https://www.facebook.com/105327582046592/

Lezha Press, Shëtitorja Gjergj Fishta,, Shqipëria, Lezhë (2025)

02/08/2025

Gjendet trupi i peshkatarit Dedë Çoku nga Rrubiku.

Ky është Dedë Çoku nga Rrubiku i cili humbi jetën teksa peshkonte në lumin Mat. Fotografia është publikuar nga djali i tij Daniel Çoku, një person edhe pse me aftësi ndryshe shumë aktiv dhe me optimizëm për jetën.

"Shpirt i bukur më le, sot ishte dita e fundit që me zërin dhe sytë e tu më frymëzove të vazhdoj një ditë të bukur. Lamtumirë shpirt", shkruan i riu nga Rrubiku i cili humbi njeriun e tij më të shtrenjtë dhe busullën orientuese, teksa njofton se ceremonia e lamtumirës do të zhvillohet sot në orëm 14:00.

Ngjarja e rëndë ka ndodhur në lumin Mat ku Dedë Çoku ishte futur për të hapur rrjetat për peshkim, por nuk kishte arritur të dilte më nga uji.

Denoncimin në polici për zhdukjen e peshkatarit nga Rrubiku është bërë nga shoku i tij, i cili kishte dalë së bashku me Çokun për të peshkuar në ujërat e Matit.

“Më datë 01.08.2025, rreth orës 13:40, Salla Operative e Komisariatit të Policisë Lezhë ka marrë një telefonatë nga shtetasi P. N., banues në Rrubik, i cili ka njoftuar se gjatë peshkimit në lumin Mat, shoku i tij, shtetasi D. Ç., banues në Rrubik, është futur në ujë për të hedhur rrjetat e peshkimit dhe nuk ka dalë më në sipërfaqe", njoftoi policia e Lezhës.

Menjëherë pas marrjes së njoftimit, në vendngjarje mbërriten shërbimet e Policisë, si edhe polumbarët e RENEA-s.
Pas disa orësh kërkime nga polumbarët e RENEA-s, u gjet në lumin Mat trupi i pajetë i peshkatarit Ded Çoku, të cilit do t'i jepet lamtumira pasditen e sotme.

01/08/2025

Gjin Gjoni: Rilindja i shpall luftë artit dhe zërave të lirë!

Deputeti i Partisë Demokratike, Gjin Gjoni, ka reaguar ashpër ndaj vendimit për shkarkimin e dy aktorëve të njohur të Teatrit “Migjeni” në Shkodër, Simon Shkreli dhe Vladimir Doda. Ai e cilëson këtë veprim si një akt brutal hakmarrjeje politike nga pushteti lokal dhe qeveria e Rilindjes.

“Sot, Rilindja nuk po ndëshkon paaftësinë, por guximin për të menduar ndryshe. Dy artistë të vërtetë, dy zëra të lirë, po largohen nga skena jo për mungesë performance, por sepse refuzojnë të jenë servilë të pushtetit,” u shpreh Gjoni.

Sipas tij, shkarkimi i Shkrelit dhe Dodës nuk ka asnjë motiv profesional, por është një vendim i diktuar politikisht, që synon të frikësojë çdo artist apo qytetar që guxon të mos i shërbejë propagandës së qeverisë.

“Simon Shkreli është bashkëshorti i kryetares së PD në Shkodër, Eliona Shkreli. Vladimir Doda është vëllai i anëtarit të Kryesisë së PD Lezhë, Arben Doda. Kaq mjafton për të kuptuar shkakun e vërtetë të këtij vendimi. Ky është model i hakmarrjes së ulët politike, që na kthen në kohërat më të errëta të diktaturës,” theksoi ai.

Gjoni e mbyll reagimin me një thirrje për qëndresë: “Arti është liri. Artistët nuk duhen dënuar, por duhen mbështetur. Kjo goditje ndaj kulturës është një sinjal alarmi për të gjithë. Ne nuk do të heshtim!”

01/08/2025

Shëngjin / Hiqen bllokuesit e paligjshëm pranë një pallati.
Reagon menjëherë Njësia Administrative dhe fton qytetarët të denoncojnë çdo radt kur cënohet prona publike.

Njësia Administrative e Shëngjinit ka ndërhyrë menjëherë pas një shqetësimi të ngritur nga qytetarë në faqen e “Lezha Press”, duke hequr bllokuesit e vendosur pa leje në rrethimin e një pallati në qytetin bregdetar.

Punonjësit e shërbimeve bashkiake dhe Policia Bashkiake kanë marrë masa ndaj personave që kishin vendosur pengesa në rrugë, duke bllokuar qasjen pranë pallatit në fjalë. Sipas njoftimit zyrtar, ndërhyrja u bë menjëherë pas publikimit të rastit dhe synon të rivendosë rendin dhe lëvizjen e lirë për banorët dhe pushuesit.

Njësia vendore fton qytetarët të raportojnë çdo rast që dëmton komunitetin apo ndikon negativisht në turizëm, në mënyrë që institucionet të reagojnë në kohë dhe me efikasitet.

01/08/2025

Lezhe/ Policia Rrugore në gatishmëri
Menaxhimi i trafikut në kulmin e sezonit turistik

Më shumë se 100 mijë automjete qarkullojnë çdo ditë në rrugët e Lezhës, ndërsa në fundjavë ky numër rritet ndjeshëm. Flukset vijnë si pasojë e hyrjeve nga pikat kufitare me Malin e Zi dhe Kosovën, si dhe lëvizjeve të shtuara drejt plazheve të Tales, Shëngjinit dhe Velipojës.

Për të përballuar këtë volum të lartë lëvizjeje, strukturat e Policisë Rrugore dhe patrullat e përgjithshme janë shpërndarë në akset kryesore dhe thuajse në çdo degëzim rrugor, ku prania e uniformave blu shërben për orientimin dhe rregullimin e trafikut, duke shmangur bllokimet e tyre.

Kulmi i trafikut regjistrohet në orët e pasdites se fundjaves, kryesisht pas orës 16:00, kur mbi 60 mijë automjete nisen nga zonat bregdetare për të dalë superstrade. Edhe pse qarkullimi bëhet i ngadaltë, rrjedhshmëria mbetet e garantuar falë ndërhyrjes së vazhdueshme të forcave policore. Përveç menaxhimit të fluksit, një tjetër prioritet i Policisë Rrugore është edhe disiplina në lëvizje.

Me një sezon turistik në kulm dhe rritje të ndjeshme të fluksit, Policia Rrugore në Lezhë mbetet në gatishmëri të plotë, për të garantuar sigurinë rrugore dhe për të ofruar ndihmën e nevojshme për qytetarët dhe turistët që vizitojnë qarkun.

01/08/2025

Shëngjin – Liri për abuzuesit, ndëshkim për qytetarët e zakonshëm

Në një kohë kur pushteti vendor në shumë zona të vendit ka ndërmarrë aksione për lirimin e hapësirave publike dhe kthimin e tyre në funksion të komunitetit, në Shëngjin duket se rregullat vlejnë vetëm për disa.

Një rast flagrant është regjistruar në qendër të qytetit, përballë Big Market, ku një qytetar ka zënë hapësirën publike pranë një pallati duke vendosur hekurura për të bllokuar parkingun e banorëve. Ky veprim, jo vetëm që cënon të drejtën e komunitetit për të përdorur hapësirat e përbashkëta, por ndodh në sy të institucioneve, të cilat deri më tani nuk kanë ndërmarrë asnjë masë.

Banorët shprehen të revoltuar për indiferencën e autoriteteve lokale dhe kërkojnë ndërhyrje të menjëhershme për t’i dhënë fund këtij abuzimi.

Pyetja që ngrihet është: A ka ndonjë kategori qytetarësh dhe biznesesh të paprekshëm në Shëngjin, apo thjesht mungon vullneti për të zbatuar ligjin?

31/07/2025

Kryetari i Bashkisë Lezhë, Pjerin Ndreu, inspekton asfaltimin e rrugës në lagjen “Kallulle” të fshatit Pllanë

Kryetari i Bashkisë së Lezhës, z. Pjerin Ndreu, ka zhvilluar sot një inspektim në lagjen “Kallulle” të fshatit Pllanë, ku po vijon puna për asfaltimin e një segmenti rrugor të rëndësishëm për banorët e zonës.

Gjatë vizitës në terren, z. Ndreu u prit nga banorë të lagjes, të cilët shprehën mirënjohjen e tyre për përmbushjen e një premtimi të dhënë prej kohësh. Kryebashkiaku theksoi se ndjesia më e madhe e kënaqësisë vjen pikërisht nga mbajtja e fjalës dhe përmirësimi i jetës së komunitetit lokal.

Ky investim është pjesë e një serie projektesh infrastrukturore që po zbatohen në territorin e Bashkisë Lezhë. Puna do të vijojë me ndërhyrje të tjera në zonat rurale, me qëllim përmirësimin e aksesit dhe kushteve të jetesës për banorët.

31/07/2025

Ujërat e zeza përmbytin bodrumin e një pallati si dhe bllokohet parkingu per banoret, deputeti Gjin Gjoni kërkon ndërhyrje urgjente nga bashkia

Një situatë shqetësuese mjedisore është denoncuar nga deputeti i PD-së në qarkun Lezhë, Gjin Gjoni, pas ankesave të banorëve të një pallati pranë rrugës “Shtraus” në qytetin e Lezhës.

Sipas deputetit Gjoni, bodrumi i godinës është përmbytur prej kohësh nga ujërat e zeza, duke krijuar një vatër rreziku për shëndetin e qytetarëve, sidomos në temperaturat e larta të verës. Përveç kësaj, banorët përballen edhe me bllokimin e parkingut të automjeteve, për interesa personale e private, çka e rëndon edhe më tej situatën e tyre.

Gjoni akuzon Bashkinë e Lezhës për mosreagim dhe shpërfillje të vazhdueshme ndaj këtij problemi, ndërsa u bën thirrje institucioneve vendore të marrin masa urgjente.

“Është e papranueshme që në vitin 2025 qytetarët të jetojnë mes ujërave të zeza, ndërsa pushteti lokal bën sikur nuk sheh dhe nuk dëgjon. Kjo është fyese për çdo qytetar që kërkon të jetojë me dinjitet në shtëpinë e tij”, u shpreh deputeti Gjoni.

31/07/2025

Banorja e pallatit tek “11 Janari”: Që prej 17 nëntorit kam depozituar një ankesë në Bashki, ende pa përgjigje

Një banore e pallatit “11 Janari” në qytetin e Lezhës shprehet e revoltuar për mosreagimin e Bashkisë ndaj një ankese që ajo ka dorëzuar që në datën 17 nëntor 2024. Sipas saj, ankesa lidhet me një aspirator të vendosur në mënyrë të paligjshme në ballkonin e banesës së saj, çka ka sjellë shqetësime të vazhdueshme.

“Kanë kaluar më shumë se tetë muaj dhe askush nga institucionet nuk më ka kthyer përgjigje. Po filloj të mendoj se mos arsyeja është bindja ime politike,” – shprehet ajo.

Banorja i bën apel institucioneve të reagojnë dhe të trajtojnë çdo qytetar me barazi përpara ligjit, pa dallime politike apo personale.Nderkohe aspiratoret e furrave te bukes neper pallate jane kthyer ne shqetesim ne Lezhe.

30/07/2025

I bllokoi hyrjen drejtuesve të policisë, procedohet i riu në Lezhë.

Shërbimet e Drejtorisë Vendore të Policisë Lezhë, në vijim të kontrolleve për evidentimin dhe ndëshkimin e rasteve të parkimeve të parregullta, që pengojnë qarkullimin e lirë të përdoruesve të rrugës, konstatuan në rrugën “Luigj Gurakuqi”, Lezhë, një automjet të parkuar në mënyrë të parregullt, që pengonte lëvizjen e mjeteve të tjera.

Specialistët për Hetimin e Krimeve të Komisariatit të Policisë Lezhë identifikuan drejtuesin e automjetit, shtetasi A. K., 27 vjeç, banues në Kamëz, dhe referuan materialet në Prokurori, ku nisi procedimi në gjendje të lirë për këtë shtetas, për veprën penale “Pengimi i qarkullimit të mjeteve të transportit”, parashikuar nga neni 293 i Kodit Penal.

Gjithashtu, shtetasi A. K. u ndëshkua me masë administrative sipas Kodit Rrugor dhe automjeti u sekuestrua në cilësinë e provës materiale.

Drejtoria Vendore e Policisë Lezhë apelon për të gjithë drejtuesit e mjeteve që të tregojnë kujdes në respektimin e rregullave të qarkullimit rrugor dhe të shmangin parkimet në zona të ndaluara, që pengojnë lëvizjen e lirë të mjeteve dhe qytetarëve. Shkeljet e kësaj natyre do të trajtohen me masa të menjëhershme penale dhe administrative.

29/07/2025

Aksident në Lezhë, makina përplas fëmijën 12-vjeç me biçikletë (VIDEO)

Rreth orës 19:40, në fshatin Mylte, Lezhë, automjeti me drejtuese shtetasen D. N., 39 vjeçe, është përplasur me një biçikletë që lëviste një shtetas i mitur, rreth 12 vjeç.

Si pasojë e përplasjes, i mituri ka pësuar dëmtime dhe është transportuar në Spitalin e Traumës, ku ndodhet jashtë rrezikut për jetën.

Drejtuesja e automjetit është shoqëruar në Komisariatin e Policisë, për veprime të mëtejshme procedurale.

Grupi hetimor ndodhet në vendngjarje dhe vijon puna për sqarimin e plotë të rrethanave të aksidentit.

29/07/2025

Shëngjin / Shiu dhe ulja e temperaturave nuk ndikuan tek pushuesit në Shengjin.
Disa zgjodhen te vizitojne zonat e tjera turistike dhe restorantet e njohura.

As reshjet e shiut gjatë natës dhe as ulja e temperaturave nuk i kanë ndalur pushuesit në Shëngjin, të cilët kanë vijuar të shijojnë ditën në bregdet.

Për shumë prej tyre, kjo është një mot i përshtatshëm jo vetëm për të pushuar buzë detit, por edhe për të bërë plazh dhe për t’u larë, pasi temperaturat konsiderohen normale për këtë periudhë të verës.

Një pjesë e pushuesve kanë zgjedhur ta shfrytëzojnë ditën ndryshe, duke vizituar vende historike në zonën e Lezhës apo duke drekuar në restorante tradicionale jashtë Shëngjinit.

Pavarësisht temperaturave, atmosfera në këtë zonë turistike mbetet e gjallë, ndërsa operatorët turistikë shprehen optimistë për vijimin e sezonit.

Lezha Press

02/08/2025

01/08/2025

01/08/2025

01/08/2025

01/08/2025

31/07/2025

31/07/2025

31/07/2025

30/07/2025

29/07/2025

29/07/2025

Address

Website

Alerts

Contact The Business

Shortcuts

Share

Category