14/07/2025
هغه سړی چې د مرګ هم نه خوښیږي!
ایا ته به باور وکړې که درته ووایم چې یو انسان د سترو سترو هلاکونکو پېښو څخه ژوندی وتلی وي؟ دا د یو عادي انسان نه، بلکې د تقدیر د لوبې قهرمان فران سېلاک (Frane Selak) کیسه ده — یو بوډا استاد له کرویشیا څخه چې ژوند یې د مرګ پر دروازه درېدلی، خو هر ځل یې بخت د مرګ له منګولو ژغورلی دی.
📆 په ۱۹۶۲ کې فران د رېل ګاډي په سفر روان و، چې اورګاډی ناڅاپه له پټلۍ ووت او سیند ته ولوېد. ۱۷ کسان مړه شول، خو فران د مات شوي لاس سره ژوندی پاتې شو.
✈ یوازې یو کال وروسته، په ۱۹۶۳ کې فران لومړۍ الوتنه لرله. د سفر پر مهال فران د ډېر جنجال وروسته خپله څوکۍ بدله کړه، له بده مرغه هغه څوکۍ له دروازې سره نېږدې او د الوتنې په مهال د الوتکې دروازه ناڅاپه خلاصه شوه. فران د آسمان له منځه راولوېد… خو بخت ورسره و. هغه د پستو واښو په سترو سترو بارو راولوېد او ژوندي پاتې شو، پداسې حال کې چې ۱۹ نور مسافر مړه شول.
🚌 په یوه بله پېښه کې چې ۱۹۶۶ کې ورسره فران مخ شو، فران په بس کې سفر کولو. یو وخت بس په کنګل سړک ورغی، بې قابو شو او کنګل شوي سیند ته ولوېد. څلور کسان مړه شول، خو فران بیا هم ژوندي ووت.
🔥 اوس نو فران وویل چې د عامه ټرانسپورټ بخت نه لري او هوډ یې وکړ چې خپل موټر واخلي. په ۱۹۷۰ کې خوشبخته فران لاړ او نوی موټر یې واخیست خو بېچاره! د موټر سیټونه لا د کمپنۍ پلاستیک کې بند ول چې د پټرول پمپ تخنیکي ستونزې او د فران د بدبختۍ له امله موټر اور واخیست او چاودنه یې وکړه. دا ځل یې د فران د سر وېښتان هم ور وسوزول خو له مرګه وژغورل شو.
دا پېښه فران تصادف وګڼله خو فکر یې وکړ چې نوی موټر ورپسې لاړ نه! نو مستعمل موټر یې واخیست. یو ورځ یې خپل مستعمل موټر کې سفر کاوه چې یو بې قابو بس د فران موټر وواهه او ۱۵۰ متره ژور ګړنګ ته یې وغورځاوه خو خوشبخته فران د یوې ونې په څانګې کې ونښته او ژوندی پاتې شو.
🚶♂️ دا ځل فران د ټرانسپورټ له وسایلو توبه وویسته او هر ځای ته به یې پېدل تګ راتګ کولو. خو قسمت وو، په ۱۹۹۵ کې یو ورځ په زاګرب ښار کې پیاده روان و، چې یو بس پرې وخوت. خلکو فکر وکړ چې نور یې د ژوند پای دی، خو فران یوازې لږ ټپونه وګالل او بیا هم ژوند پاتې شو.
🎉 او بیا… بخت پرې موسک شو
په ۲۰۰۳ کال، فران د ۹ لکه یورو لاټري وګټله! کورونه، کښتۍ، خوښي… خو د بخت نازولي انسان بلاخره له دې ټولو لاس واخیست، او پاتې شتمني یې خپلو دوستانو او خپلوانو ته ورکړه. هغه ویل:
“زه یوازې ساده ژوند غواړم. او شکر دی چې ژوندی یم.”
Pashto.Psychology #افغانستان #افغان #کابل #پښتو #پښتون #مننه
