Dyrrachium Media

11/08/2022

Letërsia autentike nuk përputhet me diktaturat. Shkrimtari është armiku natyror i diktaturave. [I. KADARE]

Foto nga Albania Vintage photography, people, cities, culture and history.

08/08/2022

Durrës

17/05/2022

21/04/2022

Shmangi ngecjet në cekëtinë - Eugenio Montale
Shqipëroi: Anton Papleka

Shmangi ngecjet në cekëtinë
ti që kërkon gjithçka
që nuk i pranon lavdinë dhe famën.
Mbahu fort pas të bukurës, pas ëndrrës,
Mos u mashtro nga iluzionet e të tashmes.
Muza e dashurisë do të t’i hapë dyert
e Elizesë, tingujt e fjalëve të tua
janë shpërblimi që do të marrësh për të harruar
shijen e hidhur të kritikave, heshtjet.
Poezitë e tua të tejdukshme si kristali
nuk do të vdesin në vazhdën e përmortshme,
tashmë ato i kanë kapërcyer skakierat e përzishme
që lënë gjurmë në fatet tona.
Në orën që u pëlqen engjëjve
gjithçka do të ndryshojë papritmas:
Kështu është e shkruar.

16/04/2022

E bëhet muzg menjëherë - S. Quasimodo

13/04/2022

Atdheu [Fatos Arapi]

Përzgjedhur e interpretuar nga Rudina Papajani

13/04/2022

Para elegjisë
Azem Shkreli

Një ditë do t’i marrësh në gji
gjethet e rëna të stinëve të tua
dhe do të kërkosh kot veten
shtigjeve të harruara të një moshe
e nuk do të kesh më as flokë ere,
as shikim ylberi ta matësh fillin
dhe fundin e mashtrimit tënd të shkurtër.

Një ditë do t’i shpalosh vjetët tua
si pajën e nuses së vdekur
e do të numrosh fluturat e shkuara
t’agsholeve t’prenduara
e s’do të kesh më as zjarr në buzë,
as lot në sy të qeshën ngrohtë,
të qajsh rrejshëm dhe t’i mahnitësh
djelmoshat.

Një ditë do t’i hash buzët e tua,
gjurmët e tua do t’i pështysh
dhe secilin muzg do ta pagëzosh
me nganjë pendim që dhemb
e s’do të kesh më as sy deti,
as hap të hedhur sorkadheje
të shohësh si t’përqeshin gonxhet
dhe të ikësh prej hijes sate.

Ruaju, moj se vashat më të bukura
i vret bukuria e vet.

12/04/2022

Ky ishte një rul, i cili rrafshonte gjithçka që ndeshte rrugës dhe banorët e vendit të rrafshuar i formësonte në mënyrë fatale - Nga Czesław Miłosz

Lexoni të plotë artikullin në

Nga Czesław Miłosz   Veçoria e krijimtarisë së Witkiewicz-it, i cili zbulonte brutalisht të vërtetën, kur shfaqte në një pasqyrë të shtrembër Poloninë dhe Evropën në kapërcyell të luftërave, më ka tërhequr mua dhe bashkëmoshatarët e mi. Më tej, pata rastin të vështroj mars...

12/04/2022

Trojet shqiptare në shek. XV - Kristo Frashëri

Mund të thuhet se në fushën e studimeve historike sundon kryesisht pikëpamja e parashtruar më 1899 bashkërisht nga L. Taloçi edhe K. Jireçek, e zhvilluar më hollësisht më 1913 nga bashkëpunëtori i tyre M. Shuflaj, sipas të cilëve kufijtë etniko-gjeografikë të Shqipërisë në shekullin e Skënderbeut shkonin afërsisht nëpër katërkëndëshin Tivar-Prizren-Ohër-Vlorë mbasi vetëm në viset që ndodhen brenda këtij katërkëndëshi ishte shtrirë në atë shekull emërtimi Albanon, Albanum, Albania.