Spogmai FM

19/07/2025

سل ثانیې خبر🎙

19/07/2025

د هرات سرپرست والي مولانا اسلام‌جار د یو لوړپوړي پلاوي په مشرۍ ایران ته تللی. د باختر اژانس د خبر له مخې اسلام جار به د افغان کډوالو ستونزې وڅېړي او د هرات–خراسان شپږمه اقتصادي ناسته کې به برخه واخلي. نوموړي د خراسان رضوي ولایت له مسوولینو سره د کډوالو د باعزته ستنولو، کمپونو وضعیت او اقتصادي، سوداګریزو او ترانزیټي همکاریو د پراختیا په اړه مفصلې خبرې کړې دي.

19/07/2025

د بهرنيو چارو سرپرست وزیر امير خان متقي د کډوالو په چارو کې د ملګرو ملتونو د عالي کمېشنرۍ له عمومي رییس، فليپو ګراندشی سره کتلي. په دې کتنه کې دواړو لورو د ايران او پاکستان له لوري د جبري راستنېدونکو افغانانو پر ستونزو او د مرستو پر لارو چارو خبرې کړې دي. متقي ویلي، چې د جبري را اېستل کېدونکو کډوالو ته باید په کوربه هېوادونو کې د خپلو حسابونو د تصفيې او د خپلو املاکو د خرڅلاو يا انتقال لپاره فرصت ور کړل شي. نوموړي ویلي، چې حکومت په خپل وس د خلکو مرسته کوي، خو د نړۍوالو ادارو مرستو ته اړتيا شته.
فليپو ګراندي ډاډ ورکړی، چې د ملګرو ملتونو عالي کمېشنري د افغان کډوالو حالت له نږدې څاري او په خپل ټول توان به ورسره
مرسته کوي.

19/07/2025

مس عینک کان ته غځېدلی سړک، چې ۱۳.۱۲ کیلو متره اوږدوالی لري، کارونه یې بشپړېدو ته نږدې شوي دي. ددې سړک د جوړېدو په پروژه کې له ۳۰۰ زیاتو هېواد والو ته د کار زمینه برابره شوې ده. نور حال په دې ویډیو کې...

19/07/2025

غوره ملګری خپرونه | کتاب: اکسون مهالنۍ، مطالعې ته ځانګړې شوې ګڼه، شپږمه برخه

🟩 د افغانستان او نړۍ په اړه وروستیو او پر وخت خبرونو،‌ سياسي او ټولنیزو بحثونو، تفریحي او ورزشي خپرونو لپاره زموږ وېبسايټ او ټولنیزې شبکې و څاری! 🟢 Head to...

19/07/2025

په لوګر ولایت کې د فوټسال فدراسیون په همکارۍ د دغه ولایت په څرخ ولسوالي کې د ۳۰ غوره لوبډلو ترمنځ د فوتسال سیالي پای ته ورسېدې.

په لوګر ولایت کې د فوټسال فدراسیون په همکارۍ د دغه ولایت په څرخ ولسوالي کې د ۳۰ غوره لوبډلو

19/07/2025

غزه کې له نن سهاره راهیسې د اسراییلو د بریدونو له امله تر دې مهاله ۴۱ کسانو خپل ژوند له لاسه ورکړی دی. الجزیرې ټلویزیون راپور ورکړی چې په وژل شویو کې ۲۹ مرسته ترلاسه کوونکي هم شامل دي. د غزې بشردوستانه مرستو وېش مرکز مخې‌ته هر روز لسګونه کسان د اسراییلو په ډزو کې خپل ژوند له لاسه ورکوي.

19/07/2025

د پنجشېر ولایت د پریان ولسوالۍ په مربوطاتو کې د زمردو له پنځو نویو ساحو څخه د استخراج چارې پیل شوې دي. د یاد ولایت د کانونو او پټرولیم رییس، محمد قاسم امیري ویلي چې تر دې دمه د دوی تخنیکي او تخصصي ټیمونو د پریان ولسوالۍ په بېلابېلو سیمو کې له ۲۵۰ څخه زیات د زمردو کانونه تثبیت کړي دي.

19/07/2025

د اقتصاد وزارت مسلکي مرستیال عبداللطیف نظري د یاد وزارت د یو کلنو لاسته راوړونو په پروګرام کې ویلي، چې په تېر یو کال کې په هېواد کې د ۶۹۵ میلیونه او ۷۰۰ زره ډالرو په ارزښت یو زر ۹۱۶ پروژې د کورنیو او بهرنیو موسسو له لوري پلي شوې دي. د نظري په خبره، په دې موده کې ۱۴۰ کورنیو او ۶ بهرنیو موسساتو ته د فعالیت جوازونه ورکول شوي، چې له دې سره په هېواد کې د فعاله غیر دولتي موسسو شمېر دوه زره او ۶۴۰ ته رسېدلی دی.

19/07/2025

د ترکیې د بهرنیو چارو وزیر هاکان فیدان له خپل امریکایي سیال مارکو روبیو سره په ټېلیفوني خبرو کې ویلي چې د سوریې روان کړکېچ باید په سملاسي توګه پای ته ورسېږي. فیدان په دې ټلېفوني اړیکه کې زیاته کړې، ترکیه چمتو ده چې د سوریې کړکېچ د ختمېدو لپاره له امریکا سره همکاري وکړي او د تاوتریخوالي حل ته یوه تلپاتې ومومي. د ترکیې د بهرنیو چارو وزیر اندېښنه ښودلې چې د اسراییل له‌خوا پر سوریه بریدونه روان وضعیت لا نور خرابولی شي.

19/07/2025

فلیپو ګراندي ویلي، چې د سفر موخه یې د سرپرست حکومت له چارواکو او خلکو سره لیدنې او د راستنېدونکو کډوالو د وضعیت ارزونه ده.

د کډوالو په چارو کې د ملګرو ملتونو عالي کمیشنر، فلیپو ګراندي، نن سهار کابل ته راورسېد. د کډوالو او

19/07/2025

د عامې روغتیا سرپرست وزیر، نور جلال جلالي په کابل کې د برېټانیا د سفارت له چارسمبالي، رابرټ چټرټن ډېکسن، او نوي ټاکل شوي استازي ریچارډ لینزي سره کتلي. عامې روغتیا وزارت ویلي، چې په دې لیدنه کې د افغانستان د روغتیايي سکټور د لا پیاوړتیا، د وزارت د مهمو لومړیتوبونو، د روغتیايي کارکوونکو د ظرفیت لوړونې، د روږدو، سرطان، او د مور او ماشوم د روغتیا په برخه کې د همکاریو او دوامدار ملاتړ په اړه خبرې شوې دي. د برېټانیا استازو له افغان لوري سره د خپلو مرستو پر دوام ټینګار کړی او ژمنه یې کړې، چې د روغتیا په برخه کې به خپل ملاتړ ته دوام ورکړي.