RTA Pashto

RTA Pashto Afghanistan broadcaster since 1925. RTA delivers national and international news, insightful analysis
(2)

د امریکا ولسمشر ډونالډټرمپ د یو دوه ورځني سفر په ترڅ کې د چین پلازمېنې بیجینګ ته رسېدلی.د الجزیرې د راپور پراساس، ټاکل ش...
13/05/2026

د امریکا ولسمشر ډونالډټرمپ د یو دوه ورځني سفر په ترڅ کې د چین پلازمېنې بیجینګ ته رسېدلی.

د الجزیرې د راپور پراساس، ټاکل شوې ډونالډ ټرمپ او د چین ولسمشر شي‌جین‌پینګ د پنجشنبې او جمعې په ورځو کې وګوري چې تمه کېږي پر سوداګرۍ، د تایوان پر موضوع او له ایران سره پر جګړې به متمرکزه وي.

د سمنګان ولایت حضرت سلطان ولسوالۍ کې د ۱۱.۵ میلیونه افغانیو په ارزښت د ۷ پراختیایي پروژو کارونه بشپړ او ګټې اخیستنې ته س...
13/05/2026

د سمنګان ولایت حضرت سلطان ولسوالۍ کې د ۱۱.۵ میلیونه افغانیو په ارزښت د ۷ پراختیایي پروژو کارونه بشپړ او ګټې اخیستنې ته سپارل شوي.

یادو پروژو کې د سړکونو بیا رغونه، د اوبو رسولو شبکې پراختیا، او د پلچکونو، د اوبو کانالونو او چک‌ډیمونو جوړول شامل دي، چې د ناروې په مالي مرسته تطبیق شوي دي.

عامې روغتیا وزارت وايي چې د هلمند ولایت په بغني او باغران ولسوالیو کې د ۲۵ میلیونه افغانیو په ارزښت ۳ روغتیایي مرکزونه ګ...
13/05/2026

عامې روغتیا وزارت وايي چې د هلمند ولایت په بغني او باغران ولسوالیو کې د ۲۵ میلیونه افغانیو په ارزښت ۳ روغتیایي مرکزونه ګټې اخیستنې ته سپارل شوي دي.

د یاد وزارت په وینا، دا روغتیایي مرکزونه د کډوالۍ نړیوال سازمان (IOM) په مالي ملاتړ جوړ شوي چې په فعالېدو سره به لومړنیو او اساسي روغتیایي خدماتو ته د سیمې د اوسېدونکو لاسرسی اسانه شي.

د ایران په مشهد کې د افغانستان جنرال قونسل مولوي نورمحمد متوکل د فراه او سویلي خراسان ترمنځ د پولو او اقتصادي همکاریو په...
13/05/2026

د ایران په مشهد کې د افغانستان جنرال قونسل مولوي نورمحمد متوکل د فراه او سویلي خراسان ترمنځ د پولو او اقتصادي همکاریو په اړه ګډه ناسته کې ګډون وکړ.

مشهد کې د افغانستان قونسلګري وايي، چې دغه ناسته ماهي‌رود ځانګړې اقتصادي سیمه کې د دواړو ولایتونو د والیانو سربېره د اقتصادي او سرحدي چارواکو ترمنځ شوې ده.

دغه راز دې کتنه کې دواړو لوریو د ټرانزیټي، سوداګریزو او اقتصادي ستونزو پر حل ټینګار کړی دی.

کورنیو چارو وزارت، پولیس سرتېرو ته د زرګونه نویو موټر سایکلونو او چټکو وسایطو د وېش خبر ورکړی. د کورنیو چارو وزارت په وی...
13/05/2026

کورنیو چارو وزارت، پولیس سرتېرو ته د زرګونه نویو موټر سایکلونو او چټکو وسایطو د وېش خبر ورکړی.

د کورنیو چارو وزارت په وینا، له دې ډلې امني پولیسو ته ۲ زره ، د کابل امنیه قومندانۍ ته ۱۰۰ ، د اطفایې پولیسو ته ۵۰ او ترافیک پولیسو ته ۱۵۰ عرادې موټر سایلکلونه او یو شمېر چټک وسایط ووېشل شول.

مسولینو ویلي، د دغو موټرسایکلونو وېش به د امنیتي او خدماتي چارو په چټکتیا، د ښاریانو ستونزو ته پر وخت رسېدنه او د پولیسو د کاري وړتیا په لوړولو کې مهم رول ولوبوي.

تسنیم خبري اژانس راپور ورکړی، چې ایران د احسان افرشته په نوم یو کس اسراییلي رژیم ته د جاسوسۍ له امله اعدام کړ.نوموړی د ص...
13/05/2026

تسنیم خبري اژانس راپور ورکړی، چې ایران د احسان افرشته په نوم یو کس اسراییلي رژیم ته د جاسوسۍ له امله اعدام کړ.

نوموړی د صهیونیستي رژیم استخباراتي سازمان ته د جاسوسۍ په تور نیول شوی و، چې د محکمې په حکم نن سهار اعدام شو.

د عامې روغتیا وزارت له لوري د پکتیا ولایت اوسېدونکو لپاره د روغتيايي خدمتونو پياوړتيا او پراختيا په موخه له (Health Net_...
13/05/2026

د عامې روغتیا وزارت له لوري د پکتیا ولایت اوسېدونکو لپاره د روغتيايي خدمتونو پياوړتيا او پراختيا په موخه له (Health Net_ TPO) موسسې سره د څه باندې ۱۰ میلیونه او ۳۴۹ زره ډالرو په ارزښت تړون لاسليک شو.

دغه تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې په پلي کېدو سره به یې د یاد ولایت اوسېدونکي له اساسي روغتیايي خدماتو برخمن او یو زر او ۵۳۸ تنو ته به د کار زمينه هم برابره شي.

نن چهارشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.
13/05/2026

نن چهارشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

13/05/2026

په پلازمېنه کابل کې د «نوي کابل ښار» پروژې چارې په چټکۍ سره روانې دي.

د پنجشېر ولایت مقام د رسنیو دفتر وایي، چې د پنجشېر ولایت په پریان ولسوالۍ کې د رواني ناروغانو د درملنې درې مرکزونه جوړ ا...
13/05/2026

د پنجشېر ولایت مقام د رسنیو دفتر وایي، چې د پنجشېر ولایت په پریان ولسوالۍ کې د رواني ناروغانو د درملنې درې مرکزونه جوړ او پرانیستل شول.

د یاد دفتر په وینا، دغه مرکزونه د یوې همکارې موسسې له‌خوا د ۲۰۰ زره ډالرو یوې پروژې په چوکاټ کې جوړ شوي دي.

الجزیرې خبري شبکې راپور ورکړی، چې اسرائیلي رژیم د لبنان په سویل کې د روغتیاپالانو پر یوې ډلې چې یو ټپي کس یې روغتون ته ل...
13/05/2026

الجزیرې خبري شبکې راپور ورکړی، چې اسرائیلي رژیم د لبنان په سویل کې د روغتیاپالانو پر یوې ډلې چې یو ټپي کس یې روغتون ته لېږدولو برید کړی، چې په برید کې د دوو روغتیاپالانو په ګډون یاد ټپي کس هم ژوند بایللی دی.

دا په داسې حال کې ده، چې د لبنان په سویل کې د اسرائیلي رژیم بریدونو زور اخیستی او په وروستیو ساعتونو کې د دغو بریدونو له امله لږ تر لږه ۱۳ تنو ژوند بایللی دی.

Address

Kabul
1001

Website

Alerts

Be the first to know and let us send you an email when RTA Pashto posts news and promotions. Your email address will not be used for any other purpose, and you can unsubscribe at any time.

Shortcuts

Share

Category