نړیوالو سیالیو کې ۶۲ مډالونه ګټلي دي.

د ا.ا ویاند ذبیح‌الله مجاهد وايي، په ۱۴۴۷ هجري قمري کال کې په هېواد کې پنځه ستر ورزشي لیګونه ترسره شوي او د څلورو ورزشي فدراسیونونو کورنۍ ټاکنیزې سیالۍ هم شوې دي. د نوموړي په وینا، افغانستان په دې موده کې د بېډمنټن او دودیزې غېږنیونې په برخو کې د نړیوالو سیالیو کوربه‌توب کړی او ۲۴۰ افغان ورزشکارانو په ۳۲ نړیوالو سیالیو کې ګډون کړی دی. مجاهد زیاتوي، افغان ورزشکارانو په دغو سیالیو کې ټولټال ۶۲ مډالونه ګټلي، چې ۱۵ د سرو زرو، ۱۸ د سپینو زرو او ۲۹ د برونزو مډالونه دي.

ایران په اردن کې د امریکا په پوځي اډې باندې بالستیک توغندیو برېدونه کړي.د رویټرز د تازه راپور له مخې، په منځني ختیځ کې د...
09/09/2026

ایران په اردن کې د امریکا په پوځي اډې باندې بالستیک توغندیو برېدونه کړي.

د رویټرز د تازه راپور له مخې، په منځني ختیځ کې د جګړې د پراخېدو له دوام سره، د امریکا پوځ پنځه ایراني نفت‌کشتي له منځه وړي دي. د راپور له مخې، دغه اقدام د ایراني ځواکونو له لوري د یوه امریکايي سمندري جنګي بېړۍ پر وړاندې د توغندیزو بریدونو له هڅې وروسته شوی دی.

ایران د امریکا د دغه اقدام په غبرګون کې په اردن کې د یوه امریکايي پوځي اډې پر لور بالستیک توغندي توغولي دي. د اردن چارواکو ویلي، له ۲۰ توغندیو څخه ۱۸ یې شنډ کړي او د برید له امله د مرګ‌ژوبلې راپور نه دی ورکړل شوی.

په همدې مهال، د ایران ملاتړ لرونکو حوثیانو د سعودي عربستان په جنوبي برخو کې پر څو ښارونو او د تېلو پر تاسیساتو د توغندیو او بې‌پیلوټه الوتکو بریدونه کړي دي. د راپورونو له مخې، په دغو بریدونو کې ۷۳ کسان ټپیان شوي او د تېلو ځینې تاسیسات زیانمن شوي دي.

د میدان وردګو ولایت د جلریز ولسوالۍ امنیتي مسؤلینو دوه تنه د غلاوو په تور نیولي دي.د جلریز ولسوالۍ امنیه قوماندان، قاري ...
09/09/2026

د میدان وردګو ولایت د جلریز ولسوالۍ امنیتي مسؤلینو دوه تنه د غلاوو په تور نیولي دي.

د جلریز ولسوالۍ امنیه قوماندان، قاري محمد داود طیب، وايي چې یاد کسان د جلریز او نرخ ولسوالیو او د میدان ښار په مربوطاتو کې د غلاوو په ترسره کولو کې لاس درلود.

نوموړي ویلي، امنیتي ځواکونو د دقیقو کشفي معلوماتو پر بنسټ، دغه کسان تر څارنې او تعقیب وروسته د مامکي خیلو په سیمه کې له غلا شوو توکو سره یو ځای نیولي دي.

د جلریز ولسوالۍ امنیه قوماندان زیاتوي، نیول شویو کسانو پر خپلو جرمونو اعتراف کړی او دوسیه به یې د قانوني مراحلو له بشپړېدو وروسته عدلي او قضایي ارګانونو ته وسپارل شي.

نوموړي ټینګار کړی چې امنیتي ځواکونه به هیچاته اجازه ورنه کړي چې د خلکو امنیت له ګواښ سره مخ کړي او یا د ناوړه کړنو له لارې د سیمې نظم ګډوډ کړي.

عباس عراقچي؛امریکا پر اېران نوي بندیزونه لګولي د ایران د بهرنیو چارو وزیر سید عباس عراقچي وايي، امریکا له جګړې او بندیزو...
09/09/2026

عباس عراقچي؛
امریکا پر اېران نوي بندیزونه لګولي
د ایران د بهرنیو چارو وزیر سید عباس عراقچي وايي، امریکا له جګړې او بندیزونو له لارې خپلو موخو ته له رسېدو وروسته پاتې راتلو په غبرګون کې پر ایران نوي بندیزونه لګولي دي. عراقچي پر خپله اېکس پاڼه لیکلي، امریکا له ۴۷ کلونو بندیزونو وروسته د اسرائیل په استازیتوب له ایران سره جګړه پیل کړه، چې د نوموړي په وینا، پایلې یې د امریکا لپاره ناورین‌زېږونکې وې.
وحدت غږ RTV

Address

Kabul
2801

Website

Alerts

Be the first to know and let us send you an email when W News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category