11/08/2026
د روسیې په تاتارستان کې د ډرون برید له امله ۷ ازبک وګړي وژل شوي دي. د ازبکستان د کازان کونسلګرۍ ویلي، قربانیان د دوشنبې په ورځ د تاتارستان په نیژنیکامسک ښار کې د ډرون په برید کې وژل شوي دي. د روسي چارواکو په وینا، په دغه برید کې ټولټال ۱۳ کسان وژل شوي او ۳۹ نور ټپیان شوي دي. راپورونه وايي، د نیژنیکامسک ښار د تېلو یوه تصفیهخانه هم په برید کې په نښه شوې ده. رویټرز ویلي، شاوخوا دوه تر درې میلیونه ازبک وګړي په روسیه کې کار کوي او له روسیې څخه د دوی استول شوې پیسې د ازبکستان د اقتصاد مهمه برخه جوړوي.
