Nyje

19/12/2025

U zhvillua sot protesta qytetare përpara kryesisë së Kuvendit ku do të shqyrtohej heqja e imunitetit të Zv.Kryeministres dhe njëherazi Ministres së Infrastrukturës dhe Energjisë, Belinda Balluku. Qytetarë e aktivistë u mblodhën përpara këtij institucioni në mbështetje të organeve ligjore dhe kërkesës së SPAK për arrestimin e kësaj ministre që vjen fill pas vendimit të Gjykatës Kushtetuese për pezullimin e vendimit të SPAK dhe rikthimit të saj në zyrë.

Deklaratat e kryeministrit Rama për mbrojtjen e ministres dhe mos heqjen e imunitetit të saj, duke rikujtuar pushtetin e tij me 83 mandate, kanë ngjallur shumë kritika dhe thirrje për protesta. Sot, me thirrjet ‘Për drejtësi deri në fund’ dhe ‘Dorëzoni Belindën’ qytetarët kanë kundërshtuar qëndrimin protektiv dhe bllokues të qeverisë Rama. Ky veprim i qeverisë po lexohet gjerësisht si frikë për hetime potenciale ndaj vetë Kryeministrit, emri i të cilit figuron në përgjime të raportuara deritash nga disa media.

Krahas qytetarëve dhe aktivistëve, në protestë janë bashkuar edhe përkrahës e simpatizantë të Partisë Mundësia, deputetët e së cilës kanë denoncuar ndalimin e paligjshëm për të marrë pjesë në mbledhjen e mëngjesit të sotëm në Këshillin për Rregulloren, Mandatet dhe Imunitetin.

Ministrja Balluku është nën akuza për afera korruptive, favorizime, privilegjime dhe paracaktime të fituesve të tenderave me vlera rreth 410 milion euro. Ndër projektet e dyshuara janë projekti i tunelit të Llogarasë, Unaza e Madhe, si dhe projekti i madh infrastrukturor Thumanë-Kashar. Nga raportimet mediatike del se hetimet e zgjeruara të SPAK ngrejnë dyshime të arsyeshme që ministrja mund të kryejë krime të rënda në rast se vazhdon të qëndrojë e lirë, teksa tashmë akuzohet për kërcënim të dëshmitares vartëse të saj dhe prishje të provave.

Foto dokumentim nga Fatma Paja | Trivet

30/11/2025

Qytetarë të Kamzës u mblodhën sot para Bashkisë së Kamzës në protestën e organizuar nga partia “Lëvizja Bashkë” për të kundërshtuar rritjen e çmimit të biletës urbane. Në këtë protestë u theksua se vendimi i ri rëndon buxhetin e familjeve dhe përkeqëson aksesin në shërbimet bazë për banorët e zonës. Në protestë mbajtën fjalë edhe banorë të Kamzës duke treguar se sa dëm ju shkaktojnë çmimet e rritura dhe vështirësitë që ndeshin për t’i përballuar ato. Ata kërkuan që Bashkia të dëgjojë zërin e komunitetit dhe të shfuqizojë vendimin e rritjes së çmimit të biletës.

Organizatorët paralajmëruan se kjo është vetëm protesta e parë dhe se do të vijojnë me veprime të tjera deri në tërheqjen e plotë të vendimit që ata e konsiderojnë të padrejtë dhe të papranueshëm për qytetarët e Kamzës.

Procedurat e rishikimit të çmimit të biletës kanë filluar në qershor të këtij viti, me vendim këshilli bashkiak 38/2025, procedurë që favorizon kompaninë private të transportit publik “Shpresa Al” dhe rëndon xhepat e qytetarëve të Kamzës.

26/11/2025

Këndvështrim | Diana Malaj

Sot në seancën e radhës, e konsideruar edhe si seanca e pajtimit, pala akuzuese nëpërmjet avokatit të tyre, ka parashtruar mundësinë që nëse banorët e paditur do të kërkojnë falje për fjalët e thëna, atëherë ekziston një mundësi negocimi që seanca të përfundojë me pajtim. Banorët e Zall Gjoçaj nuk kanë pranuar të kërkojnë falje. Një falje e kërkuar në kushtet e një padie vetëm sa e përforcon shantazhin e kësaj të fundit. Ose gjobe, ose falje. Në të dyja rastet fajtor mbetet komuniteti. Si mund të kërkohet falje për fjalën e thënë, kur kjo ka mbetur e vetmja gjë që po dëshmon e po i bën drejtësi kësaj rezistence? Cilat mjete të tjera kanë mbetur në duar të banorëve? Fjala. Fjala dhe akti i protestës. Kërkesa e kompanisë që banorët të pendohen për fjalën e tyre, reflekton edhe njëherë përpjekjen për ta përmbyllur qerthullin kriminalizues dhe rezistencën: banorët vetë të pranojnë vetëkriminalizimin. Mirëpo, fjala e lirë ashtu si rezistenca, as nuk kërkojnë leje, as nuk janë krime.

Lexojeni të plotë në lidhjen e mëposhtme ⤵️

Në mëngjesin e 24 korrikut të kësaj vere, u nisëm nga Kamza bashkë me Dhimitër Kolecin, aktivist për mbrojtjen e Parkut Kombëtar të Zall Gjoçajt, në mbështetje të banorëve të Lufajt në Mirditë. Këta banorë kishin organizuar një protestë kundër tharjes së lumit të Urakës pre...

26/11/2025

Gjoçaj
Sot përpara gjykatës së Lezhës, pak para seancës së procesit kundër aktivistëve të Zall Gjoçajt, qytetarë, mbështetës, aktivistë e gazetarë u mblodhën në solidaritet me këta banorë. Dhimitër Koleci, Adem Gjokola dhe Jorgji Locaj bashkë me të tjerë, u shprehën se fjala e lirë nuk është krim, rezistenca mjedisore është për të mirën publike, dhe padi të tilla kundër aktivistëve janë intimiduese dhe në abuzim me ligjin. Banorët bëjnë thirrje për drejtësi, për ta, për lumin e parkun kombëtar të Zall Gjoçaj, si dhe për komunitetet e fshatrave të prekura nga projektet e koncensionarit Seka Hydropower. Aktivistët e Zall Gjoçaj presin të hyjnë në seancë, teksa kompania private i ka paditur penalisht për fyerje e shpifje dhe me pretendimin për t’u gjobitur nga 50,000 deri në 3,000,000 lekë.

18/11/2025

“S’janë punë për ne këto, të keqen, po na i sjellin nga jashtë. Ne kemi jetu mirë kështu denbabaden”.

S’mu duk sikur në fytyrën e tij kishte keqdashje. Më erdhi si fjali e thënë pateklif, gati si për t’u kapur pas një bote të njohur, ku gjithçka ngelet në vend: gruaja në shërbim, burri “kryefamiljar”, fëmijët në rresht, Zoti në mur. Mjafton një fjali e tillë për të kuptuar se sa pranë sipërfaqes notojnë pasiguritë nga frika e humbjes së busullës. Një dridhje e vogël në tonin e përditshmërisë tregon se sa e brishtë është ajo “qetësi” që e kemi menduar si traditë. Deri në urrejtje. Parehatinë që rri pezull dhe gërryen çdo përpjekje për të folur për drejtësi, pavarësi, çlirim e sheh kudo në komente online, tryeza familjare, mjedise pune, në predikime e panele publike.

Ky tension i vogël i përditshmërisë është pika e nisjes. Aty fillon rrëfimi, sepse aty duket çarja midis botës që kemi trashëguar dhe botës ku duam të përkojmë. Ky normalitet – siç e shtron Judith Butler (1993) kur flet për trupin dhe sesi shoqëria e normon gjininë – nuk është i natyrshëm, porse rezultat i praktikave të përditshme, narrativave të trashëguara dhe institucioneve që e kanë riprodhuar për dekada pa u vënë në pikëpyetje. Në këtë strukturë, barazia gjinore nuk perceptohet si politikë publike, por si kërcënim i lëvizjes së tullave të murit të rendit.

Ligji shërben si pretekst. Kur dëgjon në kafene burrin që thotë: “këto ligje po na prishin qetësinë”, ai nuk po flet për nenet apo për procedurat parlamentare. Po flet për goditje ndaj një rendi emocional ku shumë njerëz janë mësuar të bëhen/bëjnë(ato) përgjegjës(e) për stabilitetin e “familjes”, moralit, ritmit të jetës.

Lexoni më tej në lidhjen e mëposhtme⤵️

S’mu duk sikur në fytyrën e tij kishte keqdashje. Më erdhi si fjali e thënë pateklif, gati si për t’u kapur pas një bote të njohur, ku gjithçka ngelet në vend: gruaja në shërbim, burri “kryefamiljar”, fëmijët në rresht, Zoti në mur. Mjafton një fjali e tillë për të kuptua...

22/10/2025

Për pacientët onkologjikë, familjarët e tyre dhe aktivistët ky tetor nuk shënjohet prej fjongos rozë. Ajo është zhytur në të zezën e vdekjeve të shkaktuara nga neglizhenca në sistemin shëndetësor. Me tullumbace të zeza në duar, si simbol i zisë së humbjeve të jetëve, ata protestuan mëngjesin e djeshëm përballë Ministrisë së Shëndetësisë. Përmes pankartave që mbanin në duar, ata shpalosën listën e gjatë të problemeve: nga mungesa e kimiove, tek Brakiterapia jashtë funksionit dhe akseleratorët që prishen çdo dy javë.

“U thonë grave e vajzave diagnostikohuni e ndërkohë në Spitalin Onkologjik, në qendrën më të madhe ku bëhet lufta kundër kancerit, nuk ka mamografi. Ka më shumë se 10 ditë që mamografia në Spitalin Onkologjik nuk punon. U thonë grave e vajzave diagnostikohuni e s’kanë ilaçe për kancerin e gjirit. Njëherë japin herceptinë, mbaron herceptina japin fezgo, mbaron fezgo japin herceptinë, kundër çdo protokolli ndërkombëtar e që njeh kjo betejë me kancerin.” - tregoi gazetari dhe njëkohësisht bashkë-organizator i protestës, Osman Stafa.

Gjithashtu ai ndau historinë e një zonje të diagnostikuar me kancerin e mitrës që ende pret për medikamentet, të cilat as nuk janë pjesë e listës kombëtare të barnave të rimbursueshme.

“Para pak ditësh kam publikuar rastin e një nënë 60 vjeçare. Vuante nga kanceri i mitrës. Një zonjë me emrin Hava Tafa. Pret akoma ilaçin, ka më shumë se një muaj. Pret ilaçin për të luftuar kancerin e saj. E di çfarë i ka thënë Ministria dhe Drejtoria e QSUT: Ti nuk mundesh dot ta marrësh të rimbursuar ilaçin, sepse ilaçi për kancerin e mitrës nuk rimbursohet.”

Lexoni më tej në lidhjen e mëposhtme ⤵️

Për pacientët onkologjikë, familjarët e tyre dhe aktivistët ky tetor nuk shënjohet prej fjongos rozë. Ajo është zhytur në të zezën e vdekjeve të shkaktuara nga neglizhenca në sistemin shëndetësor. Me tullumbace të zeza në duar, si simbol i zisë së humbjeve të jetëve, ata protes...

21/10/2025

Aktivistët e Zall Gjoçajt, Adem Xhokola dhe Dhimitër Koleci, bashkë me protestuesin dhe përkrahësin e kauzave mjedisore Jorgji Locaj janë vënë së fundmi në dijeni nga Gjykata e Shkallës së Parë Lezhë se janë paditur nga kompania ‘Seka Hydropower’ për kryerjen e veprave penale të fyerjes dhe shpifjes të kryera botërisht.

Kompania, duke iu referuar deklaratave të aktivistëve në mediat kombëtare dhe rrjetet sociale, pretendon se ata kanë kryer këto vepra penale lidhur me ligjshmërinë e kontratës koncesionare, respektimin e kuadrit ligjor mjedisor, të drejtave të komunitetit, statusit të zonës së mbrojtur, etj.. ndonëse të gjitha këto çështje janë aktualisht objekt gjykimi në Gjykatën Administrative të Apelit Tiranë. Krahas proceseve në Tiranë, një proces tjetër që po gjykohet është në gjykatën e shkallës së parë, Lezhë dhe kontestimet e banorëve janë të mbështetura në dokumente zyrtare, akte ekspertimi, vendime gjykatash dhe denoncime të vazhdueshme të banorëve.

Në pozicionin e ‘viktimës akuzuese’, Seka Hydropower pretendon se banorët e paditur, gjatë protestës së organizuar në Lufaj të Mirditës në korrik të këtij viti, janë lëshuar akuza që ia cënojnë figurën e saj si subjekt tregtar. Kërcënimi penal, shoqërohet me kërcënim financiar për banorët duke pretenduar dënim me gjobë për aktivistët nga 50 mijë deri në 3 milionë lekë.

Lexoni më tej në lidhjen e mëposhtme ⤵️

Aktivistët e Zall Gjoçajt, Adem Xhokola dhe Dhimitër Koleci, bashkë me protestuesin dhe përkrahësin e kauzave mjedisore Jorgji Locaj janë vënë së fundmi në dijeni nga Gjykata e Shkallës së Parë Lezhë se janë paditur nga kompania ‘Seka Hydropower’ për kryerjen e veprave penale t....

21/10/2025

Mëngjesin e sotëm, përballë Ministrisë së Shëndetësisë, pacientë onkologjikë, familjarë dhe aktivistë janë mbledhur duke mbajtur lart tullumbace të zeza, si simbol i zisë dhe i vdekjeve të shkaktuara nga neglizhenca në sistemin shëndetësor. Pankartat, disa prej të cilave theksojnë se "KANCERI NUK PRET, PSE PRESIM ILAÇET?!", shpalosin listën e gjatë të problemeve: nga mungesa e kimiove, tek Brakiterapia jashtë funksionit dhe akseleratorët që prishen çdo dy javë. Protestuesit shenjojnë se ky nuk është Tetori Rozë i ndërgjegjësimit, por një "Tetor i Zi" i braktisjes.

Në një akt të drejtpërdrejtë fajësimi, një banderolë gjigande u vendos në gardhin e Ministrisë, duke e cilësuar institucionin si përgjegjës për fatin e pacientëve. Protesta bën thirrje për të drejtën thelbësore, të jetës, duke denoncuar mungesën e pajisjeve jetike si PET-Scan-i dhe trajtimet e kryera në kushte çnjerëzore, si kimioterapia në karrige. Protestuesit deklarojnë se do të vazhdojnë lëvizjen e tyre derisa shteti të shpëtojë Onkologjikun nga kolapsi dhe të garantojë se askush nuk do të dënohet më me vdekje për shkak të mungesës së një ilaçi apo një aparature.

09/10/2025

Përpara godinës së Kuvendit të Shqipërisë sot po protestojnë edhe dhjetëra banorë të fshatit Kurdari në Klos kundër ndërtimit të hidrocentralit “Doma” në lumin e Lusës. Me pankarta në duar dhe thirrje për mbrojtjen e ujit dhe jetës, ata kërkojnë ndalimin e menjëhershëm të punimeve dhe respektimin e procesit gjyqësor që është ende në zhvillim. “Mbrojeni Kurdarinë, është hambari i trevës së Matit”, “Jetojmë me bujqësi dhe blegtori, po na vrisni për së gjalli”, dhe “Kërkojmë drejtësi”, janë disa nga mesazhet që shfaqen në duart e protestuesve, ndërsa përballë tyre ndodhen forcat e policisë që monitorojnë tubimin paqësor.

Protesta vjen pas disa ditësh tensionesh në fshatin Kurdari, ku banorët janë përplasur me punonjësit e kompanisë ndërtuese dhe forcat e policisë, pasi kundërshtuan hyrjen e mjeteve të HEC-it në zonë. Një banor u shoqërua nga policia dhe u mbajt për disa orë në Komisariatin e Matit, ndërsa mbi 20 persona janë proceduar penalisht për rezistencë ndaj forcave të rendit.

09/10/2025

Para Parlamentit po zhvillohet protesta e radhës e ish-minatorëve, të cilët kërkojnë miratimin e Statusit të Minatorit dhe ndërhyrjen e shtetit për të ndaluar tragjeditë e përsëritura në miniera. Ata mbajnë në duar pankarta me mesazhe që theksojnë vështirësitë e jetës së tyre pas viteve të punës në miniera dhe premtimet e pambajtura. Ish-minatorët kërkojnë njohjen e sakrificave dhe përmirësimin e kushteve të tyre ekonomike e sociale, pas një jete të kaluar në nëntokë.

05/10/2025

Në protestën e djeshme në solidaritet me popullin palestinez u përsërit akuza ndaj qeverisë shqiptare si bashkëpunëtore e shtetit gjenocidal të Izraelit dhe u rikujtua thirrja se të heshtësh është të jesh bashkëfajtor. Valë zemërimi dhe solidariteti përshkruan manifestimin në Sheshin Skënderbej që u njoftua jo vetëm si reagim kundër gjenocidit të vazhdueshëm në Gaza. Protestuesit u mobilizuan në solidaritet dhe kundër ndalimit të anijeve të ndërhyrjes humanitare të Flotiljes Sumud si dhe denoncuan mos-veprimet e shtetit shqiptar ndaj të akuzuarit për krime lufte Yoel Kaplan, kryerabini që merr pjesë aktivisht në ofensivat ushtarake ndaj popullit palestinez. Përgjatë protestës thirrjet i drejtoi një palestinez, duke e bërë më të ndjeshme kërkesën për ndërgjegjësim ndaj asaj çka po ndodh në Gaza.

Lexoni më tej në lidhjen e mëposhtme⤵️

Në protestën e djeshme në solidaritet me popullin palestinez u përsërit akuza ndaj qeverisë shqiptare si bashkëpunëtore e shtetit gjenocial të Izraelit dhe u rikujtua thirrja se të heshtësh është të jesh bashkëfajtor. Valë zemërimi dhe solidariteti përshkruan manifestimin në Shesh...

04/10/2025

Pas arrestimit të aktivistëve që ishin nisur drejt Gazës me 40 anije të mbushura me ndihma humanitare — pjesë e nismës ndërkombëtare Global Sumud Flotilla — protestohet në solidaritet edhe në Tiranë.

Qytetarë e aktivistë u mblodhën sot në orën 17:00 në Sheshin Skënderbej, për të kërkuar armëpushim të menjëhershëm dhe fund të dhunës ndaj popullsisë palestineze.

Ndërsa institucionet shqiptare vijojnë të jenë palë me ushtruesit e krimeve të luftës, sipas tyre, aktivistët njoftuan në rrjetet sociale protestë me arsyetimin se nuk mund të mos reagojnë për gjenocidin që po kryhet para syve tanë.