Salam Watandar Pashto

06/09/2025

د لوګر امنیه قومنداني چارواکي وایي چې د دغه ولایت محمداغې ولسوالي په «دولت کلا» سیمه کې د غلو یوه شپږ کسیزه ډله نیول شوې ده.

د لوګر امنیه قومنداني چارواکي وایي چې د دغه ولایت محمداغې ولسوالي په «دولت کلا» سیمه کې د غلو یوه شپږ کسیزه ډله نیول شوې ده. د دغه ولایت امنیه قومندان ملااغا ولي نوران...

06/09/2025

هغه هره ورځ سهار شپږ بجې د کابل ښار پُل‌هارتن سیمې ته ځان رسوي او هڅه کوي چې د ټرافیکي قوانینو په پلي‌کولو او د موټرو په منظم توګه تګ‌راتګ سره په سړکونو کې نظم راولي او د خلکو لپاره تګ‌راتګ اسانه کړي.

د کابل د خیرخانې‌ سیمې اوسېدونکی محمدنواب ساپی چې دامهال د ټرافیکو په ریاست کې د کنټرول او څارنې مدیر په توګه کار کوي، وايي چې د خپل ژوند ۳۰کاله یې د ښاري نظم د راوستلو او د سړکونو د ټرافیکو مدیریت په برخه کې تېر کړي دي.

نور دلته ولولئ!

هغه هره ورځ سهار شپږ بجې د کابل ښار پُل‌هارتن سیمې ته ځان رسوي او هڅه کوي چې د ټرافیکي قوانینو په پلي‌کولو او د موټرو په منظم توګه تګ‌راتګ سره په سړکونو کې نظم راولي ....

06/09/2025

د اسټرالیا په سډني ښار کې د سمندر پر غاړه یوه مشکوک لوی نهنګ یوه مېرمن وژلې ده.

د راپورونو له مخې، دې مېرمنې د سډني ساحل کې د سرفبورډ (surfboard) لوبه کوله چې د یوه لوی نهنګ له لوري پرې برید شوی دی.

د پولیسو او ژغورونکو په وینا، پېښه نن شنبه، سپټمبر شپږمه رامنځته شوې او د یاد ښار د اوسېدونکو اندېښنې یې راپارولې دي.

دا پېښه د سډني په ساحلي تاریخ کې د نهنګانو دویم مرګونی برید بلل کېږي.

مخکې له دې ۲۰۲۲ کې د بریتانیا یو ۳۵کلن ښوونکی هم د یوه نهنګ له‌خوا وژل شوی و چې دا پېښه ۱۹۶۳کال راهیسې په سډني کې لومړنۍ ورته پېښه ګڼل کېږي.

پولیسو او ژغورونکو د ساحلونو د امنیت لپاره بیړني تدابیر نیولي او خلکو ته یې خبرداری ورکړی چې تر بلې خبرتیا ساحلي سیمو ته له ورتګ ډډه وکړي. د چارواکو په وینا، د پېښې کره جزییات لا تراوسه ناڅرګند دي.

06/09/2025

د اسراییلي ځواکونو له لوري د غزې په بېلابېلو سیمو کې د بریدونو پرمهال لږترلږه ۵۰ فلسطینیانو خپل ژوند له لاسه ورکړی دی.

د غزې د روغتیا وزارت د راپور له مخې، د وژل شویو کسانو په منځ کې لږترلږه اووه ماشومان هم شامل دي.

بریدونه تر ډېره په کلابنده غزې ښار او شاوخوا سیمو کې شوۍ چې ګڼې کورنۍ یې د خپلو غړو د وژنې او ټپي‌کېدو له امله د غم په ټغر کېنولي دي.

عیني شاهدان وایي، اسراییلي الوتکو او توپخانو په پرله‌پسې توګه هستوګنیزې سیمې په نښه کړي او لسګونه کورونه یې په بشپړه توګه ویجاړ کړي دي.

په همدې حال کې د مرستندویو ډلو په وینا، د مړو او ټپیانو شمېر ښايي د ژغورنې عملیاتو پر مهال نور هم لوړ شي.

د فلسطیني چارواکو په خبره، له تېرو څو میاشتو راهیسې د اسراییلو د پرله‌پسې عملیاتو له امله د غزې په ښار کې د انساني وضعیت کړکېچ بې‌ساری شوی دی.

نړیوال سازمانونه د ملکي تلفاتو د زیاتېدو په اړه اندېښنه څرګندوي او د اوربند غوښتنه کوي.

#سلام‌وطندار

06/09/2025

د حج، ارشاد او اوقافو وزارت مسوولان وايي، دامهال د هېواد د ټولو جوماتو د برښنا لګښتونه د یاد وزارت له لوري ورکول کېږي او ترڅنګ يې د ملا امامانو د اقتصادي ستونزو د حل پر طرحه کار روان دی.

د یاد وزارت مسوولانو دغه څرګندونې د کابل-کندهار پر لویه لاره د کندهار دامان ولسوالي کې د ټولګټو چارو وزارت له لوري د ۳۵ میلیونه افغانیو په ارزښت جوړ شوي شوه جومات د پرانېستلو پرمهال کړې دي.

نور دلته ولولئ! https://swn.af/.../ministry-of-hajj-and-religious.../

05/09/2025

د کندهار ځايي مسوولان وايي، د میلیونونو افغانیو په ارزښت یې سل ټنه درمل، خوراکي او غیرخوراکي توکي سوځولي.

د کندهار د مستهلکینو کمیسیون مشر احمدالله حقاني وايي، دغه توکي د تېرو دريو میاشتو په موده کې د دغه ولایت په بېلا-بيلو برخو کې نيول شوي وو.

د هغه په خبره، له دې وروسته هغه سوداګر او پلورنکي محکمې ته سپاري چې له يو ځل زيات يې پلورنځي کې بې‌کېفيته يا تاريخ تېره توکي وموندل شي.

د کندهار اوسېدونکي له ښاره د ټيټ‌کېفيته خوراکي او غيرخوراکي توکو د ټولونې له بهيره هرکلی کوي او د هغو سوداګرو پر وړاندې د جدي چلند غوښتنه کوي چې دغه توکي واردوي.

#سلام‌وطندار

05/09/2025

هلمند کې د خصوصي پوهنتونونو مسوولان وايي، ځينې پوهنځي یې د استادانو له کمښت سره مخ دي.

دوی ویلي، د همدې مسلکي خلا په دلیل د ځینو تازه پیل شویو پوهنځیو تدریسي چارې له خنډ او ځنډ سره مخ دي.

دوی زیاتوي چې د دې تشې ډکولو لپار اړ دي چې له نورو ولایتونو مسلکي استادان ور وغواړي.

په دې اړه ډېر جزییات لاندې لینک کې ولولئ!

https://swn.af/ps/private-universities-in-helmand-face-shortage-of-teachers/

05/09/2025

د پاکستان په پنجاب او سند ایالتونو کې د وروستیو سېلابونو له امله د مړو شمېر ۸۸۴ ته رسېدلی.

د راپورونو له مخې، سېلابونو کې ۴ زره کلي تر اوبو لاندې شوي او نږدې ۸۰۰ زره کسان بې‌ځایه شوي دي.

د پاکستاني چارواکو په وينا، دامهال د ملتان سیمه د سختو سېلابونو له ګواښ سره مخ ده او د دې سيمې د ژغورلو لپاره پر دې فکر کېږي چې د «چناب» په نوم د اوبو بند مات کړي، څو اوبه بلې سیمې ته لاړې شي.

چارواکي ادعا کوي چې د هند له‌ لوري د راخوشې شویو اوبو له امله دغه سېلابونه نور هم پياوړي شوي دي.

#سلام‌وطندار

05/09/2025

د بدخشان د ارګو ولسوالي اوسیدونکي او مالداران څارویو کې د یوې ناپېژانده ناروغۍ له خپرېدو اندېښنه لري.

دوی وايي، دغې ناروغۍ په دې وروستیو ورځو کې یو شمېر څاروي وژلي او که ژر یې مخه ونه نیول شي، زیانونه به یې نور هم زیات شي.

د بدخشان د ارګو ولسوالي اوسیدونکي او مالداران څارویو کې د یوې ناپېژانده ناروغۍ له خپرېدو اندېښنه لري. دوی وايي، دغې ناروغۍ په دې وروستیو ورځو کې یو شمېر څاروي وژلي او...

05/09/2025

په کابل کې د جاپان سفارت په یوه خبرپاڼه کې ویلي، د کونړ زلزله ځپلو سره یې مرستې چې خیمې او کمپلې په‌کې شاملیږي، نن سهار (جمعه، سنبله ۱۴) کابل ته را ورسېدې.

خبرپاڼه کې ویل شوي چې دغه مرستې به ډېره ژر د هېواد په ختیځ کې پر زلزله ځپلو وویشل شي.

یاد سفارت ټینګار کړی چې هېواد یې د افغانانو ملاتړ ته دوام ورکوي.

#سلام‌وطندار