Saranda Web TV

30/10/2025

Qytetari denoncon: OSHEE më kërkon 287 mijë lekë për një faturë të paguar në vitin 2009

Rrapo Gaci, një qytetar nga Delvina me aftësi të kufizuara, prej disa muajsh po endet nëpër zyrat e OSHEE-së për një faturë energjie elektrike të muajit mars 2009, e cila sipas dokumenteve që ai vetë disponon, është paguar që atëherë.

Gaci tregon se në librezën e energjisë, të cilën e ruan ende sot, fatura e muajit mars 2009 rezulton e paguar në shumën 2,184 lekë, me firmë dhe vulë të OSHEE-së. Megjithatë, ky institucion e konsideron ende debitor për të njëjtin muaj me shumën 14,328 lekë, dhe pas shtimit të kamatës prej 100%, shuma që i kërkohet aktualisht arrin në 28,656 lekë.

“Kam shkuar disa herë në zyrat e OSHEE-së për të sqaruar situatën, por çdo herë më thonë se fatura e 2009-s figuron e papaguar. Unë kam faturën me vulë, e cila provon të kundërtën,” shprehet Gaci.

Problemi ka dalë në pah pas sh*tjes së banesës së tij. Edhe pse prona është kaluar ligjërisht te blerësi i ri, OSHEE refuzon të kalojë kontratën e energjisë elektrike, duke pretenduar se ekziston detyrimi i papaguar i vitit 2009.

Në dëshminë e tij, Rrapo Gaci kujton se dikur ka qenë vetë punonjës i OSHEE-së, gjë që e bën edhe më të pabesueshme situatën:
“Po të kisha pasur detyrime, ato do m’i kishin mbajtur nga paga ime. Kam qenë punonjës i institucionit, e di si funksionon sistemi. Kjo është një padrejtësi që më ka lodhur shpirtërisht.”

Për muaj të tërë, qytetari kërkon zgjidhje për një gabim që, siç tregon ai, është i dokumentuar dhe i provuar me vulë zyrtare. Deri më sot, ai mbetet peng i një procedure të pakuptimtë, që e mban të lidhur me një faturë të paguar 16 vite më parë.

26/10/2025

Edi Rama i drejtohet Olti Çaçit: Saranda ka potenciale për “Paketën e Maleve”, Ergest Dule bën sherr me një zjarrfikës kush jam unë e kush je ti…

25/10/2025

50-vjetori i shkollës “Shefqet Sulejmani” në Gjashtë: Drejtoresha e shkollës Dafina Allkushi përshëndet nxënës dhe prindër të kësaj shkolle
VIDEO E PLOTË në koment

24/10/2025

Manjola Nikollo: Konfliktet e krijuara nga deputetja Ina Zhupa më mbyllën derën e Partisë Demokratike

Në një intervistë, Manjola Nikollo ka shpjeguar arsyet që e detyruan të pranonte funksionin e nënkryetares në Bashkinë e Sarandës.

Ajo tregon se u detyrua të jepte dorëheqjen nga drejtimi i Degës së PD Saransë për të kandidimin në primare për kandidate për deputete. Këtu nisën konfliktet me deputeten Ina Zhupa, e cila – sipas Nikollos – përdori funksionin e saj për të ndikuar te anëtarësia, madje edhe për të manipuluar procesin e votimit. “Në kutinë e Konispolit dolën 20 vota më shumë se numri i votuesve,” – shprehet ajo.

Nikollo shton se më pas u largua nga çdo funksion në parti dhe madje u hoq edhe nga grupi i WhatsApp-it të strukturës. “Nuk u ftova në asnjë takim të PD Sarandë, as gjatë fushatës dhe as pas saj,” – tregon ajo.

Sipas saj, vendimi për t’u bërë pjesë e Bashkisë Sarandë nuk ka asnjë prapavijë politike:
“Unë shkoj në bashki si demokrate, për të dhënë kontributin tim për qytetarët dhe për qytetin” - thotë Manjola Nikollo

20/10/2025

JAVA E PESTË e aksionit të IMT dhe Policisë Bashkiake Sarandë. Aksioni i afrohet qendrës së qytetit në Sarandë me prishje shkallësh & verandash.

17/10/2025

“Na morën votat, por na lanë në mëshirë të fatit” – Banorët e Vanës në Delvinë kërkojnë zgjidhje për rrugën e braktisur prej vitesh

Banorët e fshatit Vanë në Delvinë nëpërmjet një ankese në Saranda Web, denoncojnë gjendjen skandaloze të rrugës së tyre, e cila prej shumë vitesh ka mbetur e pashtruar dhe e pambuluar nga asnjë investim minimal.

Sipas tyre, çdo premtim i bërë nga autoritetet vendore është kthyer në zhgënjim, ndërsa 700 metrët e atij segmenti rrugor janë shndërruar në ferr të përditshëm, sidomos gjatë shirave.

“Na kërkuan votën, por rruga mbeti baltë”

“Jemi ankuar shumë herë te kryetari i Bashkisë Delvinë, z. Besmir Veliu. Erdhi koha e votave dhe na premtuan se do ta rregullonin rrugën, por sot gjithçka ka mbetur si më parë,” – shprehen banorët.
Banorët tregojnë se gjatë reshjeve, rruga mbushet me pellgje e baltë, duke e bërë të pamundur qarkullimin e automjeteve dhe trupave të fëmijëve të cilët detyrohen të ecin nëpër ujëra të ndotura për të arritur në shkollë apo për nevoja jetike.

“Makina e vogla ngelen në baltë, fëmijët nuk kalojnë dot. Drita anës rrugës nuk ka. Është turp që për 700 metra rrugë na mbajnë me shpresa boshe.”

Ata deklarojnë se kanë trokitur edhe te figura të tjera politike, përfshi z. Ardit Bido, por nuk kanë marrë asnjë përgjigje konkrete.

“Na kanë lënë në mëshirë të fatit. Kemi vite që dëgjojmë fjalë, por asgjë nuk bëhet. Vetëm gropa me ujë kudo.”

Kërkesa urgjente e banorëve të fshatit Vanë: Zgjidhje para zgjedhjeve të ardhshme

Fshati Vanë kërkon ndërhyrje të menjëhershme nga Bashkia Delvinë dhe institucionet përgjegjëse. Banorët i bëjnë apel autoriteteve:

“Kur vjen koha e votave, e mbajnë Vanën në gojë. Pastaj harrojnë. Kërkojmë që rruga jonë të mos përdoret më si premtim elektoral.”

11/10/2025

Më dukej vetja si prokuror i SPAK-ut!
Alban Muço del përpara Gjykatës në Sarandë: jam i pafajshëm, s’kam dëmtuar asnjë njeri…

07/10/2025

Banorët e Delvinës kanë ngritur shqetësimin për gjendjen e rrugës që lidh zonën e Papuçi me fshatin Rusan, duke e cilësuar situatën si të rrezikshme dhe të papranueshme për lëvizjen e përditshme të banorëve.

“Dua të bëj një ankesë për rrugët nga Papuçi deri në Rusan. Jam banor i Delvinës dhe kjo nuk është vetëm një problem personal, por i gjithë komunitetit. Rrugët janë lënë në gjendje shumë të keqe, me gropa dhe zhavorr, që shkaktojnë dëmtime të automjeteve dhe rrezik aksidentesh. Në ditët me shi, gjendja përkeqësohet edhe më shumë, pasi uji dhe zhavorri që vjen nga kanalet e pa asfaltuara përhapet në mes të rrugës dhe e bën qarkullimin shumë të rrezikshëm.”

Banorët kërkojnë ndërhyrje të menjëhershme nga autoritetet vendore për rregullimin e rrugës dhe asfaltimin e segmenteve të dëmtuara, për të shmangur aksidentet dhe për të siguruar një infrastrukturë minimale të denjë për qarkullim.

02/10/2025

Përshëndetje Saranda Web
Tek rruga përballë marketit Spar, pranë Stadiumit në Sarandë, jeton prej muajsh një grua e moshuar. Ajo ka kaluar gjithë verën duke fjetur mbi kartona të shtruar në trotuar, dhe tani, mes shiut e të ftohtit, vazhdon të qëndrojë aty, krejt e pambrojtur.

Mbrëmë dhe sot, ndërsa shiu nuk ka pushuar, e vetmja mbrojtje e saj ishte një çadër e thjeshtë në dorë. Ky është një realitet i rëndë dhe i dhimbshëm, që nuk mund të injorohet.

T’i bëjmë një thirrje urgjente Bashkisë Sarandë dhe institucioneve përgjegjëse:
Mos e lini këtë njeri të kalojë netët nën shi, në të ftohtë e në errësirë. Ajo është një nënë, një grua, një qenie njerëzore që meriton dinjitet dhe kujdes.

Të gjithë ne duhet të ndjejmë dhimbjen e saj. Të mos e lëmë të jetojë më në mëshirë të fatit.

02/10/2025

Dimri ka trokitur dhe familjen e Englantinës e ka gjetur përsëri te Shatërvani. Në vend të mbështetjes, Bashkia Sarandë kërcënon Englantinën: Mos u anko në media, përndryshe do të hiqet kujdestaria e fëmijëve!

Dimri ka trokitur dhe temperaturat e ftohta kanë përfshirë edhe Sarandën. Por ndërsa qyteti përgatitet për stinën e vështirë, familja e Englantinës prej vitit të kaluar jeton te Shatërvani, pa një strehë dhe pa mbështetje institucionale.

Në vend që të marrë ndihmën e merituar, kjo familje e brishtë, me 2 fëmijë të vegjël nën kujdes, po përballet me kërcënime të hapura nga Bashkia Sarandë. Mesazhi i përcjellë Englantinës është i qartë: “Mos u anko në media, përndryshe do të hiqet kujdestaria e fëmijëve!”. Një presion i tillë jo vetëm që cenon të drejtën për liri fjale dhe për të kërkuar ndihmë publike, por shton edhe më tej pasigurinë dhe dhimbjen e një familjeje që tashmë është në kufijtë e mbijetesës.

Saranda Web e ka trajtuar më herët këtë çështje, duke ngritur zërin për mungesën e përgjegjësisë dhe indiferencën institucionale. Englantina dhe fëmijët e saj po kthehen në simbolin e një realiteti të hidhur, ku varfëria dhe braktisja bëhen pjesë e përditshmërisë, ndërsa ndihma institucionale mbetet një premtim i pambajtur.

Në vend që të ndërhyjë me mbështetje konkrete – strehim, ndihmë ekonomike, kujdes social – Bashkia zgjedh rrugën më të lehtë: të mbyllë gojën e atyre që flasin. Ky qëndrim e shndërron hallin e një nëne dhe fëmijëve të saj në një problematikë edhe më të rëndë, pasi përveç varfërisë dhe mungesës së kushteve minimale të jetesës, shtohet edhe frika nga ndëshkimi institucional.

Në një shoqëri që synon të quhet e drejtë dhe humane, këto histori nuk mund të mbulohen me heshtje. Englantina dhe fëmijët e saj nuk kanë nevojë për kërcënime, por për një dorë ndihme. Sot është detyrë e institucioneve të tregojnë përgjegjësinë e tyre, para se ky dimër të kthehet në një tjetër provë të dhimbshme për një familje që ka mbetur vetëm.

Saranda Web do të vazhdojë ta ndjekë këtë çështje nga afër, duke i dhënë zë çdo historie të ngjashme që përndryshe do të humbiste në hijen e harresës.

28/09/2025

Bylis B - Butrinti / Drejtpërdrejt

Saranda Web LIVE – Televizioni Online i SarandësMirësevini në Saranda Web LIVE, kanalin zyrtar të Saranda Web TV, rrjeti më i madh informues dhe promovues i ...