Një mendje e bukur

21/11/2025

Fazat e jetës …

17/11/2025

Duhet të heqësh dorë nga të parit e vetes si viktimë.
Sepse çdo herë që ia hedh fajin botës, ti i dorëzon asaj edhe fuqinë tënde.
Mentaliteti i viktimës të lidh pas së kaluarës, të ul vetëbesimin dhe të mban larg mundësive që i ke para syve.
Ndryshimi fillon ditën që thua: “Nuk pres më shpëtimtarë. Do ta marr jetën në duart e mia.”
Mund të mos jetë rruga më e lehtë, por është e vetmja që të çon drejt forcës, lirisë dhe versionit tënd më të mirë.

14/11/2025

Ankohesha se nuk kisha këpucë, deri kur takova dikë që kishte humbur këmbët…
Eshtë një frazë kaq e thjeshtë, por që thotë gjithçka.
Kalojmë kaq shumë kohë duke u konfrontuar, duke garuar, duke dëshiruar edhe më shumë, duke menduar se jemi të vonuar, vetëm sepse dikush ka gjëra më të bukura, apo një jetë më të mirë.
Po siç mund ta kesh dëgjuar shpesh herë, krahasimi është vjedhësi më i madh i gëzimit.
Të verbon, të pengon të shikosh gjërat që tashmë i ke.
Sepse diku, ndodhet dikush që do të donte të kishte pikërisht hallet e tua, vështirësitë e tua, shanset që ke patur ti në jetë.
Sigurisht që duhet të vazhdosh të rritesh, duhet të vazhdosh të përmirësohesh, por mos lejo që të të humbasë rrugës mirënjohja për gjërat që ke sot.

14/11/2025

Në shumë kultura, fama është përshkruar si një “kupë me helm”. Në fillim të deh, të ngroh, të bën të ndihesh i pavdekshëm. Por çdo gllënjkë më shumë që pi, të çon më afër helmit që ajo fsheh brenda

Fama ka ekzistuar që në fillimet e qytetërimit. Shkrimtarët e lashtë, poetët dhe filozofët e dinin q