Korça Plus

Korça Plus Korça Plus | Plusi i qytetit ! Korça Plus TV është rregjistruar nëpermjet QKB (Qëndra Kombëtare e Biznesit) me këtë numër identifikimi NIPT (NUIS) L94517002G.

Nën logon e Korça Plus TV , njerëzit informohen dhe argëtohen nga programet që ky televizion transmeton.
​
Korça Plus pësoi një sulm kibernetik më datë 20 Tetor 2019,duke humbur faqen me mbi 10 mijë pëlqime në facebook dhe mbylljen e portalit të saj korcaplus. net.

​Stafi i Korça Plus, nuk u dorëzua,por krijoi faqen përsëri dhe gjithashtu portalin. Korça Plus TV transmeton 24/7 ,përmes sherbimit

online në internet,nga ku mund të ndiqet nga të gjithë. Vlerat e Korça Plus TV ! Seriozitet në informim – që do të thote shkalle e lartë përgjegjshmërie. Cilësi – që do të thotë nivel të lartë profesional të stafit, që garanton një komunikim efektiv me ndjekësit. Programe Informuese
Programe Argëtuese
Programe Artistiko - Kulturore
​
Korça Plus TV është një televizion ​që e transmenton lajmin pa mbajtur anën e askujt,një synim që do të perpiqet ta realizojë ditë pas dite, me profesionalizëm dhe cilësi.
​
Korça Plus TV është pjesë e ED | Group së bashku me Dizajni Im. Themeluar nga zoti: Eduart BARDHUSHI

Kisha e Shën Mëhillit në Vithkuq, Trashëgimia e Shenjtë e Shekullit XVII.Kisha e Shën Mëhillit në Vithkuq, është ndërtua...
13/06/2026

Kisha e Shën Mëhillit në Vithkuq, Trashëgimia e Shenjtë e Shekullit XVII.
Kisha e Shën Mëhillit në Vithkuq, është ndërtuar në vitin 1682, shekulli XVII dhe është shpallur Monument Kulture Kategoria e Parë, sipas Ligjit nr. 586, datë 17.03.1948, me vendim të Institutit të Shkencave nr. 6, datë 15.01.1963, të Rektoratit të Universitetit Shtetëror të Tiranës nr. 68/7, datë 30.05.1970, dhe me vendim të Ministrisë së Arsimit dhe Kulturës nr. 1886, datë 10.06.1973. Kjo është kisha më e vjetër dhe më e madhe që ruhet në Vithkuq, e pikturuar më pas në vitin 1728.

Kisha përbëhet nga naosi, narteksi dhe hajati. Naosi është i tipit bazilikal, trenefësh, me përmasa të brendshme 15.5 m x 9.5 m. Dy radhë kolonasj ndajnë nefet nga njëri-tjetri, me nefin qendror më të gjerë dhe më të lartë.

Ato lidhen me muret perimetrale përmes një sistemi harqesh që në nefet anësore formojnë bërthama katrore të mbuluara me kupola. Nefi qëndror mbulohet me një qemer cilindrik në gjithë gjatësinë e tij.

Një nef tërthor ndërpret nefet gjatësore, duke krijuar një bërthamë qendrore të mbuluar me kupolë duke fuqizuar hapësirën e brendshme.

Struktura komplekse e qemerëve, kupolave dhe harqeve është e fshehur nga çatia e gjerë dyujëse. Në anën lindore ndodhet apsida, trajtuar me pilastra të lidhura me harqe të shkallëzuara në formë fund lundre. Muratura është e rregullt, e ndërtuar me blloqe guri shmërç.

Narteksi është shtuar më vonë në anën perëndimore dhe ndryshon nga naosi në teknikat e ndërtimit dhe konceptimin e hapësirës. Ai ka një radhë kollonash prej guri dhe një prej druri si dhe është mbuluar me çati prej druri pa tavan.

Hajati në anën jugore të kishës përbëhet nga një harkadë e mbështetur mbi kollona të holla guri, e mbuluar nga zgjatimi i flegrës së çatisë. Harkada e lehtë dhe elegante e zbut masivitetin e çatisë së gjerë të mbuluar me rrasa guri.

Përpara kishës ndodhet një shesh i gjerë, i rrethuar me mure, ndërsa në anën veriore ndodhen varrezat e vjetra të fshatit. Lartësia e objektit arrin rreth 8 metra.

Qyteti më i lirë në Mesdhe? Korça surprizon të huajt si destinacioni më ekonomik për pushime në 2026!Një artikull i publ...
13/06/2026

Qyteti më i lirë në Mesdhe? Korça surprizon të huajt si destinacioni më ekonomik për pushime në 2026!

Një artikull i publikuar së fundmi nga mediat ndërkombëtare të turizmit e rendit Korçë ndër destinacionet më ekonomike për pushime në rajonin e Mesdheut për vitin 2026, duke tërhequr vëmendjen e turistëve të huaj që kërkojnë alternativa më të lira ndaj destinacioneve tradicionale.

Sipas analizës, qyteti juglindor i Shqipëri po konsiderohet si një “perlë e fshehur”, ku kostot për akomodim, ushqim dhe aktivitete turistike mbeten dukshëm më të ulëta krahasuar me destinacionet klasike mesdhetare.
Artikulli thekson se Shqipëria në tërësi po fiton terren si një nga vendet më të përballueshme për turizëm në Evropë gjatë vitit 2026, falë çmimeve të ulëta dhe përvojave autentike që ofron.

Ndërsa qytete të njohura si Parisi apo Londra mbeten të shtrenjta, turistët po orientohen drejt vendeve më pak të eksploruara në Evropën Juglindore.

Në këtë kontekst, Korçë veçohet jo vetëm për koston e ulët, por edhe për ofertën kulturore, arkitekturën karakteristike dhe atmosferën tradicionale që e bën tërheqëse për vizitorët.

Qyteti njihet për Pazarin e Vjetër, festivalet dhe gastronominë lokale, duke ofruar një përvojë të plotë turistike me buxhet minimal.

Ekspertët e turizmit parashikojnë se trendi i kërkimit të destinacioneve ekonomike do të vazhdojë gjatë vitit 2026, duke e vendosur Shqipërinë dhe veçanërisht Korçën në hartën e destinacioneve më të kërkuara për pushime me kosto të ulët në Mesdhe.

Mirëmëngjesi nga kisha e "Shën Marenës" në Pogradec ! ♥
13/06/2026

Mirëmëngjesi nga kisha e "Shën Marenës" në Pogradec ! ♥

MEDIA KORCA PLUS i uron gëzuar ditëlindjen Poetit Korcar ILIA KRISTO. Ai ka kontribuar shumë me artin e të shkruarit p...
12/06/2026

MEDIA KORCA PLUS i uron gëzuar ditëlindjen Poetit Korcar ILIA KRISTO. Ai ka kontribuar shumë me artin e të shkruarit për portalin tonë dhe qytetin e Korçës.

NGA : ✍️✍️ ILIA KRISTO.

KORÇA SI GJERDAN ME DIAMANT

Si gjerdan me diamant
E bukura e shtrenjta Korça ime
Kodrat anembanë si vepra në art
Zbukurojnë si kurorë Korçën time

Mali i Moravës ja prek këmbët
Në pjesën tjetër Parku Rinia
Për Korçën shkruhen këngët
Më magjeps mua e gjithë bukuria

Pazari i vjetër aset më vete
E para nga qytetet ishe dhe mbete
Pedonalja e veçantë në llojin e saj
Nga kujtimet e mia dot stë ndaj

Për bujari dhe traditë
Ke marrë jehonë
Korçë e bukur Korçë zonjë
Ty Paris i vogël të thonë

Unë ta pëlqej marrëzisht
Qytetarinë dhe vezullimin tënd
Deri në thellësi e ndjej shpirtërisht
Je e bukur në cdo kënd

Rezaton në cdo stinë
Prandaj cdo varg më del me rimë
Ashtu si kompozitori krijon melodinë
Ashtu dhe unë ta shkruaj poezinë.

Rreth orës 16:30, në aksin rrugor Korçë–Ersekë, në fshatin Kamenicë, automjeti tip "Nisan", me drejtues shtetasin Sh. V....
12/06/2026

Rreth orës 16:30, në aksin rrugor Korçë–Ersekë, në fshatin Kamenicë, automjeti tip "Nisan", me drejtues shtetasin Sh. V., 76 vjeç, ka përplasur dy këmbësorë (nënë e bir), shtetasen Sh. M., rreth 44 vjeçe, dhe djalin e saj të mitur, rreth 4 vjeç.

Si pasojë e aksidentit, në spital ka ndërruar jetë fëmija i mitur, ndërsa shtetasja Sh. M, po merr ndihmë mjekësore, jashtë rrezikut për jetën.

Specialistët e Sektorit të Qarkullimit Rrugor shoqëruan në Komisariat drejtuesin e automjetit, shtetasin Sh. V., për kryerjen e veprimeve procedurale.

Grupi hetimor ndodhet në vendngjarje dhe po punon për zbardhjen e rrethanave të aksidentit.

PËRTEJ PROTESTËS DHE HESHTJESNga: Nertil JoleKur optimizmi dhe shpresa për të ardhmen zgjoi vetëdijen e shoqërisë, shqip...
12/06/2026

PËRTEJ PROTESTËS DHE HESHTJES
Nga: Nertil Jole

Kur optimizmi dhe shpresa për të ardhmen zgjoi vetëdijen e shoqërisë, shqiptarët protestuan duke shembur regjimin totalitar.

Ajo energji e madhe sociale fatkeqësisht shumë shpejt u shpërbë, sepse hija e të shkuarës qeverisi vendin, duke yshtur vetëm pak vite më pas një konflikt dramatik social me pasoja lënguese të stërzgjatura.

Dielli i Shqipërisë ka filluar të lindë andej nga perëndon, ndaj media ndërkombëtare si BBC, CNN, New York Times etj, pasqyrojnë kronika dhe editoriale të një realiteti të ri. Fakti që vendi është në vëmendjen e opinionit mediatik nga më të rëndësishmit, është efektivisht tregues i faktorizimit të tij.
Patriotizmi në jetën e përditshme, nga secili prej nesh, ka mundësi të përshfaqet në shumë forma.

Nga mënyra si i qasemi njëri tjetrit në radhë të parë, deri te mënyra si respektojmë punën dhe detyrën, shtetin dhe përfaqesuesit, të cilët i kemi zgjedhur vetë. Heshtja e jo-protestuesve ka dy pjesë të kësaj kategorie. Në rastin konkret, ata që përqafojnë kërkesat apo synimet e pretenduara pa qenë të pranishëm në protestë. Dhe pjesa tjetër, në arsyetimin, vizionin dhe interesat e veta, duke mos qenë dakord.

Është e rëndësishme që të gjitha këto kategori, të respektojnë qasjen e njëra tjetrës. Intimidimi me motive patriotike të njërit grupim për një grupim tjetër, po merr një trajtë të panevojshme.

Vendosja në sfond të kërkesave të shprehura të këngëve ose shfaqejeve me kontekst patriotik të fillim shekullit të kaluar, është një dalje nga konteksti dhe aspak proporcionale me realitetin.

Shqipëria është prej shumë kohësh tashmë jashtë diskutimit për rrezikun e cënimit të integritetit territorial dhe është duke forcuar si asnjëherë më parë, në konceptin modern të fjalës, identitetin e vet kombëtar.

Duke thënë këtë, asnjëherë nuk duhet hequr nga vëmendja interesat jo miqësore, jo dashamirëse, konkurruese, me karakter socio-ekonomik dhe madje deri etnik, por mënyra e zgjidhjes së kontradiktave të këtij karakteri, nuk është vetëm manifestimi i simboleve kombëtare. Kam parasysh flamurin, shqiponjën me duar, këngët patriotike dhe përdorimin e emocioneve atdhetare.

E kundërta është ajo që këtë ballafaqim e përshtat me modernitetin e kohës. Pra, është përafrimi i interesave, qofshin edhe politike, në përpjekje të përbashkëta për forcim ekonomik, për ngritje të nivelit konkurrues brenda dhe jashtë vendit, dhe të një investimi jo vetëm shpirtëror nga gjithsecili prej nesh për përparimin e pakthyeshëm të vendit.

Në kohën që jetojmë, komunikimi në rrjetet sociale është bërë i zakonshëm dhe i nevojshëm, prandaj nuk duhet të lejojmë që përdorimi i tyre t'iu shërbejë ndasive në mesin tonë. Mund t'i shërbejë padyshim këmbimit të opinioneve, përvojave, ideve dhe rrahjes së mendimeve, por jo të jetë arenë virtuale e fyerjeve apo linçimeve të pashëndetshme.

Qasja ultimative ndaj problematikave që ka jeta jonë, vetëm sa cënon rregullat demokratike. Në sistemin shoqëror që bashkë prej 35 vitesh kemi zgjedhur, vullneti i gjithsecilit e përjashton ultimatumin dhe ne kemi marrë përsipër të gjithë së bashku që të korrigjojmë gabimet e së kaluarës, që kanë tentuar ta tjetërsojnë pikërisht këtë vullnet.

Demokracitë e konsoliduara janë të tilla, pikë së pari, pikërisht sepse kanë gjetur mekanizma dhe instrumente, që gjithnjë e më shumë kanë përjashtuar tendencat për deformime.

Shqipëria është e re, rritet mes vështirësish të trashëguara dhe nga ato që eventualisht krijohen nga vetë ne, nga qeverisja, nga opozita, nga media, nga politikat dhe detyra e vetme që i mbetet kësaj shoqërie, është që Shqipërinë ta bëjë gjithnjë e më moderne.

Së pari në mendësi. Në hapësira bashkëpunimi me vizion e në kontribute sa më të shtrira e produktive në çdo fushë të jetës.

Teqeja e Qesarakës ndodhet në fshatin Qesarakë, Bashkia Kolonjë, dhe është themeluar nga banorët vendas në nder të shenj...
12/06/2026

Teqeja e Qesarakës ndodhet në fshatin Qesarakë, Bashkia Kolonjë, dhe është themeluar nga banorët vendas në nder të shenjtorit Haxhi Babaj.

E ndërtuar në shekullin XVII, ajo ka pasur një rol të rëndësishëm si qendër fetare dhe kombëtare, duke shërbyer edhe si strehë për patriotët, mes tyre Petro Nini Luarasi.
Në vitin 1914, teqeja u dogj nga andartët grekë.

Ndërtesa fillestare ishte trekatëshe, me mure guri, bodrume dhe ambiente drejtkëndore sipas traditës bektashiane, me çati të mbuluar me rasa guri.

Teqeja u rindërtua më vonë duke ruajtur tiparet arkitekturore të mëparshme.
Gjatë periudhës së monizmit ajo qëndroi e mbyllur, ndërsa më 10 qershor 1973 u shpall Monument Kulture nga Ministria e Arsimit dhe Kulturës.

Thirrje për protestë!Të dashur zonja dhe zotërinj!Sot protestojmë sërish paqësisht në Korçë, si gjatë gjithë kësaj jave,...
12/06/2026

Thirrje për protestë!
Të dashur zonja dhe zotërinj!

Sot protestojmë sërish paqësisht në Korçë, si gjatë gjithë kësaj jave, për një Shqipëri dinjitare!

Nisim në ora 18.00 tek Ushtari i Panjohur (Monumenti i Luftëtarit Kombëtar) dhe më 19.00 marshojmë në të njëjtin drejtim të xhiros tradicionale, drejt Parkut Rinia.

Kjo ftesë vlen për të gjithë bashkëfshatarët dhe bashkëqytetarët e Korçës, Pogradecit, Maliqit, Devollit dhe Kolonjës, me të cilët nesër do të nisemi në orën 13.00 nga Stadiumi Skënderbeu (sikush me makinat e veta), për t'u bashkuar në protesta mbarëkombëtare që mbahet në Tiranë.

Max Mavrud është një kantinë familjare e vendosur në zonën malore të Leskovikut, në jug-lindje të Shqipërisë pranë kufir...
12/06/2026

Max Mavrud është një kantinë familjare e vendosur në zonën malore të Leskovikut, në jug-lindje të Shqipërisë pranë kufirit me Greqinë.

Ajo është krijuar me synimin për të ringjallur traditën e verërave lokale dhe për t’i dhënë këtij rajoni një identitet të njohur edhe jashtë vendit.

Vreshtat e kantinës shtrihen në një terren malor rreth 750–780 m mbi nivelin e detit, me tokë gëlqerore dhe ekspozim jugor që ndihmon pjekjen e rrush*t.
Aktualisht vreshtat mbulojnë të paktën 16–17 hektarë, me ambicie për zgjerim.
Kantina prodhon disa lloje verërash karakteristike për rajonin, duke përdorur si varietete vendase ashtu edhe ndërkombëtare:

Trio3 – një verë e kuqe e përzier: 50 % Mavrud (varietet lokal), 30 % Merlot dhe 20 % Syrah.

Ajo ruhet për rreth 4 muaj në fuçi lisi franceze dhe hungareze, duke i dhënë shije intensive dhe komplekse.
Debinë e Bardhë – një verë e bardhë autoktone nga zona e Leskovikut.
Rozé – verë rozé e freskët dhe elegante, shpesh shoqëruar me ushqime të lehta.

Neuron – një verë e kuqe speciale e krijuar si frymëzim nga Liqeni Neuron, zbulim shkencor pranë Leskovikut, prodhuar 100 % nga rrushi Mavrud.

Edhe pse bimët medicinale shqiptare vijojnë të kërkohen në tregjet ndërkombëtare, fermerët marrin fitime të ulëta.Zhvler...
12/06/2026

Edhe pse bimët medicinale shqiptare vijojnë të kërkohen në tregjet ndërkombëtare, fermerët marrin fitime të ulëta.

Zhvlerësimi i euros, kostoja në rritje dhe mungesa e fuqisë punëtore po ndikojnë drejtpërdrejt ne të ardhurat e tyre.

Këto shqetësime u ngritën gjatë një takimi të zhvilluar në fshatin Shëngjergj të Korçës, ku fermerë, grumbullues dhe eksportues diskutuan mbi situatën aktuale të sektorit.

Përfaqësuesit e industrisë theksuan se prodhimi i këtij viti ka tregun e garantuar ç’ka konsiderohet një lajm pozitiv për kultivuesit e bimëve medicinale.

Zhvlerësimi i euros ka ulur ndjeshëm të ardhurat nga sh*tjet jashtë vendit, ndërsa subvencionet aktuale nuk arrijnë të kompensojnë humbjet. Problemi i kursit të këmbimit është ngritur prej vitesh nga eksportuesit e bimëve medicinale, të cilët paralajmërojnë se ndikimi ndihet kryesisht në zonat rurale, tha Filip Gjoka kryetar i shoqatës së Bimëve Mjekësore dhe Aromatike.

Qarku i Korçës mbetet një nga zonat më të rëndësishme të vendit për kultivimin dhe grumbullimin e bimëve medicinale. Në rreth 200 hektarë tokë kultivohen bimë si ciani, qumështori, mullaga dhe kalendula, ndërsa kërkesa nga tregjet europiane vijon të mbetet e lartë.

Address

Korça Plus
Korçë
7001

Website

Alerts

Be the first to know and let us send you an email when Korça Plus posts news and promotions. Your email address will not be used for any other purpose, and you can unsubscribe at any time.

Shortcuts

Share

Category