Botimet Fishta

11/12/2025

Të shtunen, me 20 dhjetor, ora 11-00. Salla "Mikel Koliqi"- Katedralja e Shën Shtjefnit, Shkoder. Mirëardhshi !

22/11/2025

Në këtë festë të librit shqip do të jemi prezent edhe ne me titujt më të zgjedhur të “BOTIMEVE FISHTA". Nëse do të keni dëshirë dhe kohë, do të jetë kënaqësia jonë të takohemi me ju lexues dhe miq . Mirësevini !

"Albanian BookFest", një ftesë për dashamirësit e librit

Dr. Pashko R. Camaj

📚🇦🇱 Na ndan vetëm një javë nga një ngjarje historike dhe madhështore kulturore për komunitetin shqiptaro-amerikan!

Federata Pan-Shqiptare e Amerikës VATRA, në bashkëpunim me shoqatat patriotike, shkollat shqipe dhe klubet e studentëve në NY, NJ, Philadelphia e më gjerë, ka nderin të shpallë organizimin për herë të parë në Shtetet e Bashkuara të Festivalit të Librit Shqiptar – AlbanianBookFest, një festë e jashtëzakonshme e librit, kulturës dhe identitetit tonë kombëtar.

Për dy ditë rresht, libri shqip nga të gjitha trojet shqiptare do të ngrihet në piedestal: letërsia, gjuhësia, historia, kultura, trashëgimia dhe tradita jonë e vyer do të bashkohen në një hapësirë të vetme kulturore dhe atdhetare.

Do të marrin pjesë 26 shtëpi botuese prestigjioze nga Shqipëria, Kosova dhe vise të tjera shqiptare (Onufri, Toena, Fishta, Buzuku, Dukagjini e shumë të tjerë), si edhe vepra të autorëve më të shquar të letërsisë kombëtare (I. Kadare, Gj. Fishta, P. Marko, M. Meksi, B. Mustafaj, P. Shllaku, M. Camaj, V.Zhiti etj.), të prezantuara së fundmi në Panairin e Librit të Tiranës.

Ky festival synon të themelojë një traditë të re të lartë kulturore në diasporë, duke forcuar lidhjet shpirtërore me rrënjët tona të lashta. Libri është ura jonë me historinë. Libri është zëri i kombit. Libri është ambasadori ynë i përjetshëm në botë.

📖✨ Ju ftojmë me nderim të merrni pjesë në këtë aktivitet të paharrueshëm.
Bashkohuni me familjet dhe miqtë tuaj të shtunën dhe të dielën, më 29–30 nëntor, për të festuar së bashku madhështinë e librit shqip!

20/11/2025

Nesër, 159 vjetori i lindjes së Poetit d.Ndre MJEDJA.

11/11/2025

📚 Disa nga titujt e rinj nga Botimet Fishta në Panairin e këtij viti (12-16 nëntor). Ju mirëpresim në Pallatin e Kongreseve, stenda e parë majtas, në hyrje. 📚

10/11/2025

Antologjia e Zallit të Kirit
(Fragment nga libri “ShkodraExpress”)
E mori dhe e mbështeti sërish në tavolinën e bukës dhe i tha gjyshes së vet të mos i çonte ato çka kishte përgatitë se do hante duke lexue, me shpresë se tesh dilte shpejt prej këtij kurthi që i kishte sajue Marku. Njohu prapë shkrimin e të atit, ashtu si edhe te dosja e llagapeve.
Këto janë vjershat e nji absurdi të thellë, të nji kotësie asgjasuese, rrjedhojë e nji gjendje pa përgjigje. Si duket qyteti këto vjersha i ka prodhue ndër momente të veta ma joproduktive, kur ka qenë i dashunuem veç mbas status quosë...
Në përgjithësi këto vjersha shquhen për mungesën e përmbajtjes. Ato kanë të bajnë me nji të qeshun për të qeshun, shpesh pa kurrfarë morali. Incipitet duket se krijohen pa kurrfarë plani ose ma saktë veç me gjetë nji rimë, se mandej lejojnë t’i shkojnë mbrapa struktura gjuhësore të panjohuna kurrë ma parë.
I kam përmbledhë në titullin “Antologjia e Zallit të Kirit” sepse kam dashtë të baj bashkë nji toponim, që shënon shterpsinë natyrore, me vendin e lirisë seksuale dhe të shprehjes pa drojë...
*****
Kur me luftë mora Parrucën
Kishte hypë bullica n’fik
Gjethi i plepit t’dhjefsha kpucën
Paske kenë tamam ashik...
*****
A mban mend kur leva n’Francë
Lakuriq me duer ndër xhepa
Më muer era m’çoi n’Breg t’Rans
Zaganjort më xunë me grepa
*****
Fort ma trim se unë minuku
Qi dron micen mos me e kapë
Shkon për sherr ndezet bishtuku
E m’u kapën teshat flakë
*****
Kalit t’marres i kam hypë
Por nuk di si ka me m’dalë
Mexhit t’bardhë kam ardhë me lypë
N’daç uha, n’daç me ma falë.
(vijon)

06/11/2025

🛒🛍️ ... Klikoni për ta porositur online. Posta falas në të gjithë Shqipërinë.

“ShkodraExpress” nuk asht një libër historie dhe as nji roman i mirëfilltë, por nji rrugë e parrahun për me tregue të vërtetat e nëndheshme të qytetit tonë, Shkodrës. Nji doracak i ngjeshun me copëza kujtimesh, ngjarjesh që nuk i përmend askush. Këtu gjenden njerëz në prag harr...

05/11/2025

“ShkodraExpress” nuk asht një libër historie dhe as nji roman i mirëfilltë, por nji rrugë e parrahun për me tregue të vërtetat e nëndheshme të qytetit tonë, Shkodrës. Nji doracak i ngjeshun me copëza kujtimesh, ngjarjesh që nuk i përmend askush. Këtu gjenden njerëz në prag harrese, që nuk kanë lanë emën, por gjurmë. “ShkodraExpress” asht shkrue me dashni të pa bujë, me qëllim me ruejt gjithçka që po ikën, e për të cilat ka me na zharitë malli. “ShkodraExpress” i bashkohet një tradite të pasun botnore të librave që nuk tregojnë histori madhore, por që e sjellin vendlindjen përmes rrëfimeve të vogla, copëzave të së përditshmes dhe atmosferave që ndërrojnë si velar teatri. “ShkodraExpress” asht veç një udhëtim, si me hypë në nji tren që nuk e di se ku do të ndalet: kujtimet, fjalët, rrugicat, njerzit, andrrat... “ShkodraExpress” nuk ka biletë kthimi. Askush nuk jua kërkon këtë gjatë leximit.
Xhahid Bushati

16/10/2025

Titulli: SKENA dhe PRAPASKENA - Nga Enver Hoxha e Mehmet Shehu te Ramiz Alia, Fatos Nano e Sali Berisha
Autori: Lufter Xhuveli
Zhanri: Kujtime (memuaristikë)
ISBN 9789928857026
Çmimi në kopertinë: 1200 lekë
260 faqe (ilustruar me foto)

Recensa të shkurtra:

“Skena dhe Prapaskena”, një monografi e veçantë, kontribut për historianët dhe leksion për politikanët, nxjerr në dritë me fakte dhe dëshmi të dorës së parë ngjarje, personazhe dhe sekrete të panjohura, nëpërmjet rrëfimit autentik të njërit prej protagonistëve më emblematikë të periudhës para dhe pas viteve 1990. Personazhi kryesor, Lufter Xhuveli, një akademik novator, politikan ekuilibrues, shtetar atdhedashës dhe qytetar shembullor, na tregon me sinqeritet se si në rrugëtimin e tij plot sfida, idealizmi, etika, morali, djersa dhe përkushtimi për interesin publik arrijnë të triumfojnë përballë kurtheve të meskinitetit, mediokritetit, hipokrizisë dhe çdo forme tjetër të ligësisë, pavarësisht postit dhe kohës kur zhvillohen ngjarjet."

Arben Çejku, shkrimtar, anëtar i Këshillit të Ambasadorëve Shqiptarë

Një libër që duhej shkruar, aspak befasues për ne që e njohim autorin, por mëse i dobishëm për këdo që personazhet publike i njohin vetëm nga media. Një ballafaqim kalorsiak, me të vërteta, strategji
jete dhe fakte të admirueshme. Kujtime mbreslënëse për dy epoka të shkruara kthjellët, përjetime që pas vitesh do të duken surreale. Profesor Xhuveli shquhet për stilin e tij plot buket!

Prof. Dr. Rexhep Uka

16/09/2025

Nëse keni dëshirë dhe mundësi jeni të mirëseardhur !

08/09/2025

Nji requiem (lutje) per Mt. Marijen ! Cilido që e ka të mujtun me na u bashkue, kishte me kenë i mirëseardhun !🙏

Ipeshkvia Sapë nën kujdesin e Dom Emiljan Palokës, në bashkëpunim me Entin Botues “Gjergj Fishta” organizon Promovimin e librit “Marija që përloti Papa Françeskun” kushtuar moter Marije Kaletës, ditën e Shtune, datë 13 shtator, ora 9.00 në Selinë e Ipeshkvisë Sapë në Vau Dejës.

29/08/2025

Ky libër modest, në shenjë nderimi për murgeshën Marije Kaleta. I falem përkushtimit të saj për rritjen e besimit, në fëmininë time të herëshme.

Falënderoj me përulësi
Imzot Simon Kullin,
për parathënien dhe për mbështetjen e gjithanshme,
si dhe Znj. Violeta Marashi
për bashkëpunimin dhe ofrimin bujar të fotografive e
dokumenteve nga Arkivi i Dioqezës së Sapës.
Frano Kulli.