Naik Mohammad Noori نیک محمد نوری

22/09/2025

10/09/2025

په آسیا جام سیالیو کې د هانګ کانګ پر وړاندې د افغان لوبډلې بریا له امله ټولو درنو هېوادوالو ته له زړه مبارکي وړاندې کوم.

پرته له شکه، ملي لوبډلې تل د افغانستان نوم په نړیوالو ډګرونو کې روښانه کړی دی. هیله ده چې په روان آسیا جام کې لا ښه وځلېږي او لخیره د دغه جام د ګټلو ویاړ زموږ د تاریخ په زرینو
پاڼو کې ثبت کړي.
#کرکټ

#افغانستان

03/09/2025

د پاکستان ملي لوبډلې پر وړاندې د افغان اتلانو تاریخي او سترې بریا له امله ټولو درنو هېوادوالو ته مبارکي وړاندې کوم.

دا ویاړلې لاسته‌راوړنه د ملي لوبغاړو د یووالي او هڅو نښه ده او د نړۍ په ګوټ ګوټ کې د هر افغان د ویاړ او ملي غرور سرچینه ګڼل کېږي.

ټولو نړیوالو ډګرونو کې د لا نورو بریاو او د ګران افغانستان د نوم ځلیدو په هیله!
#افغانستان
#کرکټ

01/09/2025

په ژورې خواشینۍ سره، د کونړ، لغمان او ننګرهار په ولایتونو کې د هغې ویجاړونکې زلزلې له امله چې د سلګونو درنو هېوادوالو ژوند یې واخیست او ګڼ شمېر کورنۍ یې په غم کېنولې، خپله خواخوږي څرګندوم.

اړینه ده چې په دې غمجنو ورځو کې موږ د زلزله‌ځپلو کورنیو او زیانمنو تر څنګ ودرېږو او له ټولو هېوادوالو، مرستندویه بنسټونو او هېوادپالو سوداګرو څخه غوښتنه کوو چې خپل وس مطابق – که مادي وي او که معنوي – د زلزله‌ځپلو مرستې ته ور ودانګي.

د شهیدانو یاد به تل زموږ په زړونو کې ژوندی وي، او د ټپیانو د ژر روغېدو لپاره رب تعالی ته لاسونه لپه کوو.

انا لله و انا الیه راجعون😓

24/08/2025

💧
اوبه یوازې یوه سرچینه نه ده؛ دا د ځمکې د ژوند وینه ده. د هر څاڅکي له ضایع کېدو سره، موږ د راتلونکي یوه برخه له لاسه ورکوو.

راځئ چې دا الهي امانت د راتلونکو نسلونو لپاره د خپل مصرف د مدیریت او خوندي کولو پر مټ وساتو. 🌍

06/07/2025

،
ددې بحران درې اړخونه دي، يو اړخ يې اقتصادي ستونزي دي، بل اړخ يې ټولنيزه بې رحمي ده او درېيم اړخ يې رواني ناروغي ده، اقتصادي او رواني اړخونه تر ډېره د انسان په فردي فکر او هڅو پوري اړه لري، خو ټولنيزه بې رحمي د ټولني په ظرفيت او د نورو انسانانو په رفتار پوري اړه لري.
د ابراهام مازلو د اړتياوو د لړۍ مُډل (Hierarchy of Needs) له مخي، د انسان درېيمه اړتيا احترام او څلورمه اړتيا مينه ده. موږ زياتره وخت د خپلو شتمنيو په اړه نا خبره يو، هغه شتمني چي موږ يې په خپلو شونډانو او خولو کي لرو، په جيبونو کي يې نلرو، کله چي يوه نرمه خندا، يوه هڅونکي جمله، د درناوي الفاظ، د رحم رفتار، د غمخوار چلند او د باور هڅي وکړو، د بل انسان د ژوند اړتياوي په پوره کېږي، زياتره انسانان ستاسو د جيبونو رحم ته ندي ناست، بلکي ستاسو د ښو جملو، د احترام څخه د ډک چلند او يوې نرمي مسکا ته زيات اړتيا لري، زموږ د ټولنيزي تربيې لويه نميګړتيا داده چي موږ يو او بل ته احترام نه کوو، ناوړه الفاظ کاروو، غريب سړی تر ځان کم ګڼو، کوښښ کوو چي ځانونه غټ وښيو او بل ته سپکاوی وکړو، دا رفتارونه نور انسانان نيمګړي کوي، پر ځانونو يې باور کمېږي، په پايله کي پدې نړۍ کي ځانونه يوازي احساسوي.
راسئ!
که مو جيبونه تش وي، شونډان مو مسکي کړئ، که مو اقتصادي توانايې کمه وي، ژبه مو په ښو جملو سره ګړندۍ کړئ، هيڅ انسان دومره کمزوری ندی چي خپل ځان ونسي چلولای، دا د طبيعت قانون دی، هر انسان د ځان د ژغولو لپاره يو څه پيدا کولای سي، خو زما او ستا لخوا ناځواني او بد چلند يې زړه زخمي کوي، کله چي يو ناتوانه کس ووينو، موږ فکر کوو چي پيسې ورکړې، بس خبره خلاصه ده، خو که تاسو د پيسو په نه شتون کي د هغه لپاره مينه ناکي جملې کار کړئ، دا هغه رواني توانايې ده چي د هغه لپاره تر پيسو کمه نده، راسئ چي د يو څو بې مصرفه ښو الفاظو، ښو جملو، ښه رفتار او ښه اخلاقو سره د ټولني بې رحمي ختمه کړو، خپله ټولنه يوه مهربانه، د اخلاقو او نزاکتونو څخه ډکه ټولنه کړو، بيا به نه ځوانان ځان وژني کوي او نه د دوستانو او ملګرو ناځواني د خلکو پر مخ اوښکي راولي.

14/06/2025

د مینې، درناوي او مننې له ژورو احساساتو سره، د مور ورځ له امله ټولو درنو میندو ته مبارکي وړاندې کوي؛ هغو میندو ته چې له مینې سره یې روزنه کړې، له هیله سره یې د ژوند جوړښت رامنځته کړ او له ایثار سره یې ژوند ته دوام ورکړ.

یوه داسې نړۍ کې چې هره ورځ له نویو ننګونو سره مخ ده، د مور رول او شتون تر بل هر وخت زیات ارزښتناک دی. میندې، د هرې ټولنې د هیلو او روڼ سبا بنسټونه دي.

.

با دل‌هایی سرشار از سپاس و دیده‌هایی پُر از احترام، فرارسیدن روز مادر را به تمامی مادران تبریک و تهنیت عرض می‌دارد؛ به آنان که با عشق پروراندند، با امید ساختند، و با ایثار زنده نگه‌داشتند.

در جهانی که هر روز با چالش‌های نو روبه‌روست، نقش مادر بی‌بدیل‌تر از همیشه است. مادران، امید و آینده‌ی هر جامعه‌اند.

29/05/2025

، ، .
، .

نن، د مې ۲۹مه، د پښتو ژبې نړیواله ورځ ده، هغه ورځ چې باید موږ په کې د خپل هویت، خپلې ریښې او خپلې ژبې درناوی وکړو. دا ورځ دې ټولو هېوادوالو او د نړۍ ټولو پښتنو ته مبارک وي.

د هرې ژبې درناوی او پالل د افغانانو د ستر کلتور د ساتنې یو لوی مسؤلیت دی.

23/04/2025

د کتاب نړیوالې ورځې په مناسبت د علم ټولو مینه‌والو، هڅاندو لیکوالانو او لیواله لوستونکو ته مبارکي وړاندې کوم.

کتاب یواځې د کلمو یو ټولګه نه ده، بلکې د ناپوهۍ په تیاره کې یو څراغ دی، په داسې نړۍ کې چې ټکنالوژي په تېز سرعت پرمختګ کوي، کتابونه لا هم د فکر، الهام او ودې خوندي پناه ځایونه دي.

د افغان ټولنی ځوانان باید په دي باور ولرو چې دوامدار پرمختګ د فکري ودې پرته ناشونی کار دی، او کتابونه د دې لارې پرانېستلو لپاره یوه مهمه کیلي ده.

راځئ چې ولولو، فکر وکړو او یو روښانه نړۍ جوړه کړو!

درنښت
*نیک محمد نوری*

09/04/2025

اوس چې پاکستان له مهاجرینو څخه د وتلو غوښتنه کوي او دا پروسه زور اخیستې، نو دا وضعیت ته یو ملي، انساني، او اسلامي مسؤلیت جوړېږي. افغانانو ته، په ځانګړي ډول حکومت، مدني ټولنې، قومي مشران او عام خلک، لاندې کارونه پکار دي:

⸻

۱. د ورورولۍ فضا رامنځته کول
• مهاجرین باید د “پردي” یا “دال خور” په سترګه ونه کتل شي. هغوی د همدې وطن بچیان دي، یوازې مجبوره شوي وو چې مهاجرت وکړي.
• رسنۍ، دیني عالمان، او مشران باید د ورورولۍ، مینې او د مهاجرینو د ښه راغلاست پیغامونه خپاره کړي.

۲. د استوګنې زمینه برابرول
• حکومت باید عاجل پلانونه ولري چې د راستنو شویو مهاجرینو لپاره د لنډ مهاله استوګنې، خوراک، تعلیم او صحت اسانتیاوې برابرې کړي.
• خلک هم باید که وس لري، یو مهاجر ورور ته کور، خونه یا بل هر ډول مرسته وکړي.

۳. د قانون له لارې د ملکیتونو او حقونو دفاع
• که څوک له خپلو خپلوانو سره د ځمکې یا کور پر سر شخړه لري، باید دا شخړې د قانون له لارې، د عدالت په فضا کې حل شي – نه په لانجه او دښمنۍ.

۴. د رواني فشار کمول
• مهاجرین له اوږده مهاجرت، بې‌عزتۍ، بې‌ثباتۍ او ځور سره راغلي دي. باید د دوی سره صبر وشي، پر حال یې رحم وشي، نه دا چې د وطن د خلکو سخت رفتار یې نور هم ځوروي.

۵. د فرهنګي واټن درک کول
• ډېری مهاجرین د افغانستان له فرهنګ، لهجې او چاپېریال سره نااشنا شوي. پر ځای د سپکاوي، باید له هغوی سره مرسته وشي چې بیرته په ټولنه کې ورګډ شي.

⸻

او پای کې دا:

افغان د افغان ورور دی. که موږ خپله غېږ د خپلو خلکو لپاره خلاصه نکړو، نو څوک به یې خلاصه کړي؟

04/02/2025

"په دې ځانګړي ورځ کې، زه غواړم د سافټویر پراختیا خدماتو شرکت (عرفون) او د ایکزاکټ د حسابداري سیسټم ځانګړي ډلي ته د دوی د ځانګړي پاملرنې او درناوي لپاره له زړه څخه د خپلې ډیرې مننې او قدرداني څرګندونه وکړم.
د دوی دا اقدام د مسلکي تګلارې او د خپلو پیرودونکو او همکارانو په اړه د دوی د ژمنتیا ښکارندوی دی.
زه خوشحال یم چې د داسې یووطني شرکت سره همکاري کوم چې لوړ معیارونه او روښانه لیدلوري لري. هیله لرم چې په راتلونکو کلونو کې زموږ همکاري نوره هم بریالۍ او ګټوره وي. د دې ټیم ټولو غړو ته د دوی د هڅو او پاملرنې لپاره ډیره مننه!
🙏✨ #مننه #همکاری #بریالیتوب"

03/02/2025

#انسان دو معلم دارد #