30/06/2025
د خوست ولایت د امر بالمعروف او نهی عنالمنکر قانون د تطبیق کمېټې په اونیزه غونډه کې پرېکړه وشوه چې له دې وروسته به ډاکټران ناروغانو ته راز لرونکې یا نه لوستل کېدونکې نسخې نه لیکي
د خوست ولایت مقام ویاند مستغفر ګربز وایي یاده پرېکړه د ولایت مرستیال والي مولوي محبوب شاه قانت په مشرۍ د بېلابېلو امارتي ادارو د مسؤولینو او د عامې روغتیا رئیس په ګډون شوې ده. په ناسته کې ویل شوي چې دا ډول نسخې نه یوازې د ناروغانو ستونزې زیاتوي بلکې درمل پلورونکو ته هم د ناوړه ګټې زمینه برابروي
همداراز پرېکړه وشوه چې یاده کمېټه به له دې وروسته د روغتیايي مرکزونو له چارو جدي نظارت کوي او د غیر قانوني کړنو په ځانګي توګه د راز لرونکو نسخو له لیکلو مخنیوی کوي
یاده دې وي چې ډاکټران د امر بالمعروف او نهې عنالمنکر قانون د ۱۸مې مادې له مخې مکلف ديدچې نسخې واضح قانوني او د ناروغ د درک وړ ولیکي
