Lezha Press

14/08/2026

“Djemtë e Detit” rikthehen në qytetin ku lindën, një natë për muzikën që nuk vdes

Pas shumë vitesh, “Djemtë e Detit” rikthehen në Lezhë, qytetin ku nisi rrugëtimi i një prej grupeve më të dashura të muzikës shqiptare. Më 14 gusht, në sheshin “Gjergj Kastrioti”, publiku lezhjan do të ketë mundësinë të përjetojë një mbrëmje të veçantë me tingujt e këngëve që prej dekadash janë pjesë e kujtesës muzikore të shqiptarëve.

Anëtarë të grupit, të cilët sot jetojnë larg njëri-tjetrit, udhëtojnë mijëra kilometra për t’u bërë bashkë sërish në Lezhë, pikërisht aty ku gjithçka nisi. Një rikthim që vjen jo vetëm si një koncert, por si një takim me historinë, kujtimet dhe këngët që i rezistuan kohës.

Në këtë rikthim mungon solisti i grupit, Gentjan Demaliaj, zëri i të cilit mbetet i skalitur në kujtesën e publikut shqiptar. Edhe pse nuk do të jetë fizikisht në skenë, prania e tij do të ndihet përmes këngëve që u kthyen në hite të përjetshme dhe që vazhdojnë të dëgjohen e të këndohen edhe sot.

Mbrëmja do të sjellë në skenë instrumentistët e “Djemve të Detit”, së bashku me artistë të rinj dhe të ftuar, në një koncert të konceptuar si një bashkim brezash dhe një homazh për muzikën që la gjurmë.

Në koncert do të performojnë në kitarë Flamur Toska, në bass Shkëlqim Metaj, në keyboard Valentin Markvukaj dhe në bateri Dhori Bllahova ndërsa soliste do te jene Keler Sufja, Atilio Toska, Rigersa Loka, Klea Marku, Orjana Mici dhe Mimoza Ahmeti.

“Djemtë e Detit & Friends” ngjiten në skenën e shesh*t “Gjergj Kastrioti” në orën 20:00, në një natë ku Lezha do të rikthehet për pak orë te tingujt e një epoke që vazhdon të jetojë përmes muzikës.

Një rikthim në qytetin e lindjes, për të kujtuar se disa këngë nuk i përkasin vetëm një kohe apo një brezi. Ato mbeten pjesë e historisë së muzikës shqiptare.

12/08/2026

Pjerin Ndreu viziton Preshevën, diskutohet për forcimin e bashkëpunimit mes Lezhës dhe Luginës

Kryetari i Bashkisë së Lezhës, Pjerin Ndreu, ka zhvilluar një vizitë në Preshevë, ku është pritur nga kryetarja e kësaj komune Ardita Sinani.

Gjatë takimit është diskutuar për mundësitë e forcimit të bashkëpunimit mes Lezhës dhe Preshevës, me fokus te projekte dhe iniciativa që u shërbejnë qytetarëve të të dyja komuniteteve.

Në qendër të bisedimeve kanë qenë veçanërisht mundësitë për të rinjtë, zhvillimi ekonomik, kultura dhe agroturizmi, si fusha ku mund të ndërtohen projekte të përbashkëta.

Kryetarja e Komunës së Preshevës, Ardita Sinani, e kanë cilësuar vizitën e Ndreut si një tjetër dëshmi të marrëdhënieve të veçanta që janë krijuar mes dy qyteteve, të mbështetura te miqësia dhe bashkëpunimi konkret.

Për Preshevën, mbështetja dhe lidhjet me Shqipërinë marrin një rëndësi të veçantë, ndërsa bashkëpunimi me Lezhën shihet si një mundësi për të zhvilluar më tej iniciativa në fusha me interes të përbashkët.

Vizita e Pjerin Ndreut vjen në kuadër të marrëdhënieve të konsoliduara mes Lezhës dhe Preshevës, me synimin për t’i dhënë një dimension të ri bashkëpunimit mes dy qyteteve.

09/08/2026

“Festë n’Shpi” vijon në sheshin “Gjergj Kastrioti” të Lezhës.

🎶 Fest N’Shpi vjen sonte në shesh me Urban Band! 🎸

Sheshi i Lezhës ndizet sërish me muzikë, ritëm dhe energji! ✨
Çdo natë është një festë, çdo këngë një kujtim dhe çdo mbrëmje një arsye më shumë për t’u mbledhur së bashku. ❤️

📍 Sheshi “Gjergj Kastrioti”
🎤 Sonte: Urban Band

Ejani të festojmë së bashku dhe të krijojmë kujtime të bukura! 🎉

07/08/2026

NJOFTIM PËR SHTYP

Si pasojë e thyerjes së një shtylle
B/A të tensionit të mesëm në degëzimin të fidrit Shënkoll–Tale, është ndërprerë furnizimi me energji elektrike në zonën e Tale 2.

Ekipet e OSSH Lezhë ndodhen në terren dhe po punojnë me intensitet për zëvendësimin e shtyllës së dëmtuar dhe rikthimin e furnizimit me energji elektrike në kohën më të shkurtër të mundshme.

Kërkojmë mirëkuptimin e abonentëve të prekur dhe sigurojmë se po merren të gjitha masat për normalizimin sa më të shpejtë të situatës.

07/08/2026

Ndahet nga jeta komopzitori, dirigjenti, studiuesi dhe udhëheqësi artistik Gjok Cari Lucaj.
Është nfdarë nga jeta në moshën 74 vjeçare, një prej figurave më të shquara të artit dhe kultures lezhjane, kompozitori, dirigjenti,studiuesi, udhëheqësi artistik i Ansamblit " Çiftelia".
Bardi i shquar Gjok Cari- Lucaj e nisi rrugëtimin e tij në fushen e arit në moshën 15- vjecare me pjesëmarrjen në Festivalin Folklorik Kombëtar Elbasan në vitin 1967.
Gjok Cari vazhdoi të rritej profesionalisht në ato vite nën trashëgiminë e mjeshrave Agim Velaj, Aleksandër Banushi, Dedë Ndue Lazri, Loro Sata, akademiku Gjergj Lacaj, etj, duke i dhënë drite një eksperince të re me festivalet e fëmijëve, të këngës popullore, të anketave muzikore, të estradave, të festivaleve folklorike, të festivaleve të Bandave Frymore, të festivaleve të kultivuara, të festivaleve të Ansamblit " Çiftelia", etj...
Gjok Cari u brumos profesionalisht në skenën e artit dhe kulturës lezhjane, ku shkëlqeu me talentin, punën dhe profesionalizmin e tij si një krenari për Lezhën.
Në cdo ide, projekt apo vepër, që në sot brezi i ri mbështetet per te cuar, ndodhet frymëzimi që Gjoka Cari solli dhe krijoji për brezat e djeshëm, të sotëm dhe të ardhshëm.
Gjok Cari Lucaj do t’i mungojë artit lezhjan, artistëve dhe miqve.
Gjok Cari nuk ishte vetëm një artist por për shumë vite me radhë dhe nëpunës I Bashkisë së Lezhës, si sekretar i Këshillit Bashkiak
Ish-Kryetari i bashkisë Lezhë Gjokë Jaku ka shprehur mesazh ngushëllimi për bashkëpunëtorin e tij të çmuar dhe mentor elegant.
“Lamtumirë miku im i çmuar Gjokë Cari (Luca)! Jeta të njeh me shumë njerëz, bashkëpunëtorë tek të cilët, shpeshherë gjen vetën, mbështetjen, të japin energji pozitive dhe kur të qortojnë, dhe kur permes vargut, satirës e humorit, për ata që e pranojnë, të bëjnë t’i duash më shumë, e prezenca e tyre, të t’bëhet një nevojë.
Ky ishte Gjokë Cari (Luca), bashkëpunëtori im më i çmuar e jetëgjatë.
U njohëm në Janar ‘91 dhe që nga ajo kohë, ndamë kohën, tavolinën, festa e gëzime, udhëtuam bashkë, dhe për dy mandate në Bashkinë Lezhë, si “ Loli e Coli”, një mbështetës i pakursyer si prind, koleg e mentor elegant.
Gjokë Cari, do të kujtohet përjetë si një artist me shpirt të madh që për dekada, i dha Lezhës artin e tij unikal, brezave trashëgimi, familjes e bashkëpunëtorëve krenari.
Gjokë i dashur!
Më kishe premtuar se do t’më jepje shenimet tuaja, krijimet ku si personazh i tyre isha unë, ata me humor të hollë, në të gjitha rastet ishin “vënie në lojë”, me të cilat kemi qesh deri sa na kanë dalë lot, nuk e di a i ke lënë amanet, do ndjehem keq nëse s’të mundësun hallet e shëndetit.
Gjokë artisti, ikja kaq shpejt në jetën e amshume, po vë në provë familjen tënde të bekuar, por dhe ne miqtë tuaj që ndamë sfida, suksese por dhe dhimbjet tona.
U prehsh në paqe miku im i çmuar artist, të qoftë i lehtë dheu, ngushëllime Florës, dy djemve, të afërmve, do mbetësh përjetë “mentori im”!” shkruan ish kryetari i Bashkisë Gjokë Jaku.
Miqtë artistë humbën mësuesin e kolegun më të mirë , shprehjet në mesazhin e tij ngushëllues Zef Volaj:
“I paharruar qoftë kujtimi i tijë. Jeton mes nesh, vepra e artistit Gjok Cari. Me shumë dhimbje, mësuam lajmin e ndarjes së parakoheshme nga jeta të mikut tonë artist, mjeshtërit të madh të artit e muzikës Gjok Cari Lucaj. Familja humbi të dashurin, fisi humbi djalin e tij shtyllë e vlerë. Miqtë artistë humbën mësuesin e kolegun më të mirë. Lezha humbi qytatarin vlere e shembull. Shpirti i tije u prehte në paqe! Ngushëllime të thella gjithë familjarëve!”

Lindita Kokaj

06/08/2026

Mungesa e energjisë në Rrilë përshkak të problemeve në rrjet.

Brigadat e Tensionit të Lartë OSSH - Operatori i Sistemit të Shpërndarjes janë duke punuar për vendosjen në punë të linjës 35kV Fushë Kuqe - Rrilë dhe rikthimin sa më të shpejtë të energjisë elektrikez

06/08/2026

Fanellat zyrtare të ekipit Besëlidhja mund ti bëni tuajat në Lezhë. Kontaktoni në +355 69 290 5555, ose mund ti gjeni pranë stadiumit "Besëlidhja".

05/08/2026

Live

NDESHJA MIQËSORE BESËLIDHJA - VORA LIVE

04/08/2026

Gjin Gjoni: Banorët e prekur nga gjurma e Autostradës Milot–Balldre po mbahen peng nga shteti, po krijohen kushtet që pronat të kompensohen nën vlerë

Deputeti i Partisë Demokratike, Gjin Gjoni, ka reaguar në lidhje me situatën e banorëve dhe bizneseve që preken nga gjurma e re e Autostradës Milot–Balldre, duke akuzuar institucionet shtetërore për mungesë transparence dhe shkelje të së drejtës së pronës.

Sipas Gjonit, banorët e zonave të prekura ndodhen në një situatë të papranueshme, pasi prej vitesh kanë ndërtuar jetën, shtëpitë dhe aktivitetet e tyre ekonomike, ndërsa sot përballen me pasiguri për shkak të procedurave të papërfunduara të pronësisë.

Reagimi i plote

Banorët e zonave që preket nga gjurma e re e Autostradës Milot–Balldre po përballen me një situatë të papranueshme. Ata kanë ndërtuar jetën, shtëpitë dhe bizneset e tyre, por sot mbahen peng nga një shtet që nuk u garanton as të drejtën bazë të pronës.

Agjesia Shtetërore e Kadastres në Lezhë u thotë qytetarëve se nuk mund t’i pajisë me Certifikatë Pronësie, pasi hartat nuk janë digjitalizuar. Por në të njëjtën kohë, institucionet kanë tenderuar një autostradë që kalon pikërisht mbi këtë territor. Si mund të planifikohet një vepër miliardëshe mbi prona që vetë shteti nuk i ka sistemuar juridikisht?

Skandali bëhet edhe më i rëndë kur edhe ata qytetarë që i kanë pronat me Certifikatë Pronësie nuk po marrin rivlerësimin e tyre. Kjo ngre dyshime të forta se po krijohen kushtet që pronat e tyre të kompensohen me vlera sa më të ulëta, në dëm të familjeve që kanë investuar ndër vite.

Askush nuk është kundër zhvillimit dhe investimeve publike. Por zhvillimi nuk mund të bëhet duke shkelur të drejtën e pronës, duke fshehur informacionin dhe duke i vendosur qytetarët përballë një fakti të kryer.

Pse nuk publikohet qartë gjurma përfundimtare e rrugës? Cilat janë familjet dhe bizneset që preken? Pse qytetarët duhet ta mësojnë fatin e pronës së tyre nëpër korridore institucionesh dhe jo nga transparenca zyrtare?

Kjo është përgjegjësi e qeverisë dhe institucioneve që duhet të mbrojnë qytetarët, jo t’i lënë ata në pasiguri e ankth.

Zhvillimi nuk mund të ndërtohet mbi padrejtësinë ndaj qytetarëve.

02/08/2026

Ish-zyrtari i PS-së, Gjok Jaku: Heqja e koshave të mbeturinave në Lezhë ishte vendim i gabuar

Reagimi i plote

Kritika&konstatimi dhe “telekomanda e pushtetit”!

Dje në mbremje, një portal i rrjeteve sociale, kishte publikuar pamje me qese mbeturinash aty këtu, në qender të qytetit Lezhë, por pa lejen e pushtetit.
Si qytetar jo indiferent, komentova, në asnjë fjalë nuk hodha dyshimin se qyteti është i papaster apo është ul kujdesi për të, kjo do të ishte e padrejtë për mua.

Së pari, për të 10-tën a më shumë herë dua të pohoj publikisht se unë shkruaj se; jam në të drejtën time, si njeri me një jetë aktive publike, se me këtë qytet më lidh gjithçka dhe se po në këtë qytet do banoj e jetoj sa t’kem jetë biologjike.
Më gëzon çdo arritje, çdo investim, çdo rrugë e mirëmbajtur, çdo pemë që rritet e gjelberon mjedisin, çdo bisnes që rritet, gjithçka që përmirëson cilësinë e jetës në këtë vend të bekuar.
Çdo ndërhyrje a koment e bëj se dua që të bëhet përditë e më mirë, për mua dhe për njerëzit.

Sigurisht që e dija, e kisha paralajmëruar, se stuhia e patronazhistëve, lëpirësit e përhershëm të pushtetit, ata që nxitojnë se kush e kush të bie në sy të padronit, të sulen me “urra” në sulm ndaj kujtdo që guxon të cenojë suksesin e shkelqimin e “pushtetit popullor.”

Që ne jemi një popull që harrojmë shpejt, kjo dihet, është e mirë apo e keqe, kjo ha koment.

E mira është që të vertetat t’mos ja lëmë harresës, aq më tepër kur ato i sherbejnë si deshmi se në këtë vend, kanë punuar dhe të tjerë më parë, kohë pas kohe.

Shkurt fare; Lezha, kohë pas kohe, është rendit ndër qytetet e pastra, dukshëm ka ndërtuar një standart pozitiv që e ka dalluar me të tjerë, për faktorë që lidhen me një traditë e kujdes të qytetarëve, territor relativisht i vogël, por dhe mirëadministrim të pushtetit lokal, permes sipermarrjeve e angazhim të strukturave të saj.
Si kujtesë për nihilistët, ata që fshijnë të shkuarën;
@ rrugët e qytetit Lezhë, janë larë për 4-5 muaj, çdo ditë, po po çdo ditë, përpara 25 vjetësh, dhe që ka vazhduar për shumë kohë më mbrapa( kujtojini autobotët “Iridiani&kadeli) çdo ditë duke larë rrugët, apo e keni harruar me dashje?!
Kujtojini se për herë të parë u guxua të futet një formë e re me kazanët teknologjikë, dhe pse nuk konsistoj e vlefshme?!
Kujtojini mjetet teknologjike me fshesa, që sot nuk i shohim më?!
Mos është më e pëlqyer kthimi i fshesave në duart e të shkretave gra, në rrugët e qytetit?!

Patjetër që bashkia ka punuar mirë në drejtim të pastrimit, në qytet e fshat, dhe meritojnë vlerësimin tonë, por gjithmonë ka vend për verejtje e rregullime.

Heqja e menjëherëshme e të gjithë koshave, të mëdhenj e të vegjel, në të gjithë territorin e qytetit, është një vendim i parakohshëm i pamenduar mirë, për të cilën kam shkruar dhe më parë.

Ai i famshmi “konsultim” ka qënë thjesht një fasadë propagande, gjë që këtë gjë dinë ta bëjnë mirë këta rilindasit, pasi vendimi ishte si gjithnjë i panegociueshëm, e popullit ju servir një letër për t’a nënshkruar me përulësi.
Do të ishte ideale që njerëzit, qytetari, të jetë shumë më bashkëpunues me bashkinë, e mbeturinat të ndahen që në banesë e të hidhen në një orar e vend të identifikuar me tabele, mirëpo kjo sigurisht që do kohë, mbase shumë kohë, e në këtë periudhë të ndermjetme, duhen gjetë forma bashkëpunimi e bashkërendimi për të mbajt një ambient të paster.
Mentaliteti e psikologjia e njerëzve nuk ndryshon a evoluon me urdhër pushteti, ajo do kohë, shumë kohë të ndryshojë, do vite, mbase dhe dekada.

Ju “mbrojtës” të pushtetit, ju skllever vullnetarë, patronazhistë që jeni të gatshëm t’ju përdorin, t’ju ndersejnë ndaj kujtdo që nuk është si ju, po ju them; historia nuk fillon e mbaron me sunduesit tuaj, ajo ka ekzistuar dhe do vazhdojë të zhvillohet në jetë të jetëve.
Unë as nuk rrezikoj asnjë pushtet, as nuk dua kurrë të jem pjesë e ndonjë pushteti, dhe as nuk do të hesht përballë asnjë pushteti, ky është kodi im moral.

Sejcili prej nesh mund të jetë gjithnjë e më i kujdesshëm, kërkues për një ambient më të paster, kërkues ndaj pushtetit që përdor taksat tona, paratë tona, për t’na sherbyer.