Gam Pa Gam ګام په ګام وطن کې

06/07/2025

د ننګرهار له پېښو سره د مبارزې ریاست ویلي، چې په ګوشتې، لعلپورې، نازیانو، مومندرې او ښېوې ولسوالۍ کې د نننیو سختو اورښتونو له امله راوتو سېلابونو د دوه ماشومانو ژوند اخیستی او د ۲۸۰ استوګنیزو کورونو د ویجاړېدو ترڅنګ یې شاوخوا ۵۰۰۰ جریبه کرنیزه ځمکه له منځه وړلې ده.

06/07/2025

د ترانسپورټ او هوايي چلند وزارت د هوا پېژندنې ادارې نن د هېواد په ۱۷ ولایتونو کې د تېز باران، تالندې برېښنا، تېزو بادونو او سیلابونو راوتلو اټکل کړی. یادو ولایتونو کې بدخشان، نورستان، کونړ، ننګرهار، لغمان، کابل، کاپیسا، پنجشېر، پروان، لوګر، غزني، بامیان، میدان وردګ، زابل، پکتیا، خوست او پکتیکا شامل دي. دغه ریاست په یوې خبرپاڼه کې ویلي چې د باران اندازه به په بېلابېلو سیمو کې له ۱۰ تر ۱۵ میلي‌مترو وي، او د بادونو چټکتیا به له ۵۰ تر ۹۵ کیلومتره په ساعت کې وي.

06/07/2025

د ډرون تر کېمرې لاندې غزني ولايت!

05/07/2025

د غزني امنیتي چارواکي وايي چې د قره‌باغ او اندړو ولسوالیو په مربوطاتو کې د دوو جلا ترافیکي پېښو له امله، شپږو کسانو ته مرګ‌ژوبله اوښتې ده.

05/07/2025

په غزني ولایت کې د سلطان بند د ساتنې او مراقبت پروژې چارې د څه باندې ۱۰۹ میلیونه افغانیو په لګښت نن د اوبو او انرژۍ د سرپرست وزیر ملا عبداللطیف منصور، او نورو چارواکو له لوري پيل شوې

03/07/2025

په میدان وردګو ولایت کې د ورزشي خبریال نړیواله ورځ د یو لړ مراسمو په ترڅ کې ولمانځل شوه.

د جولای دویمه، چې د ورزشي خبریال نړیواله ورځ ده، نن په میدان وردګو ولایت، مرکز میدان ښار، تجلا راډیو کې د میدان وردګ اطلاعاتو او کلتور ریاست د اطلاعاتو امر، د میدان وردګ کرکټ امر، د تجلا راډیو د نشراتو مسؤل، د ورزشي خبریالانو د فدراسیون ولایتي استازي او ګڼ شمېر ورزشي خبریالانو په شتون کې ولمانځل شوه.

په پیل کې د تجلا راډیو د نشراتو مسؤل ښاغلي فهیم مخلص په خپلو څرګندونو کې د یادې ورځې د نمانځې په پار ټولو راغلو مېلمنو ته ښه راغلاست وویلې او د یادې ورځې نمانځنه یې د ورزشي خبریالانو د کار او هڅو د درناوي لپاره مهمه وبلله همدارنګه یې د فدراسیون له بیا پیل خوښي څرګنده کړه او ولایتي استازي ته یې د هر ډول همکارۍ ډاډ ورکړ.

ورپسې د میدان وردګ کرکټ امر ناصر امرخېل په میدان وردګو ولایت کې د ورزشي خبریالانو د فعالیتونو قدردانی وکړ او زیاته یې کړه، چې همدغو خبریالانو یې تل د لوبغاړو لاسته راوړنې تر خلکو او ستونزې یې تر مسؤلینو رسولي، هغه په راتلونکي کې هم له ورزشي خبریالانو غوښتنه وکړه، چې همدغه شان متقابله همکاري د ورزش په برخه کې ورسره وکړي او په یاده برخه کې یې هره لاسته راوړنه تر خلکو او مسؤلینو ورسوي.

د اطلاعاتو او کلتور ریاست د اطلاعاتو امر ښاغلي نجیب الله فکرمن بیا وویل، چې رسنۍ د دولت څلورمه قوه، خو په رسنیو کې ورزشي برخه بیا تر ټولو لومړۍ او مهمه برخه ده، هغه همدا شان زیاته کړه، چې لوبغاړي د هیواد د سولې سفیران او ورزشي خبریالان د هغوی د لاسته راوړنو انعکاس کوونکي دي.
ښاغلي فکرمن په خپلو څرګندونو کې ولایتي استازي ښاغلي وحید الله محمدي ته د هر اړخیزې همکارۍ ډاډ ورکړ او د فدراسیون بیا پیل یې د ورزشي خبریالانو لپاره خورا مهم ګام وباله.

په پای کې د ورزشي خبریالانو د فدراسیون ولایتي استازي ښاغلي وحید الله محمدي د نوی جوړ شوي فدراسیون په فعالیتونو او کم وخت یې په لاسته راوړنو هر اړخیز بحث وکړ او زیاته یې کړه، چې یاد فدراسیون د ریښتني خدمت هوډ لري او په راتلونکي کې به د یاد فدراسیون د زیاتو لاسته راوړنو شاهدان موږ ټول واوسو همدارنګه یې په میدان وردګو ولایت کې ورزشي خبریالانو ته د همکارۍ ډاډ ورکړ او له راغلو میلمنو یې د راتګ په پار مننه وکړه.

02/07/2025

نن د ورزشي خبریالانو نړیواله ورځ وه؛ ټولو هغو ملګرو خبریالانو ته، چې په دې برخه کې فعالیت کوي مبارکي وایم.
نن دا ورځ افغانستان کې د ورزشي خبریالانو نوي جوړېدونکي فدراسیون له لوري په کابل او بېلابېلو ولایتونو کې ونماځل شوه.

01/07/2025

د افغانستان بانک سبا د چهارشنبې په ورځ د داوطلبۍ له لارې ۱۵ میلیونه ډالر لیلاموي. یاد بانک نن له سوداګریزو بانکونو، د صرافۍ او پولي خدمتونو له شرکتونو چې په شرایطو برابر وي، غوښتنه کړې څو په دې داوطلبۍ کې ګډون وکړي. سرچینې زیاته کړې چې د داوطلبۍ ګټونکي اړ دي څو خپل حسابونه د لیلام
ورځې تر پایه تصفیه کړي.

30/06/2025

تازه
د تهران په شمال کې یو وار بیا هوایي دفاعي سیستم فعال شو.

30/06/2025

د ایران پلازمېنې تهران د اسمان په سر کې د هوايي دفاعي فعالیتونو او چاودنو راپورونه ورکړل شوي، چې اوسېدونکو لیدلي دي!

30/06/2025

د ترانسپورټ او هوایي چلند وزارت د هوا پیژندنې ریاست نن دوشنبه په نورستان، کونړ، ننګرهار، لغمان، لوګر، پکتیا، خوست او پکتیکا ولايتونو کې د تېز باران او سېلابونو راوتلو اټکل کړی دی.

29/06/2025

https://youtube.com/watch?v=o69r7tNfATc&si=rC27pJvtlIsx9xmS

د میدان وردګ ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز میدان ښار کې د نهو لوبډلو ترمنځ د فوټبال سیالۍ د پا...