سلام نیوز Salam News

موږ څوک یو … ولی سلام نیوز پښتو ویبپاڼه ؟
سلام نیوز وېبپاڼه، چې په ۲۰۱۷ کال په شروع کی په کار پیل وکړ اوس په دی هڅه کی ده چی خپل داړتیا وړ مالومات له انټرنیټي وېبپاڼو، فیسبوک او ټویټر دلارې خپل ولس او لوستونکوته وار ورسوي

سلام نیوز ویبپاڼه خپلواکه او ناپیېلې ده. اوسمهال، چې افغانستان دبیان له بېسارې ازادۍ څخه برخمن دی موږ به یوځای دخپل ولس غږ منعکسوو موږ دهیچا دتندي ګونځو ته نه ګورو خو ټولو ته

په یوه سترګه ګورو . زموږ موخه زموږ لوستونکي دي . موږ په داسې یوه جغرافیه کې ژوند کوو، چې یو کړکيچ لا پای ته نه وي رسیدلې، چې بل سر راپورته کړي سلام نیوز ویبپاڼه به هڅه کوي ،چې خپلو لوستونکو ته دهېواد ، سیمې او نړۍ په اړه کره مالومات وړاندې کړي .

له بده مرغه په افغانستان کې ځینې رسنۍ له پېښې سره هغه ډول چلند کوي،چې د بسپنه ورکونکې اړخ له ګټو سره سمون خوري نه زموږ دخلکو او هېواد له ګټو سره موږ به له ډار پرته هغه څه خپروو ،چې زموږ د اسلام امت مسلمه او اسلامي نړۍ ګټې خوندي کړي

سلام نیوز ویبپاڼه دا دعوه نه کوي ،چې تېروتنه به نه کوي . هرکله که موږ تیروتو، سمدلاسه به موږ اعتراف کوو،چې دلته مو پښه ښویدلې ده، له مقابل لوري به ښکاره معذرت غواړو او دا زموږ په زیان نه ده

موږ پردې باور یو،چې دنړیوالتوب په پېر کې زموږ دود ، کلتور ، دین له ګواښ سره مخ دی ، خو موږ به یوازې دخپلو خلکو ګټه منعکسوو. سلام نیوز ویبپاڼه پر سمتي ، نژادي ، ژبینو توپیرونو باور نه لري، موږ ژمنه کوو،چې قومي کرکو ته به لمن نه وهو او نور هغه که وګړي وي یا ډلې دا کار کوي موږ به یې خپلو خلکو ته رسوا کوو .
سلام نیوز ویبپاڼه دا دعوه نه کوي،چې له نورو غوره ده زموږ لوستونکي به دا حکم کوي ځکه موږ دخپلو لوستونکو پر پوهه او زیرکتیا پوره باور لرو، خو موږ به له هغه چا سره ولاړ یو،چې دخپلې عقیدې ، اسلام او امت مسلمه درناوی کوي