Spogmai FM

Spogmai FM A source of local, regional and international news, political, entertainment and social programs.
(1)

Spogmai FM is a popular radio station based in Kabul, Afghanistan. Founded in 2008, the station has become a leading source of news, music, and entertainment for its listeners in Afghanistan and the surrounding region. With a team of experienced broadcasters and journalists, Spogmai FM is committed to providing accurate, timely, and engaging programming that reflects the diverse interests and pers

pectives of its audience. Whether covering local news and events or playing the latest hits, Spogmai FM is dedicated to delivering high-quality content that informs, entertains, and inspires its listeners.

د افغانستان کرکټ بورډ وایي چې د هېواد الف (افغان ابدالیان) لوبډله نن د سریلانکا له الف لوبډلې سره خپله دویمه یو ورځنۍ لو...
13/06/2026

د افغانستان کرکټ بورډ وایي چې د هېواد الف (افغان ابدالیان) لوبډله نن د سریلانکا له الف لوبډلې سره خپله دویمه یو ورځنۍ لوبه ترسره کوي. د افغانستان، سریلانکا او هند الف لوبډلو ترمنځ درې اړخیزې سیالۍ په سریلانکا کې روانې دي. کرکټ بورډ ویلي چې د افغانستان الف (افغان ابدالیان) لوبډله به د افغانستان په وخت نن سهار نهه بجې د خپلې دویمې یو ورځنۍ لوبې په موخه د سریلانکا له الف لوبډلې سره د سیالۍ ډګر ته کښته شي. دغه لوبه په سریلانکا کې ترسره کېږي.

د کندوز ولایتي مسوولین وایي، چې د دغه ولایت د کندوز ـ امام صاحب ولسوالۍ پر لویه لار د یوې ترافیکي پېښې له امله پنځه تنه ...
13/06/2026

د کندوز ولایتي مسوولین وایي، چې د دغه ولایت د کندوز ـ امام صاحب ولسوالۍ پر لویه لار د یوې ترافیکي پېښې له امله پنځه تنه مړه شوي او دوه نور ټپیان دي. د کندوز د اطلاعاتو او فرهنګ ریاست د مسوولینو په وینا، دا پېښه پرون له ماسپښین وروسته رامنځته شوې ده.

د ایران د بهرنیو چارو وزیر سید عباس عراقچي وایي، د ایران او امریکا ترمنځ د احتمالي هوکړې د وروستي کېدو بهیر وروستي پړاو ...
13/06/2026

د ایران د بهرنیو چارو وزیر سید عباس عراقچي وایي، د ایران او امریکا ترمنځ د احتمالي هوکړې د وروستي کېدو بهیر وروستي پړاو ته نږدې شوی، خو ښایي تر رسمي لاسلیک وړاندې په ځینو برخو کې بدلونونه هم راشي. د نوموړي په وینا، مذاکرات به په دوو پړاوونو کې ترسره شي؛ لومړی پړاو به د بندیزونو، د ایران د کنګل شویو شتمنیو او هرمز تنګي اړوند موضوعات رانغاړي او دویم پړاو به پر اټومي مسایلو متمرکز وي. عراقچي ټینګار کړی چې که د لومړي پړاو ژمنې عملي نه شي، دویم پړاو ته به ولاړ نه شي. بل‌خوا، د امریکا د ولسمشر مرستیال ویلي چې د ایران د کنګل شویو شتمنیو ازادول به د هوکړې له عملي کېدو او د واشنګټن د اندېښنو له حل سره تړاو ولري.

د بلخ ولایت د مرکز مزارشریف ښار په نهمه ناحیه کې، د خبریالانو څلورلارې ته څېرمه د اورلګېدنې له امله شاوخوا ۸۰۰ زره افغان...
12/06/2026

د بلخ ولایت د مرکز مزارشریف ښار په نهمه ناحیه کې، د خبریالانو څلورلارې ته څېرمه د اورلګېدنې له امله شاوخوا ۸۰۰ زره افغانۍ مالي زیان اوښتی دی. د بلخ امنیې قومندانۍ په خپره کړې خبرپاڼه کې ویلي، د اور وژنې ډلې پر وخت د اور د پراخېدو مخه نیولې او د نږدې پنځه میلیونه افغانیو د احتمالي زیان مخنیوی وشو. چارواکو د پېښې د رامنځته کېدو د لامل او نورو جزییاتو په اړه څه نه دي ویلي.

د پاکستان د بلوچستان په پشین او قلعه عبدالله سیمو کې نامعلومو وسله‌والو د پولیسو پر دوو مرکزونو بریدونه کړي او د امنیتي ...
12/06/2026

د پاکستان د بلوچستان په پشین او قلعه عبدالله سیمو کې نامعلومو وسله‌والو د پولیسو پر دوو مرکزونو بریدونه کړي او د امنیتي ځواکونو وسلې او تجهیزات یې له ځان سره وړي دي. د راپورونو له مخې، په قلعه عبدالله کې برید د ګیلو په سیمه کې شوی، چې پکې بریدګرو د پولیسو مرکز ته زیان اړولی او ځینې برخې یې سوځولي دي. چارواکي وایي، په دې پېښه کې ځاني زیان نه دی اوښتی، خو وسلې، موټر او موټر سایکل تښتول شوي دي. په همدې ورځ د پشین په دینار سیمه کې هم د سلطان پولیسو پر مرکز برید شوی.

د ازموینو عمومي ادارې د معلوماتو له مخې، د ۱۴۰۵ کال کانکور ازموینه په څلورو پړاوونو کې اخیستل شوې ده. په لومړي پړاو کې د...
12/06/2026

د ازموینو عمومي ادارې د معلوماتو له مخې، د ۱۴۰۵ کال کانکور ازموینه په څلورو پړاوونو کې اخیستل شوې ده. په لومړي پړاو کې د هېواد ۱۵ ولایتونو، په دویم پړاو کې د ۱۸ ولایتونو او په درېیم پړاو کې د کابل ولایت د دولسمو ټولګیو فارغان شامل وو. دغه اداره وایي، په څلورم یا وروستي پړاو کې د تېرو درېیو پړاوونو غیرحاضران، له هېواده بهر فارغان، د اقوامو او قبایلو فارغان، د کابل ولایت د دیني مدرسو فارغان، د څوارلسمو ټولګیو فارغان او د شپې پوهنځیو داوطلبان شامل شوي دي. د ازموینو عمومي ادارې زیاته کړې چې د ننګرهار، لغمان، کندهار، هلمند، فراه او نیمروز ولایتونو د څوارلسمو ټولګیو فارغانو ازموینه به په جلا ډول تنظیم او واخیستل شي.

د افغانستان لپاره د یونیسف د دفتر سرپرست چارلس نزوکي وايي چې د ماشومانو کار لا دمخه په افغانستان کې د ډیری ماشومانو ژوند...
12/06/2026

د افغانستان لپاره د یونیسف د دفتر سرپرست چارلس نزوکي وايي چې د ماشومانو کار لا دمخه په افغانستان کې د ډیری ماشومانو ژوند اغیزمن کړی دی. نوموړي ویلي، چې د بېوزلۍ زیاتوالی، د کډوالو کورنیو پراخ بېرته راستنېدل، او له شپږم ټولګي پورته د نجونو پر زده‌کړو محدودیتونه د دې لامل شوي چې نور ډېر ماشومان له زده‌کړو بې‌برخې شي.

نړۍوال بانک په یوه راپور کې د نړۍوالې اقتصادي ودې وړاندوینه له ۲.۶ سلنې څخه ۲.۵ سلنې ته راټیټه کړې ده. په راپور کې خبردا...
12/06/2026

نړۍوال بانک په یوه راپور کې د نړۍوالې اقتصادي ودې وړاندوینه له ۲.۶ سلنې څخه ۲.۵ سلنې ته راټیټه کړې ده. په راپور کې خبرداری ورکړل شوی چې نړۍوال اقتصاد د کمزورېدو له جدي ګواښ سره مخ دی. د راپور له مخې، نړۍوال اقتصاد له سختو کړکېچونو او زیانونو سره مخ دی او د بېلابېلو نړۍوالو ستونزو له امله فشارونه زیات شوي دي. ویل شوي چې د ایران د جګړې له امله د انرژۍ بیې لوړې شوي او د انفلاسیون فشارونه نور هم زیات شوي دي. نړۍوال بانک زیاتوي چې د سږ کال اقتصادي وده به د ۲۰۲۵م کال د ۲.۹ سلنې په پرتله ټیټه وي او د کرونا وبا له پیل راهیسې به تر ټولو ټیټې کچې ته ورسېږي.

د جون ۱۲مه د ماشومانو د کار پر وړاندې د مبارزې له نړۍوالې ورځې سره برابره ده. د دې ورځې د نومولو موخه د ماشومانو د کار پ...
12/06/2026

د جون ۱۲مه د ماشومانو د کار پر وړاندې د مبارزې له نړۍوالې ورځې سره برابره ده. د دې ورځې د نومولو موخه د ماشومانو د کار په اړه د عامه پوهاوي لوړول او د هغوی د اقتصادي استثمار د پای ته رسولو لپاره د هڅو پیاوړتیا ده. هم‌مهاله، د کار نړۍوال سازمان ویلي چې دا مهال په ټوله نړۍ کې شاوخوا ۱۳۸ میلیونه ماشومان په کار بوخت دي. دغه سازمان په خپلې خبرپاڼه کې ټینګار کړی چې د ماشومانو کار لا هم یوه نړۍواله بېړنۍ ستونزه ده او د پای ته رسولو لپاره یې سمدستي، دوامداره او همغږي نړیوالو اقداماتو ته اړتیا ده.

12/06/2026

د پاکستان تر ادارې لاندې کشمیر کې د سیمه‌ییزې شورا د ۱۲ څوکیو د ځانګړي کېدو پر ضد پراخ لاریونونه په تاوتریخوالي اوښتي او لږ تر لږه ۱۵ کسان په‌کې وژل شوي دي. راپورونه وایي، په وژل شویو کې ۱۱ ملکي وګړي او څلور امنیتي پولیس شامل دي او له ۵۰ ډېر کسان ټپیان شوي دي. زرګونو لاریونوالو د مظفرآباد پر لور لاریون پیل کړی، خو سیمه‌ییزو چارواکو ویلي چې امنیتي ځواکونه به هغوی ته ښار ته د ننوتو اجازه ورنه کړي. د ولسي عمل ګډې کمېټې د عمومي اعتصاب غوښتنه هم کړې او اعتراضونه لا هم دوام لري.

Address

Kabul
1006

Telephone

+93202502100

Website

Alerts

Be the first to know and let us send you an email when Spogmai FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Spogmai FM:

Shortcuts

Share

Category