11/08/2026
د امریکا ولسمشر ډونالډ ټرمپ له ترکیې څخه د وتلو پرمهال د ایران د ګواښ له وېرې مسافرینو ته د خواړو استولو لارۍ کې پټ شوی او برتانیې ته یې پوځي الوتکه کې سفر کړی.
واشنګټن پوسټ ورځپاڼې نن سهشنبه راپور ورکړی چې د ایران له لوري د ترور د ګواښ له امله، د امریکا ولسمشر ډونالډ ټرمپ تېره جولای میاشت کې له ترکیې څخه برتانیې ته په یوه پټه پوځي الوتکه کې سفر کړی، په داسې حال کې چې سپینې ماڼۍ ویلي وو، هغه د «ایر فورس ون» په الوتکه کې سپور وو.
د راپور له مخې، په دې بېساري پټه طرحه کې ټرمپ د هوايي ډګر د خواړو د لېږد په یوه موټر کې پټ انتقال شوی وو.
همدارنګه ویل شوي چې دا عملیات هغه مهال ترسره شول چې ټرمپ په انقره کې د ناټو د سرمشریزې لپاره له یو شمېر نړیوالو مشرانو سره وو.
ویل شوي چې ولسمشر ټرمپ لومړی د ټلوېزیوني کمرې مخې ته د «ایر فورس ون» پخوانۍ لویې الوتکې ته پورته شو، خو څو دقیقې وروسته په پټه د هوايي ډګر د خواړو د لېږد یوې لارۍ له لارې یوې کوچنۍ الوتکې ته انتقال شو.
یوه امریکايي چارواکي واشنګټن پوسټ ته ویلي چې دغه موټر عموماً له الوتنې مخکې الوتکو ته د خواړو او نورو اړینو توکو د انتقال لپاره کارېږي.
د ټرمپ دغه سفر په داسې مهال ترسره شو چې له ایران سره جګړه او تاوتریخوالی مخ پر زیاتېدو وو او ایران له ترکیې سره ګډه پوله لري.
#سلاموطندار
