28/05/2025
د یو اففان ځوان کیسه!
څنګه یې د ایران له مزدورۍ ځان خلاص او آنلاین فریلانسنګ پیل کړۍ؟
یاد ځوان خپله کیسه داسې پيلوي:
زه له افغانستانه یوازې له یوه پنډوکي او ۵۰۰۰ افغانیو سره راووتلم، نن ورځ انلاین عواید لرم، خپلې کورنۍ ته پیسې استوم او هو دا زما کیسه ده.
زما پلار د یو کمپنۍ سره د کارکوونکي په توګه ۱۵ کاله دنده ترسره کړه او په پایله کې د ذهني ناروغۍ وروسته بېکاره شو، زه د کور یوازینۍ نفقه راوړونکی شوم. موږ هر څه له لاسه ورکړل، خو امید مې لا ژوندی و. په هېواد د ننه له ډیرو هلو ځلو سره سره بیاهم ونه توانیدم چې ځانته دنده پیدا کړم او مجبور شوم له هېواده بهر ایران ته مسافر شم. هلته مې سخت کارونه وکړل – خښتې مې جوړولې، سرکونه مې پاک کړي، او په فابریکو کې مې شپې او ورځې تیرې کړې. خو پوهېدم، دا موقتي ده او روښانه ورځې راتلونکې دي.
یو شپه په انټرنیټ کې له یوې ویډیو سره مخ شوم:
څنګه فریلانسر شئ؟
زه حیران شوم، او پرې مې هېڅ باور نه راتله چې زه به کله هم آنلاین او په دومره آسانۍ سره پیسې ګټم. خو زړه مې وویل: اجمله، شاید همدا د بریا او له دې ستونزو د تېښتې لار وي! ما یو زوړ سامسنګ موبایل درلود، انټرنیټ به مې د کافیشاپ نه نیوه، او د یو ایرانی ملګري نه مې لږ انگلیسي هم زده کړې وه.
ما د ګرافیک ډیزاین یو وړیا کورس په YouTube کې پیل کړاو له Canva، Fiverr، او Upwork. سره مې هم ځان بلد کړ او په پایور او ایپورک کې مې خپل پروفایل مې جوړ کړ. ۳ میاشتي وروسته، زما لومړی کار راغی: د یو بهرني کس لپاره د یو ساده لوگو جوړول وو – ۸ ډالر. هغه شپه مې خوب ونه کړ. دا یوازې پیسې نه وې، دا باور وو چې زما اراده یې لا غښتلې کړه چې زه هم کولی شم. وروسته لږ لږ کارونه زیات شول. ځینې وختونه هیڅ نه و، خو نه تسلیمېدم. ما خپل مهارتونه لوړ کړل، Social Media Post Design او CV Writing مې هم زده کړل. نن زه له ایران نه د Fiverr او Upwork له لارې کار کوم.
زما اوسط میاشتنی عواید: ۵۰۰ - ۷۰۰ دالر دی. زه د کور کرایه ورکوم، وروڼه او خویندې مې ښوونځي ته ځي، او مور ته مې هره میاشت پیسې استوم.
زما پیغام تاسو ته:
زما په څېر زرګونه افغان ځوانان شته چې له ګڼو ستونزو سره بیا هم مبارزه کوي. که زه کولی شم، تاسې یې هم کولی شئ.
- مهارت زده کړئ.
- انټرنیټ د هسې بې ځایه او بې ګټې استعمال پرځای د ګټې او عاید جوړولو لپاره وکاروی او د خپل ژوند ډول ته بدلون ورکړئ.
- یوه میاشت په وړیا کورسونو ولګوئ – دا به ستاسو راتلونکی بدل کړي.
که تاسو هم غواړۍ د ژوند ډول ته په مثبت ډول بدلون ورکړئ، او یا غواړئ پیل یې کړئ، نو لاندې په کمنټ کې خپل نظرونه غوښتنې او تجربې راسره شریکې کړئ.
دا پوسټ له خپلو ملګرو سره شریک کړئ چې له نا امېدۍ سره ژوند کوي. شاید دا کیسه ورته نوی ژوند ورکړي.
#کاروبار #افغانستان #نظري #اقتصاد #اړیکې
