Shkodra Live

Shkodra Live Shkodra Live është platformë mediatike online, e pavarur dhe e paanshme, informuese dhe promovuese.Themeluar në Dhjetor 2021

Ambasada Amerikane: Aplikoni që tani vizat për të ndjekur Botërorin e 2026Kupa e Botës 2026 do të zhvillohet për herë të...
30/11/2025

Ambasada Amerikane: Aplikoni që tani vizat për të ndjekur Botërorin e 2026

Kupa e Botës 2026 do të zhvillohet për herë të parë në tre shtete: SHBA, Kanada dhe Meksikë, nga 11 qershori deri më 19 korrik 2026.

Për të gjithë qytetarët shqiptarë që dëshirojnë të ndjekin ndeshjet në kontinentin amerikan, sidomos nëse kualifikohet edhe kombëtarja kuqezi, ambasa amerikane inkurajoi sot aplikimin e menjëhershëm për viza.

“Shtetet e Bashkuara po mundësojnë udhëtime të sigurta dhe të mbrojtura për sportdashësit ndërkombëtarë që janë të interesuar të vijnë në Shtetet e Bashkuara për Kupën e Botës FIFA 26™, dhe jemi plotësisht të përgatitur për të përpunuar aplikimet për vizat e vizitorëve. Ne i inkurajojmë udhëtarët e huaj që kanë nevojë për viza amerikane të aplikojnë tani”, shkruan ambasada amerikane në Tiranë.

Fitorja në transfertë ndaj Andorrës e kombinuar me humbjen 2-0 të Serbisë në fushën e Anglisë, i ka dhënë Shqipërisë kualifikimin historik në fazën play-off të Botërorit, për herë të parë në historinë e saj.

30/11/2025

EMRI / Arrestohet me drogë dhe tritol 29 vjeçari nga Puka / I transportoi me varkë drejt Tropojës për t'i trafikuar në Kosovë

Një 29-vjeçar nga Puka është arrestuar pasi u kap duke transportuar me varkë drejt Tropojës një sasi droge, eksploziv dhe municion luftarak. Në pranga është vënë shtetasi Lek Pepgjonaj.

Operacioni i koduar “Varkëtari”, i zhvilluar nga DVP Kukës, në bashkëpunim me Policinë e Tropojës dhe me mbështetjen e Forcës së Posaçme “Shqiponja”, u bazua në të dhëna operative që tregonin se një person do të dërgonte drejt Kosovës lëndë narkotike dhe eksploziv.

Gjatë veprimeve policore u sekuestruan 1.2 kilogramë kanabis, 405 gram tritol, 51 kapsolla detonatore, 5 metra fitil zjarrpërcjellës, municion luftarak dhe një shumë parash. Në pranga përfundoi shtetasi Lek Pepgjonaj, 29 vjeç, banues në Pukë.

Sipas Policisë, ai u kap në fshatin Dushaj, duke lëvizur me një automjet tip “Volkswagen”, brenda të cilit kishte fshehur drogën, eksplozivin dhe municionin, të transportuara më herët me varkë nga Apripa e Pukës deri në Tropojë, ku kishte lënë mjetin për të shmangur kontrollet.

Prokuroria dhe policia po vijojnë hetimet për të zbardhur plotësisht rastin dhe për të identifikuar personin që priste t’i blinte materialet në territorin kosovar.

30/11/2025

Rama: Pezullimi i Ballukut presion ndaj politikës

Kryeministri Edi Rama në podcastin e tij Flasim tha se vendimi i GJKKO për të pezulluar nga detyra zëvendës kryeministren Belinda Balluku bie në kundërshtim me parimet e Komisionit të Venecias dhe Strasburgut.

Anëtarët e qeverisë nuk mund t'i pezullojë një gjykatë deklaroi kreu i qeverisë dhe e cilësoi vendimin e GJKKO si presion ndaj politikës.

Balluku është marrë si e pandahur për veprën penale të korrupsionit në dy raste, tunelin e Llogarasë dhe unazën e Tiranës.

"Imzot Simon Kulli do e kujtojmë me respekt" / Myftiu i Pukës Gëzim Kopani mesazh ngushëllimi për ndarjen nga jeta të Ip...
29/11/2025

"Imzot Simon Kulli do e kujtojmë me respekt" / Myftiu i Pukës Gëzim Kopani mesazh ngushëllimi për ndarjen nga jeta të Ipeshkëvit të Sapës

Myftiu i Pukës imam Gëzim Kopani ka shpërndarë një mesazh ngushëllimi për ndarjen nga jeta të Ipeshkëvit të Sapës imzot Simon Kulli.

Ja se çfarë shkruan Myftiu i Pukës:

"Sot, 29 nëntor 2025 , mora lajmin për ndarjen nga jeta të Ipeshkvit të Dioqezës së Sapës Simon Kulli.

Kujtoj me respekt pjesëmarrjen e tij në përurimin e xhamisës së Kodër Hanit që u zhvillua më 04 nëntor 2023 , po ashtu edhe vizitën e tij vëllazërore që zhvilloi më 13 dhjetor 2023, në Myftininë e rrethit Pukë.

Këto momente mbeten dëshmi e harmonisë dhe i mirëkuptimit ndërfetarë që i karakterizon dy besimet fetare.

Në këto ditë ngushëllimi, në emër të Myftinisë së rrethit Pukë si dhe në emrin tim personal përcjell mesazhin e ngushëllimit zyrtarëve të tjerë të Dioqezës së Sapës , Famullitarëve të rrethit Pukë , si dhe gjithë vëllezërve tanë shqiptarë të besimit katolik."

29/11/2025

Rikthehen reshjet e borës në Qafë Thore!

Dyndje vizitorësh në Theth këtë fundjavë!

29/11/2025

"Mësojini fëmijëve tri fjalë: Të lutem, më fal dhe faleminderit".

Këto janë fjalët e fundit të ipeshkëvit të Sapës Simon Kulli përpara se të ndahej nga jeta.

Pak kohë më parë dha mesazh për familjen, besimin dhe Zotin gjatë një meshe në Katedralen "Nënë Tereza" në Vau Dejës.

Mëngjesin e sotëm kleriku që drejtonte dioqezën e Sapës u nda nga jeta në moshën 52 vjeçare pas një goditje nga tensioni i lartë ndërsa shërbeu në dioqezën e Sapës prej 9 vitesh!

Ndahet nga jeta Ipeshkëvi i Vau Dejësit Simon Kulli / Prej 9 vitesh shërbeu me përkushtim në dioqezën e SapësNdahet nga ...
29/11/2025

Ndahet nga jeta Ipeshkëvi i Vau Dejësit Simon Kulli / Prej 9 vitesh shërbeu me përkushtim në dioqezën e Sapës

Ndahet nga jeta ipeshkëvi i Vau Dejësit Simon Kulli. Sipas burimeve 52 vjeçari ka pësuar një goditje nga tensioni i lartë dhe në mënyrë të papritur ka ndërruar jetë mëngjesin e sotëm.

Simon Kulli në 2016 u emërua si administrator i dioqezës së Sapës në Vau Dejës ndërsa në 2017 Papa e emëroi ipeshkëv të asaj dioqeze.

Simon Kulli zëvendësoi imzot Luçiano Avgustinin i cili edhe ai u nda nga jeta në mënyrë të parakohshme pas një sëmundje të rëndë.

Kisha katolike e Shqipërisë pritet që të dalë me njoftime zyrtare për ceremoninë e varrimit dhe më pas do të mendohet për drejtuesin e ri të asaj dioqeze.

Simon Kulli shërbeu me shumë përkushtim për 9 vite me radhë duke ia kushtuar jetën Zotit si dhe besimtarëve.

28/11/2025

Një zjarr ka përfshirë pasditen e sotme një apartament në rrugën “Isuf Sokoli” në Shkodër. Flakët kanë shpërthyer në katin e tretë të një pallati, duke shkaktuar panik tek banorët e zonës.

Në momentin e rënies së zjarrit, në banesë ndodheshin dy të moshuar, të cilët fatmirësisht kanë arritur të dalin menjëherë, pa pësuar lëndime.

Në vendngjarje kanë mbërritur forcat zjarrfikëse dhe policia, të cilat po punojnë për të vënë situatën nën kontroll dhe për të shmangur përhapjen e flakëve në apartamente të tjera.

28/11/2025

Mbrëmja përrallore në Qafë Thore në rrugën Shkodër-Theth!

Reagon kryetarja e PD Shkodër Eliona Shkreli: Rishfaqja e simboleve të komunizmit në Shkodër e pafalshme / "PS pasuese e...
28/11/2025

Reagon kryetarja e PD Shkodër Eliona Shkreli: Rishfaqja e simboleve të komunizmit në Shkodër e pafalshme / "PS pasuese e Partisë së Punës"

Në ceremoninë e organizuar nga Bashkia Shkodër u rishfaqën në këtë 28 Nëntor, festa e Pavarësisë dhe Flamurit Kombëtar, simbolet komuniste.

Në ceremoninë e vendosjes së kurorave me lule tek shtatorja e Luigj Gurakuqit, në prezencë të kryetarit të Bashkisë, deputetëve të majtë dhe përfaqësuesve lokal rilindas, sekretari i Partisë Komuniste nderoi me grusht, bustin e Gurakuqit!

Po ashtu tek monumenti i Isa Boletinit ithtarë të komunizmit dhe të diktatorit Hoxha, përshëndetën me grusht.

E pafalshme që në qytetin simbol të anti-komunizmit, në qytetin ku u bënë lëvizjet e para anti-komuniste në historinë e Shqipërisë, të provokohet me simbole komuniste të cilat nuk duhen mbështetur nga asnjë forcë politike.

Prezenca dhe mos distancimi i kryebashkiakut dhe deputetëve të majtë nga simbolet komuniste tregojnë qartë se Partia Socialiste është pasuese e trashëgimisë Hoxha dhe Partisë së Punës.

Shfaqja e simboleve komuniste duhet të kundërshtohet nga qytetarët shkodranë pasi është një provokim i hapur ndaj familjeve të të persekutuarve, të të përndjekurve politikë, të të pushkatuarve dhe të burgosurve me gjyq e pa gjyq, të të internuarve dhe gjithë dëshmorëve që dhanë jetën në kryengritjet anti-komuniste dhe kundër sistemit diktatorial të Hoxhës.

Shfaqja e simboleve komuniste në krah të Benet Becit dhe deputetëve socialistë janë ‘fytyra’ e vërtetë e asaj që përfaqësojnë dhe duan të instalojnë në Shkodër.

Gjaku i dëshmorëve të lirisë dhe demokracisë nuk mund të përdhoset me shfaqjen e simboleve komuniste, kundër të cilave Ata nuk kursyen as jetën e tyre!

Malësi e Madhe / Kapet 45 vjeçari me drogë / Një i arrestuar për drejtim mjeti në gjendje të dehur Në Koplik, kontrollet...
28/11/2025

Malësi e Madhe / Kapet 45 vjeçari me drogë / Një i arrestuar për drejtim mjeti në gjendje të dehur

Në Koplik, kontrollet e Policisë kanë zbuluar drogë dhe armë të ftohtë, duke çuar në arrestime dhe procedime penale. Në një subjekt tregtar lokal, u arrestua Ilir Bajrakurtaj, 45 vjeç, pasi gjatë kontrollit iu gjet një sasi kokaine, e cila u sekuestrua menjëherë si provë materiale.

Po në Koplik, gjatë kontrolleve fizike, policia procedoi penalisht në gjendje të lirë Flamur Pepajn, 18 vjeç, të cilit iu gjet një thikë, si dhe një 16-vjeçar, që mbante me vete sasi kanabisi. Të dy rastet u referuan në Prokurori për veprime të mëtejshme.

Ndërkohë, në fshatin Boriç i Madh, shërbimet e Qarkullimit Rrugor arrestuan F. P., 57 vjeç, pasi u kap duke drejtuar motomjetin nën efektin e alkoolit.

Policia në Malësinë e Madhe procedoi penalisht në gjendje të lirë S. A., 57 vjeç, i cili rezultoi se kishte kryer punime ndërtimi pa leje.

28/11/2025

Dibrani zgjedh Shkodrën për Pavarësinë!

"Erdha nga Dibra në Shkodër. Kush shkel mbi gjakun e patriotëve është tradhtar."

Address

Rruga "Edit'h Durham" Shkodër
Shkodër
4001

Website

Alerts

Be the first to know and let us send you an email when Shkodra Live posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shkodra Live:

Shortcuts

Share

Category