09/11/2025
Statistikat pas 1/3 së kampionatit dhe pse është e rëndësishme që në fund të fazës së dytë të dalim në vend të parë
Sot përfundoi faza e parë e Kategorisë së Parë, ku pas 11 ndeshjesh Skënderbeu është në vend të parë me 28 pikë, 21 gola të shënuar dhe 8 të pësuar.
Janë 9 fitore të arritura, një barazim 1-1 në transfertë kundër Lushnjës, si dhe një humbje 3-2 në transfertë kundër Kastriotit. Dy prej fitoreve kanë ardhur me ndihmën e Zotit në minutat shtesë, ajo ndaj Pogradecit, si dhe ajo ndaj Korabit.
Lojtarët më të spikatur të kësaj faze të parë janë Saleh Nasr me 7 gola dhe 2 asiste, si dhe Foti Çuçka me 3 gola dhe 2 asiste, edhe pse ka luajtur shumë pak ndeshje titullar.
Një lojtar i spikatur në mesfushë ka qenë dhe Paulo Estrela, me 4 asiste deri tani.
Kjo fazë mund të ndahet në dy pjesë për Skënderbeun, ku në 8 ndeshjet e para kishte pësuar vetëm 1 gol, por edhe shënonte pak, ndërsa në 3 ndeshjet e fundit ka pësuar 7 gola dhe ka shënuar 8 gola.
Pra, duket se mbrojtja ka filluar të çalojë, ndërsa kampionati sa vjen edhe vështirësohet, pasi kundërshtarët konsolidohen dhe u ambientohet edhe lojtarët e rinj që kanë marrë.
Por, e rëndësishme është që Skënderbeu duhet ta mbyllë dhe fazën e dytë në vendin e parë, që të jetë i avantazhuar tek e treta.
Pse?
Sepse kalendari i fazës së tretë varet totalisht nga renditja që ke pas përfundimit të dy fazave të para.
Së pari, nëse Skënderbeu pozicionohet pas dy fazash, në vendin e parë, në fazën e tretë do jetë i avantazhuar se do luaj një ndeshje më shumë në shtëpi (Korçë) në fazën e tretë, 6 ndeshje do i luajë në Korçë dhe 5 ndeshje do i luajë në transfertë.
Së dyti, rivalin direkt, që supozohet të jetë vendi i dytë, do e presim në Korçë në ndeshjen e fundit të kampionatit, ndërsa ekipin që do jetë në vendin e tretë do e luajmë ndeshjen e parafundit në transfertë.
Kundërshtarët në fazën e tretë do vijnë nga më i dobëti deri tek më i forti, në bazë të tabelës, pra nëse jemi vend të parë, ndeshjen e parë e luajmë kundër vendit të 12-të në shtëpi, ndeshjen e dytë kundër vendit të 11-të në transfertë, ndeshjen e tretë kundër vendit të 10-të në shtëpi dhe kështu me radhë deri tek vendi i dytë që na bie në shtëpi.
Sa i përket grupit, Presidenca duhet të ndërhyjë në janar së pari të sjellë një qendërsulmues, si Tayo, po ashtu edhe Gjata kanë treguar nivel shumë të dobët deri tani dhe nuk janë nivel superioreje.
Pastaj nëse duam që sezonit tjetër të rivalizojmë në Superiore, ekipi duhet të nisë për t’u bërë që në Janar, me disa afrime.
Me gjithë respektin, por pavarësisht se jemi në vend të parë, vetëm disa lojtarë si Marko Alia, Saleh Nasr apo Paulo Estrela mund të jenë cilësorë për të rivalizuar në Superiore, me pjesën tjetër të ekipit do të jemi sërish në të njëjtat ujëra për rënie nga Kategoria.
Pra, bëhet fjalë nëse duam të rivalizojmë me 4 vendet e para për të kapur një vend në kualifikueset e UEFA-s.
Për sugjerime merkatoje, me disa lojtarë cilësore që u skadon kontrata në verë dhe mund t’i afrojmë do të kemi një postim tjetër 😉
