Portali Veriu Sot

06/08/2026

RETROSPEKTIVË | Viti 2010, kur Shkodra u përmbyt

Një nga përmbytjet më të mëdha në Shkodër. Uji pushtoi mijëra hektarë tokë, banesa dhe biznese, duke sjellë një situatë të vështirë për shumë familje.

Këto pamje na rikthejnë pas në kohë te ditët kur qyteti dhe zonat përreth u përballën me një prej sfidave më të mëdha.

Çfarë kujtoni nga përmbytjet e vitit 2010?

Ndani kujtimet dhe përvojat tuaja në komentet më poshtë.

06/08/2026

Deputeti i Partisë Demokratike, Kliti Hoti, ka reaguar ashpër ndaj projektit të publikuar për një ndërhyrje në zonën historike të Gjuhadolit, duke deklaruar se kjo hapësirë nuk është pronë e askujt, por pjesë e trashëgimisë së qytetit të Shkodrës.

Sipas deputetit demokrat, tashmë mbi kete objekt është publikuar një projekt që parashikon ndërtimin e një godine shumëkatëshe, çka, sipas tij, ngre pikëpyetje mbi mënyrën se si po trajtohet trashëgimia kulturore e qytetit.

Statusi i plotë i deputetit Kliti Hoti:

GJUHADOLI NUK ËSHTË PRONË E BENET BECIT. ËSHTË TRASHËGIMI E SHKODRËS.

Prej ditësh, shkodranët po përballen me dokumente që ngrenë shqetësime serioze mbi atë që po planifikohet në zemër të Gjuhadolit.

Rreth një muaj më parë, qytetarët e Shkodrës panë Bashkinë të ndërhynte në një objekt historik në Gjuhadol, duke shembur pjesë të çatisë dhe të mureve me argumentin se godina paraqiste rrezik për kalimtarët. Sot, mbi të njëjtin objekt, publikohet një projekt që parashikon ndërtimin e një godine shumëkatëshe në zemër të Qendrës Historike.

Kjo kronologji nuk mund të mos ngrejë pikëpyetje të forta.

Si është e mundur që një objekt historik, i cili deri dje paraqitej si rrezik për t’u ruajtur, sot të konsiderohet i përshtatshëm për një ndërhyrje që ndryshon rrënjësisht karakterin e tij?

Si është e mundur që në zemër të Qendrës Historike të propozohet një projekt që, sipas dokumenteve të publikuara, ka ngritur shqetësime serioze edhe tek specialistët e trashëgimisë kulturore?

Qendra Historike e Shkodrës nuk është një parcelë ndërtimi ku arkitektët e kryetarit të Bashkisë mund të imponojnë vizionin e tyre. Është një pasuri e trashëguar nga breza të tërë, që duhet mbrojtur, jo transformuar.

Historia e Shkodrës nuk fillon me Benet Becin dhe nuk mbaron me mandatin e tij. Por mënyra se si ai do ta trajtojë Gjuhadolin do të mbetet pjesë e gjykimit që qytetarët do t’i bëjnë kësaj administrate.

06/08/2026

”Sistemi i BE ka dështuar”, Braçe për radhët e shqiptarëve në kufirin Kroaci-Mal i Zi: 7 orë pritje

Deputeti i PS-së, Erion Braçe, ka reaguar për pritjet e gjata të emigrantëve shqiptarë në kufirin mes Kroacisë dhe Malit të Zi, duke kritikuar procedurat e skanimit të fytyrës gjatë daljes nga Bashkimi Evropian.

Sipas Braçes, qindra emigrantë shqiptarë që po kthehen me rrugë tokësore drejt Shqipërisë po përballen me pritje që zgjasin deri në 6–7 orë në kufi, për shkak të skanimit të fytyrës.
Ai thotë se vetëm gjatë një dite ka marrë 12 mesazhe nga shqiptarë me banim dhe punë në Evropën Perëndimore e Qendrore, të cilët i kanë raportuar vonesat në pikën kufitare.

06/08/2026

Rama mbledh ministrat në Pogradec, ndryshime në qeveri.

Kryeministri Edi Rama do të bëjë bashkë kabinetin qeveritar si traditë e një ”retreati”, edhe pse jemi në muajin e pushimeve verore. Takimi është parashikuar të zhvillohet më 24 dhe 25 gusht në Pogradec, ku ministrat do të prezantojnë objektivat dhe prioritetet e institucioneve që drejtojnë për periudhën e ardhshme.

Në fillim të shtatorit nuk përjashtohet mundësia e mbledhjes së Asamblesë Kombëtare të Partisë Socialiste, përpara rikthimit të Kuvendit në punimet e tij më 7 shtator. Një zhvillim i tillë mund të shërbejë si momenti ku kryeministri do të vendosë për ndryshime të mundshme në përbërjen e qeverisë.

06/08/2026

Arjan Bellaj flet pas miqesores Beselidhja 1-1 Vora

06/08/2026

Harta e braktisjes në Shqipëri: 13% e territorit është boshatisur nga 2011 deri në 2023

Një hartë e publikuar mbi zonat e braktisura nga 2011 në 2023, në kuadër të propozimeve të reformës se territoriale bazuar në të dhënat e INSTAT, tregon se fenomeni i braktisjes është i përhapur pothuajse në të gjithë vendin, por ai shfaqet më i theksuar në zonat malore, të thella dhe me dendësi të ulët popullsie.
Sipas hartës si me poshtë sipërfaqja e klasifikuar si e braktisur arrin në rreth 13% të territorit, ose afërsisht 1,519 kilometra katrorë.
Vihet re se përqendrimi më i madh i zonave të braktisura është në veri dhe verilindje të vendit, në bashki si Tropojë, Kukës, Dibër, Mat, Mirditë, Fushë-Arrëz, Pukë dhe Malësi e Madhe.
Në këto zona, njollat e kuqe që tregojnë braktisjen janë më të dendura dhe më të shpërndara në hapësira të gjera, çka sugjeron tërheqjen e popullsisë nga fshatrat dhe vendbanimet periferike.
Fenomeni është i dukshëm edhe në brezin qendror-lindor të vendit, duke përfshirë zona të Librazhdit, Elbasanit, Gramsh*t, Përrenjasit dhe Skraparit, si dhe në disa pjesë të Beratit e të Korçës.
Edhe në jug, harta tregon prani të konsiderueshme të zonave të braktisura në bashki si Përmeti, Tepelena, Kolonja, Memaliaj, Gjirokastra dhe zona të tjera të brendshme.
Në krahun tjetër, korridori perëndimor dhe qendrat urbane më të mëdha paraqiten më pak të prekura nga braktisja. Zona me dendësi më të lartë popullsie, si Tirana, Durrësi, Fieri dhe pjesë të bregdetit, shfaqin grumbullime më të forta të popullsisë dhe relativisht më pak sipërfaqe të braktisura në bërthamën e tyre, edhe pse në periferi dhe në njësitë më të largëta shfaqen sërish vatra braktisjeje.
Harta konfirmon një zhvendosje të vazhdueshme të popullsisë nga zonat rurale, malore dhe me akses më të dobët drejt qendrave urbane dhe ultësirës perëndimore.

Kjo situatë rëndohet ndjeshëm nga mungesa e shërbimeve thelbësore publike, si infrastruktura rrugore e amortizuar, mungesa e transportit publik, si dhe vështirësitë në aksesimin e kujdesit shëndetësor dhe arsimit cilësor në zonat e thella./ Monitor

06/08/2026

HISTORI. Katër muaj mbrojti portën e Vllaznise me një jetë që rritej brenda saj.

Për vite me radhë ishte ajo që qëndronte mes shtyllave, duke mbrojtur portën e Vllaznisë dhe duke përjetuar nga afër emocionet, sakrificat dhe sukseset e një prej ekipeve më të mëdha të futbollit të femrave në Shqipëri. Por tashmë, Ardiola Raxhimi nis një kapitull të ri. Pas një ...

06/08/2026

Elvis Plori flet pas ndeshjes Miqesore Beselidhja 1-1 Vora

Elvis Plori flet pas ndeshjes Miqesore Beselidhja 1-1 Vora

06/08/2026

Nga pikniku te mesazhi për qytetarët, zv.ministrja Edona Bilali mbledh vetë mbeturinat në bregun e Bunës

Një piknik familjar në Dajç u shndërrua në një mesazh sensibilizues për mbrojtjen e mjedisit nga zv.ministrja e Infrastrukturës dhe Energjisë, Edona Bilali.

Përmes një videoje të publikuar në rrjetet sociale, Bilali promovon bukuritë natyrore të bregut të Bunës, duke e cilësuar zonën si një destinacion ideal për të kaluar kohë me familjen, mes gjelbërimit dhe qetësisë që ofron natyra.

Megjithatë, krahas peizazhit, ajo nxjerr në pah edhe një problem që vazhdon të dëmtojë këto hapësira: mbeturinat e hedhura nga vizitorë të papërgjegjshëm. Në vend që të ndalej vetëm te kritika, zv.ministrja vendosi të japë një shembull konkret, duke mbledhur vetë mbetjet e gjetura përgjatë bregut të lumit.

Me këtë gjest, Bilali u bën thirrje qytetarëve të tregojnë më shumë përgjegjësi ndaj mjedisit dhe të mos lënë mbeturina pas vizitave në natyrë, duke theksuar se ruajtja e pasurisë natyrore është një detyrim i përbashkët.

Videoja është shoqëruar me një apel për ndërgjegjësim, veçanërisht gjatë sezonit veror, kur zonat turistike përballen me fluks të lartë vizitorësh dhe, si pasojë, me rritje të ndotjes nga mbeturinat.

06/08/2026

“Kush protestues më shan, është i sharë”. Me këtë deklaratë të fortë, Ylli Manjani ka reaguar ndaj kritikave dhe sulmeve që thotë se janë drejtuar ndaj tij pas deklaratave të bëra për protestat dhe çështjen e votës.

I ftuar në një emision televiziv, ish-ministri deklaroi se është kthyer në një “personazh” nga disa protestues, të cilët sipas tij kanë nxjerrë jashtë kontekstit fjalët e tij.

Manjani i cilësoi këta persona si “mashtrues elektronikë”, duke thënë se deklarata e tij për “bukën e gojës” nuk lidhej me të drejtën për të protestuar, por me sh*tjen e votës.

“Kur kam thënë për ‘bukën e gojës’, e kam pasur në kontekstin e votës dhe jo për të drejtën për protestë. Sh*tja e votës nuk justifikohet në emër të bukës së gojës”, u shpreh Manjani.

Ai theksoi se nuk ka kundërshtuar daljen e qytetarëve në protestë, por sipas tij disa persona kanë deformuar qëndrimet e tij dhe kanë nxitur reagime kundër tij.

“Unë nuk u kam thënë shqiptarëve që mos dilni në protestë”, tha ish-ministri, duke shtuar se publikimi i numrit të tij të telefonit dhe sulmet personale janë pjesë e një fushate kundër tij.

Manjani përsëriti qëndrimin e tij ndaj atyre që e sulmojnë personalisht, duke deklaruar se nuk do të heshtë ndaj sharjeve.

Në lidhje me protestat, ai tha se ato nuk kanë një objektiv të qartë dhe i cilësoi si “absurde”, ndërsa pretendoi se në to ka pasur edhe elementë destabilizues.