Salam Watandar Uzbek

Salam Watandar Uzbek Salam Watandar Uzbek News Official Page

غزنی‌ ده اوقیتووچیلر شهرچه‌سیده‌ ییر ترقه‌تیلیشی اوچون بیر یریم دهه‌ کوتیش، کورینیشیچه اوقیتووچیلرنی اوشبو شهرچه‌ده‌گی ی...
26/06/2025

غزنی‌ ده اوقیتووچیلر شهرچه‌سیده‌ ییر ترقه‌تیلیشی اوچون بیر یریم دهه‌ کوتیش، کورینیشیچه اوقیتووچیلرنی اوشبو شهرچه‌ده‌گی ییر ترقه‌تیلیشی‌دن فایده‌لنیش امیدی‌دن محروم قیلگن. غزنی‌ده‌گی اوقیتووچیلر‌نینگ ایتیشلریچه، جمهوریت حکومتی‌‌نینگ بوش سوزلری‌ بیلن ۱۵ ییل‌‌نی اوتکزگنلر و حاضر ایسه مذکور شهرچه‌ده ییر ترقه‌تیلیشی اوچون اسلام امیرلیگی مرحمتی‌نی کوتیب تورگنلر.

غزنی مرکزی‌ده‌گی لیسه‌لردن بیری‌نینگ اوقیتووچیسی بولمیش محمد‌عارف قاسمی‌نینگ سلام‌وطندار گه ایتیشیچه، هر آی آیلیگی‌دن تورت مینگ افغانی‌‌نی اوی کرایه‌سی‌ گه تولشی کیره‌ک و بو، مذکور ولایت‌ده‌گی مینگ‌لرچه اوقیتووچی‌نینگ روپه‌ره بولگن قیین‌چیلیگی دیر.

https://swn.af/uz/teachers-in-ghazni-complain-about-delays-in-distributing-land-for-special-teachers-town/

بلخ ولایتی مرکزی مزارشریف شهری‌نینگ سکیزینچی ناحیه اطرافیده، ایکی سپورتچی آرقه‌لی فوتسال میدانی قوریلگن. ۴۰ متر اوزون‌لی...
26/06/2025

بلخ ولایتی مرکزی مزارشریف شهری‌نینگ سکیزینچی ناحیه اطرافیده، ایکی سپورتچی آرقه‌لی فوتسال میدانی قوریلگن.

۴۰ متر اوزون‌لیگی و ۲۱ متر کینگ‌لیگی بولگن مذکور فوتسال میدانی، ۴-سرطان، چهارشنبه کونی فایده‌لنیش‌گه تاپشیریلگن.

خیرمحمد نایل و حمید‌الله اسملی اوشبو ایکی سپورتچی‌نینگ ایتیشلریچه، مذکور میدان‌نینگ تورت میلیون افغانی خره‌جت عوضی‌گه قورگنلر.

اولر‌، اوشبو فوتسال میدانی‌نینگ قورگنلری‌دن مقصد، سپورتچیلر‌گه ستندرد و یخشی بیر محیط یره‌تیلیشی همده یاشلر آره‌سیده سپورت‌ رواجلنیشی دیگنلر.

اسرائیل اردوسی، غزه‌ده حربی هجوملریگه دوام بیرماقده اېکن، اوتگن ۲۴ ساعت ایچیده غزه‌ده ۸۰ کیشی هلاک بولگن.الجزیره، بوگون ...
26/06/2025

اسرائیل اردوسی، غزه‌ده حربی هجوملریگه دوام بیرماقده اېکن، اوتگن ۲۴ ساعت ایچیده غزه‌ده ۸۰ کیشی هلاک بولگن.

الجزیره، بوگون (۵-سرطان، پنج‌شنبه) ترقه‌تگن گزارشی‌ده بو حقده خبر بیرگن.

گزارش اساسیده، اوتگن ۲۴ ساعت ایچیده اسرائیل اردوسی‌نینگ غزه‌ده هجوملری عاقبتیده ۸۰ کیشی هلاک بولیب و چمه‌سی ۴۰۰ کیشی یره‌لنگن.

شونینگدیک، کرانه باختری رام‌الله شرقی حدودلریده، یهودی‌لرنینگ هجومی عاقبتیده کمیده اوچ فلسطین‌لیک هلاک بولیب و باشقه بعضی کیشیلر یره‌لنگنی اېتیلگن.

فلسطین ساغلیق‌نی سقلش وزیرلیگی‌نینگ معلوماتی اساسیده، غزه‌ده اسرائیل‌نینگ ییر و هوا هجوملری عاقبتیده حاضرگه قدر ۵۶ مینگ ۱۵۶ فلسطین‌لیک قربان بولیب و ۱۳۲ مینگ ۲۳۹ کیشی یره‌لنگن.

جوزجان ده محلی مسئوللر‌نینگ ایتیشلریچه، اوشبو ولایت‌ده ایکی میلیون ۵۵۸ مینگ ۳۹۱ افغانی ارزشی‌گه بیر مکتب‌ قوریله‌دی. جوز...
25/06/2025

جوزجان ده محلی مسئوللر‌نینگ ایتیشلریچه، اوشبو ولایت‌ده ایکی میلیون ۵۵۸ مینگ ۳۹۱ افغانی ارزشی‌گه بیر مکتب‌ قوریله‌دی.

جوزجان قیشلاقلرنی رواجلنتیریش و قیته قوریش ریاستی باشلیغی اسد‌الله حمزه‌نینگ ایتیشیچه، اوشبو ولایت مرکزی شبرغان شهری‌‌نینگ «جگدلیک» قیشلاغیده، قوریله‌دیگن مذکور مکتب‌نینگ خره‌جتی، اکتید دفتری آرقه‌لی توللنه‌دی.

جناب حمزه‌نینگ کوپه‌یتیریشیچه، اوشبو مکتب اوچون ۵ درسی صنف و ایکی اداری اتاق نظر گه آلینگن.

ایتیلیشچه، اوقووچیلر بوندن آلدین چادرلر آستیده تعلیم کورر ایکنلر و اوشبو مکتب بناسی‌نینگ قوریلیشی، مذکور منطقه‌ده تعلیم محیطی یخشی‌لنیشی و درس بیریش صفتی آشیشی توغریسیده ایجابی آدیم حساب‌لنه‌دی.

جوزجان ولایتی قیشلاق‌لرنی رواجلنتیریش و قیته قوریش ریاستی مسئوللری، اوشبو ولایت‌نینگ خانقاه تومنی «ینگی‌قلعه عربیه» قیشل...
25/06/2025

جوزجان ولایتی قیشلاق‌لرنی رواجلنتیریش و قیته قوریش ریاستی مسئوللری، اوشبو ولایت‌نینگ خانقاه تومنی «ینگی‌قلعه عربیه» قیشلاغیده ۱۱ میلیون افغانی‌لیک اویمه-اوی بیر سوو یېتکزیش ترماق‌نینگ قوریلیش ایشی باشلنگنینی معلوم قیله‌دیلر.

مذکور ولایت قیشلاق‌لرنی رواجلنتیریش و قیته قوریش باشلیغی اسدالله حمزه گه کوره، اوشبو ترماق سوولری سیستم بیلن جهازلنیب و فایده‌لنیشگه تاپشیریلیشی بیلن قریب ۳۰۰ عایله ایچیملیک سوو بیلن تأمینلنه‌دی.

اوشبو لایحه ایشی اوچ آی ایچیده توگه‌شی اېتیلگن.

قندوز معلومات و مدنیت ریاستی‌نینگ صناعت و فرهنگ بوییچه آمری احمد‌جاوید رنجبر، اوشبو ولایت‌ده حضرت سلطان زیارتگاهی‌‌نی کو...
25/06/2025

قندوز معلومات و مدنیت ریاستی‌نینگ صناعت و فرهنگ بوییچه آمری احمد‌جاوید رنجبر، اوشبو ولایت‌ده حضرت سلطان زیارتگاهی‌‌نی کوریب چیقیشی جریانیده ایتیشیچه، مذکور قدیمی ساحه یوز‌‌ ییل‌دن آرتیق قدامت گه ایگه بولیب و تاریخی آبده صفتیده بو ریاست‌ده ثبت دیر.

جناب رنجبر‌نینگ ایتیشیچه، مذکور زیارتگاه‌ سالونی‌ آستیده بیر قطار اوی‌لر هم کوریله‌دی که، کوریب چیقه‌دیگنلر‌نینگ توجه‌سینی اوزی‌گه قره‌تگن.

قندوز معلومات و مدنیت ریاستی‌نینگ صناعت و فرهنگ بوییچه آمری‌گه کوره، حضرت سلطان زیارتگاهی، جدی شکلده یوق بولیش خوفی آستیده قرار تاپگن و بو توغریده توجه بولمه‌‌گنی صورت‌ده، زمان اوتیشی بیلن اورته‌دن کیتیشی ممکن.

ایتیش کیره‌ک که، قندوز ولایتی‌ده ۳۰ ته تاریخی جای، معلومات و مدنیت ریاستی‌ده ثبت بولگن.

صناعت و سودا وزیرلیگی سرپرستی نورالدین عزیزی، افغانستان مقیاسیده قریب آلتی مینگ صناعتی کارخانه فعالیت یوریتماقده و اولر ...
25/06/2025

صناعت و سودا وزیرلیگی سرپرستی نورالدین عزیزی، افغانستان مقیاسیده قریب آلتی مینگ صناعتی کارخانه فعالیت یوریتماقده و اولر اوچون ایککی مینگ میگاوات برق نیازلیگینی اېتگن.

عزیزی جنابلری، بوگون (۴-سرطان، چهارشنبه) قیته تېکلنه‌دیگن برق منبعلری بوییچه ییغیلیش‌ده سۉزلر اېکن، ضررلی گازلرنینگ حددن تشقری ترقه‌لیشینی آلدینی آلیش اوچون برق ایشلب چیقریش‌ده بدیل یوللرنی ایزلش ضرورلیگینی تأکیدله‌گن.

صناعت و سودا وزیرلیگی، اوشبو وزیرلیک سرپرستی‌دن نقل قیلیب یازیشیچه، افغانستان صادراتی اوچ میلیارد دالر و ایچکی ناخالص تولیدلر قیمتی هم ۲۵ میلیارد دالر گه آشیریلیشی مقصدیده، سعی-حرکت قیلینماقده.

بیانیه‌ده، صناعت و سودا وزیرلیگی‌نینگ ریجه‌لری عملگه آشیریلیشی بیلن، ۵۰۰ مینگ کیشی ایش بیلن تأمینلنیشی قید اېتیلگن.

غزه حدودلری خان‌یونس شهریده پارتلش هجوم عاقبتیده اسرائیل‌لیک ییتی عسکر هلاک بولگن.اسرائیل‌تایمز یېتکرمه‌سی، بوگون (۴-سرط...
25/06/2025

غزه حدودلری خان‌یونس شهریده پارتلش هجوم عاقبتیده اسرائیل‌لیک ییتی عسکر هلاک بولگن.

اسرائیل‌تایمز یېتکرمه‌سی، بوگون (۴-سرطان، چهارشنبه) ترقه‌تگن گزارشی‌ده، بیر کیشی پارتلش موادینی اوشبو عسکرلرنینگ موتری تامان تشله‌گچ، واقعه یوز بیرگنینی معلوم قیلگن.

گزارش‌ اساسیده، خان‌یونس شهریده فلسطین‌لیک بیر کیشی، پارتلش موادینی بو عسکرلرنینگ زرهی موتری تامان تشلب و نتیجه‌ده موتر آلاو آلیب و موتر ایچیده‌گی ییتی عسکر کویب کېتگن.

قُدس یېتکرمه‌سی، اوشبو موتر آلاو آله‌یاتگن پیتده «بلدوزر» آرقه‌لی غزه‌دن انتقال بیریلگن.

خانس‌یونس شهریده باشقه بیر واقعه‌ده، اسرائیل‌لیک ایککی عسکر جراحت‌لنگن. اسرائیل تایمز گزارشی گه کوره، بو عسکرلر راکته هجوم عاقبتیده یره‌لنیشگن.

هرات ده اسلام‌قلعه چیگره قتناو یولی کمیساری مسئوللری‌نینگ ایتیشلریچه، کونده ۱۰ مینگ‌دن آرتیق قاچقین بو قتناو یول‌دن افغا...
25/06/2025

هرات ده اسلام‌قلعه چیگره قتناو یولی کمیساری مسئوللری‌نینگ ایتیشلریچه، کونده ۱۰ مینگ‌دن آرتیق قاچقین بو قتناو یول‌دن افغانستان گه کیله‌دی.

اسلام‌قلعه کمیساری حضرت‌ زعیم‌آغا‌نینگ ایتیشیچه، مذکور قاچقین‌لردن ۷۰ فایزی داوطلب و ۳۰ فایزی ایسه جبری شکلده افغانستان گه قیته‌دیلر.

اسلام‌قلعه کمیساری‌‌نینگ کوپه‌یتیریشیچه، منطقه‌ده‌گی سونگی توقنشوولر و ایران آرقه‌لی قاچقینلر چیقریلیشی اوچون وقت تعیین‌لنیشی، قیته‌دیگنلر سانی‌نینگ کوپه‌یشی‌گه سبب بولگن.

قاچقینلر ایشلری کمیسیونی‌نینگ عامه آگاهی‌‌لیک و معلومات بوییچه کمیته مسئولی احمد‌الله متقی‌گه کوره، اسلام‌قلعه قتناو یولی‌ده قاچقین‌لر‌نینگ اساسی احتیاجلری تامین بولیب و شونینگدیک اولرگه نقدی یاردملر هم ترقه‌تیله‌دی.

پروان ده زردآلو باغی‌دن آلینگن صورتلرصورتچی: ویس‌الدین فرهادی
25/06/2025

پروان ده زردآلو باغی‌دن آلینگن صورتلر

صورتچی: ویس‌الدین فرهادی

ایران و اسرائیل اورته‌سیده‌ آتیش کېسین برقرار اېتیلگن بولسه‌-ده، بیراق اسرائیل غزه‌‌ده‌گی هجوملریگه همان چېک قویمه‌گن.ال...
25/06/2025

ایران و اسرائیل اورته‌سیده‌ آتیش کېسین برقرار اېتیلگن بولسه‌-ده، بیراق اسرائیل غزه‌‌ده‌گی هجوملریگه همان چېک قویمه‌گن.

الجزیره گه کوره، ۳-سرطان، سه‌شنبه کیچه یریمیدن حاضرگه قدر غزه‌ده ۲۱ تینچ اهالی اسرائیل حربی کوچلری تامانیدن آتیب اولدیریلگن.

ایران و اسرائیل ۱۲ کونلیک راکته هجوملریگه چېک قوییب و آتیش کېسین برقرار اېتیلیشیگه کېلیشگن بیرحالده، اسرائیل حربی کوچلری غزه‌ده‌گی هجوملریگه دوام بیریب و اوتگن کیچه یریمیدن بیری چمه‌سی ۲۱ فلسطین‌نی آتیب اولدیرگنلر.

فلسطین ساغلیق‌نی سقلش وزیرلیگی‌نینگ معلوماتی اساسیده، غزه‌ده اسرائیل‌نینگ ییر و هوا هجوملری عاقبتیده حاضرگه قدر ۵۶ مینگ ۷۷ فلسطین‌لیک قربان بولیب و ۱۳۱ مینگ ۸۴۸ کیشی یره‌لنگن.

فاریاب اقتصاد ریاستی ییتکرمه‌لر بولیمی مسئولی محبوب‌الله ایل‌بیگی‌، مذکور ولایت خواجه موسا تومنی‌ده بیر قطار نیازمند و ن...
25/06/2025

فاریاب اقتصاد ریاستی ییتکرمه‌لر بولیمی مسئولی محبوب‌الله ایل‌بیگی‌، مذکور ولایت خواجه موسا تومنی‌ده بیر قطار نیازمند و ناگران عایله‌لرگه نقد پول ترقه‌تیلگنی‌دن خبر بیرگن.

جناب ایل‌بیگی‌گه کوره، مذکور نقد پول‌نینگ ترقه‌‌تیلیشی ایکی بولیم‌ده عمل‌گه آشیریلیب و بو یاردم‌لردن ۵۴۵ عایله فایده‌لنگن.

فاریاب اقتصاد ریاستی ییتکرمه‌لر بولیمی مسئولی‌نینگ کوپه‌یتیریشیچه، بیرینچی بولیم‌ده ۱۴۵ عایله‌گه ۱۸۰ دالر‌ و ایکینچی بولیم‌ده ایسه ۴۰۰ عایله گه ۱۵۰ دالر ترقه‌تیلگن.

Address

Kabul
1001

Alerts

Be the first to know and let us send you an email when Salam Watandar Uzbek posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Salam Watandar Uzbek:

Share