Salam Watandar Uzbek

Salam Watandar Uzbek Salam Watandar Uzbek News Official Page
(1)

بدخشان ولایتی شکی تومنیده تورت کون آلدین قطقطی آلتین کانی قولشی عاقبتیده اوچ کانچی قملیب قالگن ایدیلر.محلی منبعلرنینگ ای...
11/09/2026

بدخشان ولایتی شکی تومنیده تورت کون آلدین قطقطی آلتین کانی قولشی عاقبتیده اوچ کانچی قملیب قالگن ایدیلر.

محلی منبعلرنینگ ایتیشیچه، اوشبو کیشیلرنینگ ایکی نفری دستلبکی کونده محل یشاوچیلری‌نینگ سعی-حرکتی طفیلی توپراق آستیدن چیقریلگن ایدی؛ بیراق بیر نفری توپراق آستیده قالیب کیتگن ایدی.

اوشبو کیشی، قریب ۱۰۰ ساعت توپراق آستیده قالگچ، بوگون (۲۰ سنبله/۱۱ سپتمبر، جمعه) وفات ایتگن.

اسلام امیرلیگی مهاجرلر وزیری مولوی محمد عبدالکبیر، بیرلشگن ملتلر تشکیلاتی‌نینگ مهاجرلر بوییچه عالی کمیسیاری باشلیغی عرفا...
11/09/2026

اسلام امیرلیگی مهاجرلر وزیری مولوی محمد عبدالکبیر، بیرلشگن ملتلر تشکیلاتی‌نینگ مهاجرلر بوییچه عالی کمیسیاری باشلیغی عرفات جمال بیلن اوچره‌شگن.

مهاجرلر وزیرلیگی، بوگون (۲۰ سنبله/۱۱ سپتمبر، جمعه) ایکس اجتماعی ترماغیده بیر بیانیه ترقه‌تیب، محمد عبدالکبیر عرفات جمال بیلن افغانستان‌لیک مهاجرلرنینگ قیینچیلیک‌لری و مهاجرلر میزبانی بولگن مملکتلرنینگ اشتراکی بیلن ییغیلیش‌لر اوتکزیش حقیده صحبت قیلگنینی ایتگن.

https://swn.af/uz/a-meeting-of-representatives-from-the-united-nations-iran-and-the-islamic-emirate-regarding-migrants-is-being-held-in-kabul/

بغلان ولایتی دندغوری، خوست و دوشی تومن‌لری‌نینگ ایریم اهالیسی، تورر جای‌لر یقینیده خشت پیشیروچی داش‌لرنینگ فعالیت یوریتی...
11/09/2026

بغلان ولایتی دندغوری، خوست و دوشی تومن‌لری‌نینگ ایریم اهالیسی، تورر جای‌لر یقینیده خشت پیشیروچی داش‌لرنینگ فعالیت یوریتیشی هوا افلاسلنیشی گه سبب بولیب و اولرنینگ ساغلیغی گه ضرر ییتکزیشیدن شکایت قیله‌دیلر.

دندغوری تومنی خواجه‌الوان حدودی یشاوچیسی بولگن عبدالباری گه کوره، بیر خشت پیشیروچی داش تورر اوی یقینیده فعالیت یوریتماقده و اونینگ دودی او همده عایله اعضالرینی جدی قیینچیلیک بیلن دوچ قیلگن.

https://swn.af/uz/baghlan-residents-complain-about-the-operation-of-brick-kilns-near-their-homes/

روان‌شناسلرنینگ ایتیشیچه، اوز-اوزینی اولدیریش عادت‌ده بیته عامل‌نینگ نتیجه‌سی ایمس؛ بلکی روحی قیینچیلیک‌لر، کوچلی امیدسی...
10/09/2026

روان‌شناسلرنینگ ایتیشیچه، اوز-اوزینی اولدیریش عادت‌ده بیته عامل‌نینگ نتیجه‌سی ایمس؛ بلکی روحی قیینچیلیک‌لر، کوچلی امیدسیزلیک، عاجزلیک حسی، تروما تجربه‌لر و حیات‌ده‌گی آغیر باسیملر اوز-اوزینی اولدیریش گه آلیب کیله‌دی.

اولر، خُلق-اتوارده‌گی اوزگریش‌لر، یالغیزلنیش، امیدسیزلیک، اولیم یا کی حیات‌نینگ معناسیزلیگی حقیده گپیریش اعتباردن چیتده قالدیریلمسلیگی کیره‌ک بولگن بیلگیلر ایکنینی ایته‌دیلر. عایله کمکی و اوز وقتیده متخصص‌دن یاردم آلیش اوز جانیگه قصد قیلیش‌نینگ آلدینی آلیشده ثمره‌لی بولیشی ممکن.

https://swn.af/uz/world-suicide-prevention-day-psychologists-take-warning-signs-seriously/

10/09/2026

بلخ‌ده ۲۰۰ نفر قیز و اوغیل اوچون تیکین تعلیم

بلخ ولایتیده بیر تعلیم مرکزی کمبغل عایله‌لرنی قوللب-قوتلش مقصدیده ۲۰۰ نفر قیز و اوغیل باله گه بی‌پول تعلیم آلیش امکانیتینی یره‌تگن.

اوشبو تعلیمی مرکزده اوسمیرلر، آلتی آی دوامیده تورک و انگلیس تیللری، دینی مسئله‌لر و ریاضی بوییچه تعلیم آله‌دیلر.

کوپراق ویدیوده کورینگ:

بیرلشگن ملتلر تشکیلاتی‌نینگ انسان پرورلیک یاردملرینی موافقلشتیروچی اداره‌سی افغانستان بولیمی (اوچا) کانادا افغانستان گه ...
10/09/2026

بیرلشگن ملتلر تشکیلاتی‌نینگ انسان پرورلیک یاردملرینی موافقلشتیروچی اداره‌سی افغانستان بولیمی (اوچا) کانادا افغانستان گه بیر میلیون ۳۵۰ مینگ دالر یاردم بیرگنینی معلوم قیلدی.

اوشبو اداره، بوگون (۱۹ سنبله/۱۰ سپتمبر، پنج‌شنبه) ایکس اجتماعی ترماغیده بیر بیانیه ترقه‌تیب، کانادا تامانیدن بیریلگن یاردملر افغانستان‌ده محتاج کیشیلر و طبیعی آفت‌لر طفیلی جبرلنگنلر گه بیریلیشینی بیلدیرگن.

بیرلشگن ملتلر تشکیلاتی‌نینگ انسان پرورلیک یاردملرینی موافقلشتیروچی اداره‌سی، کانادا دن افغانستان خلقی گه یاردم بیرگنی اوچون منتدارلیک بیلدیرگن.

بوندن ایلگری، ایریم مملکتلر جمله‌دن سویدن، ناروی و اسپانیا افغانستان خلقی گه یاردم بیرگن ایدی.

فیلیپین چیگره‌چیلری، اوشبو مملکت‌نینگ پالاوان ولایتیده مشهور سیاحلیک حدودلریدن بیری یقینیده یولاوچی تاشووچی کیمه‌ده یانغ...
10/09/2026

فیلیپین چیگره‌چیلری، اوشبو مملکت‌نینگ پالاوان ولایتیده مشهور سیاحلیک حدودلریدن بیری یقینیده یولاوچی تاشووچی کیمه‌ده یانغین چیقیشی عاقبتیده کمیده بیش کیشی هلاک بولگن و ینه ۸۷ کیشی بی‌درک یوقالگنینی ایتگنلر.

الجزیره، بوگون (۱۹ سنبله/۱۰ سپتمبر، پنج‌شنبه) یانغین چهارشنبه کونی شام پیتی ساحل‌دن ۲.۲ کیلومتر اوزاقلیکده صادر بولگنینی معلوم قیلگن.

فیلیپین ساحلی کوچلری قوماندانی نومی کایابیاب‌نینگ ایتیشیچه، کیمه‌ده ۱۳۴ نفر یولاوچی و خدمه اعضاسی بولگن. حاضرگچه اولردن ۴۲ نفری قوتقریلگن. اونگه کوره، بو دستلبکی معلومات بولیب، قیدیرو-قوتقرو ایشلری دوام ایتیشی بیلن رقملر اوزگریشی ممکن.

ایسله‌تیب اوته‌میز، ییتی مینگدن آرتیق آرال گه ایگه فیلیپین‌ده دینگیز حادثه‌لری انده-سنده یوز بیره‌دی.

بدخشان ولایتی معارف ریاستی مسئوللری‌نینگ ایتیشیچه، اوشبو ولایت‌نینگ جرم تومنی یشاوچیلری اوز پوللری حسابیدن مکتب قوره‌دیل...
09/09/2026

بدخشان ولایتی معارف ریاستی مسئوللری‌نینگ ایتیشیچه، اوشبو ولایت‌نینگ جرم تومنی یشاوچیلری اوز پوللری حسابیدن مکتب قوره‌دیلر.

بدخشان ولایتی معارف ریاستی مطبوعات مسئولی عبدالله عابدی‌نینگ ایتیشیچه، جرم تومنی‌نینگ «سینه» قشلاغی اهالیسی بیر میلیون ۴۰۰ مینگ افغانی مبلغ عوضیگه ۱۰ ته صنف‌لیک بیر قووتلی مکتب بناسینی قوره‌دیلر.

اوشبو قیشلاق‌ده مکتب بیناسی‌نینگ یوقلیگی اهالی و اوقوچیلر اوچون تعلیم ساحه‌سیده‌گی اساسی معمالردن بیری دیر. ایریم اوقوچیلر آچیق هواده یاکی چادر آستیده تعلیم آلیشگه مجبور.

بوندن آلدین هم ایریم ولایتلر یشاوچیلری مکتبلر قوریش، ییر اجره‌تیش، مکتب بنالرینی تعمیرلش همده اولرنینگ جهازلش ایشلریده حصه قوشگن.

اوللراق، بدخشان ولایتی معارف ریاستی اوشبو ولایت‌ده ۲۸۵ ته مکتب بناسی یوقلیگینی ایتگن ایدی. بو حالت مینگلب اوقوچیلرنینگ آچیق هواده تعلیم‌لریگه دوام ایتیریش گه سبب بولگن.

سرطان گه چلینگن ۹۹ مینگدن آرتیق کیشی دوالندیاسلام امیرلیگی سوزلاوچیسی ذبیح‌الله مجاهد، هجری قمری ۱۴۴۷-ییلده ۹۹ مینگدن آر...
09/09/2026

سرطان گه چلینگن ۹۹ مینگدن آرتیق کیشی دوالندی

اسلام امیرلیگی سوزلاوچیسی ذبیح‌الله مجاهد، هجری قمری ۱۴۴۷-ییلده ۹۹ مینگدن آرتیق سرطان کسللیگیگه چلینگن کیشی دوالنگنینی بیلدیردی.

مجاهد، بوگون (۱۸ سنبله/۹ سپتمبر، چهارشنبه) کابل‌ده حکومت ییتکرمه‌لر مرکزی‌ده حکومت‌نینگ مطبوعات کوزگوسی ناملی دستوری‌ده ایتیشیچه، سونگی بیر ییل دوامیده ۵۰ مینگدن آرتیق سل (توبرکلوز) کسللیگیگه چلینگن بیمار گه طبی خذمت‌لر کورسه‌تیلگن.

اسلام امیرلیگی بوندن ایلگری، سرطان کسللیگینی دوالش بوییچه طبی خذمت‌لرنی کینگه‌یتیریشینی، کابل شهری و مملکت حدودلریده سرطان کسللیگینی دوالشگه اختصاص‌لشگن شفاخانه‌لر قوریشینی بیلدیرگن ایدی.

بیرلشگن عرب امیرلیگی شرکت‌لری سالنگ ایکینچی تونلی‌نی قوریش و افغانستان‌ده «دارو» ایشلب چیقریش کارخانه‌لرینی تشکیل ایتیش ...
09/09/2026

بیرلشگن عرب امیرلیگی شرکت‌لری سالنگ ایکینچی تونلی‌نی قوریش و افغانستان‌ده «دارو» ایشلب چیقریش کارخانه‌لرینی تشکیل ایتیش گه قیزیقه‌یاتگنلرینی معلوم قیلگنلر.

اسلام امیرلیگی باش وزیری‌نینگ اقتصادی اورین باسرلیگی، بوگون (۱۸ سنبله/۹ سپتمبر، چهارشنبه) ایکس اجتماعی ترماغیده بیر بیانیه ترقه‌تیب، بیرلشگن عرب امیرلیگی شرکت‌لری‌نینگ بو قراریگه دایر اوشبو اداره باشچیلیگیده بین‌الوزارتی سرمایه کیریتیش کمیته‌سی‌نینگ نوبتی ییغیلیشیده بو حقده بحث قیلینگنینی بیلدیردی.

بیانیه گه کوره، ییغیلیش‌ده مربوطه وزیرلیک‌لر و اداره‌لر گه مذکور شرکت‌لر بیلن برچه تامانلمه همکارلیک قیلیش بویروغی بیریلگن.

Address

Kabul
1001

Website

Alerts

Be the first to know and let us send you an email when Salam Watandar Uzbek posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Salam Watandar Uzbek:

Shortcuts

Share

Category