Spogmai FM

Home
Afghanistan
Kabul
Spogmai FM

A source of local, regional and international news, political, entertainment and social programs.
(1)

Spogmai FM is a popular radio station based in Kabul, Afghanistan. Founded in 2008, the station has become a leading source of news, music, and entertainment for its listeners in Afghanistan and the surrounding region. With a team of experienced broadcasters and journalists, Spogmai FM is committed to providing accurate, timely, and engaging programming that reflects the diverse interests and pers

pectives of its audience. Whether covering local news and events or playing the latest hits, Spogmai FM is dedicated to delivering high-quality content that informs, entertains, and inspires its listeners.

16/11/2025

سل ثانیې خبر🎙

16/11/2025

د احصايې او معلوماتو ملي ادارې ویلي، چې د هېواد په کچه یې د تېرې تلې مياشتې د صادراتو او وارداتو اړوند ارقام راټول او تحليل کړي، چې له مخې په دغه مياشت کې د هېواد په کچه د صادراتو ټول ارزښت ۲۷۴.۹ ميليونه ډالره او د وارداتو ټول ارزښت یو ملیارد او۱۶۸.۴ ميليونه ډالرو ته رسېږي. دغې ادارې زیاته کړې، چې د روان کال په وږي مياشت کې د هېواد د صادراتو ټول ارزښت ۲۲۹٫۸ میلیونه ډالر و؛ چې په تلې میاشت کې د صادراتو ارزښت د روان کال د وږي میاشتې په پرتله ۴۵.۱ ميليونه ډالره زیاتوالی لري.

16/11/2025

د مالیې وزیر محمد ناصر اخوند د افغانستان د سوداګرۍ او پانګونې خونې له مدیره پلاوي او د درملو واردوونکو سره کتلي. په دې کتنه کې د پاکستان د بدیلو سوداګریزو لارو، له بدیلو لارو د وارداتي درملو د ګمرکي اسانتیاوو او د سوداګرو د احتمالي ستونزو په اړه خبرې شوې دي.

د مالیې وزیر محمد ناصر اخوند د افغانستان د سوداګرۍ او پانګونې خونې له مدیره پلاوي او د درملو واردوونکو

16/11/2025

د ټولګټو چارو وزارت د اوسپنې پټلۍ مرستیال محمد اسحاق صاحبزاده د ازبکستان په تاشکند کې د ټرانسپورټ او لوجستیک په نړۍوال فورم او نندارتون کې د ګډون پر مهال د بېلابېلو هېوادونو له مشرانو او استازو سره مهمې کتنې کړې دي. د معلوماتو له مخې، صاحبزاده د متحده عربي اماراتو له پلاوي، د قزاقستان د اوسپنې پټلۍ له مرستیال، د ازبکستان د اوسپنې پټلۍ له رییس او لومړي مرستیال، او همدارنګه د افغان–ټرانس پروژې د ګډونوالو هېوادونو له استازو سره پر یو لړ مهمو ټرانزیټي او اقتصادي موضوعاتو خبرې کړې دي.

16/11/2025

د امارتي شرکتونو لوی ریاست اړوند د هوټلونو امارتي شرکت مسوولین وایي، په پام کې لري چې د میدان وردګ ولایت، د چک ولسوالۍ اړوند د چک بند ته څېرمه داسې هوټل جوړ کړي، چې له عصري او نړۍوالو معیارونو سره برابر او د ځانګړې بڼې درلودونکی وي. د یاد شرکت مسوولین وايي، دغه پروژه به سیمې ته ځانګړې ښکلا ور وبښي، چې د داخلي او بهرنیو ګرځندویانو پام به ور واړوي. د دغه هوټل جوړېدل به، د سیمې اوسېدونکو د اقتصاد په پیاوړي کولو او د کاري فرصتونه په برابرولو کې رغنده رول ولري.

16/11/2025

د ازبکستان ولسمشر شوکت میرضیایف د مرکزي اسیا هېوادونو د مشرانو اوومه غونډه کې ویلي چې د افغانستان وضعیت د سیمې پر امنیت او پایدار پرمختګ مستقیم اغېز لري او د ځانګړې پاملرنې وړ دی. هغه ټینګار کړی چې افغانستان باید په لویو بنسټیزو سیمه‌ییزو پروژو کې شامل او د سیمې د سیاستونو په محور کې ځای ولري. میرضیایف همداراز ویلي چې د آمو سیند د اوبو د سرچینو د کارولو په اړه باید له افغانستان سره د خبرو او تفاهم له لارې ګډ تعامل وشي.

16/11/2025

د ملګرو ملتونو د کډوالو عالي کمېشنرۍ تازه شمېرې ښيي چې په پاکستان کې د افغانانو د نیونو او جبري ایستنو لړۍ په بې‌سارې توګه لوړه شوې ده. یوازې سږکال تر ۱۰۰ زرو ډېر افغانان نیول شوي، او تر ټولو ډېرې نیونې په بلوچستان کې د چاغۍ او کوټې او په پنجاب کې د اټک په سیمو کې شوې دي. د یونسیار په تازه راپور کې ویل شوي چې د افغان تابعیت کارت لرونکي او بې‌اسناده افغانان په ۲۰۲۵ کال کې د پخوا پرتله په لویه کچه نیول شوي.

16/11/2025

د هېواد ګڼ شمېر سوداګرو او عامو خلکو د ریاست‌الوزرا د اقتصادي مرستیال ملا عبدالغني برادر د هغې پرېکړه هرکلی کړی چې له پاکستان سره ټولې سوداګریزې اړیکې له قوي ضمانت پرته بندې کړې. دوی وایي، دا اقدام د هېواد ملي ګټو، خپلواکۍ او د سوداګرو د خوندیتوب لپاره مهم دی. په ټولنیزو شبکو کې ګڼ شمېر هېوادوالو ویلي، چې له پاکستان سره د بدیلو لارو د پراختیا هڅې به د افغانستان اقتصاد ته د دوامداره پرمختګ زمینه برابره کړي. دوی وايي، پاکستان هر کال په افغانستان کې د محصولاتو د رسېدو سره سم دروازې تړلي او سیاسي موضوعات له سوداګرۍ سره یوځای کوي.

16/11/2025

په اروزګان ولایت کې بې سرپرسته او یتیمو ماشومانو ته یو روزنتون پرانیستل شو. د دغه ولایت د کار او ټولنیزو چارو رییس عزیزالله جهادمل وايي، چې د بې سرپرسته او یتیمو ماشومانو ښې پالنې او روزنې په موخه یې، تازه د اروزګان په یوه لرې پرته چهارچینو ولسوالۍ کې یو روزنتون جوړ کړی. د نوموړي په خبره په دغه روزنتون کې به د یادې سیمې شاوخوا ۱۰۰ تنه هغو ماشومانو ته چې سرپرست ونه لري یا هم یتیمان وي، د روزنې ترڅنګ به ورته عصري او دینې زده کړې هم ورکول کېږي. نوموړی وايي، پلان لري، چې د ورته روزنځایونه لمن به د دغه ولایت تر ټولو ولسوالیو پورې ورسوي.

16/11/2025

د غور په لعل او سرجنګل ولسوالۍ کې د څه باندې ۳ میلیونه افغانیو په لګښت د یوه بند د جوړېدو چارې بشپړې او ګټې اخیستنې ته وسپارل شو. د دغه ولایت د اوبو او انرژۍ ریاست مطبوعاتي مسوول رمضان فیاض ویلي، چې یاد بند د ۸۹۱۲ متره مکعبه اوبو د زېرمه کولو ظرفیت لري چې د سیمې د ځمکو لاندې اوبو د پیا وړتیا ترڅنګ به ۶۵۰ کورنۍ په مستقیمه او سلګونه نورې کورنۍ به په غیرمستقیمه توګه په خپلو کرنیزو چارو کې ترې ګټه پورته کوي.

16/11/2025

د خیبر پښتونخوا اعلی وزیر سهیل افریدي یو ځل بیا د پاکستاني پوځ پر عملیاتو نیوکه کړې ده او ويلي یې دي چې پوځ د ترهګرو تر نوم لاندې بې‌ګناه پښتانه وژني او جنګي جرمونه ترسره کوي.

د خیبر پښتونخوا اعلی وزیر سهیل افریدي یو ځل بیا د پاکستاني پوځ پر عملیاتو نیوکه کړې ده او ويلي

16/11/2025

په افغانستان کې د ملګرو ملتونو د کډوالو عالي کمېشنرۍ ویلي، چې تېره اونۍ یې په کابل کې زرو کورنیو ته د ژمنیو مرستو په ترڅ کې د تودوخې بخارۍ وېشلې دي. د دغې کمېشنرۍ په وینا، له بخاریو سره یو ځای د سون توکي هم ورکړل شوي، ترڅو کورنۍ وکولی شي د ژمي د سړې هوا پر مهال خپل ماشومان تاوده وساتي.

Address

Kabul
Kabul
1006

Telephone

+93202502100

Website

https://www.spogmairadio.com/

Alerts

Be the first to know and let us send you an email when Spogmai FM posts news and promotions. Your email address will not be used for any other purpose, and you can unsubscribe at any time.