Salam Watandar Pashto

09/06/2025

د سپينې شګې تفريحي پارک قرار دادي شرکت مسوولان وايي چې د لوی اختر له لومړۍ تر دې مهاله «دوشنبه، غبرګولي ۱۹مه» له يادې تفريحي سيمې څخه شاوخوا ۳۰۰زره سيلانيانو ليدنه کړې ده.

د سپينې شګې تفريحي پارک قرار دادي شرکت مسوولان وايي چې د لوی اختر له لومړۍ تر دې مهاله «دوشنبه، غبرګولي ۱۸مه» له يادې تفريحي سيمې څخه شاوخوا ۳۰۰زره سيلانيانو ليدنه ک....

09/06/2025

د سرپرست حکومت لوړپوړی پلاوی د تاشکند څلورمې نړیوالې ناسته کې د ګډون لپاره نن «دوشنبه، غبرګولي ۱۹مه» اوزبیکستان ته روان شوی دی.

د سرپرست حکومت لوړپوړی پلاوی د تاشکند څلورمې نړیوالې ناسته کې د ګډون لپاره نن «دوشنبه، غبرګولي ۱۹مه» اوزبیکستان ته روان شوی دی. د صنعت او سوداګرۍ وزارت پر خپله اېکس‌...

09/06/2025

د پنجشېر محلي مسوولان وايي چې دغه ولایت کې د لامبو وهلو پرمهال د کابل درې اوسېدونکي اوبو ډوب کړي دي.

د پنجشېر د امنیه قومنداني ویاند حق‌مل سعد وايي چې دغه درې کسان «یکشنبه، غبرګولي ۱۸مه» د یاد ولایت د لومړۍ امنیتي حوزې په «جنګلک» سیمه کې اوبو ډوب کړي.

نور دلته ولولئ! https://swn.af/ps/three-people-drown-while-swimming-in-panjshir/

09/06/2025

تېم فرید چې د امریکا د وېسکانسین اوسېدونکی دی، د مارانو د زهر ضد واکسین او درملو د جوړولو لپاره څه باندې ۲۰۰ ځلې مارانو ته اجازه ورکړې چې دی وچیچي.

نوموړي له اې‌اېف‌پي خبري اژانس سره مرکه کې ویلي چې د ټولو مارانو نېش ګواښونکی وي. نوموړی وروسته له هغې کوما ته تللی و چې په یوه ساعت کې دوو مصري کبرا مارانو ته اجازه ورکړه چې دی وچیچي.

نور دلته ولولئ! https://swn.af/ps/a-man-bit-himself-200-times-with-snakes-to-change-the-history-of-medicine/

09/06/2025

د اسراییلو پوځ ادعا کوي چې سوریه کې د هوايي برید پرمهال یې، د حماس ډلې یو لوړپوړی غړی وژلی دی.

د اسراییلو پوځ پر خپل ټلګرام یوه بیان کې ویلي چې دغه کس یې، د سوریې په سوېل په «مزرعه‌بین‌جین» سیمه کې په نښه کړی دی.

د سوریې د بشرحقونو څار یوه بنسټ بیا ویلي چې د اسراییلو په دې برید کې یو کس وژل شوی او دوه نور ټپیان دي.

حماس تراوسه دوی پورې د تړلي یاد کس د وژنې په اړه کوم غبرګون نه‌دی ښودلی.

د یاد بنسټ د معلوماتو له مخې، اسراییلو د روان کال راهیسې تر دې مهاله سوریه کې ۶۱ بریدونه کړي چې ۵۱ یې، هوايي او لس یې، ځمکني دي.

بل‌خوا روانه اوونۍ له سوریې پر اسراییلو دوه توغندي وتوغول شول چې مسوولیت دوو ډلو پر غاړه واخیست.

لومړۍ ډله چې د «شهید محمدضیف بریګیډز« په نوم یادېږي او یوه لږ پېژندل شوې ډله ده، د حماس د پوځي قوماندان په نوم نومول شوې چې تېرکال ووژل شو.

دویمه لږ پېژندل شوې ډله، «په سوریه کې د اسلامي مقاومت جبهه» ده چې څو میاشتې دمخه د سوریې سوېل څخه د اسراییلو پر وړاندې د اقدام غوښتنه هم کړې وه.

اسراییلو له دې توغندیز برید وروسته سوریه کې هوايي برید وکړ او په مستقیمه توګه یې، د یاد هېواد اوسنی ولسمشر احمدالشرع مسووله وباله.

#سلام‌وطندار
#اسراییل

08/06/2025

یمن کې د القاعده شبکې څانګې مشر سعد بن عاطف العولقي د امریکا ولسمشر ډونالډ ټرمپ او میلیاردر ایلن ماسک ته غزه کې د اسراییل له جګړې د متحده ایالتونو د ملاتړ په دلیل ګواښ کړی.

الجزیرې شبکې نن (یکشنبه، جوزا ۱۸) راپور ورکړی چې تېره ورځ ټولنیزو شبکو کې د العولقي ۳۰ دقیقه‌يي ویډیو خپره شوې او په کې ویل شوي: «وروسته له هغې چې د غزې په خلکو څه تېر شول او تیریږي، نور هېڅ سره کرښه شتون نه‌لري، متقابل اقدام مشروع دی.»

دغه ویډیو کې د امریکا ولسمشر ډونالډ ټرمپ، امریکايي میلیاردر ایلن ماسک، د ټرمپ مرستیال جي‌ډي ونس، د دفاع وزیر پیت هګزت او د ایلن ماسک شرکت ټسلا لوګو ښوول شوې ده.

امریکا د هغه د نیونې لپاره ۶ میلیون ډالره جایزه ټاکلې او هغه یې تورن کړی چې په ښکاره پر متحده ایالتونو او متحدانو یې د برید غوښتنه کړې ده.

د دغه راپور ډېر جزییات د سلام‌وطندار ویب‌سایټ کې ولولئ!👇
https://swn.af/.../al-qaeda-leader-in-yemen-threatens.../

08/06/2025

ترکي پولیسو ویلي چې د «چاناک‌قلعه» ښار سواحلو ته نژدې یې ۱۸ افغان پناه‌غوښتونکي نیولي دي.

د «سي‌ان‌ان» اژانس ترکي برخې تېره ورځ (شنبه، جوزا ۱۷) راپور ورکړی چې د نیول شویو افغانانو ډله کې ۶ ماشومان هم حضور لري.

د راپور پر اساس، د ترکي ځواکونو عملیاتو کې د اذربایجان هېواد یو وګړی د انسان قاچاق په تور نیول شوی دی.

د ترکیې ساحلي ګارد زیاته کړې چې دغه ۱۸ ناقانونه افغان کډوال له اداري طی مراحلو وروسته، د کډوالو د منلو او لېږد مرکز ته استول شوي دي.

#سلام‌وطندار

08/06/2025

د پکتیا امنیتي مسوولان وايي، ډنډپټان ولسوالي کې د یوې پخوانۍ ناچاودې مرمۍ چاودنې له امله یو ١٢ کلن هلک ژوند له لاسه ورکړی او ۴ نور ټپيان دي.

د پکتيا د امنیې قومنداني وياند منيب ځدراڼ سلام‌وطندار ته وویل، دغه پېښه نن (یکشنبه، جوزا ۱۸) د ډنډپټان ولسـوالي «حسن‌خېلو» کلي کې شوې.

د ځدراڼ په خبره، پېښه هغه مهال وشوه کله چې ماشومانو په دغې ناچاودې مرمۍ لوبې کولې.

ټپي ماشومان د درملنې په‌پار د پکتـیا حوزوي روغتون ته لېږدول شوي چې روغتـیایي وضعیت یې د ډاډ وړ ښودل شوی دی.

د یادونې ده چې د هېواد په ډېری ولایتونو کې له تېرو جګړو د ناچاوده توکو چاودنې له امله وخت ناوخت دا ډول مرګونې پېښې رامنځته کېږي چې زیاتره قربانیان یې ماشومان دي.

#سلام‌وطندار

08/06/2025

د ایران د استازو جرګې د کورني کمیسیون غړي علي‌‌اصغر نخعي‌‌راد ویلي، تېرو اتو میاشتو کې شاوخوا یو میلیون ناقانونه افغانان له ایرانه اېستل شوي.

هغه تېره ورځ (شنبه، جوزا ۱۷» یوې خبري غونډې ته ویلي، که څه هم دغه شمېر افغان کډوال اېستل شوي، خو یوشمېر نور په قانوني او غیرقانوني ډول ایران ته ورغلي دي.

د هغه په وینا، د کډوالو ملي سازمان جوړولو لایحه جرګې ته استول شوې چې پر اساس به یې ایران کې مېشت نیمايي افغان کډوال له دغه هېواده واېستل شي.

هغه زیاته کړې، که څه هم قانوني کډوال د کار کولو کارت ترلاسه کوي، خو ټولو برخو کې د کار کولو حق نه‌لري.

د ایران د استازو جرګې دغه غړي ویلي: «افغان کډوال یوازې کولی شي د کارګر په توګه د اړتیا وړ کارونو کې فعالیت وکړي او د پلورونکي یا نورو برخو کې د کار کولو اجازه نه‌لري.»

د رسمي شمېرو پر اساس، دامهال ایران کې شاوخوا شپږ میلیون افغان کډوال ژوند کوي.

#سلام‌وطندار

08/06/2025

د «مرسي کورپس» په نوم غیر دولتي سازمان راپور ورکړی چې کابل کې له ځمکې لاندې اوبو څخه ګټه اخیستنه د پام وړ ډېره ده او تقریبآ د دغه ښار تر نیمايي څاګانې وچې شوي.

ګاردین ورځپاڼې د مرسي کورپس سازمان په خبره راپور ورکړی چې کابل کې په تېرو لسو کلونو کې د چټکې ښاري پراختیا او اقلیمي بدلونونو له امله اوبو ته لاسرسی کم شوی او بیه یې مخ په لوړېدو ده.

راپور کې ویل شوي چې د ځمکې لاندې اوبو کچه ۳۰ متره ښکته شوې او ځينې کورنۍ د خپل عاید تر ۳۰ سلنې د اوبو اخیستو لپاره مصرفوي.

د راپور پر اساس، له درې دوه برخې افغانان د اوبو لګښتونو په خاطر پوروړي دي.

راپور کې راغلي چې پلازمینه کابل کې د اوبو ککړتیا ډېره شوې او شاوخوا ۸۰ سلنه د ځمکې لاندې اوبه د فاضله اوبو، مالګینوالي او زهرجن ارسنیک له امله ککړې دي.

د څښاک اوبو کمښت ستونزه د کابل اوسېدونکو لپاره تازه ننګونه نه ده، بلکې کلونه کیږي چې ورسره لاس او ګرېوان دي.

د اوبو او انرژۍ وزارت تر اوسه د دغه راپور پر وړاندې غبرګون نه دی ښوولې، خو تر دې وړاندې یې ویلي وو چې کابل کې د اوبو کمښت ستونزې حل لپاره لنډمهاله او اوږدمهاله پروګرامونه لري.

د مسوولانو په وینا، یو له دغو پروګرامونو څخه د پنجشېر له سینده کابل ته د اوبو لېږد پروژه ده چې کولی شي دغه ښار کې د اوبو کمښت ستونزه یو څه حل کړي.

#سلام‌وطندار

08/06/2025

د امریکا ولسمشر ډونالډ ټرمپ خبرداری ورکړی چې له امریکايي میلیاردر ایلن ماسک سره یې اړیکې پای ته رسېدلي او که هغه د ده د نوي مالیاتي قانون مخالفو ډیموکراټانو ملاتړ وکړي، «جدي پایلې» به ولري.

ټرمپ په ټینګار سره ویلي، چې له ایلن ماسک سره د اړیکو رغولو او بیا خبرو ته چمتو نه دی، خو تراوسه یې د هغه له شرکتونو سره د حکومتي تړونونو لغوه کول نه‌دي سنجولي.

د دواړو لوریو ترمنځ شخړه، د ولسمشر ټرمپ پر نوي مالیاتي قانون د نیوکې له امله رامنځته شوه چې د امریکا کانګرس کې یې د دغه قانون تصویب له ځنډ سره مخ کړی دی.

#سلام‌وطندار

07/06/2025

اسراییلي ځواکونو نن د اختر دویمه هم د غزې پر بېلا بېلو سیمو بمبارۍ ته دوام ورکړی.

د راپورونو پر اساس، په دغو بریدونو کې لږ تر لږه ۵۶ کسان وژل شوي او ګڼ شمېر ټپیان شوي دي.

ويل شوي چې ٨ فلسطينيان د رفح ښار په الاخواه کې داسې مهال وژلي چې مرستو ته په تمه ولاړ وو.

د یادونې ده چې تېره ورځ جمعه هم پر غزې د اسراييل بریدونو کې ٣٤ کسان وژل شوي وو.

#سلام‌وطندار