Spogmai FM

Spogmai FM A source of local, regional and international news, political, entertainment and social programs.
(1)

Spogmai FM is a popular radio station based in Kabul, Afghanistan. Founded in 2008, the station has become a leading source of news, music, and entertainment for its listeners in Afghanistan and the surrounding region. With a team of experienced broadcasters and journalists, Spogmai FM is committed to providing accurate, timely, and engaging programming that reflects the diverse interests and pers

pectives of its audience. Whether covering local news and events or playing the latest hits, Spogmai FM is dedicated to delivering high-quality content that informs, entertains, and inspires its listeners.

د مخابراتو او معلوماتي ټکنالوژۍ وزارت ویلي چې د هېواد په لرې پرتو سیمو کې د مخابراتي خدمتونو د پوښښ د پراختیا لپاره د مخ...
20/06/2026

د مخابراتو او معلوماتي ټکنالوژۍ وزارت ویلي چې د هېواد په لرې پرتو سیمو کې د مخابراتي خدمتونو د پوښښ د پراختیا لپاره د مخابراتي پراختیا صندوق لسمه پروژه پیل شوې ده، چې په ترڅ کې به يې ۵۵۰ نوي مخابراتي سایټونه جوړ شي. د یاد وزارت د مسوولینو په وینا، له دې پروژې څخه تر اوسه ۳۸۰ سایټونه بشپړ او ګټې اخیستنې ته سپارل شوي، او د پاتې سایټونو د جوړولو او فعالولو چارې روانې دي. د مخابراتو او معلوماتي ټکنالوژۍ وزارت ویاند عنایت‌الله الکوزي ویلي چې په تېرو څه باندې څلورو کلونو کې په ټول هېواد کې له دوو زرو څخه زیات نوي مخابراتي سایټونه جوړ شوي دي. هغه زیاتوي چې د دې هڅو موخه د هغو سیمو د اوسېدونکو ستونزو حل دی چې له مخابراتي خدمتونو بې برخې وو او د شبکو پوښښ ته د خلکو لاسرسی زیاتول دي.

د روسیې د بهرنیو چارو وزارت ویلي چې په افغانستان کې د بریټانیا د ځانګړو ځواکونو د ناقانونه وژنو په اړه نوي شواهد خپاره ش...
20/06/2026

د روسیې د بهرنیو چارو وزارت ویلي چې په افغانستان کې د بریټانیا د ځانګړو ځواکونو د ناقانونه وژنو په اړه نوي شواهد خپاره شوي دي. د دغه وزارت په وینا، اټکل کېږي چې تر ۸۰ پورې ملکي افغانان د دغو عملیاتو پر مهال وژل شوي وي. مسکو ټینګار کړی چې دا راپورونه باید هر اړخیز وڅېړل شي او پر مسوولو کسانو دې عدالت پلی شي. په راپورونو کې ادعا شوې چې د ۲۰۱۰ او ۲۰۱۳ کلونو ترمنځ شاوخوا ۵۰ ملکي وګړي، چې ماشومان او زاړه کسان هم پکې شامل دي، وژل شوي دي.

د افغانستان د کرکټ ملي لوبډله نن د هند له ملي لوبډلې سره په درېیمه پنځوس اوره سیالۍ کې مخامخ کېږي. افغانستان د هند په کو...
20/06/2026

د افغانستان د کرکټ ملي لوبډله نن د هند له ملي لوبډلې سره په درېیمه پنځوس اوره سیالۍ کې مخامخ کېږي. افغانستان د هند په کوربه توب د درېو یو ورځنیو سیالیو د لوبلړۍ دوې سیالۍ مخکې پر کوربه ټیم بایللي دي. له دې سره هممهاله د افغانستان الف یا ابدالیانو لوبډلې، د هند او سریلانکا له لوبډلو سره سیالۍ پای ته ورسولې. پرون د افغانستان ابدالیان لوبډلې د ۱۰۳ منډو په توپیر وروستۍ لوبه د سریلانکا پر لوبډلې وبایلله.

د ریاست‌الوزرا اقتصادي مرستیال، ملا عبدالغني برادر، د پروان ولایت په جبل‌السراج ولسوالۍ کې د «صفوان» د سمنټو له فابریکې ...
20/06/2026

د ریاست‌الوزرا اقتصادي مرستیال، ملا عبدالغني برادر، د پروان ولایت په جبل‌السراج ولسوالۍ کې د «صفوان» د سمنټو له فابریکې څخه لیدنه کړې ده. د پروان د والي ویاند حکمت‌الله شمیم وايي، چې د ریاست‌الوزرا اقتصادي مرستیال د دې لیدنې پر مهال په تولیدي او صنعتي برخو کې د پانګونې پر اهمیت ټینګار کړی او ویلي یې دي چې ا.ا ژمن دی چې کورنیو او بهرنیو پانګه‌والو ته د پانګونې مناسب چاپېریال برابر کړي. همدارنګه د پروان والي عزیزالرحمن منصور د پانګه‌والو او زیربنایي پروژو د بشپړ ملاتړ پر اهمیت ټینګار کړی دی.

یوه امریکایي چارواکي اکسيوس خبري وېب‌پاڼې ته ویلي چې د سپینې ماڼۍ ځانګړی استازی، سټیو ویټکاف، سویس ته په لاره دی؛ هغه هې...
20/06/2026

یوه امریکایي چارواکي اکسيوس خبري وېب‌پاڼې ته ویلي چې د سپینې ماڼۍ ځانګړی استازی، سټیو ویټکاف، سویس ته په لاره دی؛ هغه هېواد چې تمه کېږي د ایران د اټومي پروګرام په اړه د احتمالي هوکړې لپاره د تهران او واشنګټن ترمنځ د خبرو اترو لومړی پړاو پکې ترسره شي. د دغه چارواکي په وینا، جېرډ کوشنر، چې د ډونالډ ټرمپ زوم او استازی هم دی، دا مهال په سویس کې حضور لري. ټاکل شوې وه چې دغه خبرې پرون د سویس په بورګن‌اشتوک سیمه کې پیل شي، خو په لبنان کې د اسراییل او حزب‌الله ترمنځ د نښتو له امله وځنډول شوې. تر اوسه څرګنده نه ده چې د دغو خبرو لپاره نوې نېټه ټاکل شوې ده که نه. بل لور ته، د قطر لومړي وزیر او د امریکا او ایران ترمنځ یو له مهمو منځګړو څخه، محمد بن عبدالرحمن آل ثاني، هم د جمعې په ورځ سویس ته رسېدلی دی. ټاکل شوې وه چې د امریکا د ولسمشر مرستیال، جي‌ډي ونس، د امریکایي پلاوي مشري وکړي، خو نوموړي د پنجشنبې په شپه خپل سفر په وروستیو شېبو کې وځنډاوه.

د ملګرو ملتونو کارپوهانو د ایران او امریکا ترمنځ د شوې هوکړې هرکلی کړی، خو اندېښنه یې څرګنده کړې چې په دغه هوکړه کې د ای...
20/06/2026

د ملګرو ملتونو کارپوهانو د ایران او امریکا ترمنځ د شوې هوکړې هرکلی کړی، خو اندېښنه یې څرګنده کړې چې په دغه هوکړه کې د ایران د بشري حقونو وضعیت ته کافي پاملرنه نه ده شوې. د دغو کارپوهانو په ګډه اعلامیه کې راغلي چې د جګړې له امله په ایران کې زرګونه ملکي وګړي وژل شوي او میلیونونه نور له خپلو سیمو بې‌ځایه شوي دي. دوی هیله څرګنده کړې چې د ایران د بیارغونې لپاره ځانګړي شوي ۳۰۰ میلیارده ډالر به د ټول ایراني ولس د هوساینې او پرمختګ لپاره ولګول شي. اعلامیه زیاتوي چې دغې جګړې په ایران کې د مېشتو میلیونونو افغان کډوالو پر بشري وضعیت هم منفي اغېزې کړې او هغوی یې له ګڼو بشري او چاپېریالي ستونزو سره مخ کړي دي. د ملګرو ملتونو کارپوهانو له منځګړو هېوادونو او نورو ښکېلو اړخونو غوښتي چې له ایران سره په وروستۍ هوکړه کې د جګړې د قربانیانو لپاره د غرامت ورکولو، د اعدامونو د درولو، پر انټرنټ د لګېدلو محدودیتونو د لرې کولو او د بیان د ازادۍ د خوندیتوب اړوند موضوعات هم شامل کړي.

د بریتانیا په بیډفورډ سیمه کې د دوو ریل ګاډو د ټکر له امله د یوه ریل چلوونکي د مړینې خبر ورکړل شوی دی. په دې پېښه کې ټول...
20/06/2026

د بریتانیا په بیډفورډ سیمه کې د دوو ریل ګاډو د ټکر له امله د یوه ریل چلوونکي د مړینې خبر ورکړل شوی دی. په دې پېښه کې ټول ۸۹ کسان ټپیان شوي، چې د ۱۱ کسانو حالت نازک ښودل شوی دی. ریل ګاډي له کوربي او ناټینګهم څخه لندن ته پر لار وو چې ټکر یې کړی. چارواکي وايي د لوټن او بیډفورډ تر منځ د ریل تګ راتګ بند شوی او د ژغورنې عملیات لا هم روان دي.

د ازبکستان د ټرانسپورټ وزارت مرستیال جاسوربک چوره یف ویلي چې د ترانس - افغان رېللارې پروژې لګښت له پخوانیو اټکلونو لوړ ش...
20/06/2026

د ازبکستان د ټرانسپورټ وزارت مرستیال جاسوربک چوره یف ویلي چې د ترانس - افغان رېللارې پروژې لګښت له پخوانیو اټکلونو لوړ شوی او ښايي له ۷ میلیاردو ډالرو واوړي. د هغه په وینا، د امکان‌سنجۍ وروستۍ سروې به د ۲۰۲۶ تر پایه بشپړه شي. اوسني ارزونې ښيي چې د دې سترې پروژې لګښت مخکې له ۴.۶ میلیاردو ډالرو څخه اوس تر ۷ میلیاردو ډالرو زیات اټکل شوی. چارواکي وايي چې د متحده عربي اماراتو، قطر او ځینو نورو هېوادونو له لوري د پانګونې لېوالتیا ښودل شوې ده. دا رېللار چې مزار شریف له لارې کابل او بیا پاکستان ته غځېږي، چې د سیمه‌ییز ټرانسپورټ لپاره مهمه ټرانزیټي لاره بلل کېږي.

د امریکا د عدلیې وزارت چارواکو یو پاکستانی الاصله امریکایي سوداګر او اووه نور کسان د "میډیکېډ" روغتیایي پروګرام له بودجې...
20/06/2026

د امریکا د عدلیې وزارت چارواکو یو پاکستانی الاصله امریکایي سوداګر او اووه نور کسان د "میډیکېډ" روغتیایي پروګرام له بودجې څخه د ۳۸ میلیونه ډالرو د درغلۍ په تور نیولي دي. د ایکانمیک ټایمز د راپور له مخې، پروېز صدیقي د نیویارک د بروکلین په ښار کې د لویانو د پاملرنې مرکزونو له لارې د خدمتونو د وړاندې کولو په پلمه له میډیکېډ پروګرام څخه میلیونونه ډالر ترلاسه کړي دي. راپور زیاتوي، تورنو کسانو د خدمتونو د وړاندې کولو جعلي اسناد چمتو کړي وو، حال دا چې یا خو یاد خدمتونه هېڅ نه وو وړاندې شوي او یا هم یوازې محدود شمېر کسانو ته رسېدلي وو. د راپور له مخې، پروېز صدیقي او د هغه همکارانو آن د هغو کسانو په نوم هم پیسې ترلاسه کړې چې له امریکا بهر یې ژوند کاوه، چې له امله یې د پراخې مالي درغلۍ تورونه پرې لګېدلي دي.

د قزاقستان د لومړي وزیر مرستیال او د دغه هېواد د اقتصاد وزیر، سریک ژومانګارین، په مشرۍ یو لوړپوړی دولتي پلاوی کابل ته را...
20/06/2026

د قزاقستان د لومړي وزیر مرستیال او د دغه هېواد د اقتصاد وزیر، سریک ژومانګارین، په مشرۍ یو لوړپوړی دولتي پلاوی کابل ته رارسېدلی دی. د صنعت او سوداګرۍ وزیر نورالدین عزیزي ویلي، ټاکل شوې ده چې یاد پلاوی د ا.ا له لوړپوړو چارواکو سره د اقتصادي، سوداګریزو او دوه‌اړخیزو همکاریو په ګډون پر بېلابېلو موضوعاتو خبرې وکړي. نوموړي هیله څرګنده کړې چې د دغه پلاوي سفر به د افغانستان او قزاقستان ترمنځ د اړیکو د پیاوړتیا او د همکاریو د پراختیا لپاره مثبتې پایلې ولري. د عزیزي په وینا، قزاقستانی پلاوی به په کابل کې د افغاني او قزاقستاني تولیداتو په ګډ نندارتون کې هم ګډون وکړي، چې موخه یې د دواړو هېوادونو ترمنځ د سوداګریزو اړیکو پراخول او د پانګونې فرصتونو ته وده ورکول دي.

Address

Kabul
1006

Telephone

+93202502100

Website

Alerts

Be the first to know and let us send you an email when Spogmai FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Spogmai FM:

Shortcuts

Share

Category