KDR agency

KDR agency د خبرونو رښتینی او مواثقه سرچینه

06/01/2025

تازه خبر

02/01/2025

تازه خبر

31/12/2024

په سویلي کوریا کې د یوې الوتکې د ټکر خونړۍ پېښه: ۱۷۹ مړي

د سویلي کوریا په جنوب کې د موان هوايي ډګر د ځغاستلیکې پر سر یوه خونړۍ پېښه رامنځته شوې. د جېجو هوايي شرکت اړوند بوینګ ۷۳۷-۸۰۰ ډوله الوتکه د ناستې پر مهال له ځغاستلیکې ووتله او له یوه دیوال سره وجنګېده. په دې پېښه کې ۱۷۹ کسان وژل شوي دي، چې زیاتره یې مسافر وو.

یاده الوتکه له تایلنډ د بنکاک ښار څخه د ۱۸۱ کسانو سره الوتلې وه. د امنیتي کمرو په ویډیوګانو کې ښکاري چې الوتکه د ځغاستلیکې له مسیر څخه د وتلو سره سمدستي اور اخلي او په بشپړ ډول ویجاړېږي.

د هوايي ډګر مسوولینو ویلي چې د پېښې دقیق علت لا نه دی معلوم، خو د تخنیکي ستونزو او خرابې هوا احتمال یې څرګند کړی دی. د دې ترڅنګ، د ټپي شویو کسانو د ژغورنې عملیات روان دي.

دا پېښه د هوايي چلند په تاریخ کې د سویلي کوریا له تر ټولو خونړیو پېښو څخه یوه ګڼل کېږي. د الوتکې تور بکس د پېښې د څېړنو لپاره موندل شوی او څېړنې په چټکۍ سره روانې دي. چارواکو ویلي چې د دې پېښې په اړه به نور جزئیات په راتلونکو ساعتونو کې خپاره کړي.

په همدې حال کې د قربانیانو کورنیو ته د تسلیت پیغامونه وړاندې شوي، او د الوتکې په مسیر کې نورو الوتنو ته ځنډ ورکړل شوی دی.

29/12/2024

ملګري ملتونه: طالبان دې د ښځو او نجونو پر حقونو بندیزونه لرې کړي

د ملګرو ملتونو امنیت شورا د ډسمبر ۲۷مه په یو تازه بیان کې په افغانستان کې د طالبانو له خوا د ښځو او نجونو پر حقونو د محدودیتونو په اړه ژوره اندېښنه څرګنده کړه. په اعلامیه کې ویل شوي چې د افغان مېرمنو او نجونو بنسټیزې آزادۍ باید خوندي شي، او هغوی ته دې په ټولنه کې بشپړ او معنی لرونکی سهم ورکړل شي.

امنیت شورا ټینګار کړی چې که طالبان غواړي په نړیواله ټولنه کې مشروعیت ترلاسه کړي، نو باید د ښځو پر زده کړو، په ځانګړې توګه د نجونو پر طبي زده کړو، وروستی بندیز سمدستي لغوه کړي او د ښځو او نجونو په اړه خپلې پالیسۍ بدلې کړي.

په اعلامیه کې همداراز غوښتنه شوې چې په افغانستان کې دې ټول شموله ملي خبرې اترې پیل شي، څو د یو نوي اساسي قانون او سیاسي نظم لپاره زمینه برابره شي او افغانستان وکولی شي خپل نړیوال مسؤلیتونه په اغېزمن ډول ترسره کړي.

په ورته وخت کې، په دوحه کې د افغان سولې لپاره د امریکا پخواني ځانګړي استازي زلمي خلیلزاد ویلي چې د دوحې تړون کې د افغانستان د سیاسي نظام څرنګوالی نه دی مشخص شوی. د هغه په وینا، د سیاسي نظام جوړښت باید د افغانانو ترمنځ د ټول شموله خبرو اترو له لارې رامنځته شي.

د ملګرو ملتونو او نړیوالې ټولنې دا تازه غبرګونونه په داسې حال کې دي چې طالبان لا هم په افغانستان کې د ښځو پر زده کړو او کار بندیزونه لګوي، چې دا چارې د نړیوالو له سختو نیوکو سره مخ دي.

28/12/2024

په پروان کې د طالبانو لخوا د یو پخواني نظامي شهادت

په پروان ولایت کې طالبانو تېره شپه د جمهوریت یو بل نظامي په بې رحمۍ شهید کړ. عبدالرحمن د عبدالرشید ځوی، چې د پروان ولایت مرکز چاریکار اړوند د توغبیردي سیمې د کوز کلي اوسېدونکی وو، تېره شپه د طالبانو لخوا د خپلې کورنۍ مخې ته په شهادت ورسېد.

عبدالرحمن یو پخوانی نظامي وو چې د جمهوریت له سقوط وروسته یې د خپلې کورنۍ د روزۍ ګټلو لپاره رکشه چلوله. هغه د خپلې مور د لیدو لپاره له چاریکار ښار څخه خپل کلي ته راغلی وو، خو طالبانو د دروازې مخې ته په نښه او شهید کړ.

عبدالرحمن د دریو ماشومانو پلار وو، او اوس یې مېرمن کونډه او بچیان یتیمان شول. دغه ډول پېښې ښيي چې طالبان لا هم د افغانانو د وینو تږي دي او د هیڅ ډول رحم احساس نه لري.

د دغې ظالمانه پېښې په اړه د افغانانو غبرګونونه د طالبانو پر دوامداره ظلمونو او وژنو باندې د نړیوالې ټولنې د چوپتیا پر وړاندې سختې نیوکې راپارولي دي.

25/12/2024

طالبان: په پکتیکا کې د پاکستان هوايي برید د ښځو او ماشومانو په ګډون ۴۶ تنه وژلي

د طالبانو حکومت ویلي چې تېره شپه پاکستان د پکتیکا ولایت په برمل ولسوالۍ هوايي بریدونه کړي، چې په پایله کې ۴۶ تنه وژل شوي او شپږ نور ټپیان شوي دي. د طالبانو د چارواکو په وینا، د وژل شویو کسانو په ډله کې ډېری ښځې او ماشومان شامل دي.

د AFP خبري اژانس د راپور له مخې، د طالبانو ویاند ذبیح الله مجاهد ویلي چې په دې برید کې د پکتیکا څلور بېلابېلې سیمې په نښه شوې دي.

د طالبانو د حکومت مرستیال ویاند حمدالله فطرت هم ویلي:
“په ډېر تاسف سره باید ووایو چې تېره شپه د پکتیکا ولایت په برمل ولسوالۍ کې پر څلورو موقعیتونو بمبارۍ شوې. په دې بریدونو کې یو شمېر کورونه بشپړ ویجاړ شوي دي. په دې پېښه کې ۵۱ تنه شهیدان شوي، چې اکثره یې ښځې او ماشومان دي، او شپږ نور ټپیان شوي دي.”

د سیمې اوسېدونکي وایي چې برید خورا خونړی و او د خلکو کورونه او د ژوند لومړنۍ اړتیاوې یې له منځه وړي دي.

د طالبانو د دفاع وزارت ویلي چې دا ډول بریدونه به له ځواب پرته پاتې نه شي او پاکستان ته یې د جدي غبرګون خبرداری ورکړی.

د طالبانو حکومت: د افغانستان په کانونو کې شاوخوا اته میلیارده ډالره پانګونې ته زمینه برابره شوېد طالبانو حکومت وایي، د ت...
24/12/2024

د طالبانو حکومت: د افغانستان په کانونو کې شاوخوا اته میلیارده ډالره پانګونې ته زمینه برابره شوې

د طالبانو حکومت وایي، د تېرو درې کلونو په ترڅ کې یې د افغانستان په شاوخوا ۳۰ لویو کانونو کې د اته میلیارده ډالرو پانګونې لپاره زمینه برابره کړې ده.

د کانونو او پټرولیم وزارت چارسمبالي ملا هدایت الله بدري ویلي چې د کورنیو او بهرنیو شرکتونو سره څه باندې ۲۰۰ تړونونه لاسلیک شوي دي. د دې تړونونو له ډلې څخه ۱۷۰ یې د کوچنیو کانونو او ۳۰ یې د لویو کانونو د استخراج لپاره دي.

د طالبانو د حکومت اقتصادي مرستیال ملا عبدالغني برادر ویلي:
“د اسلامي امارت په راتګ سره هڅه کېږي چې د هېواد پر ځان بسیا کېدو لپاره له طبیعي سرچینو ګټه پورته شي او په دې برخه کې پانګوالو ته اسانتیاوې برابرې شوې دي.”

حکومت وایي چې د دې پروژو له لارې زرګونه کاري فرصتونه رامنځته شوي دي او له طبیعي سرچینو د صادراتو د زیاتولو لپاره کار روان دی.

خو د کانونو د استخراج په اړه د شفافیت او نړیوالو معیارونو د پلي کېدو په اړه ځینې پوښتنې شته. اقتصادي کارپوهان اندېښنه لري چې د کانونو غیرمسؤلانه استخراج کولی شي د چاپېریال او هېواد طبیعي شتمنیو ته زیان ورسوي.

دويم تعقيب د پکتيکا د برمل ولسوالۍ مرغه، لمن، پڅه، مېله او وزبرګي سيمو کې پاکستاني جيټ الوتکو بمبار وکړ. د کي ډی ار اجنس...
24/12/2024

دويم تعقيب

د پکتيکا د برمل ولسوالۍ مرغه، لمن، پڅه، مېله او وزبرګي سيمو کې پاکستاني جيټ الوتکو بمبار وکړ.

د کي ډی ار اجنسی ګڼو لوستونکو له دغې سيمې څخه تائيد کړه، پاکستاني جيټ الوتکې له ډيورند کرښې اوښتي او بمبار يې کړی دی.

د اوښتو تلفاتو او د بمبار په تړاو د بشپړو جزيياتو ترلاسه کولو لپاره موږ سره اوسئ.

سيمه ييزو سرچينو کي ډی آر اجنسی ته تائيد کړه، چې همدا اوس د پکتيکا ولايت برمل ولسوالۍ او شاوخوا سيمو کې د جيټ الوتکو ل...
24/12/2024

سيمه ييزو سرچينو کي ډی آر اجنسی ته تائيد کړه، چې همدا اوس د پکتيکا ولايت برمل ولسوالۍ او شاوخوا سيمو کې د جيټ الوتکو لخوا بمبار وشو.

لا تر اوسه د بمبار هدف او د راغلو جيټ الوتکو په اړه ډېر معلومات نه دي ترلاسه شوي.

د طالبانو د بهرينو چارو وزارت سياسي مرستيال عباس ستانکزي په کابل کې يوې غونډې ته ويلي، افغانستان، ايران او د سيمې هېوادو...
24/12/2024

د طالبانو د بهرينو چارو وزارت سياسي مرستيال عباس ستانکزي په کابل کې يوې غونډې ته ويلي، افغانستان، ايران او د سيمې هېوادونه بايد د امريکا او ناټو پر ضد سره يو ځای شي.

نوموړي ويلي، طالبان او ايران د امريکا دښمنان دي، نو له همدې امله بايد د دې شريک دښمن پر وړاندې د کابل او تهران اړيکې لا زياتې قوي شي: «امریکا او لويدیځه نړۍ، په ځانګړې توګه ناټو، زموږ پر وړاندې په وسله‌ واله جګړه کې نه دي، خو په سیاست او اقتصاد کې له موږ سره په جګړه کې دي. دوی د ایران اسلامي جمهوریت پر وړاندې هم همدغه کړنلاره او چلند لري، نو ځکه زموږ او ستاسو دښمن یو دی. دواړو هېوادونو ته لازمه ده چې خپلې دوستانه اړیکې ژورې او نږدې کړو.»

نوموړي دغه راز ویلي، په افغانستان کې د امريکا د حضور پر مهال په جګړه کې د ورځې ۲۰۰ تر ۳۰۰ افغانان وژل کېدل، خو اوس دغه مرګ ژوبله درېدلې ده.

همدارنګه نوموړي ويلي، د افغانستان او ايران ترمنځ ۹۰۰ کيلومټره پوله د نړۍ تر ټولو خوندي او امن پوله ده او تر اوسه پرې هېڅ امنيتي پېښه نه ده رامنځته شوې.

Address

Kandahar

Website

Alerts

Be the first to know and let us send you an email when KDR agency posts news and promotions. Your email address will not be used for any other purpose, and you can unsubscribe at any time.

Shortcuts

Share

Category