TV Apollon

19/06/2026

18/06/2026

Kultivimi i kulturave bujqësore, fermerët përfitojnë 10 mijë lekë per ha nga Skema Kombëtare 2026

18/06/2026

Kuvendi miraton amnistinë penale, 466 të dënuar lirohen menjëherë nga burgjet

Pas tensioneve dhe bllokimit për rreth katër orë të foltores së Kuvendit nga opozita, deputetët u mblodhën në seancën e pasdites për të votuar disa nga çështjet e rendit të ditës, mes tyre edhe projektligjin për amnistinë penale.
Në seancë mori pjesë edhe kryeministri Edi Rama, ndërsa amnistia penale u miratua me 84 vota pro, duke siguruar shumicën e cilësuar të nevojshme për kalimin e saj.
Sipas të dhënave zyrtare, nga kjo amnisti do të përfitojnë menjëherë 466 persona të dënuar, të cilët do të lirohen nga institucionet e vuajtjes së dënimit. Mes tyre janë 11 gra dhe një i mitur.
Ndërkohë, 869 persona të tjerë do të përfitojnë ulje të dënimit. Në këtë kategori përfshihen 8 gra dhe një i mitur.
Amnistia parashikon lirimin e menjëhershëm të burrave që deri më 31 maj 2026 janë dënuar me vendim të formës së prerë me deri në 3 vite burg, ose atyre që u kanë mbetur për të vuajtur deri në 3 vite dënim.
Po ashtu, do të përfitojnë edhe gratë që deri në të njëjtën datë janë dënuar ose u ka mbetur pa vuajtur deri në 4 vite burg.
Autoritetet pritet të nisin menjëherë procedurat për zbatimin e ligjit, ndërsa institucionet penitenciare do të verifikojnë dosjet e të dënuarve që plotësojnë kriteret për përfitim nga amnistia.

18/06/2026

Dyshohet se u vra dhe u zhduk nga shoku i tij i ngushtë, policia jep detajet rreth gjetjes së trupit të pajetë të Eglant Kocit.

Policia ka reaguar për zbulimin e një trupi të pajetë në fshatin Cerrujë, që dyshohet se i përket Eglant Kocit.

“Në territorin e fshatit Cerrujë, lagjia Domush, është gjetur në proces dekompozimi, një trup njeriu i seksit mashkull. Shërbimet e Policisë dhe grupi hetimor, në drejtimin e Prokurorisë, vijojnë hetimet dhe verifikimet me qëllim identifikimin e shtetasit, si dhe zbardhjen e rrethanave të tjera të rastit.”, sqaron policia.

18/06/2026

Edicioni Informativ 18 Qershor 2026

18/06/2026

Stina e nxehtë shton vizitat te dermatologët në Fier, 60 pacientë ne ditë i drejtohen dermatologëve ne poliklinikë

Semundjet e lekures jane perkeqesuar gjate stines se nxehte nw Fier. Sipas dermatologwve vetwm nw njw ditw nw poliklinikwn qwndrore paraqiten mesatarish 60 paciente nw ditw. Numri mw i madh i pacientwve qw kwrkojnw trajtim nga dermatologu nw kwtw periudhw kanw probleme me alergjitw, mw pas renditen infeksionet e lwkurws dhe pacientwt me swmundje tumorale

Sinkron Ermal Sina mjek dermatolog

Numri i lartw i pacientwve sipas mjekwve, vjen edhe nga neglizhenca e qyetarwve pwr masat mbrojtwse. Keto tw fundit nuk vlejnw vetwm pwr palzhet pasi sipas mjekut Sina, ekspozim nw diell quhet edhe dalja nw qyetet nw orwt e pikut.

Sinkron sina

Shqetwsues mbetet shtimi i pacientwve me swmundje tumirale nw Fier. 15% e pacientwve qw paraqiten pwr vizitw mjekwsore rezultojnw tw prekur nga kwto swmundje

18/06/2026

Autobusi përplaset me një pikë karburanti në Elbasan, shmanget tragjedia.

Një aksident i rëndë, që për pak mund të ishte shndërruar në tragjedi, ka ndodhur mesditën e sotme në hyrje të qytetit të Elbasanit.

Sipas informacioneve paraprake, një autobus ka humbur kontrollin dhe ka dalë nga trajektorja e lëvizjes, duke u përplasur me forcë me tabelën kryesore të një pike karburanti. Si pasojë e goditjes, tabela është shkatërruar plotësisht, ndërsa mjeti ka ndaluar vetëm disa metra larg pompave dhe depozitave të karburantit.

Ngjarja ka shkaktuar panik te qytetarët dhe dëshmitarët e pranishëm në zonë, pasi ekzistonte rreziku i një shpërthimi apo zjarri me pasoja të rënda. Fatmirësisht, nuk raportohet për flakë apo incidente të tjera pas aksidentit.

Deri në këto momente, autoritetet nuk kanë bërë të ditur nëse ka persona të lënduar, ndërsa po punohet për verifikimin e plotë të situatës.

Në vendngjarje kanë mbërritur menjëherë shërbimet e Policisë Rrugore dhe grupi hetimor, të cilët kanë nisur hetimet për zbardhjen e shkaqeve të aksidentit. Dyshimet e para lidhen me një defekt teknik në sistemin e frenimit ose me humbjen e kontrollit të mjetit nga drejtuesi i autobusit.

Hetimet vijojnë për të përcaktuar rrethanat e plota të ngjarjes.