Portali Veriu Sot

Portali Veriu Sot ShkodraSot/VeriuSot Jemi zëri i përditshëm i Shkodrës dhe rajonit, duke sjellë lajmet më të rëndësishme, analizat dhe historitë që kanë vlerë për komunitetin.

RAPORTONI ! Lajmi siç është, jo siç duket !

Lezhë, rikthehet Festivali i Këngës për Fëmijë pas 36 viteshPas një mungese prej 36 vitesh, Festivali i Këngës për Fëmij...
05/06/2026

Lezhë, rikthehet Festivali i Këngës për Fëmijë pas 36 vitesh

Pas një mungese prej 36 vitesh, Festivali i Këngës për Fëmijë është rikthyer në Lezhë, duke sjellë në skenë talentet e reja të qytetit. Edicioni i parë i festivalit “Valë Zërash” u organizua në Pallatin e Kulturës, ku 12 këngë të interpretuara nga nxënës të shkollave 9-vjeçare konkurruan për çmimet kryesore.

Për më shumë se një orë, publiku ndoqi me interes interpretimet e fëmijëve, të cilët dhuruan emocione dhe performanca artistike të spikatura. Atmosfera festive u karakterizua nga duartrokitje të vazhdueshme dhe entuziazëm, duke e kthyer aktivitetin në një mbrëmje të veçantë për pjesëmarrësit dhe spektatorët.

Festivali është një nismë e Drejtorisë Rajonale të Arsimit Parauniversitar Lezhë, me synimin për ta kthyer këtë aktivitet në një traditë të përvitshme. Përmes tij synohet promovimi i talenteve të reja, nxitja e krijimtarisë artistike dhe pasurimi i jetës kulturore për fëmijët e qytetit dhe më gjerë.

05/06/2026

DITA E GJASHTE E PROTESTES NE TIRANE

"Rama ne burg. Berisha ne burg !"

🚨 MOS HARRONI!E shtunë, ora 18:00, Shkodra ngrihet në protestë!Një protestë qytetare kundër klasës politike që ka qeveri...
05/06/2026

🚨 MOS HARRONI!

E shtunë, ora 18:00, Shkodra ngrihet në protestë!

Një protestë qytetare kundër klasës politike që ka qeverisur vendin për 35 vite.

Pa parti. Pa flamuj politikë.
Vetëm qytetarë dhe zëri i tyre.

NIS NGA SHESHI I KATEDRALES SE MADHE NE SARREQ, DERI PERPARA BASHKISE SHKODER

📍 Shkodër | ⏰ 18:00

05/06/2026

Kelmendi çel zyrtarisht sezonin turistik me nje feste te vecante

Mes atmosferës festive, produkteve tradicionale dhe mikpritjes karakteristike të zonës, Kelmendi ka çelur zyrtarisht sezonin turistik, duke mirëpritur vizitorë të shumtë nga vende të ndryshme të Shqipërisë dhe më gjerë.

Aktiviteti bëri bashkë bujtina, restorante, prodhues vendas dhe artizanë, të cilët prezantuan vlerat më të mira të trevës, duke promovuar natyrën, kulturën dhe traditat e Kelmendit.

Organizatorët shprehën mirënjohjen për të gjithë bizneset lokale që kontribuan në realizimin e kësaj feste, duke u uruar një sezon të mbarë me sa më shumë vizitorë dhe suksese.

Një falënderim i veçantë iu drejtua grupit Albanian Bikers, i cili mori pjesë në aktivitet dhe zgjodhi Kelmendin si destinacion të xhiros së tij, duke i dhënë edhe më shumë gjallëri festës.

Me peizazhet spektakolare alpine, mikpritjen e banorëve dhe ofertën gjithnjë në rritje turistike, Kelmendi mbetet një nga destinacionet më tërheqëse për pushime dhe aventura në veriun e Shqipërisë. Vizitorët janë të mirëpritur gjatë gjithë sezonit për të zbuluar bukuritë e kësaj zone unike malore. 🏔️❤️

Pas protestës së mbajtur në Tirane, zëri kundërshtues i qytetarëve është zhvendosur këtë të premte në Kukës. Një grup qy...
05/06/2026

Pas protestës së mbajtur në Tirane, zëri kundërshtues i qytetarëve është zhvendosur këtë të premte në Kukës.

Një grup qytetarësh dhe përfaqësues të shoqërisë civile dolën në protestë në qendër të qytetit, duke shprehur pakënaqësinë e tyre ndaj Paketës së Maleve dhe duke rikthyer në vëmendje çështjen e tokave të përmbytura nga ndërtimi i Hidrocentralit të Fierzës.

Me pankarta në duar dhe thirrje drejtuar institucioneve, protestuesit kërkuan më shumë transparencë dhe zgjidhje për problemet që, sipas tyre, prej dekadash kanë lënë pas dore banorët e zonës. Në tubim nuk munguan as sloganet politike, ku u dëgjuan thirrje si “Rama në burg” dhe “Berisha në burg” apo “Muli te dhite”

05/06/2026

🦈 Peshkaqen kapet në Rrjoll të Velipojës

Një kapje e rrallë është regjistruar sot në zonën e Rrjollit, në Velipojë. Peshkatari Kristjan Zeka ka arritur të zërë një peshkaqen gjatë aktivitetit të tij të peshkimit në ujërat e Adriatikut.

Pamjet e kapjes kanë tërhequr vëmendjen e banorëve dhe pushuesve në zonë, ndërsa raste të tilla mbeten të pazakonta në bregdetin e Shkodrës.

05/06/2026

Imam Muhamed Sytari:

“Reagoni per familjen e femijet.Politika po promovon nderrimin e gjinise. Vajza behen djem. Qeverite e ketyre 35 viteve po mbeshtesin politika kundra familjeve…”

05/06/2026

Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme infrastrukturore në Shqipëri. Lajmi u bë i ditur nga Ministri I Infrastrukturës dhe Energjisë Enea Karakaçi në një komunikim publik.

Ky vendim vjen pas përfundimit të procesit të vlerësimit të ofertave të paraqitura në garën e zhvilluar nga autoritetet shqiptare. Procedura u mbyll në muajin tetor me tre oferta në garë dhe pa asnjë ankesë, ndërsa në muajt e fundit është zhvilluar shqyrtimi i dokumentacionit teknik dhe financiar të operatorëve pjesëmarrës.

Sipas vendimit, kompania fituese do të marrë përsipër ndërtimin, operimin dhe mirëmbajtjen e segmentit rrugor për një periudhë 35-vjeçare.

Aksi Milot–Balldren ka një gjatësi prej rreth 17 kilometrash dhe do të ndërtohet si autostradë e kategorisë A, duke zëvendësuar segmentin aktual të kategorisë C. Projekti nis në nyjen e Milotit, ku lidhet me aksin Thumanë–Kashar–Lekaj dhe Rrugën e Kombit, ndërsa përfundon në Balldren, në lidhje me aksin Tiranë–Shkodër.

05/06/2026

“Po na marrin plazhet, malet, Rrjollin e Thethin” – Pedagogu shkodran Gabriel Rakaj mban fjalim në protestën e Tiranës

Mes mijëra qytetarëve të mbledhur në protestën e zhvilluar në Tiranë, një nga zërat që mori fjalën para protestuesve ishte edhe inxhinieri dhe pedagogu nga Shkodra, Gabriel Rakaj.

Në fjalimin e tij, Rakaj u ndal te çështjet që, sipas tij, po prekin rëndë zonat turistike dhe pasuritë natyrore të veriut të vendit, duke përmendur veçanërisht Rrjollin dhe Thethin.

“Revolucion, sepse Shkodrës po i marrin plazhet e malet, Rrjollin e Thethin...”, deklaroi ai nga podiumi i protestës, duke e lidhur pjesëmarrjen e tij me kundërshtimin ndaj asaj që e cilësoi si cenim të pasurive publike dhe interesave të komuniteteve lokale.

05/06/2026

“Si ka mundësi që Shkodra hesht dhe fle gjume?” Kjo është pyetja që po ngre një qytetare shkodrane, ndërsa të shtunën në qytet është paralajmëruar një protestë kundër klasës politike që ka qeverisur vendin në tre dekadat e fundit.

Në vazhdën e protestave masive të zhvilluara në Tiranë, të lidhura me pakënaqësitë e qytetarëve ndaj 35 viteve qeverisje nga dy forcat kryesore politike në vend, edhe në Shkodër është thirrur një protestë për ditën e shtunë në orën 18:00.

Përmes një videomesazhi të shpërndarë në rrjetet sociale, qytetarja Sidita Hasi u ka bërë thirrje shkodranëve që t’i bashkohen protestës, duke e cilësuar të pafalshme heshtjen e qytetit përballë problemeve me të cilat përballet vendi.

Sipas saj, Shkodra, qyteti që historikisht ka qenë në krye të lëvizjeve dhe revoltave qytetare, sot nuk po dëgjohet aspak të flasë për protestën dhe po qëndron indiferente ndaj zhvillimeve që prekin jetën e përditshme të qytetarëve.

Hasi thekson se protesta nuk ka ngjyra politike, por eshte një reagim kundër dy partive që, sipas saj, kanë qeverisur Shkodrën dhe Shqipërinë gjatë 30 viteve të fundit pa zgjidhur problemet themelore të qytetarëve.

Ajo shprehet se është e papranueshme që qyteti të vazhdojë të qëndrojë pasiv, ndërsa të rinjtë largohen, varfëria rritet dhe shumë qytetarë e konsiderojnë jetën në Shqipëri gjithnjë e më të vështirë.

Protesta është paralajmëruar të zhvillohet të shtunën në orën 18:00, ndërsa mbetet për t’u parë se sa do të jetë pjesëmarrja e qytetarëve shkodranë në këtë thirrje për reagim qytetar.

Address

Shkodër
4001

Telephone

+355688762391

Website

Alerts

Be the first to know and let us send you an email when Portali Veriu Sot posts news and promotions. Your email address will not be used for any other purpose, and you can unsubscribe at any time.

Shortcuts

Share

Category