Hurriyat Radio Pashto

29/07/2025

د بلخ ولایت د اطلاعاتو او کلتور ریاست مسؤلينو خبر ورکړی، چې دغه ولایت کې د دري ژبې نامتو شاعر او لیکوال صالح محمد خليق د ۷۰ کلنو په عمر ومړ.

یادو مسؤلینو زیاته کړې، چې نوموړی نن غرمه مهال مزارشريف ښار کې لومړی په یوه ټرافیکي پېښه کې ژوبل او وروسته یې په یوه خصوصي روغتون کې د زړه د حملې له کبله ژوند له لاسه ورکړ.

د بلخ اطلاعاتو او کلتور ریاست د ښاغلي خليق پر مړینې خواشینې څرګنده کړې او د نوموړي له کورنۍ سره پر غم شریکۍ سربېره يې د هغه مړینه د دري ادبیاتو لپاره لویه ضایع بللې ده.

یاده دې وي، صالح محمد خليق چې د بلخ ولایت اوسېدونکی و، شاوخوا ٣٠ لیکلي او ژباړل شوي کتابونه لري او د تېرې ادارې پر مهال یې ١٦ کاله د بلخ ولایت د اطلاعاتو او کلتور د رئیس په توګه دنده پر مخ وړې ده.

29/07/2025

۶۰ ثانیې خبرونه!
د نن ورځې څو مهم او لنډ خبرونه

یوټيوب لېنک: https://youtube.com/shorts/xmBIrOF1rp4?feature=share

29/07/2025

د مخابراتو او معلوماتي ټکنالوجۍ وزارت خبر ورکړی، چې د هېواد د ۱۱ ولایتونو په ۱۳ ولسوالیو کې ۱۳ نوي مخابراتي سایټونه جوړېږي.

د یاد وزارت ویاند عنایت الله الکوزي په خپله اېکس پاڼه لیکلي، دا سایټونه د ۱۰۲ میلیونه افغانیو په ارزښت جوړېږي او تړون یې نن له اتصالات، افغان ټلیکام، اټوما او افغان بیسیم شرکتونو سره لاسلیک شو.
بشپړ خبر:

For those who helped create the Genki Dama

29/07/2025

د اوبو او انرژۍ وزارت خبر ورکړی، چې په کاپیسا ولایت کې د نږدې ۱۲میلیونه افغانیو په ارزښت د اوو پروژو عملي چارې پیل شوې دي.

یاد وزارت ویلي، چې په دغو پروژو کې د ۵۶۰متره استنادي دېوالونو، د سیند څنډو تحکیمات، سربند او کانال جوړول شامل دي، چې شپږ یې د تګاب او یوه یې په نجراب ولسوالۍ کې پلي کیږي.

د اوبو او انرژۍ وزارت همداراز ویلي، چې په دې سره به کرنیزې ځمکې او استوګنیز کورونه د سېلابونو له ګواښ خوندي او د اوبو سرچینو د مدیریت په برخه کې به بنسټیز رول ولوبوي.

د سرچینې په خبره، چې یادې پروژې د UNDP په مالي لګښت پرمخ وړل کیږي، چې چارې به یې د شپږو میاشتو په موده کې بشپړې شي.

د یادونې وړ ده، چې حکومت وروستیو کې د کرنیزو ځمکو او استوګنیزو کورونو خوندیتوب لپاره ګڼې پروژې پلي کړې دي، چې ګڼې یې ګټې اخیستنې ته سپارل شوې او د ځینو چارې لا هم روانې دي.

29/07/2025

د جلال اباد ښار ۸مه ناحیه کې د ۱۷ مېلیونو افغانیو په ارزښت د دوو سړکونو د جوړېدو چارې پیل شوې

یوټیوب لېنک: https://youtu.be/ZwaQOptYgzw

29/07/2025

د اوکرایین پر زاپوریژیا او دنيپروپتروفسک سیمو د روسیې پراخو بریدونو کې ۲۰تنه وژل شوي او ۶۰نور ټپیان شوي.

اوکراییني چارواکو ویلي، تر ټولو ډېر تلفات زاپوریژیا کې اوښتي دي.

نور ولولئ: https://hurriyat.net/news/14706/details

29/07/2025

د کارو بار په لټه کې روزګانیانو د شاتو مچیو فارمونو ته مخه کړې

د روزګان ځایي مسئولین وایي، دا مهال یاد ولایت کې د شاتو مچیو ۲۰۰ فارمونه شتون لري، چې ګڼ شمېر کسان په کې په کار بوخت دي.

یوټیوب لېنک: https://youtu.be/hw-aDJwdaVU

29/07/2025

د اسعارو بیې
ــــــــــــــــــــــــــــــــ
د افغانستان په بازارونو کې د نن ورځې د اسعارو بیې
سه شنبه د زمري ۷مه نېټه، ۱۴۰۴ لمریز کال

29/07/2025

د احصايې او معلوماتو ملي ادارې ویلي، تېره یوه کال کې یې تر دوه میلیونه زیاتې برېښنایي پېژندپاڼې وېشلې دي.

د یادې ادارې د معلوماتو له مخې، له دې ډلې یې ۷۷۸ زره نارینه او نږدې ۶۰۰ زره ښځو تذکرې ترلاسه کړې دي.

نور ولولئ: https://hurriyat.net/news/14704/details

29/07/2025

د احصایې او معلوماتو ملي اداره وایي، تېر کال له افغانستان د ۱.۷ میلیارد ډالرو په ارزښت بهرنیو هېوادونو ته صاردات شوي.

د یادې ادارې د معلوماتو له مخې دغو صادراتو کې تر ډېره وچ انځر، پنبه، ممیز، ینجه او ډبرو سکاره شامل دي.

نور ولولئ: https://hurriyat.net/news/14699/details

29/07/2025

کونړ کې د ولسوالانو او خبریالانو ترمنځ د هغږۍ ناسته وشوه

یوټیوب لېنک: https://youtu.be/Jx3TfNxQjd4

29/07/2025

د امارتي شرکتونو مسئولینو د یو کلنو لاسته راوړنو تشریح پر مهال ویلي، تېر کال یې د ۲۰ میلیارده افغانیو پانګونې د جذب ترڅنګ ۵۹۱.۶ میلیونه ډالرو په ارزښت د ۶۱۹ میګاواټه برېښنا د تولید قراردادونه لاسلیک کړي.

نور ولولئ: https://hurriyat.net/news/14696/details