17/05/2023
هغه باچا چې لۀ عظمت يې ۴۶ کاله د اروپا باچاهان لړزېدل!
کله چې باچا شو، لومړی يې اروپا ته د جزيې ليکونه واستول. ځينو فکر وکړ چې نوی، د کم عمر باچا دی، هغه و چې استازی يې ترې وواژۀ.
کله چې خبر شو وې ويل: د اسلام سفير پداسې حال کې وژل کېږي چې زۀ لا ژوندی يم؟!
يو لوي فوځ يې تيار کړ، د بلګراد ښار يې کلابند کړ. دا هغه ښار و چې د منځنۍ اروپا دروازه بلل کېده او د قسطنطينې فاتح سلطان محمد هم فتحه کړی نۀ و. د دوه نيمې مياشتې کلابندۍ وروسته يې د بلګراد تاريخي ښار ونيوۀ. د اروپا پۀ باچاهانو رعب پرېواتۀ، د روسې باچا ورته مبارکۍ کې ټوپکونه ډالۍ کړل او نورو اروپايي باچاهانو هم جزيه ومنله.
الماني مؤرخ هالمر ليکي: دا باچا مونږ ته لۀ صلاح الدين ايوبي هم لوي خطر دی.
دې باچا ۴۶ کاله واک وکړ، اتۀ ځله يې پخپل لاس قران وليکۀ، د اروپا خوا ته يې لس تاريخي جګړې وکړې، د دۀ د سمندري ځواک به چې مديترانه کې تېرېدلو د کليسا نغارې به خاموشې شوې، پۀ خلکو به رپ کېناستۀ او هغه مهال به د مسيحيت عبادات او مراسم نۀ ترسره کېدل.
تاريخ دا شخصيت سلطان سليمان القانوني معرفي کوي.
