Radio Logos

05/12/2025

Sot në studion tonë kemi kënaqësinë të presim Z. Eqbert Çami Kryetarin e Organizatës Kombetaret te Deshmoreve të Atdheut Bashkia Pogradec,
Njëkohësisht autorin e Librit ‘Dëshmorët e Pogradecit’, një vepër kushtuar kujtimit, sakrificës dhe historisë së lavdishme të bijve dhe bijave të trevës pogradecare gjatë Luftës Antifashiste Nacionalçlirimtare. Libri, i tij u promovua në ambjentet pranë Bashkisë Pogradec më 25 Nentor 2025, në kuader te festave të Nëntorit! Libër i cili sjell një përmbledhje të luftërave, ngjarjeve madhore dhe kontributeve të dëshmorëve, duke u mbështetur në dokumente arkivore, dëshmi dhe materiale historike. Kjo vepër, e botuar në 30-vjetorin e Organizatës Kombëtare të Dëshmorëve të Atdheut , është një homazh i rëndësishëm për familjet e dëshmorëve dhe një pasurim i kujtesës sonë historike. Sot do të flasim me autorin pikërisht për frymëzimin, punën kërkimore dhe përvojën pas këtij botimi të çmuar.”

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

26/11/2025

Sot në emisionin Ballë për Ballë kemi të ftuar Znj. Entela Gusho( Nënkryetare e Bashkisë Pogradec)

Tema: Pogradeci këto ditë ka marre ngjyrat Kuq e Zi, dhe atmosfera festive ndjehet në çdo cep të qytetit. Ndërsa Shqipëria përgatitet të festojë e Ditën e Flamurit dhe Ditën e Çlirimit, edhe Bashkia e Pogradecit është vënë në lëvizje për t’i dhënë qytetit tonë gjallërinë dhe emocionin që meritojnë këto data historike.
Në kuadër të ketyre festave të Nëntorit, Bashkia Pogradec ka përgatitur një sërë aktivitetesh që synojnë të nderojnë historinë, kulturën dhe identitetin tonë kombëtar.
Sot kemi kënaqësinë të kemi në fokus përgatitjet, risitë dhe energjinë që do të sjellin aktivitetet e 28–29 Nëntorit.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

22/11/2025

Sot në emisionin Ballë për Ballë kemi të ftuar Znj. Teuta Toska (Pedage tek Universiteti “Aleksandër Xhuvani” Elbasan)

Tema: Një datë që ka një tingull të veçantë në çdo vesh shqiptar.
Është Dita Kombëtare e Gjuhës Shqipe, dita kur kujtojmë me krenari Kongresin e Manastirit, ngjarjen historike që na dhuroi alfabetin e përbashkët themelin e identitetit tonë kulturor e kombëtar.
Por këtë vit, kjo ditë vjen me një emocion të dyfishtë!
Pas shumë vitesh pune, Fjalori i Madh i Gjuhës Shqipe do të bëhet i hapur për publikun.
Një vepër monumentale, që mbledh në një trup të vetëm pasurinë e madhe të shqipes, nga fjalët e trashëguara, te ato të reja që po lindin çdo ditë në jetën e përditshme.
Pas këtij projekti qëndron Akademia e Shkencave e Shqipërisë, me kontribute të çmuara nga studiues në Shqipëri, Kosovë, Maqedoni të Veriut dhe Itali.
Mes tyre, edhe gjuhëtarja njekohësisht edhe pedagogia Teuta Toska, nga Universiteti “Aleksandër Xhuvani” i Elbasanit, e cila ka punuar në hartimin e fjalëve që nisin me shkronjat Ç, DH dhe E.
Sot, ajo është me ne për të na treguar më shumë për këtë rrugëtim të gjatë e të bukur, për punën e palodhur të ekipit, për risitë që sjell Fjalori, për fjalët e reja që kanë hyrë në gjuhën tonë, dhe për dashurinë e madhe ndaj gjuhës shqipe.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

20/11/2025

Sot në emisionin Ballë për Ballë kemi të ftuar Znj. Roze Tançeska (Drejtoresh tek Qendra Kulturore “Vëllezërit Miladinovci”Struge )

Tema:Të nderuar dëgjues, në emisionin tonë Ballë për Ballë, sot ja kemi kushtuar kulturës dhe jetës artistike në qytetin e Strugës!
Struga, e njohur për bukurinë e saj natyrore, për poezinë dhe mikpritjen, është edhe një vatër e rëndësishme e zhvillimit kulturor në Maqedoninë e Veriut.
Në zemër të këtij zhvillimi qëndron Qendra Kulturore “Vëllezërit Miladinovci”, një institucion që prej vitesh ruan, promovon dhe gjallëron jetën kulturore të qytetit.
Sot kemi kënaqësinë qe nepermjet kësaj interviste të bisedojmë me drejtoreshën e këtij institucioni Znj. Roze Tançeska, për të mësuar më shumë rreth aktiviteteve, ekspozitave, festivaleve, muzikës dhe mënyrës se si kjo qendër ndërthur traditën me kulturën bashkëkohore.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

18/11/2025

Sot në emisionin Ballë për Ballë kemi të ftuar Znj. Melinda Zhaku (Përfaqësuese e Qendrës Kulturore në qytetit e Strugës)

Tema:Të dashur dëgjues, sot ndodhemi ne Qëndrën Kulturore “ Vëllezerit Miladinovci” në qytetin e Strugës të Maqedonisë të Veriut, ku ndodhet edhe Biblioteka e ketij qyteti.
Kjo bibliotekë nuk është vetëm një vend me stenda dhe rafte ku ruhen librat dhe kujtesa kulturore e qytetit, por edhe një qendër e gjallë e dijes, leximit dhe veprimtarive edukative për të gjitha moshat.
Një Qendër kulturore dhe komunitare
ku organizohen aktivitete kulturore, lexim publik, takime me shkrimtarë, ekspozita, trajnime apo klube leximi.
Një vend që krijon ndjenjën e përkatësisë dhe lidh qytetarët me njëri-tjetrin.
Vend që ofron qasje në libra, revista, materiale digjitale dhe burime studimore për të gjitha moshat.
Vend që ndihmon qytetarët të mësojnë, të hulumtojnë dhe të zhvillojnë njohuritë e tyre. biblioteka është zemra e jetës kulturore të qytetit një vend ku ruhet e kaluara, frymëzohet e tashmja dhe ndërtohet e ardhmja.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

07/11/2025

Sot në emisionin Ballë për Ballë kemi të ftuar Z. Jurgen Troka, (aktor pranë Qendrës Kulturore “Lasgush Poradeci”, pjesëtar i komunitetit rom dhe gjithashtu besimtar i komunitetit të krishterë ungjillor.)

Tema:Data 5 nëntor, përkon me Ditën Ndërkombëtare të Gjuhës Rome!
Një ditë që na kujton bukurinë dhe vlerën e një gjuhe të lashtë, që ka udhëtuar për shekuj me popullin rom dhe që mbart në vetvete histori, këngë, dashuri dhe identitet.
Ditë që na kujton rëndësinë e ruajtjes së gjuhës, kulturës dhe identitetit të popullit rom.
Gjuha rome është një pasuri e madhe kulturore, që ka udhëtuar për shekuj me popullin rom nga India deri në çdo cep të Evropës.
Ajo është gjuha e dashurisë, e muzikës dhe e historive që lidhin brezat e këtij komuniteti të jashtëzakonshëm.
Në këtë ditë, ne kujtojmë se çdo gjuhë është një dritë që ndriçon kulturën e një populli.
Duke mësuar, folur dhe respektuar gjuhën rome, ne kontribuojmë në ruajtjen e një pjese të çmuar të trashëgimisë njerëzore.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

04/11/2025

Përmes Biblës është një program radiofonik i studimit të Biblës, sot do të nisin studimin e librit nga Zbulesa Komentar i William Mac Donalt.
Zbu1:3 Lum ai që lexon dhe lum ata që dëgjojnë fjalët e kësaj profecie dhe që ruajnë ato që janë shkruar në të, sepse koha është afër.
Na ndiqni cdo dite ora 8:00 & 18:00

Përmes Biblës është një program radiofonik i studimit të Biblës që zgjat 30 minuta dhe që e shoqëron dëgjuesin përmes gjithë Biblës brenda 5 vjetëve, duke shkuar herë në Dhiatën e Vjetër e herë në …

03/11/2025

30/10/2025

Sot në emisionin Ballë për Ballë kemi të ftuar Znj. Ada Isallari (Punonjese Sociale e Qendrës Multifunksionale për Promovim dhe Zhvillim të Aftësive në Pogradec)

Në qytetin e Pogradecit së fundmi është hapur “Qendra Multifunksionale për Promovim dhe Zhvillim të Aftësive”, një hapësirë moderne dhe gjithëpërfshirëse që vjen si pjesë e programit
“Përforcimi i Shërbimeve Sociale në nivel vendor drejt standardeve të Bashkimit Evropian”, të zbatuar nga UNICEF dhe World Vision Albania, në bashkëpunim me Ministrinë e Shëndetësisë dhe Mbrojtjes Sociale.

Projekti është zbatuar nga Bashkia Pogradec, në partneritet me Qendrën Shqiptare për një Zhvillim të Qëndrueshëm (ASDO).

Kjo qendër synon të krijojë një mjedis të hapur, të sigurt dhe krijues për fëmijët, të rinjtë dhe familjet e tyre, me fokus të veçantë tek grupet më të dobëta të komunitetit.
Përmes programeve të saj, si BiblioTech, qendra kombinon teknologjinë, artin dhe muzikën për të nxitur edukimin digjital, zhvillimin e aftësive dhe përfshirjen sociale.

Hapja e kësaj qendre përfaqëson një hap të rëndësishëm drejt përmirësimit të shërbimeve sociale në nivel vendor dhe një model të suksesshëm bashkëpunimi midis institucioneve publike dhe organizatave të shoqërisë civile.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

28/10/2025

Sot në emisionin Ballë për Ballë kemi të ftuar Znj.Majlinda Kuqo (përgjegjëse të bibliotekës së shkollës së mesme “Muharrem Çollaku” si dhe me dy nxënëse lexuese të rregullta te librit dhe anetare te bibliotekes
Kejsi Alibashi
Fiola Lilo

Në çdo shkollë ekziston një vend ku fjala merr jetë, ku dijet ruhen dhe ku imagjinata fluturon e lirë!
Biblioteka.
Ajo nuk është vetëm një hapësirë me libra, por një vatër e mendimit, e kulturës dhe e frymëzimit për çdo nxënës.
Më 28 Tetor, në Ditën Ndërkombëtare të Bibliotekave të Shkollave, ne ndalemi për të vlerësuar kontributin që biblioteka jep çdo ditë në formimin e brezave të rinj.
Për këtë qëllim, ne studion e Radio Logos sot do te zhvillojme nje bisedë të këndshme me mësuesen Majlinda Kuqo, si dhe me dy nxënëse lexueset
Kejsi Alibashi
Fiola Lilo
për të kuptuar më thellë rolin dhe vlerën që ka biblioteka në jetën e përditshme të shkollës!

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al