16/09/2025
نن مو بيا لکه د تير کال په څیر د ژمي لپاره د روميانو څخه ښه پریمانه روب جوړ کړۍ.
اقتصادي، صحی او وطني تولیدات مو د کورنۍ اقتصاد پياوړی کوي.
د رومي بانجانو څخه د روب جوړولو اسانه او ارزانه طريقه.
1. لومړی د ضرورت وړ مقدار روميان د بازار څخه واخلی، د کوچنی فامیل لپاره پنځه منه او د غټ فامیل لپاره 10 منه سره روميان.
2. لومړی روميان بايد په پاکو اوبو ښه ووينځل شي، او بيا د منځ څخه دوه نیمه شي.
3. ټول روميان د کوفتې د ماشین څخه وايستل شي.
4. ټول کوفته شوي روميان دي په يو غټ دیګ کې واچول شي او اور ورته بل شي ترڅو ښه وخوټيږي او اوبه یې وچې شي، نور روب جوړ دی.
5. په ديګ کې کولای شي يو دوه د شملو قاچوغه غوړي او لږ د ديګ مساله هم واچول شي، د ديګ مساله حتمي او ضروري ندی.
6. د دې لپاره چې د رومي بانجانو جوړ شوی روب ښه او زيات وخت لپاره وساتل شي نو ضروري دی چې د شيشو مرتبانونو کې همغه ګرم جوړ شوی روب واچول شي.
7. مخکی ددې څخه چې روب په مرتبانونو کې واچول شي لاندی حفظ الصحي ټکو ته بايد پوره توجه وکړو.
1. شيشه يې بوتلان دي ټول په جوشو اوبو کې ووينځل شي.
2. د شيشه يې بوتلې سرپوښ د باید په جوشو اوبو کې د نيم ساعت لپاره ښه وجوشول شي.
3. که شيشه يې بوتلو ته د لا تعقيم لپاره د اوبو بخار ورکړی شي ډير به ښه وي.
4. دا هر څه چې تيار شوه، په پاکو تعقيم شوی کاچوغو سره بايد هغه ګرم د روميانو روب په مرتبانونو کې واچول شي، او ښه دې ډک شي او بیا په پاکو لاسونو سره ښه کلک وتړل شي.
5. ټول مرتبانونه دي د يو ساعت لپاره سرچپه کيښودل شي او يو پټو او يا کمپله دي ورباندې واچول شي ترڅو څوړ شي.
6. نور نو روب تیار دی او يو کال لپاره هيڅ نه خرابيږي، که يخچال کې کيښودل شي دا به ډير ښه وي او که يخچال نه وي نو لږ يخ سوري کې که کيښودل شي هم مشکل نه جوړوي.
نوټ: د يو من رومي بانجانو څخه پنځه شيشه يې
بوتلې په اندازه روب جوړیږي.
👈یادونی وړ ده چی هر کال موږ هم په همدی ترتیب سره کور کی روب جوړ کړی دی او ښه نتیجه یی ور کړی ده.
#کاپی
